رواية نبض الفصل السادس 6 - بقلم نور احمد

في الصباح، لبست نبض لتذهب إلى الكلية ونزلت لتفطر. قابلت أمجد. نبض: صباح الخير يا أمجد. أمجد: صباح النور يا نبض. كنت عايزك في حوار كده. نبض: إيه؟ أمجد: عايزك تيجي معايا نشتري بدلة، على ذوقك. عندي فرح واحد صاحبي. نبض: ممم، خلاص تمام. هقول لآدم وسليم وأجي معاك. أمجد بنرفزة: وإنتي تاخدي رأيهم ليه؟ إنتي خارجة مع ابن عمك مش حد غريب.

نبض بتوتر: أمجد بجد مقصدتش، بس عشان بيقلقوا عليا جدا. بس إنت أكيد مش غريب. بس تمام، عايزني إمتى؟ نبض: بعد محاضراتك هتخلصي إمتين؟ نبض: ممم، على اتنين كده. أمجد: تمام، هعدي عليكي. ياريت لو مشيتي مع ندى بعربيتها وتسيبي عربيتك، هتبقى معايا. نبض: تمام، يلا ننزل نفطر، جعانة. أمجد بضحك: يلا يا طفسة. آدم: أحم، صباح الخير. نبض: صباح العسل. أمجد: صباح الخير. آدم حط إيده على كتف نبض: عاملة إيه النهاردة يا حبيبتي؟

نبض بابتسامة: لا، أحسن كتير. أمجد: لي؟ كان فيكي إيه؟ نبض: مفيش مشكلة كده. أمجد: إيه يعني؟ حد ضايقك؟ سليم دا عملك حاجة؟ نبض: لا، سليم ملوش دعوة. كنا مع بعض امبارح. طنط عبير زعلتني شوية، بس آدم وسليم مسبونيش زعلانة. أمجد بغيرة: مممم، طب كويس والله. آدم بتوتر: أحم، يلا ننزل. ندى جايه بتجري: خيااااانة! فين حضن ندى حبيبتك؟ آدم: تعالي يا زغرودة. وخدها في حضنه. أمجد بغيرة أكتر: آه، وأنا بقا ولا إيه؟ أشمعنى آدم؟

ندى بتلقائية راحت حضنته. وهوه بس لنبض اللي لأول مرة وقفت عاجزة، بس ندى أحرجته. ندى: إيه يا بنتي؟ يلا تعالي خدي حضن الصباح من أمجد زي آدم. أمجد فتح دراعه وبصلها وسكت. وهيا راحت عليه. أمجد أول ما نبض حضنته قلبه دق. وساعتها حس إن لازم يعمل أي حاجة عشان تكون في حضنه على طول. آدم مسبهاش في حضنه. وشدها: متيلا يجدعان بقا جعانين. وخدها من إيديها ونزلوا. وهيا مسكت فيه جدا. وهوه طمنها بعينه. وقعدوا وفطروا.

وخرجوا الشباب الأربعة. ولقوا سليم واقف على العربية. وكان لابس جينز وتيشرت أبيض وكوتشي أبيض ونظارة. وفي إيده بوكيه ورد. أما نبض فكانت لابسة جينز واسع وتيشرت أبيض. وأول ما شافته فرحت جدا وجريت عليه. وهوه اداها بوكيه الورد وباس إيدها. سليم بحب: حبيبتي، عاملة إيه النهاردة؟ نبض: كويسة، لما شوفتك والله. آدم بغيرة: ممم، رجلك خدت على الوقفة معاها. سليم بضحك: حبيبي، يجنني. ندى: يا عم سليم يا جامد. سليم: قلبي يا سمراااا.

آدم: لا بقولك إيه؟ لم نفسك بدل ما نكد عليك. أمجد راح عليهم: مم، يلا يا نبض مع ندى. سليم: لا، أنا هاخدهم معايا. أمجد: مش لازم. نبض: وفيها إيه يا أمجد؟ ما سليم جاي الجامعة. وأنا وندى رايحين. إيه يعني؟ صح يا آدم؟ آدم: آه صح. بس والله لو حصل غدر، أنا هديك رويتر. هتيجي تقولي على كل حاجة. سليم: ههه، لا متخافش. ندى: طب هي جابت لها ورد وأنا إيه؟ لا، زعلانة بجد. وأنا مش صحبتك وأختها؟

سليم: وأنا يهون عليا يا سمرا. وجاب شوكولاتة وداها لها. ندى: الله عليك! لا، هستر عليك. سوري يا آدم. آدم: واطية. أمجد بستفزاز: متنسيش معادنا يا نبض. نبض شتمته في سرها: ها، آه. تمام، لا مش ناسيه. سليم بغيرة: معاد إيه؟ أمجد خبط على كتفه: هتبقا تقولك. يلا يا آدم. آدم بص لامجد بضيق. وبعدها بص لنبض بابتسامة. وهيا ابتسمتله بتوتر. ومشيوا. وسليم وندى ونبض ركبوا العربية. وسليم ساكت ومدايق. نبض بتخفيف للموقف: أحم، سليم.

