رواية نبض قلبي الفصل السابع والعشرون 27 - بقلم شروق خالد

زياد وهو يرمي الصورة على ملك ويضحك بشدة. "شوفي واتفرجي بعينك. ادي البني آدم اللي عامل نفسه بيحبك بيضحك عليك، بيتسلى بيكي زي ما عمل مع اللي قبلك. وشوفي بقى الصور واحكمي بنفسك." ملك وهي تنظر للصور وتدمع عينها، ثم تنظر إلى زياد. زياد وهو ينظر إليها: "مالك؟ أنتِ عايزة تقولي حاجة؟ يذهب إليها ويفك اللاصق من على فمها. ملك وتصرخ عليه بصوت عالٍ: "أنت كذاب!

الصور دي متفبركة. أنا حاسة إنها مش أصلية. عمر أسد ما يعمل كده، أسد بيحبني، أنت فاهم؟ بيحبني." زياد وهو يضحك عليها بصوت عالٍ: "ولما هو بيحبك ليه لغاية دلوقتي ما اتحركش ولا جه ينقذك؟ ولا هو ده كلام وبس؟ حب من غير فعل. انسي يا حبيبتي، هو دلوقتي راحت له حبيبته الأولى وكان معاكي بيسلي وقته. هم دلوقتي مع بعض. وتحبي أوريك الصور اللي هم الاثنين مع بعض؟

يفتح التليفون ويخرج صورة لأسد وأميرة وهما في المستشفى، وهو يحملها على يده ويدخل بها الغرفة ويضعها على السرير. "شوفي بقى العشاق بيعملوا إيه في المستشفى. مستغفرينك يا حبيبتي ومستغفل أخوكي وعايز يلبس الليلة كلها لأخوكي. وأنتِ بقى افهمي الباقي بطريقتك الخاصة لو كنتِ مثلاً بتفهمي يا حلوة." يضحك ويخرج من الغرفة.

ملك وهي تنظر يمين وشمال في الغرفة وتصرخ وتحاول أن تفك الخبل من يديها. بعد مدة، تعور يديها وتفك الرباط. تنظر يمين وشمال في الغرفة وترى مسدس على الطاولة. تفك الرباط من رجلها وتجري على المسدس. زياد وهو يجلس بالأسفل ويضحك. "كل حاجة أخدها منك يا أسد، حتى ملك اللي أنت بتحبها أخدتها منك. وأميرة هجيبها، هجيبها. وشوف بقى هتعمل إيه أنت. أنا وراك وراك يا أسد ومش هسيبك." يضحك وهو ينام على الكنبة.

يتذكر المسدس التي وضعه في الغرفة ويجري بسرعة إلى الأعلى. يفتح الباب ويلقى ملك ماسكة المسدس في يدها. يصرخ عليها ويجري. "أنتِ بتعملي إيه يا مجنونة؟ هاتي البتاعة اللي في إيدك ده، ده مش لعبة." يمسك يدها. ملك تحاول أن تأخذ منه المسدس وهو يحاول أن يأخذه منها ويشده. هما الاثنان مع بعض، وترفع ملك يدها إلى الأعلى. زياد وهو ينزل يد ملك إلى الأسفل ويشدهما. هم الاثنين مع المسدس وتخرج منه طلقة. ملك تنظر إلى زياد بصدمة.

وزياد ينظر إلى ملك بصدمة.