رواية نبض قلبي الفصل الرابع والعشرون 24 - بقلم هيام ختعن

دخل كل واحد فيهم عشان ينام. استغلت نوسة أن يوسف نايم لوحده في الأوضة ودخلت له. انسحبت نوسة في هدوء وكانت بتتلفت يمين وشمال. دخلت عند يوسف وقفلّت الباب، وكانت لابسة روب كله ريش. قربت نوسة من السرير عند يوسف وقعدت جنبه. حطت إيدها على وشه. نوسة: أنا حبيتك جوي يا أوز الأوزز، ونفسي تقولي بحبك يا نانوسة. قلبي وحياة عمري عشقت عنيك وشعرك السائح النايح ده، ولا طولك يا أدي الطول يا أدي الطول.

عارف يا أوز الأوزز، إحنا شبه بعض الخلق الناطق، ولكننا قولة واتقسمت نصين. وبتحط وشها على وشه، هنا حس بيها يوسف وقام مخضوض. يوسف: إيه؟ نوسة: ولا حاجة يا أوز الأوزز، جولت أجي أعد جنبك عشان لو احتاجت حاجة وأنت نايم. يوسف: قام من ع السرير. اطلعي بره. نوسة: لا مش طالعة، أنا هيأت هنا النهارده. يوسف: أنا اللي هطلع. وراح يوسف يفتح الباب، ولاقاه مقفول بالمفتاح. يوسف: افتحي الباب. نوسة: لا. يوسف: هخبط وأصحي البيت كله.

نوسة: ياه يا أوز الأوزز، دا أنا نفسي تعمل كده وأجولهم إنك كنت بتتحرش بيا ونتجوز أنا وأنت. يوسف: يا دي المصيبة يا رب، البت دي اتحدفت عليا منين. نوسة: قلعت الروب وكانت لابسة بدلة رقص. يلا نرقص بقى يا أوز الأوزز. وشغلت أغنية الجسمي "ستة الصبح"، وكانت بترقص وبتقرب من يوسف. نوسة: بتضحك ضحكة بصوت عالي. وبتحلف: ماتيجي هنا وأنا أحبك، أيوه أيوه يا نوسة. لولولولي. يوسف: بت، هاتي المفتاح. نوسة: بتحدف له بوسة وبتغني.

هي الحالة اشتغلت وبترقص، أيوه أيوه أيوه يا نوسة يا مولعاهم. يوسف: انتي شاربة إيه؟ نوسة: بتضحك بصوت عالي. بتتنطط: نعناع بالليمون ومفرفشني، هز معايا يا أوز الأوزز. يوسف: بيحط إيديه على وشه. يا رب أخلص من المصيبة دي إزاي. نوسة: بتصقف. وحلاوتك يا ناوسة وأنت مدلعاهم ومفرفشاهم، ولولولوي. يوسف: بيحط إيده على بوقها. أبوس رجلك يا شيخة، هاتي المفتاح وبطلي، هتفضحين. نوسة: بتتعلق في رقبة يوسف. شيلني يا أوز الأوزز.

يوسف: هاتي المفتاح وهشيلك. نوسة: لا لا، تبقي معدية، لا لا، ماتسلمش عليا، لا لا. لولولوي. وفي الوقت ده فاق عز على الصوت. عز: مسك موبايله، لاقها الساعة 3 بالليل. ولنفسه: أي حتة أم شيماء اللي شغالة دي. وبيصحي سليم. سليم: إيه يا بني؟ عز: قوم تعال نشوف إيه حتة أم شيماء اللي شغالة دي. سليم: سحب الغطا. قوم أنت وسيبني أنام. وقام عز عشان يشوف في إيه. وسمع الصوت جاي من أوضة يوسف. نوسة: بترقص وتغني.

أنا شارب سجاير بني، حاسس إن دماغي بتاكلني، أيوه أيوه أيوه يا بت يا نوسة. لولولولي. عز: لنفسه. مش دا صوت البت نوسة؟ بس إيه اللي وداها أوضة يوسف؟ وجرى عز على الأوضة. وجاه يفتح الباب، لاقه مقفول بالمفتاح. خبط ع الباب. عز: افتح يا يوسف. يوسف: مش راضية تديني المفتاح. عز: نوسة، ادي ليوسف المفتاح. نوسة: إيه؟ قول تاني كده. عز: اديله المفتاح يا نوسة. نوسة: بتصقف. لما يشيلني يا عز بيه، أيوه أيوه يا س نوسة.

عز: شيلها واخلص يا بني، هتصحي البيت وتفضحنا. وشال يوسف نوسة. يوسف: هاتي المفتاح، أنا شيلتك أهو. نوسة: لولولولي. يوسف: يلا يا نوسة، هاتي المفتاح. نوسة: ونتجوز؟ عز: هجوزكم وأشهد على العقد، بس ادي له المفتاح. نوسة: بوسني يا أوز الأوزز. عز: يا خيبتك السودة يا يوسف، بوسه واخلص. يوسف: لا طبعًا، أنت اتجننت. نوسة: ما جولتليش يا أوز الأوزز، إيه رأيك في ريحة الريحة اللي حطاها؟ يوسف: انتي مش أكلة فسيخ؟

نوسة: هههههه، جاتك إيه يا أوز الأوزز، دي ريحة. يوسف: جميلة، هاتي المفتاح. نوسة: عنيا. وعطته المفتاح وفتح يوسف الباب. عز: بص لنوسة. انت شاربة إيه؟ يوسف: والله ما جيت جنبها، أنا قمت لاقيتها حاطة وشها على وشه. عز: انتي شاربة إيه يا نوسة؟ نوسة: نعناع بالليمون مفرفشني ومدلعني، ولولولوي. عز: بيحط إيده على بوقها. بس اسكتي. نوسة: ههههه، هو أنا فين؟