سليم: ساكت. نبض: سليم. سليم بزعيق: قولت مفيش. ندى: صلوا على النبي. منتوا كنتوا كويسين. إيه اللي حصل؟ نبض: مش عارفة. سليم: والله. نبض: طب قلبت وشك ليه؟ سليم: نبض، اسكتي دلوقتي. نبض اتضايقت وسكتت. ووصلوا ندى للكلية. وهما راحوا الكلية. وكل ده ساكتين. نبض: على فكرة، أمجد طلب مني أروح معاه النهاردة بعد المحاضرة يجيب بدلة عشان فرح واحد صاحبه. سليم: ممم، كويس. أنا عرفت. نبض: كنت هقولك والله. سليم: وتروحي معاه ليه؟

أنا مش برتاح له. أمجد ده بكرهه على فكرة. بحسه غريب، ونظراته ليكي أغرب. وأنا مش هسكت له كتير. أنا اللي حايلني عنه إنتِ. نبض: واشمعنى أمجد يعني؟ منتا مكنتش بتحب آدم. سليم: الإنسان بيبان من تصرفاته ونظراته وكلامه. وأمجد ده غريب. وكل حاجة فيه غريب. لاكن آدم بيعاملِك أختُه. وأنا اتأكدت من ده. لاكن أمجد لأ. نبض: لا، مفيش خروج معاه لوحدك.

نبض: يبني، دا ابن عمي. أكيد مش هيأذيني ولا هيعمل معايا حاجة. يعني، وبعدين أنا عارفة حدودي كويس. سليم: وهروح معاه عشان ما يزعلش وخلاص. سليم برفض: لا، بردوا. نبض: يوه، يا سليم بقا. بقولك هيزعل. سليم بصراخ: يتفلق زفت على دماغه. متعصبنيش يا نبض. نبض بهدوء: سليم، ممكن تهدي؟ هروح معاه وخلاص. هيزعل، ودا ابن عمي. ومش عايزة أزعله. أنا بعتبره أخويا. حط تحتها مية خط.

سليم طنش الكلام: مفيش مرواح. ويلا عشان المحاضرة. وشدها وراه. ونبض اتضايقت جدا. خلصوا السكشن. ولسه هيخرجوا، قابلتهم منال. فكرته. منال: سليم، عامل إيه؟ سليم: تمام يامنة. أخبارك إيه؟ منال: كويسة. طبعًا مش شوفتك. نبض بغيرة: والله. سليم بأستفزاز: تسلميلي يا منال. منال بخبث: عايزين نخرج خروجة زي اللي خرجناها أول مرة. يسلم. كانت تحفة. وبصت لنبض بأستفزاز: كانت عايزة. نبض بغيرة: مممم، متخرجيها.

سليم بأستفزاز: آه، هبقى أظبط يا منال وأقولك عليها. طول قريب إن شاء الله. نبض بعصبية وسابت إيده ومشيت. سليم لسه هيروح وراها. منال مسكت إيده: سيبك منها بقا. وخليك معايا. أنا بحبك. سليم: إنتي اتجننتي يا منال؟ أنا خاطب وبحب خطيبتي. منال: وأنا بحبك يا سليم. وهتكون ليا غصب عنك وعنها. سليم شال إيدها بعصبية: مش سليم الهاشمي اللي يتقاله كدا. فاهمة؟ وجري ورا نبض. وملحقهاش. سليم اتصل. مردتش.

سليم: والله يا نبض لو عملتي اللي في دماغك. نبض أصلاً كانت شافت أمجد وركبت معاه ومشيت. وهيا مدايقة. أمجد: مالك؟ قالبة وشك ليه؟ نبض: مفيش. أمجد: الواد دا زعلك؟ نبض: آآآه. نبض: أمجد، بجد مش قادرة أتكلم. أمجد: تمام. وشغل أغنية "حبيبي ولا على باله" لعمرو دياب.

