رواية نبض السيف الفصل العاشر 10 - بقلم سارة محمد

نظرت نبض إليه وسكتت. والدها وهو يأكل: همم.. قلتي إيه يا نبض؟ نبض: موافقة يبابا.. عن إذنك. قامت من على الأكل ودخلت غرفتها وهي مش مستوعبة اللي حصل ولا إجابتها. بدأت تاخد نفسها بالراحة. وقفت قدام مرايتها ومسكت الرواية اللي رمتها. وقالت: كل ده كذب.. اللي بيدور في المسرح غير اللي بيدور خلف الكواليس. خلينا نعيش في الواقع شوية. سيف! سيف إيه اللي يحبني أصلاً.. ده شخص مبيطيقنيش.

جلست على الأرض جنب الرواية وبدأت تمسح دموعها. أخذت الرواية من على الأرض ورجعتها جنبها على السرير ونامت وهي بتعيط. صحيت قبل الفجر. فتحت باب البلكونة وطلعت. بصت ملقيتش سيف. صوت جواها قالها: وأنتي مش عاوزة تشوفيه أصلاً.. وبعدين أحسن إنك مبقتيش بتشوفيه. الفجر أذن. توضأت وصليت وفضلت تعيط. كانت أول مرة تخشع في الصلاة كدا. بعد ما خلصت صلاتها وحكت لربنا كل حاجة، سمعت صوت بيقولها:

يا ابن آدم خلقتك لعبادتي فلا تلعب، وقسمت رزقك فلا تتعب، وفي أكثر منه لا تطمع، ومن أقل منه لا تجزع، فإن أنت رضيت بما قسمته لك أرحت قلبك وبدنك وكنت عندي محموداً. نامت على المصلية وصحيت على المنبه. لبست ونزلت. دادا فاطمة: مش هتفطري يا نبض؟ نبض: لا يا دادا، هفطر في الكلية. الدادا: باباكي بيقولك تيجي بدري علشان الناس جايه النهارده. نبض: تمام يا دادا، إن شاء الله. طلعت وهي مستنية التاكسي زي كل يوم وركبت فيه ومشيت.

دخلت المدرج. بصت على أميرة قاعدة فين وراحت قعدت جنبها. أميرة استغربت شوية. أميرة: نبض.. ولسا هتتكلم. نبض: نتكلم بعد المحاضرة. بعد المحاضرة. نزلوا قعدوا في الكافيه.

أميرة: نبض، أنا لما كنت في المستشفى الممرضة قالت لي إن هذام هو اللي جاب لي البلازما وإنه عمل المستحيل علشان يجيبها لي. مش قادرة أحكيلك كان بيعاملني إزاي. قالهالي في وشي إنه مبيحبنيش وبيحب أمنية. يا نبض، قتلني بسكينة لمة. أنا عارفة إن اللي أنا عملته غلط وغلط كبير كمان. وأنتي مكلمتنيش من وقتها وكمان سيف.. سيف مش راضي يبص في وشي حتى. امبارح ساعة ما هشام جه ووقف معايا. قالي إنه كان مغصوب على أمنية وإنه أسف إنه ظلمني وإن باباه هو اللي كان غاصبه. لكن دلوقتي باباه مات وإنه هيسيب أمنية ويخطبني.

نبض باستخفاف: وأنتي صدقتيه؟ هتفضلي طول عمرك خايبة. أنا كلمتك علشان أعزمك على خطوبتي. أميرة بصدمة: خطوبتك؟ نبض: آه، خطوبتي. اتقدملي دكتور شغال في المستشفى عند بابا وجاي النهاردة هو وأهله. أميرة: أنتي مقتنعة؟ نبض بشرود: مش عارفة. أميرة: باباكي أجبرك؟ نبض بألم: أنا اللي أجبرت نفسي. وأخذت شنطتها ومشيت. فضلت ماشية مش عارفة هي رايحة فين. وقفت تاكسي لما تعبت وقالت له على العنوان علشان تروح.

