رواية نبض قلبي الفصل الخامس 5 - بقلم هيام ختعن

الو. خير في حاجة. المزة بتاعتك هنا في الجيم عندي. بتشتغل معايا. خالها مكلم محمد أخويا. أنا جاي أشرب معاك قهوة. ي ب.. كان سليم أنهى المكالمة قبل أن يسمع أي شيء. وهو بيسلم عليه بالإيد: عامل إيه. الحمد لله تمام. البت تقول عليا إيه دلوقتي. ما تقولش عليها بت. هي فين. استلمت الشغل. ناديها وسيبنا نتكلم مع بعض شوية. أنا مش عايز مشاكل مع أخويا. دي متوصي عليها. يعم روح أنت وأخوك انجز بقى وناديها.

وبالفعل نادي. مي دخلت مكتب أحمد وأول ما شافت سليم قلبها دق جامد. وقف أول ما شافها بكل حب: وحشتيني. وشها احمر من الكسوف وبدأت نبضات قلبها تزيد. مش هتردي عليا. اتكلمنا في الموضوع ده وأنت واحد خاطب. أنا مش بحب مايا وخطبتها بس عشان أرضي أمي. أنا أول مرة قلبي يدق كان ليكي أنت. ليه بتقسي عليا كده. أنا مش بقسي. أنا مش عايزة أظلم حد. والله ي مي أنا مش بتظلمي حد. أنا فعلاً مش بحبها وما كنتش راضي من الأول ودا نصيب.

أنا مش حمل وجع قلب. وأنا عمري ما هجرحك. بوعدك عمري ما هزعلك. سيبي لي فرصة. لـ. بدأ يتعصب: أنت يابنتي هتجننيني. ما كنتي ماشية كويس. إيه اللي حصل. أعمل إيه عشان تصدقي إني بحبك. ابعد عني. وجت مي تفتح باب المكتب وتمشي بس سليم جاه من وراها وقفل الباب بإيديه وكانت مي بين أحضانه. بصوت كله رعشة: ممكن تبعد. بهمس: لا. وقرب سليم منها عشان يقبلها. لاكن هي وقفته لما حطت إديها على وشه. لا ابعد.

بعد عنها وهي فتحت الباب وخرجت وكانت أنفاسها متعالية. وكان سليم متعصب عشان عمل كده وكان بيخبط على راسه. لنفسه: ي غبي ليه عملت كده. دي غير أي بنت عرفتها. أنت كده بتخسرها. ودخل عليه. في إيه. اهدي شوية. هتسوق إزاي وأنت كده. مش هتفرق. وخرج سليم وأخذ عربيته وراح المكان اللي قابلها فيه. في منزل سليم. نوسة كانت في المطبخ ورابطة راسها بشارب وكانت بتغني.

نوسة نانوسة مابقتش عروسة. فرحتها راحت راحت مطرح ماراحت. كان نفسها تطير زي العصافير بس عصفورها طار وهرب. آه ي نوسة آه. عز: في إيه ي نوسة. مالك عاملة في نفسك كده ليه. وهي بتعيط: عا عا عا. سابني ي عز بيه. مشالله عرفتي الواد يومين. جبتي أجله. لا دا جالي. إحنا لازم نسيب بعض. ليه. بيجولي مش لايقين على بعض. لا حول الله. معلش ي نوسة ربنا يعوض عليكي. عارفة إيه اللي جابني. إيه ي نوسة.

الشراب اللي استلفته من سليم بيه هردوا إزاي دلوقتي. هبقى أجيب له واحد تاني فداكي ي نوسة. وي ريتها تيجي على جد كده. في إيه تاني. القميص الأسود اللي استلفته منك هردوا منين. هو أنت عطيتيه قميص من عندي. هزت راسها: أيوه. ومتصور بيه ومنزلها على النت. وجابني. مم. عارفة ي نوسة أنا شكلي اللي هسترك في كفنك مش سليم. ما كفاكيش البنطلون أخدتي القميص. وريني الصورة اللي الهباب دا منزلاها. طلعت الصورة. أه.

الله يخربيتك أنت وهو. دا القميص الجديد بتاعي. دا أنا لسه مالبستهوش. دا بتمن شهريتك كلها. أنا هاخد قبضك وأجيب غيره. وأنا مالي. روح خده منه. ما أنتي اللي اتنيلتي وعطيتي القميص. عا عا عا. يعني عليكي ي نوسة ياللي مش لاقية حد يواسيك. خلاص اسكتي. مش هاخد حاجة منك. وبفرحة: ربنا يسترك. ستر النملة في جحرها وستر الصرصار في بولعته. ماتدعيش تاني ي نوسة. وفي الوقت ده دخلت نهال. والنبي ي نوسة اعمليلي فنجان قهوة عشان عندي صداع.

عيني ي ست الكل. مالك ي حبيبتي. ألف السلامة عليكي. الله يسلمك ي حبيبي. ماليش عندي. صداع عشان ماشربتش فنجان القهوة بتاعي. وفي الوقت ده كان جرس الباب بيرن. ده هتلاقي عوض بتاع الخضار. ربنا يستر. عز: ماتكمليش. أنا هروح أفتح الباب. وبالفعل راح عز يفتح الباب. وهو بيضحك: إيه ده يعوض. أنت لابس بدلة. لأ وكمان دي تلبسك أنت والجيران. أنت شحتها منين ده.