عز: البت دي واخدة برشام هلوسة من اللي كانت عطياه لأبويا وأمي، لا إحنا هننبسط للصبح. نوسة: طلعت سجاير. أرقصي يا نوسة وفرفشي، واقلعي الشبشب ونعنشي. وبترفع إيديها لفوق وبترقص. أيوه أيوه يا نوسة، لولولولي. عز: بت يا نوسة، أنا منبهر بيكي، انتي جاية من شارع الهرم؟ نوسة: يا حلوتك يا أم حسين وأنتي منعنشة ومفرفشة، وصقفوا له، صقفوا له، هنرقص اليوم بطوله. يوسف: اتصرف يا عز. عز: يا عم سيبنا نتفرج، دي عدت كل شخصيات الرقاصين.

نوسة: عز بيه. عز: نعم يا نوسة. نوسة: بتحدف له بوسة. انت جلب الجلاب والايد والرجل، لولولولي. يوسف: البيت هيصحى يا عز وهتفضحنا. عز: لا، أنا حاضر الفقرة دي قبل كده مع عمك ومرات عمك، بس فقرة نوسة أجمد، بس بقي سيبني أتفرج وأسكت، يلا يا نوسة كملي. نوسة: بتصقف وترقص وبتغني. أجرت البسكليتة ويا صحابي في الحتة، وصاحبها راجل جته، بيجولي الساعة كام. عز: كملي كملي، إحنا الفجر هيأذن، يمكن ربنا ينزل عليكي الهداية من عنده.

يوسف: أنا عايز أنام يا عز. عز: تنام إيه؟ دا مفيش أحلى من الفرفشة، عارف يا يوسف، بفكر أشرب من البتاع اللي البت نوسة شارباه ده، يالهوي، واتفرج عليا، هعدي صفينار في الرقص. نوسة: شجعوني شجعوني، وغانولي وغانولي، وجولولي وجولولي يا نوسة، أيوه يا نوسة أيوه. عز: شجع معايا الفنانة يا نوسة، أيوه يا نوسة أيوه. نوسة: عز بيه. عز: عيونه. نوسة: طبلي. عز: بيزق يوسف. وسّع يا بني، أطبل. يوسف: عز، بطل استهبال ووقف المسخرة دي.

عز: لا، سيبها، أقسم بالله دي فقرة أحلى من الساحر، وبيطبل، يلا يا نوسة. نوسة: بترقص وبتطلع وبتنزل. بص بص، اللقطة دي، طب بصص، بص الحركة دي. عز: لا، مش عجباني، الأداء الأول كان أحلى، دا كده واحد عنده تسلخات بيرقص. نوسة: صقفوا له، صقفوا له، وهنرقص اليوم بطوله، وأيوه يا نوسة أيوه، فرفشيهم ودلعيهم، أيوه، وطبل طبل يا عز بيه، ونوسة ترقص وتجول هي، ويلا يلا يا عز بيه، نروح الملاهي ونجول هي، أيوه أيوه يا نوسة، لولولي.

وفي الوقت ده جاه سليم. سليم: إيه الريحة دي؟ يوسف: اللي فارق معاك الريحة، وما خدتش بالك من الشكل؟ نوسة: طبل طبل يا عز بيه، ونحي سليم بيه، ونجوله. منورنا، منورنا، أيوه أيوه يا نوسة يا مدلعهم. سليم: البت دي واخدة. عز: هو بس العيار تقيل شوية. سليم: طيب هنعمل فيها إيه؟ عز: سيبها تفك عن نفسها، دلوقت الفجر يأذن وربنا ينزل الهداية من عنده. نوسة: عز بيه. عز: قلبه.

نوسة: فرفشني يا عز بيه، ورقصني يا عز بيه، أيوه أيوه أيوه. لولولولولي. عز: أكتر من كده فرفشة، الجيران هتطلع وفضحتنا هتبقى بجلالك وع الفضائيات. وراحت نوسة ع السرير. نوسة: أنا تعبت، عايزة أنام. وفي الوقت ده الفجر أذن. عز: مش قولتلكم، ربنا هينزل الهداية من عنده. ومر باقي الليل، وكانت نوسة نائمة في الأوضة بتاعة يوسف. وأول ما قامت بصت لنفسها. نوسة: يوه يوه يوه، هو أنا إيه اللي جابني هنا؟ وطلعت من الأوضة، لاقت عز.

عز: صباح الخير يا نوسة. نوسة: صباح النور يا عز بيه. عز: والنبي كنتي عسل امبارح. نوسة: لي؟ عملت إيه؟ عز: دا أنتي كنتي متقمصة كل شخصيات الرقاصين، كنتي جامدة. نوسة: لا يا شيخ. عز: انتي كنتي شاربة إيه؟ نوسة: عصير نعناع بالليمون وحطيت معاه برشام يفرفشني. عز: دا فرفشك وفرفشك، ابقي اشربي منه كله مرة. نوسة: هو أنا إيه جابني أوضة يوسف؟ عز: لا دي حكاية طويلة، روحي غيري هدوم ونفطر، وأحكي لك.

وراحت نوسة تغير هدومها، والكل صحي وحضر الفطار، وفطروا، وكل واحد نزل شغله، ومي روحت بيتها، ويوسف ونور روحوا معاها.