نبض من كتر التفكير، وقفته قبل الفيلا بنص شارع قدام فيلا تانية ونزلت. أول ما نزلت من التاكسي حسّت إنها دايخة. مشيت خطوتين بالعافية وقررت إنها تتحرك تعدي الجنب التاني علشان الشمس. خطوتين وبقت في نص الطريق. لقيت نفسها بدأت تدوخ أكتر. سمعت صوت كلاكس عربية. وبكل غباء صاحبها مش بيشيل إيده. لقيت رجليها سابت مرة واحدة ووقعت على الأرض بتحاول إنها متفقدش الوعي. صوت الكلاكس وقف ونزل من العربية الشخص ده. بجمود: أنتي كويسة؟

نبض حاولت ترفع راسها وتبص له. لقيته سيف. نبض: آه، أنا كويسة جداً. سيف: طيب، لما أنك كويسة، ممكن تقومي من نص الطريق علشان أعدي؟ نبض: آه جداً.. أنا اتكعبلت بس ووقعت. وأول ما وقفت لقيت الدنيا اتقلبت بيها. فتحت عينيها بسرعة لقيت نفسها بين إيدين سيف، وهو بيقول لها: واضح جداً إنك كنتي متكعبلة. بعدته عنها بسرعة ورجعت لورا. ساندت على عربيته. نبض: لو سمحت، امشي. سيف: يعني أنتي متأكدة إنك مش محتاجة مساعدة؟

نبض بعد ما كانت ساندة على عربيته، بعدت وقالت له: اتفضل. ركب العربية ومشى. دخلت البيت وهي مش شايفة قدامها. الدادا: إيه اللي أخرك كدا يا نبض؟ الناس على وصول. وإيه ده؟ ليه وشك أصفر كدا؟ يالا علشان تلبسي. نبض: ما أنا لابسة. الدادا: لابسة بنطلون يا نبض؟ هتطلعي للناس ببنطلون؟ البنت في يوم زي ده بتطلع بفستان. أنا حضرت لك الفستان. ادخلي البسيه. نبض: تمام. ودخلت اترمت على السرير. بعدها بعشر دقايق. الدادة: إيه ده يا نبض؟

أنتي لسه ملبستيش؟ دا الناس تحت. نبض: هلبس حاضر. قامت لبست ونزلت. سلمت عليهم. كان عمر جاي هو ومامته. مامته: بسم الله ما شاء الله، عروستنا زي القمر. طول عمري بدعيلك يا عمر. عمر كان بيبص لنبض، وهي مكنتش بتبص له خالص. الناس مشيت. وطلعت أوضتها. قلعت الفستان وفضلت تقطع فيه وتقول لنفسها بحرقة: ليه وافقتي يا نبض؟ ليييه؟ سابت الفستان متقطع على الأرض ورمت جنبه المقص. ونامت.

باباها الساعة 12 بالليل بيخبط على الباب. جريت زفت الفستان تحت السرير وفتحت له. باباها: إن شاء الله بكرة عمر هيروح معاكي تجيبوا الشبكة. والخطوبة الجمعة الجاية. نبض بصدمة: الجمعة الجاية؟ باباها: آه يا حبيبتي. ربنا يسعدك. وخرج. في بيت سيف. أميرة بتخبط على الباب. أميرة: ممكن أدخل؟ سيف: لأ. فتحت الباب ودخلت. سيف بعصبية: أنا مش قولت لأ.