بفرحة: دي بدلتك ي عز بيه. نوسة ربنا يخليها لينا. استرانا كلنا وبتسلفنا هدوم. كان عندي فرح بنت أخويا وكنت محتار. قالت لي متحتارش. ي عز بيه عنده بدل كتير. هاديك بدلة منه. فلابستها من أول امبارح ومن جمالها عليا مش عايز أقلعها. غور ي غوض من قدامي. وحساب الخضار. ابقى خده من نوسة. وقفل عز الباب في وش عوض ودخل المطبخ لنوسة ومسكها من قفاها. أعمل فيكي إيه. قوليلي. ماتعملش. هو أنا بسالك عن رأيك. أيوه. هو أنا عملت إيه لكل ده.

عملك منيل. عمالة توزعي في هدوم. لا. أنا بستلفهم بس. الفكة في الصدور ي عز بيه. كفاية الناس بتدعيلك وبتجول ربنا ما يزنقك. زنقت الحمام. وهو بوديها يمين وشمال. أنا تعبت من اللي بتعمليه ده. هتموتيني. بعد الشر عليك ي عز بيه. إن شاء الله اللي… وربنا ما أنتي مكملة ي شيخة. كفاية الدعاوي الغريبة اللي بتدعيها.

هيهي. أهم حاجة إنها عجبتك ي عز بيه. اومال بقى لو جولتلك القصيدة اللي أنا كتباها هيحصل فيك إيه. هتفرفر مني كيف الفرخة الشمورة. أنت ي بله. أنت بتعرفي تكتبي قصايد. أيوه. دا أنا بقيت مثقفة كيف أم سيد. مين أم سيد دي كمان. شاعرة وبتكتب قصايد. وأنا لما اتجرحت كتبت قصيدة. استنى هجولهالك. لا متشكر. مش عايز أسمع حاجة. والنبي ما يحصل. لازم تسمعها.

القصيدة: آه ي جلبي ي مجروح ي اللي الهوا سابك مفتوح. شربت ميه ورويتك لحد ما طرحت زرع ودفيتك. إيه رأيك. عجبتك صح. أبهرتيني ي نوسة. روحي اعملي القهوة. وفي الوقت ده جاه سليم. مالك. مافيش. لا. قي. بيهزر معاه. شكلك عامل مصيبة. احكي. مش عايز أتكلم مع حد. اطلع بره وخللي نوسة تعملي حاجة أشربها. وخرج عز وقعد سليم على سريره. وكانت الغرفة مظلمة لا ينيرها إلا نور هاتفه. ودخلت نوسة من غير أي صوت. وكانت عاملة ماسك القهوة.

رمى التليفون وقلب كوباية اليانسون على إيد نوسة. أعوذ بالله من الشيطان الرجيم. انصرف انصرف. وجري وولع النور. بصويت: اتحرقت. اتحرقت. الحقوني. دخل عز ونهال على صوت نوسة. في إيه. شوف عاملة إيه في نفسها. متخيل بقى لما حد يدخل عليك في الضلمة بالمنظر ده. بيضحك: يالهوي. أنت إيه اللي عملاه ده. جولت أعمل ماسك بتفل القهوة. جريت. أنه حلو للبشرة. وجالوا إني منتكلمش طول ما هو على وشي. كنت متوقع الرد ده. حسبي الله ونعم الوكيل.

في مين. هيكون في مين. هو في حد غيرك جلب عليا اليانسون. بيضحك: شبر ونص بس جبارة. كفاية ي نوسة كده. مش كل حاجة تشوفيها على النت تعمليه. عا عا عا. يعني عليكي ي نوسة ياللي مش لاقية حد يجف في صفي. الكل جاي عليا زي النمل لما يتلم على الفرافيت. آه ياني. هي بتقول إيه. لا ماتشغلش بالك. بدام ما تقولك القصيدة بتاعتها وتفرفر كيف الفرخة الشمورة. بتضحك على الكلام. أنا رايحة أغسل وشي ومش مسامحاك ي سليم ي ابني.

ومشيت نوسة. والثلاثة بصوا لبعض. وفضلوا يضحكوا. وفصل صوت ضحكهم لحد ما قطعهم صوت رن هاتف سليم. الو. أخيرا رديت. مايا. وطي صوتك. سليم. أنت عايزني ولا لأ. لأني بجد تعبت. بكل برود: لا. وأنهى المكالمة من غير ما يسمع أي كلمة منها. كان قلبه قاسي مثل الحجر.

ومرت أيام وليالي صعبة على سليم. اللي كان ندمان على اللي عمله مع مي. وما كانش عنده جراءة إنه يشوفها. لأنه عارف إن رد فعلها هيبقى قاسي أوي. لأن هي مش كده. هي بنت جميلة حساسة. رغم جرأتها بس في حدود. وحشتيني. من يوم ما اشتغلتي وأنا مش عارفة أشوفكم. وانتي كمان ي مريومة وحشتيني. معلش سامحيني قصرت معاكي. مال صوتكم. اتخنقت بالعياط. تعالي. أنا محتاجة أشوفك. بقلق: طيب. أهدي ي حبيبتي. أنا هلبس وأجي. عند أحمد في الجيم.

عاش من شافك. خد على كده بقى. ليه. أنت مهاجر ولا إيه. أيوه. هسافر. أنت بتهزر صح. لا والله بتكلم جد. أنا تعبان أوي ي أحمد. وقلبي تعبني. رافضة تسيب لي فرصة. وأنا لازم أبعد وأنسى. أهدي ي سليم. الحياة مش بتقف على حد. أول مرة عينيه تدمع. وقفت معايا خلاص. يلا. أنا قولت أسلم عليك قبل ما أسافر. طيارتي كمان ست ساعات. وسلم سليم على أحمد ومشي. وروح بيتهم وودع أهله.