نبض كانت بتسمع الأغنية ومدايقة جدا. بس سكتت. ووصلوا المول. وأمجد مسك إيدها وطلعوا نقوا مع بعض البدلة والجزمة والساعة. وبعدها قعدوا على كافيه. وجاب لها كابتشينو. وهوه قهوة. وشربوها. وركبوا العربية. أمجد: نبض، مش عايزك تزعلي مني. بس اللي هعمله دا من حبي ليكي. نبض بقلق: إنت بتقول إيه يا أمجد؟ أمجد طلع بخاخة وبخ عليها. وهيا فقدت الوعي. أمجد: أسف بجد. بس لازم أعمل كدا. وخدها وطلع بيها على الشقة بتاعته.

سليم فضل مدايق إنه زعل نبض. وقرر إنه يصالحها. ونزل صورة بأيديهم في العربية وهما ماسكين إيد بعض. وكتب:

"أنا عارف إنك زعلانة مني، بس أنا ما هانش عليا زعلك. وعارف إنك مش هتردي عليا وتخفي السين وهتعملي نفسك مقموصة وزعلانة. بس أنا مش بحبك زعلانة، ولا بحبك مدايقة مني. يا نبض، يمكن مش بحب أنزل كلام عنك كل شوية. بس بيجي علينا وقت بنبقى عايزين نورّي اللي بنحبهم قيمتهم عندنا. وده اللي أنا بعمله دلوقتي. إنتي غالية عندي جدا ومقامك كبير عندي. وأسف لو زعلتك وأضايقتي مني. بس متنكريش إنك استفزتيني. بس مش مشكلة، بحبك يا أغلى حاجة وأحلى حاجة في حياتي. يا أحلى صُدْفَة حصلتلي.

"عرفتك صُدْفَة فكتفيت بگ🤍✨" بحبك يا نبض قلبي. إنتِ. في حاجة فيكِ معرفش إيه هي؟ بتحلّيكِ دايماً في عينياااااااااا. وإنت معايا أنا بنسي الدنيا وبسرح فيكِ أنا كل شوبة. بسمع صوتك ينده ليااااااااا. دقات قلبي تبان في عنيااااااااا. بقي معقول دي حاجة عادية؟ لسه ملاك ومخبي علياااااااا. قولي إيه هي؟ سهل عليا الحيرة ديه. مش طبيعية أكتر ما الواحد يتمناااااااااااااااا. خدت الدنيا في عينك جنة؟

ولا كلامك آه يا حبيبي من رقة سمع بيتغنى. في حاجة فيكِ معرفش إيه هي؟ بتحلّيكِ دايماً في عيني. وإنت معايا أنا بنسي الدنيا وبسرح فيكِ أنا كل شوبة. بسمع صوتك ينده ليا؟ دقات قلبي تبان في عيني. بيه معقول دي حاجة عادية؟ لسه ملاك ومخبي عليا؟ "بحبك يا نبض سليم❤️✨"

سليم استنى يشوف رد فعلها. بس ملقاش أي حاجة. ولا بترد واتساب ولا مسدج. وفضل يكلم نبض بس مش بترد. كلم أمجد، مردش. كلم آدم وسأله، قاله إنه ما يعرفش حاجة. وكلم ندى. قالتله نفس الكلام. وقلقوا جدا إنهم مش بيردوا. سليم بنرفزة: أيوا يعني خدها فين؟ كل ده؟ آدم: اهدي يا سليم. تلاقيهم مش سامعين الفون. سليم: خطيبتي مع واحد ومش بترد، ولا هو بيرد. وتقولي اهدي. آدم: مهو ابن عمها. ومش هيأذيها.

سليم: وأنا إيه يعرفني يعني إنه مش هيعمل فيها حاجة؟ هوه أصلاً مش مظبوط. وأنا قولتلها مفيش زفت مرواح. بس هي ضربت كلامي في نص الحيطة ومشت اللي في دماغها. اتفضل الساعة 10 بليل ولسه مرجعوش من الساعة 3. وعايزني أهدي. آدم: منا كمان قلقان عليهم. بس مش معناه إني أفقد أعصابي. هما إخواتي. وأنا عايز أطمن عليهم. هما الاتنين. مش نبض بس. سليم سكت. وفضل يكلمهم. محدش بيرد. فجأة الجرس رن. وكلهم راحوا عند الباب. و...