أميرة وهي بتحاول تستعطفه: بالله عليك اقبل اعتذاري علشان خاطر ماما الله يرحمها. أنتي مش بتقولي إني شبهها؟ كده سكتت على سيف لأنه كان بيحب مامته جداً، وموصي غيره على أخته أميرة قبل ما تموت. أميرة قعدت جنبه على السرير وعيطت. لما مردش عليها، راح واخدها تحت دراعه وبايس على راسها. أميرة: نبض هتتخطب. سيف: مبروك. أميرة: بس أنا سألتها لو باباه أجبرها، ردت عليا رد غريب قوي. سيف بتهتهة: رد إيه؟ أميرة:

قالت لي: أنا اللي أجبرت نفسي. نبض تاني يوم، عمر جه أخدها وراحوا عند الجواهرجي. عمر: الشكل ده أحسن ولا ده؟ نبض: اللي أنت تحبه. عمر: تاخد ده ولا ده؟ نبض بشرود: أي حاجة. وركبوا العربية. عمر: عاوزة تجيبي الفستان منين؟ نبض بتعب: عاوزة أروح. عمر باستغراب: والفستان؟ نبض: مش مهم. عمر بص لها وقال لها: مالك؟ نبض: حاسة إني تعبانة وعاوزة أروح. روحني لو سمحت. عمر: تمام. بس حاسة بإيه؟ نبض: بولا حاجة.

عمر وقف قدام فيلتها بعربيته ونزل فتح لها الباب ومدي لها إيديه علشان تسند عليه. قررت إنها متمدلهوش إيديها. بس بصت لقيت سيف بيبص عليها ومعدي بعربيته. فغيرت رأيها ومدت لعمر إيديها. يوم الخميس بالليل. نبض قدامها فستان الخطوبة، الدهب وكل حاجة موجودة إلا الفرحة. وقفت قدام المراية تاني وقالت لنفسها بزعيق: أنتي مبتضحكيش ليه؟ ليه هااه؟ عاوزة إيه أكتر من كدا؟ وبانفعال: أعمل إيه علشان تفرحي؟

ومسكت إزازة البرفيوم ورميتها في المراية والمراية اتكسرت. من غير ما تحس، لقيتها وطيت ومسكت إزازة. وطلعت البلكونة. بصت على بلكونة سيف لقيتها مقفولة. مسكت الإزازة وفضلت تعور في إيديها لحد إيديها ما بقت عبارة عن خريطة. سمعت صوت بيقولها: أنتي بتعملي إيه؟ رفعت عينيها لقيت سيف واقف قصادها وبيكلمها. نبض رفعت راسها وبصت له وابتسمت وهي وشها متغرق دموع. سيف: الدم اللي في إيدك؟ نبض فضلت باصة لسيف ومبتنطقش.

سيف بزعيق: نبض ارمي الإزازة دي. أنتي عملتي إيه في إيدك؟ نبض وهي باصاله، رفعت الإيد اللي ماسكة الإزازة وقربتها من الإيد اللي مليانة جروح. وقررت المرة دي تقطع شرايينها. كل مدى ما بتقرب أكتر من إيدها وبتضغط بالإزازة. سيف باصص بذهول مش قادر يعمل حاجة. طلع يجري جاب مسدسه وضرب جنبها نار. وقعت على الأرض أغمى عليها. أميرة طلعت تجري في البلكونة عند سيف على صوت النار. بصت لسيف وهو ماسك المسدس وقالت له بخضة: إيه ده يا سيف؟

سيف بص ناحية بلكونة نبض. وأميرة بصت هي كمان. لقيت نبض واقعة على الأرض. أميرة بصدمة: أنت عملت إيه؟ بصت لقيت باب أوضة نبض بيتفتح. شدت سيف ودخلت جوا. أميرة: سيف، أنت عملت إيه؟ سيف بصدمة: مكنش قدامي حل تاني. أميرة: ضربتها بالنار؟ سيف: لأ.. هي كانت هتقطع شرايينها وكنت بنادي عليها علشان توقف اللي بتعمله بس مكنتش بترد عليا. أميرة حطت إيديها على بؤها من الصدمة. وطلعت تجري لبست وراحت الفيلا عند نبض.

نبض على السرير. باباها بيزعق وبيكلم دكتور نفسي وبيقول له: أنت تيجي لي حالاً. ومسك التليفون رماه في الأرض. فر ووقف قدام رجل أميرة. باباها فضل يعمل لها في إيديها لحد ما الدكتور يجي ومكلمش أميرة. إيديها كلها كان فيها خدوش بس. كلها خدوش سطحيه. باباها بزعيق للشغالة: مبتاكلش؟ الشغالة: لا يا دكتور، مطلبتش مني أكل بقالها تلت أيام. هو بزعيق: ومقولتليش ليه؟ أخد باله من أميرة. هو: أنتي بتعملي إيه هنا؟

وإيه صوت ضرب النار اللي أنا سمعته؟ ده انضرب من عندكم؟ أميرة: لأ.. معرفش حاجة عن صوت ضرب النار. أنا كنت برن على نبض وهي مكنتش بترد عليا فجيت أشوفها. بابا نبض: الساعة 12 بالليل؟ أميرة: جيت أبأت معاها علشان خطوبتها بكرة. إيه اللي حصل لها؟ بابا نبض بص لأميرة وسابها وخرج. أميرة قربت من نبض وبدأت تجمع طرف الخير وتفهم حاجات كتير. وأهمهم.. إن نبض بتحب سيف. وإن سيف كمان شكله بيحبها. الدكتور جه وطلع

لها حقنة في المحلول وقال: حد يبات معاها النهاردة. أميرة: عمو، عندك مشكلة إن إني أبأت معاها؟ بابا نبض بعصبية: لأ. وخرج من الأوضة. وأميرة لقيت تليفونها بيرن. سيف: هي عاملة إيه دلوقتي؟ أميرة بخبث: بتموت. سيف بخضة: أنتي بتقولي إيه يا أميرة؟ أميرة: أنت بتحب نبض يا سيف؟ سيف: أنتي بتقولي إيه؟ أميرة: نبض خطوبتها بكرة يا سيف ومفيش حاجة هتتأجل. ومفيش حاجة هتستناك. متخليش كبريائك وكرهك للارتباط يضيعها منك. سيف: أعمل إيه يعني؟

أميرة: معرفش. اتصرف. اخطفها. معرفش. سيف: طيب، هي كويسة؟ أميرة: فكر يا سيف في حاجة تخليها كويسة. سلام. أنا هبات هنا معاها علشان هي عروسة ولازم نجهز من الصبح بكرة. وقفل السكة. نامت أميرة وصحيت على الباب وهو بيخبط. الشغالة: الميك اب أرتست وصلت وقاعدة تحت. أميرة: طيب، لما أقولك ابقي طلعيها. قربت من نبض وبدأت تصحيها. أميرة: إيه كل ده نوم؟ نبض فتحت عينيها. أميرة: نبض، متهزريش. وقومي اجهزي بسرعة علشان أنتي عروسة النهاردة.

نبض بدأت تستوعب الكلام وتجمع اللي حصل امبارح. وبصت لأميرة وبصت على إيديها. أميرة: بسيطة يا نبض. بسيطة. فوقي كدا عقبال ما ننده على الميك اب أرتست نفطر كلنا سوا وبعدين تبدأ شغلها. وقررت من الباب. وقبل ما تطلع ضحكت وقالت لها: فستانك قمر. نبض قامت من على السرير وحطت إيديها على راسها وقالت: إيه اللي أنا عملته امبارح ده؟ أنا أكيد اتجننت.

الميك اب أرتست بدأت تحط ميك اب لنبض وبعدين لأميرة. أميرة لبست سواريه. ونبض لبست فستان بيبي بلو. أميرة: متحمسة أشوف العريس قوي. بجد. نبض ساكتة. أميرة: هنزل أجيب مية وأجيلك. بعدها بدقيقتين. حد جه من ورا نبض وحط منديل على وشها. أميرة طلعت الأوضة. إيه ده؟ فين نبض؟ وجرت على بابا نبض وقالت له: يا دكتور، نبض مش موجودة. نبض بدأت تفتح عينيها على صوت بيقولها: