تحميل رواية «نبضات قلب» PDF

ادهم: ياماحنين: ادهم بقه ركز معايا الله يكرمك

ادهم: هيح أيوه ياستي

حنين: بص ياسيدي ليا واحدة صحبتي عارفاك هي صحبتي من زمان أوي أوي

ادهم: طب ربنا يخليكو لبعض، إيه هتسيبو بعض يعني ولا إيه مش فاهم

حنين: أهدى بقه، المهم هي من واحنا عيال وهي معجبة بيك، أول ما عرفت إني نزلت مصر وهي واكلة دماغي

ادهم: واكلة دماغك إزاي يعني، ما انتي قدامي أهو ودماغك معاكي

حنين: يبني خفة دمك دي هتموتني

ادهم: عايزة إيه يا حنين؟ أخلصي

حنين: ممكن يعني تتقدملها، ده بت غلبانة، وادهم استنى بس هفهمك

ادهم: شششش، اخرجي برا ياختي، أنا ناقص تاخديني بيتها بالمرة، عرفيني على أهلها، جايبالي عروسة يا حنيييييين، في إيه يا جدعان، أنا عامل أزمة في البيت يعني ولا إيه، واكل أكلكم، لاحول ولا قوة إلا بالله، مهو أنا لما أجوز مش هسيب الڤيلا كده كده

حنين: لطفي استنى يا لطفي

بسم الله

فجأة ضحكت بصوت عالي

ادهم: إيه جيبالي عروسة انتي كمان

ملاك: هههههه، مشكلة حنين دي، والله ما تروح يابني، خلينا ناكل جاتوه بقه، الواحد عايز يفرح

ادهم: تؤ، مش هاكلك جاتوه، ماما يااا كوثر يا ست الحبايب

كوثر: في إيه يا عيال، ضحكوني معاكو

ملاك: ياستي، ادهم جايله عريس، اده قصدي عروسة

كلهم ضحكوا على ملاك ما عدا ادهم، بص لها بغيظ

ملاك بخوف: طب يا جماعة هستأذن أنا

بعد شوية

ملاك: حاضر ثواني

لبست ملاك الأسدال وراحت فتحت باب أوضتها، مكنش في حد، وفضلت تبص يمين وشمال، ولسه هتخش لقت علبة على الأرض، نزلت لمستواها وفتحتها، لقت فيها جاتوه ومحطوط جنبها ورقة، فتحتها ملاك بهدوء وهي متأكدة قبل ما تفتحها إن اللي جابلها الجاتوه ادهم

(حققتلك حاجة، لكن إنك تفرحي بيا دي معتقدتش، تفتكري اه صحيح أنا ادهم، أكيد عرفتيني يعني)

ملاك: هههههه، مجنون والله

ادهم كان واقف وساند على الحيطة: سمعتكم

ملاك بصت جمبها: عااااااا

ودخلت أوضتها وقفتلت الباب

ادهم: طب افتحي، خدي علبة الجاتوه

ملاك: انت هتموتني يابني

ادهم: بعد الشر عليكي، افتحي خدي علبة الجاتوه

ملاك فتحت الباب وخدتها ودخلت، وبعدين فتحت الباب تاني

ادهم: خير

ملاك: أنا راحة عند هبة

ادهم: إيه

ملاك: وحشتني أوي، بقالي كتير مشوفتهاش

ادهم: هتقعدي عندها

ملاك: لا مش هقعد عندها عشان جوزها، وكمان حياة مش هتحب تعيش هناك، حياة بتحبك ومش عايزة أحرمها منك

ادهم: طيب، شوية وهتيجي

ملاك: إن شاء الله

ادهم: طيب، أنا داخل آخد شاور وهوصلك في طريقي

ملاك: ملوش لزوم

ادهم: بس أنا عايز آخد شاور

ملاك: ههههه، يبني مش قصدي، بقولك ملوش لزوم على إنك تيجي توصلني

ادهم: بطلي هبل، أنا هاخدك في طريقي، ياريت تسمعي الكلام

ملاك: أنا هروح عادي لوحدي

ادهم: لالا

ملاك: طب هخش ألبس

ادهم: تمام

في أوضة ادهم

هبه: حاضر، هعملها أحسن معاملة، هو أنا عندي أعز منها

ادهم: جو الاستهبال ده مش عليا، ها، أقسم بالله لو سمعت بس إنكم زعلتوها هتشوفوا وش مش هيعجبكم

هبه: احم، أنا محتاجة فلوس

ادهم: مجهزهم من غير ما تقولي

هبه: هاخدهم إزاي

ادهم: أنا جاي أوصل ملاك، سلام

داليا: فكرك اللي بتعمله ده صح

ادهم بص وراه: داليا

داليا: آه داليا يا ادهم

ادهم راح ولبس ساعته: مش فاضي يا داليا، لما أرجع نتكلم

داليا: ادهم، صدقني اللي بتعمله ده غلط، طب فكرت في ملاك لما تعرف إن حب أختها ده تمثيل وأنت مشترك فيه

ادهم: أنا عايزها تبقى مبسوطة

داليا: تبقى مبسوطة إزاي يعني، بالعكس

ادهم: يووه، أنا ماشي، أجيبلك حاجة وأنا جاية

داليا: لو ملاك عرفت مش هتسامحك يا ادهم

ادهم: باااي يا داليا، باي

ملاك كانت واقفة في الجنينة مستنية ادهم ينزل، وكانت كل شوية تبص تشوفه نزل ولا لسه، لحد ما نزل

ادهم: اتأخرتي

ملاك: مش مهم، يلا

ادهم: حياة فين

ملاك: نايمة

ادهم لبس نضارته الشمس بتكبر: طيب يلا ورايا

ملاك: اقف عندك

ادهم بص لها: في إيه

ملاك مشيت قدامه وابتسمت: يلا ورايا

ادهم ابتسم ومشي

بعد شوية

هبه: ملاك حبيبتي، وحشتيني أوي أوي

ملاك بدموع: انتي أكتر

هبه: تعالي يا حبيبتي، بيتك، اتفضلي اتفضلي

ملاك دخلت وشافت جلال واتوترت، وادهم لاحظ ده راح وقف جنبها

ادهم: أنا جنبك، متخافيش

ملاك غمضت عينيها براحة وحست إن خوفها راح لما ادهم جه جنبها

جلال مد إيديه: عاملة إيه يا ملوكة

ملاك بصت لإيده بتوتر ولسه هتسلم، كان ادهم مسك إيديه جامد وسلم هو

ادهم: ملاك كويسة زي ما انت شايف كده

جلال بوجع: مش عارف، كل شوية تجبلنا بودي جارد

هبه: اتفضلوا اتفضلوا

ادهم: شكراً

هبه: ممكن يا ادهم بيه تيجي بس هقولك على حاجة

ملاك بصت له: حاجة إيه اللي عايزة فيها

هبه: هقوله على حاجة يا حبيبتي، متقلقيش

ملاك: طب ما تقوليلي هنا

ادهم: خلاص يا ملاك، اتفضلي يا هبه

هبه خدته وطلعت البلكونة

ادهم: عايزة إيه كده؟ هتشكي؟ إيه خلاكي تجيبيني هنا

هبه: عايزة فلوس، وأه أنا عايزة 2000 مش 1500، مش بيكفوا

ادهم: طيب، بس كده

هبه: ده لو عايزني أتعامل معاها حلو يعني

ادهم: أكيد طبعاً عايزك تتعاملي معاها حلو، بس الصراحة انتي مش بني أدمة إنك تاخدي فلوس مقابل حاجة، أنا عارف إني غلط، بس للأسف هعمل إيه، انتي واحدة ***

هبه: هتغلط بقه؟ هطلع أقولها الحقيقة كاملة

ادهم: اطلعي احكيها، يلا، تعرفي انتي عمرك ما هتقولي، عارفة ليه؟ عشان لو عرفت الحقيقة مش هيبقى ليه لزوم أديكي فلوس كل شهر بقه

هبه بتوتر: ا... أنا راحة أعلق على الشاي

ادهم: أنا ماشي يا ملاك، وقت ما تحبي تمشي رني عليا هبعتلك السواق

ملاك: لا أنا همشي معاك دلوقتي

ادهم: مش هتقعدي

ملاك: لالا، همشي بقه، أنا اطمنت عليها وخلاص

ادهم: طب على راحتك، يلا

ادهم خدها وركبوا العربية، وهما في طريقهم للبيت ملاك اتكلمت بصوت مبحوح

ملاك: ليه

ادهم بصلها: ليه إيه

ملاك: وقف العربية

ادهم: في إيه يا ملاك؟ وبتتكلمي كده ليه؟ وإيه دموعك دي؟ في حد ضايقك؟ جلال ضايقك؟ أنا هلف وارجعلها

ملاك: ليه ادتيلها فلوس مقابل إنها تعاملني حلو؟ ليه؟

ادهم: ملاك، انتي، انتي عرفتي إزاي؟

فلاش باك

جلال: مالك مش قاعدة على بعضك كده، في إيه

ملاك بصت له بقرف وبصت ناحية البلكونة

جلال قام وراح قعد جمبها: مالك

ملاك بخوف: ا... انت قوم من جمبي

جلال: مالك ياختي؟ متخافيش أوي كده

وقام وسابها

ملاك بصت له بقرف ورجعت بصت ناحية البلكونة وهي هتموت وتعرف بيتكلموا في إيه، وقررت إنها تروح لهم

ملاك قامت وراحت لهم وسمعت كلامهم

جلال: بتعملي إيه يا بت

ملاك بخضة: م... مش بعمل حاجة

و راحت قعدت مكانها

جلال: اده اده، انتي بتعيطي؟ تعرفي إني بفرح أوي لما أشوف دموعك دي

ملاك: ما انت مش بتحب تشوفني مبسوطة يا جوز أختي

جلال ضحك على دموعها: عيطي، انتي متستاهليش غير العياط ووجع القلب

ملاك: عملتلك إيه لكل ده؟ عملتلك إيه؟

جلال: انتي ناسيه إني كنت بحبك، انتي ورفضتيني واتدبست في أختك، بس صدقيني أنا بكرهك أوي فوق ما تتخيلي، وبدعي مشوفكيش مبسوطة في حياتي أبداً

ملاك: وأنا مكنتش عايزك، وغير كده أختي كانت بتحبك، وبعدين محدش ضربك على إيدك تتجوزها

جلال لسه هيقوم يمد إيده عليها، كان ادهم دخل، وجلال رجع مكانه

ادهم: أنا ماشي يا ملاك، وقت ما تحبي تمشي رني عليا هبعتلك السواق

باااااك

ملاك بدموع: انت لعبت بمشاعري، ادتها فلوس عشان تعاملني حلو؟ عارف يعني إيه تدي فلوس لأخت عشان تمثل حبها لأختها؟ ياااا على الوجع، إزاي، إزاي تعمل فيا كده؟ بس

ادهم: صدقيني، عارف إنه غلط اللي عملته، بس انتي صحتك ونفسيتك مكنتش أحسن حاجة، عايزني أعمل إيه؟ وأنا بسمعك بتعيطي عشان أختك بتعاملك وحش، مكنش عندي حل تاني غير ده، والله العظيم مكنش عندي حل تاني

ملاك مسحت دموعها: المشاعر مش بتتشري بفلوس

ادهم: عشان خاطري، أنا مش عايزك تزعلي مني

ملاك مسحت دموعها: خلاص، محصلش حاجة، هي عمرها ما حبتني أصلاً، أنا كنت كمان مستغربة، هي إزاي اتغيرت 180 درجة كده، بس قلت عادي، أنا أختها، وأكيد حنت، بس للأسف أنا طلعت غبية وقلبي طيب عشان صدقتها

ادهم: أنا آسف

ملاك: انت ملكش ذنب يا ادهم، أنا اللي مكنش ينفع أصدقها، بس تعرف ربنا عوضني بيكو، احم، ياريت يا ادهم لو عايز نفضل أخوات وأصدقاء متخبيش عني أي حاجة تخصني

ادهم: حاضر

ملاك: أوعدني يا ادهم

ادهم: أوعدك إني مش هخبي عليكي حاجة تاني

ملاك: طيب، هاتلي بطاطس سوري بقه

ادهم: مممم بقه كده

ملاك: اها

بعد شوية كان وصل ادهم وملاك على الڤيلا، وكان جايب لأهله سندوتشات وقعدوا في جو عائلي جميل مفهوش مشاكل ولا دوشة، وخلصوا قعدتهم وكل واحد دخل أوضته

صباح يوم جديد

ملاك: يلا يا حياتي، اصحي يلا

حياة: نو

ملاك: إيه نو دي بقه إن شاء الله

حياة: عايزة أنام بس شوية صغيرين

ملاك: قومي بقه يا حبيبتي عشان تروحي الحضانة

حياة: نو

ملاك: بقه أنا بتقوليلي نو، طب أنا زعلت وهروح أقول لادهم بقه

حياة: مش قادرة أروح

ملاك: مممم بقه كده، طيب

قدام أوضة ادهم كانت واقفة ملاك بتخبط

ادهم قام راح فتح الباب وهو نايم على نفسه: أيوه

ملاك: حياة مش عايزة تقوم يا ادهم، روح بالله عليك خليها تقوم تروح الحضانة بقه

ادهم: حاضر، أنا جاي اهو

ملاك: طيب، يلا تعال

ادهم: حاضر، ماشي، أنا اهو جاي وراكي، مسافة السكة، بس هلبس وأنزل أشغل العربية عشان متأخرش على العمل

ملاك: عربية إيه يابني، ده حياة في الأوضة اللي جمبك، ده انت نايم على نفسك

ادهم: لا أنا صاحي اهو

ملاك بعصبية: ادهممم، فوق كده، اغسل وشك وتعال صحي حياة، هي بتسمع كلامك عني

ادهم اتخض: حاضر حاضر، في إيه طيب؟ انتي دخلتي إزاي؟ هنام

ملاك: ييييي بقه ادهم، أنا آسفة إني صحيتك دلوقتي، حقك عليا، بس حياة مش عايزة تروح الحضانة

بعد شوية

ملاك: ادخل

ادهم: صباح الخير

ملاك: صباح النور

ادهم بص على حياة: صباح الخير

حياة: مش عايزة أروح، أنا مش قادرة أقوم

ادهم راح عندها ومسك إيديها: ليه بس يا حبيبتي؟ اده، انتي حرارتك عالية كده لي؟

ملاك: حياة حرارتها عالية أوي

يتبع....

حياه بتعب: يعني أنام.

ملاك بخوف: حرارتها عالية إزاي يعني؟ حياه انتي كويسه، طب نعمل إيه؟

أدهم: فيه كمادات في التلاجة، هاتيها يا ملاك لو سمحتِ، ومتقلقيش هتكون بخير. انتي حاسة بإيه يا حياه؟

حياه: دايخة وزوري واجعني.

أدهم: طب هجبلك دوا حلو أوي أوي، أول ما تاخديه بإذن الله هتبقي كويسة.

ملاك: دايخة دايخة من إيه يا حياه؟

أدهم: عادي، ده بسبب السخونة.

ملاك: طب نوديها المستشفى صح؟ يلا أنا هقوم ألبس.

أدهم: يابنتي أنا دكتور على فكرة.

ملاك: بس انت جراح.

أدهم: بس الحالات اللي زي كده بعرف أتعامل معاها عادي. بس على العموم، أنا هتصل على دكتور أطفال يجي، بلاش هي تخرج.

ملاك: طيب.

بعد شوية...

أدهم: شكراً يا خالد، تعبتك معايا.

خالد: ولا تعب ولا حاجة، أهم حاجة سلامة القمر. المهم أنا كتبت لها شوية أدوية وحقنة للسخونية، تنزل تجيبهم وتاخدهم في ميعادهم، وإن شاء الله تكون بخير.

أدهم: إن شاء الله.

خالد: عارف إن الوقت ميسمحش، بس أنا مش بشوفك في المستشفى كتير. أنا فرحي الجمعة الجاية، يا ريت تيجي. والخميس الحنة للبنات، هتشرفينا يا مدام ملاك ومراتي هتفرح جداً لأنها معندهاش صحاب، يا ريت تيجي.

ملاك: آنسة على فكرة، وتمام إن شاء الله هاجي.

خالد: أنا آسف. المهم هستناكم.

ملاك: إن شاء الله.

أدهم: ألف مبروك يا حبيبي، ربنا يتمم عليك بخير.

خالد: الله يبارك فيك، عقبالك.

أدهم: ربنا يخليك. طيب يلا تعالى أوصلك في طريقي.

خالد: لالا، ملوش لازوم. أنا هركب وأمشي.

أدهم: ياعم تعالى، ما انت عارف مفيش صيدلية هنا، فا هلف شوية حلوين. يلا يلا تعالى.

خالد: طيب، يلا.

كوثر: إزيك يا خالد يابني؟

خالد: الحمد لله يا طنط.

كوثر راحت وقعدت جنب حياه: بقيتي أحسن يابنتي؟

حياه: أنا كويسة يا تيته.

كوثر: يلا يا أدهم، روح هاتلها العلاج أنت.

أدهم: حاضر يا ماما، رايح أهو.

ملاك: تعالي اقعدي يا حبيبتي.

كوثر: كنت عايزيكي يابنتي في موضوع.

ملاك: اتفضلي يا حبيبتي.

كوثر: تقنعي أدهم يقعد مع البنت.

ملاك: أنهي بنت؟

كوثر: بنت واحدة صحبتي، بنت مفيش في جمالها ولا أخلاقها، وبجد هي محترمة جداً جداً. كنت فتحت الموضوع قبل كده، بس هو قاطعني.

ملاك: طيب، هحاول أقوله. بس إشمعنى أنا؟ ليه مش حضرتك؟

كوثر: ياااا يابنتي، أنا ياما اتحايلت عليه، بس مش بيسمع الكلام. بس إن شاء الله يوافق.

ملاك: حاضر يا أمي، هقوله.

كوثر: ماشي يابنتي، هقوم أنا بقى أريح شوية في أوضتي وأسيب قطتي ترتاح.

حياه مسكت أيدها: لا يا تيته خليكي معايا، احكيلي حدوتة.

ملاك: سبيها ترتاح يا حياه.

كوثر: لالالا، طالما حياه قالت كده لازم أنفذ. هو أنا عندي أغلى منها؟ دي بنت الغالي.

ملاك: ربنا يرحمه يارب ويغفر له. طيب تعالي نامي جنبها، وأنا هنزل تحت هقعد في الجنينة شوية.

كوثر: ماشي يابنتي.

بعد شوية...

نزلت حنين وشافت ملاك قاعدة، راحت عندها.

حنين: مالك؟

ملاك اتخضت: بسم الله الرحمن الرحيم، مش تكحي.

حنين: هههه، ما أنا لو كحيت هتتخضي برضوه.

ملاك: دي حقيقة، أنا أصلاً بترعب لوحدي.

حنين: كنتي سرحانة في إيه؟

ملاك: ولا حاجة.

حنين: احكيلي يابنتي، عادي. صدقيني مش هقول لحد خالص. إيه، حب جديد؟ أوعي يكون اللي في بالك.

ملاك: مين اللي في بالك؟

حنين: أدهم.

ملاك: هههه، أدهم؟ لا طبعاً. أدهم ده أخويا.

حنين: هي بتبدأ بكده.

ملاك: هي إيه؟

حنين: متاخديش في بالك. مين بقى؟

ملاك: ولا حد يابنتي، أنا مش بفكر في حد حالياً. أنا بس حصل موقف كده مضايقني.

حنين: هو انتي مليكيش حد يعني أهل، صحاب؟

ملاك: اهو ده بقى الموقف اللي مضايقني.

حنين: في إيه؟

ملاك: ليا أخت متجوزة.

حنين: بجد؟ ربنا يخليهالك.

ملاك: لما ببص في المراية بحس إني بشوفها. تعرفي أنا شكلها بس مش أوي، هي أحلى أصلاً، حتى لو الناس شايفة عكس كده، بس أنا هيفضل في نظري هي الأحسن والأحلى.

حنين: ياااا، باين عليكي بتحبيها أوي. ربنا يخليكم لبعض.

ملاك بدموع: بحبها، بس للأسف هي بتكرهني فوق ما تتخيلي. هي فاكراني بمثل عليها الحب عشان بس أقدر أقعد معاها، لاكن أنا عمري ما كرهتها، أنا بحبها أوي يا حنين، أوي.

حنين خدتها في حضنها: ششش، اهدي، أنا معاكي أهو. عيطي وطلعي كل اللي جواكي.

ملاك: رغم اللي بتعمله فيا، بس مستحيل أزعل منها. تعرفي في مرة قبل فرحها بأسبوع...

فلاش باك...

ملاك: اتفضل الشاي.

جلال شاف هبه: إيه اللي بتقوليه ده؟ عيب، عيب أوي كمان اللي بتقوليه ده. انتي اتجننتي؟ عايزاني أسيب فرحي اللي مضلش عليه غير أسبوع ونهرب سوا؟ انتي اتجننتي.

ملاك: إيه اللي بتقوله ده؟ أنا بقولك اتفضل الشاي، تقولي كده.

جلال: تعالي يا هبه شوفي أختك كانت بتقولي إيه.

هبه راحت عندها وضربتها بالقلم: إيه اللي بتقوليه ده؟ أنا بقولك اتفضل الشاي، تقولي كده.

ملاك: انتي صدقتيه؟

هبه: مش هيبقا جوزي، لازم أصدقه. اومال هصدقك انتي؟ انتي ناسيه إنه كان جاي ليكي أصلاً، بس يا حرام شافني، حبني أنا وسابك وجالي. أكيد عينك منه.

ملاك: انتي مصدقة نفسك يابنتي؟ أنا اللي رافضاه أصلاً. هو ضحك عليكي بكلمتين صدقتيه.

هبه: أه، أكيد هتتبلي عليه. بقولك يابت انتي هنا خدامة، خدامة وبس. والشقة اللي انتي فيها دي، انسي إنها بتاعت أبوكي الله يرحمه، دي بتاعتي أنا وجلال.

ملاك: إيه اللي انتي بتقوليه ده يا هبه؟ الشقة دي شقتي زي ما هي شقتك. وده أصلاً مين عشان يقعد في شقتنا؟

هبه: خطيبي وهيبقا إن شاء الله جوزي يا حبيبتي، ومعندوش شقة وأنا عندي شقة. أنا مسمحاله ياستي، انتي مالك؟ وبعدين دي شقتي، مش شقتك. وأهو ده عقد الشقة، ودي إمضتك يا حلوة، مش ده خطك برضه؟

ملاك: ا، انتي خليتيني أمضي إمتى؟ أنا، أنا ممضتش.

هبه: اهو بقى اللي حصل.

ملاك: أنا هرفع عليكوا قضية.

هبه: ههههههه، وانتي معاكي بقى؟

ملاك بخيبة أمل: عايزة إيه يا هبه؟

هبه: هتقعدي هنا خدامة وبس، ده لو انتي عايزة تفضلي يعني معانا.

ملاك دخلت أوضتها وفضلت تعيط.

باك...

حنين: هو فعلاً جوز أختك ده كان جاي ليكي وحبها؟

ملاك: لا، جلال حبني أنا بس. أنا عارفة إن أختي بتحبه، مرضتش بيه عشان مكسرش قلبها، فا رفضته. راح عمل نفسه إنه مش عايزني أنا وعايز أختي، ومن ساعتها وهو بيعاملني وحش أوي وبيكرهني فوق ما أتخيل، وبيوقع بينا.

حنين: ربنا يهديهم ويحنن قلب أختك عليكي. مش عايزة تعيطي بقى، وبعدين ده شيطان، وأكيد لاعب في دماغ أختك.

ملاك مسحت دموعها: الحمد لله على كل حال. بس ساعات بفتكر أيام زمان وأزعل.

حنين: ولا تشغلي بالك، إن شاء الله خير يا حبيبتي.

ملاك: دوشتك.

حنين: أوعي تقولي كده، أنا أختك يا حبيبتي.

ملاك: وأنا يشرفني يكون عندي أخت زيك، انتي وداليا، ربنا يخليكم ليا.

حنين: ويخليكي يا قلبي. طيب أنا هطلع أريح شوية.

ملاك: طيب يا حبيبتي.

حنين قامت وقفت وبتبص وراها.

صوت...

ملاك بخضة: في إيه يابنتي مالك؟

أدهم: مش عارف مالها الصراحة.

حنين: مش تكح.

أدهم ببراءة: ما أنا لو كحيت هتتخضي برضوه.

حنين بصت لملاك: إيه ده؟

أدهم: في إيه؟

ملاك: هي لسه قايلة نفس الكلمة.

أدهم: القلوب عند بعضها بقى.

حنين: طيب أسيبكم بقى أنا طالعة.

أدهم: ماشي. خدي العلاج ده معاكي أوضة حياة.

حنين: نو.

أدهم مسكها من قفاها: خدي يابت يا وزعة انتي.

حنين: هات أحسن تبلعني. يلا تيكير.

أدهم: في إيه؟ بتبصيلي ليه كده؟ الموضوع في عروسة أكيد صح؟

ملاك: بتفهمها وهي طايرة.

أدهم: الله أكبر عليا.

ملاك: كل أم بيبقى نفسها تفرح بأولادها، انت ليه مش عايز تفرح مامتك؟

أدهم: مش حابب دلوقتي.

ملاك: اومال حابب إمتى؟ انت ماشاء الله معاك فلوس، يعني معاك تجيب شبكة وشقة. مستني إيه بقى؟ انت بتكبر مش بتصغر. يعني فكر بقى في نفسك شوية. عيلتك هيفضلوا معاك، مش هتسبهم. يعني انت مش نفسك في طفل يقولك بابا؟ زوجة صالحة تكون معاك، تحكيلها، تسمعك وتسمعها، تكون أسرة جميلة، وانت لسه صغير كده وفي عز شبابك. محدش عارف في إيه بكرة.

أدهم: كلامك على راسي، بس أنا مش عايز دلوقتي فعلاً. وبعدين لسه ملقتش بنت الحلال.

ملاك: طب شوف اللي ماما كوثر قالت عليها دي، يمكن تغير رأيك ولا حاجة. مش هنخسر حاجة، صدقني. عشان خاطري بقى وافق. عايزة أفرح بيك وأشيل عيالك. اقعد بس معاها، إحنا مقولناش روح اتجوزها.

أدهم: أمي أوي.

ملاك: هههه، يلا بقى ها.

أدهم: طيب.

ملاك: هيييي.

تاني يوم...

أدهم: أدعي عليكي أنا معرفش إزاي سمعت كلامك وجيت. أنا عايز أمشي.

ملاك: أنا مالي يالمبي.

كوثر: ششش، بس يا ولاد، عيب، إحنا عند الناس.

مامت العروسة واسمها رضوي: نورتينا يا أم أدهم والله.

كوثر: ده نورك يا حبيبتي. اومال فين بنتنا عطيات؟

أدهم: هههه.

ملاك: أنت بتضحك على إيه؟ اسكت هتفضحنا.

رضوي: في حاجة يابني؟

أدهم: مستغرب بس إن حضرتك اسمك رضوي وبنتك يعني اسمها عطيات.

رضوي: أصل ستي ماتت وأنا بولد، وكان اسمها عطيات. أبوها الله يسامحه راح سماها عطيات.

أدهم: اممم.

ملاك: وشك أحمر ليه كده؟

أدهم: كاتم الضحكة. اسكتي بقى لاحسن انفجر.

رضوي: اومال بنتك فين يا كوثر؟ كان نفسي أشوفها.

كوثر: عندها امتحان يا حبيبتي. ادعيلها، كان نفسها تيجي والله، بس يلا حصل خير.

رضوي: وانتي يا حلوة، مخطوبة؟ أصلي بدور على عروسة لابني عطية. يارب يكون من نصيبك. أنا حاسة إني استريحتلك كده، سبحان الله.

أدهم بصوت واطي: هي عايزة تخلص من عيالها ولا إيه؟

ملاك: هههه، عطية وعطيات.

رضوي: رأيك إيه؟

ملاك: والله يا طنط، مش بفكر دلوقتي خالص. ربنا يرزقه ببنت الحلال.

أدهم بصوت واطي لملاك: ليه بس كده؟ شوفيه الأول، اهو وتجيبوا حتة عيل اسمه عطوة، هههههه، احم، لا مش قادر، هههههه، هفطس.

ملاك بصت لأدهم: اسكت يابني بقى. احم، غريبة، انتي اسمك رضوي ومسمية ابنك عطية؟

رضوي: أصل جدو بقى مات يوم ما ولدت.

أدهم قاطعها: وابوه الله يسامحه صمم إني أسميه عطية على اسم جده.

رضوي: ماشاء الله، يبني انت عرفت منين؟

ملاك: أنت فظيع والله. الله يكون في عون البنت اللي هتتجوزها.

أدهم: عيالها نحس ولا إيه؟ استغفر الله العظيم.

كوثر ضربت أدهم بخفة: اتلم، الست هتاخد بالها، عيب كده.

رضوي: أهي عطيات بنتي، تعالي يا حبيبتي.

عطيات: عاملين إيه يا رجالة؟

ملاك: الحق، إحنا رجالة.

عطيات راحت ناحية كوثر وحضنتها جامد: إزيك يا حماتييي؟

كوثر: الحمد لله يابنتي كويسة، بس مش هبقى كويسة لو فضلتِ حضناني كده.

أدهم: انتي كويسة يا آنسة؟

عطيات: أه يباشا، أنت بقى خطيبي؟

أدهم: ده لو معندكيش مانع يعني.

ملاك: خلينا نسيبهم يا جماعة يتعرفوا على بعض.

أدهم: أبوس إيدك متمشيش، أنا حاسس إنها هتبلعني.

ملاك: متخافش، ماهي قمر أهي.

أدهم: قمر أه، بس أسلوبها مش قمر خالص.

ملاك سابتهم وطلعت البلكونة هي وكوثر ورضوي.

عطيات بصتله فجأة.

أدهم قام وقف بخضة: بسم الله الرحمن الرحيم، في إيه يابنتي؟ إيه البصة دي؟

عطيات: عشان خاطري، خد مامتك واختك وامشي.

يتبع...

عطيات بصتله.

أدهم: بسم الله الرحمن الرحيم. في ايه يابنتي؟ إيه البصة دي؟

عطيات: علشان خاطرك خد مامتك واختك وامشي. أنا بحب واحد تاني بس ماما غصبتني إني أقعد القاعدة دي معاك دلوقتي. أنا آسفة إني دخلت بطريقة دي. صدقني أنا لو متجوزتوش أنا مش عارفة هيجرالي إيه. أنا مش عايزة أظلمك ومش عايزة أكون على ذمتك وأنا بفكر في شخص تاني. أنا مش هقبل بكده.

أدهم: طيب طيب. اهدي. طالما بتحبوا بعض مجاش هو ليه؟

عطيات: أبوه مش عايز يخليه يتجوز غير لما يخلص تعليمه الأول وبعدين يشتغل علشان يكون نفسه ويجي.

أدهم: طب ما ده الصح.

عطيات: أيوه صح. بس ماما مش صابرة وعايزة تجوزني علشان تفرح بيا. ولو قولتلها إني بكلم شاب مش عارفة ممكن تعمل فيا إيه. علشان كده بوافق على أي حد يجي وأحاول أطفشه. علشان لو قولتلها لأ هتشك إن فيه حد في حياتي.

أدهم: أيوه أيوه فهمتك.

عطيات: أنا بحبه أوي ومش عارفة أعمل إيه.

أدهم: طب كلميه دلوقتي.

عطيات: وبعدين؟

أدهم: سيبي الباقي عليا بقى.

عطيات: طيب هرن عليهم.

ملاك: إيه يا عرسان؟ نقول مبروك؟

أدهم: دخلتي ليه؟ خليكي معاهم.

ملاك: أده بتتريق ولا بتتكلم جد؟

أدهم: جد طبعاً.

ملاك: مممم. أفهم من كده إن خلاص نقول مبروك؟

أدهم: الله يبارك فيكي. عقبالك.

عطيات: قولها الحقيقة يا أدهم.

ملاك: حقيقة إيه؟ الفرح بكرة ده إنت مكنتش عايزها.

أدهم: اقعدي يا ملاك الله يهديكي. وبدأ يحكي لها اللي عطيات قالته.

ملاك: وإنتي هترني عليه دلوقتي؟

عطيات: تلفونه مغلق.

ملاك: لا. إحنا نتقابل بكرة في كافيه ***** احسن ونشوف الموضوع ده. ووعد مني أخليه يجي يتقدملك.

أدهم: اديني رقمك ورقمه وأنا هتصرف.

ملاك: لا. اديني رقمك إنت.

أدهم: ما أنا هاخد رقم الاتنين فيها إيه؟

ملاك: لا. إنت واحد وأنا واحدة. إيه الأنانية دي؟

كوثر: قولتوا إيه يا ولاد؟ ماشاء الله شكلكوا خدتوا على بعض.

عطيات بصوت واطي لأدهم: أنا آسفة على الكلام اللي هقوله لماما عليك.

أدهم: لا عادي. ولا يهمك. أنا اللي آسف. احم. ماما أنا عايز أقولك حاجة.

كوثر: في إيه؟

أدهم: مش قدامهم.

عطيات: وأنا كمان عايز اكي يا ماما.

في البلكونة.

أدهم: يا ماما زي ما بقولك كده. دي بسم الله الرحمن الرحيم. لقيت عينيها قلبت أخضر وأصفر وأحمر.

ملاك: ههههه. ليه؟ إشارة مرور.

أدهم: ششش. اسكتي إنتي.

كوثر: أخضر وأحمر وأبيض مرة واحدة.

ملاك: لا يا ماما. كوثر بيقولك أصفر.

كوثر: لاحول ولا قوة إلا بالله. طب هنعمل إيه؟ ده كده عليها عفريت ملون.

ملاك: هو فيه ملون وسادة؟

أدهم: وفيه بسمسم برضو يخفف.

ملاك: نينيني.

أدهم: المهم هنعمل إيه؟ وكمان يا ماما بتقولي إنت عبيط.

ملاك: ما يمكن معاها حق.

أدهم: اسكتي يابنتي بقى.

كوثر: يالهوي. شتمتك. ابني يتشتم.

أدهم: أيوه يا ماما. أنا مش عايزها. أنا خايف أوي يا ماما. مشيني من هنا يا ماما. ده حتى قالتلي نكتة غريبة أوي.

كوثر: نكتة؟

أدهم: زي ما بقولك كده. قالتلي مرة طبق كشري عمل حادثة. فقد بصلة.

ملاك: تنترارن تن تن.

كوثر: ياااا للدرجادي.

أدهم: ده غير النكت التانية. قالتلي كمان مرة واحد دخل فرح. الأمن قاله لازم دعوة. قالهم ربنا يحفظكم.

كوثر: ربنا يحفظنا إحنا ونمشي على خير. أنا مش عايزة الجوازة دي.

عند عطيات ورضوي.

رضوي: يا حبيبتي يا بنتي.

عطيات بدموع مزيفة: عايزة تجوزيني لواحد عنده مرض كلابي يا ماما. أهئ أهئ.

رضوي: اهدي يابنتي خلاص. بس إزاي؟ عنده مرض كلابي؟ إيه المرض الجديد ده؟

عطيات: يلا حصل خير. المهم إني رفضاه. مش عايزاه يا ماما. ده طول القاعدة كان عمال يهوهو. أهئ أهئ.

رضوي: حاضر حاضر. بس إنتي اهدي.

بعد شوية.

رضوي وكوثر في نفس واحد: بقولك إيه يا حبيبتي.

رضوي بصتلها: معلش بنتي مستريحتش.

كوثر: أنا كنت هقولك كده برضوه. ربنا يعوضها إن شاء الله بحد تاني غير ابني. خلينا صحاب أحسن يا رضوي. ياختي.

رضوي: شرفتونا يا حبيبتي.

ملاك: أدهم. أدهم.

أدهم: إيه؟

ملاك: أنا وشي قلب إشارة مرور من الإحراج. هي قالتلها إيه عليك يا ابني؟ بتبص لك من فوق لتحت بقرف كده.

عطية: مساء الخير يا ماما. عندنا ضيوف ولا إيه؟

رضوي: دي طنط كوثر صحبتي وده ابنها أدهم.

أدهم سلم عليه: أزيك يا عطية.

عطية: الحمد لله. ولسه هيمد إيده.

رضوي: لا يابني متسلمش.

عطية: إيه؟

رضوي: احم. مافيش.

عطية ولف ولسه هيسلم على ملاك.

أدهم: الآنسة مبتسلمش.

عطية: آنسة؟ طب حلو. إنتي مرتبطة؟

أدهم: إنت بجح صحيح.

عطية: أفندم.

ملاك: أنا مش بفكر دلوقتي خالص. ربنا يرزقك ببنت الحلال اللي تستهلك. عن إذنكم.

أدهم: عن إذنك يا طنط. يلا يا ملاك. اجري اجري.

رضوي: مع السلامة. مع السلامة. اتصل يبني بشركة الرش.

أدهم بص لها باستغراب: يترا قولتي عليا إيه يا عطيات؟

في عربية أدهم.

ملاك: هههه. جدعة.

أدهم: افتحي الاسبيكر طيب.

ملاك: طب ثواني.

عطيات: مهو مكنتش هتترفض غير باللطريقة دي. بس خوفت تشك في حاجة.

أدهم: إنتي قولتي لها إيه يا بنتي؟

عطيات: قولتلها إن عندك مرض كلابي.

أدهم: إيه ده؟

عطيات: قولتلها إنك بتهوهو ومرض معدي.

أدهم: ده إيه المرض اللي أول مرة في حياتي أسمعه غير منك إنتي؟ ده مرض محدش يعرفه غيرك ولا إيه؟

عطيات: أنا معرفش. قولت أي حاجة وخلاص.

أدهم: وأنا أقول ليه بتبصلي بقرف وحاطة إيديها على مناخيرها من ساعة ما طلعت من الأوضة ليها حق.

عطيات: أنا آسفة.

أدهم: لا عادي. المهم على اتفاقنا بقى.

ملاك: طب هقفل معاكي علشان ماما كوثر جاية أهي. أحسن تقفشنا.

عطيات: بااي.

كوثر: سبحان الله. أنا أصلاً أول ما شفتها مرتحتش كده.

أدهم: والله؟

كوثر: أيوه يابني. يلا الحمد لله جت منهم هما. تعرف أنا أصلاً حسيت إن عين البت صفرا كده.

أدهم: والله؟

كوثر: يلا الحمد لله. تعرف أنا لقيت عينيها كمان حمرا شوية. بس قولت يمكن سهرانه على البتاع الزفت الموبايل ده.

أدهم: والله؟

كوثر: يلا الحمد لله خير.

ملاك: ربنا يعوضك إن شاء الله ببنت الحلال يا أدهم. متزعلش نفسك ولا تضايق.

أدهم: والله؟

كوثر: مالك يا حبيبي؟

ملاك: مضايق أكيد. ربنا يعوضه خير.

أدهم: أنا محدش فرحان قدي. اسكتي.

كوثر: إيه؟

أدهم: قصدي يعني الحمد لله إننا كويسين. يعني مبلعتناش وإحنا قاعدين.

كوثر: أه.

بعد شوية كانوا وصلوا البيت وطلعوا ناموا.

صباح يوم جديد.

ملاك: أنا جهزت. بس هاخد معايا حياة.

أدهم: ماشي. يلا علشان متتأخرش.

في المطعم.

عطيات كانت قاعدة ومعاها شاب واسمه فايز.

أدهم: أنا آسف جداً على التأخير.

عطيات: ولا يهمك. إحنا لسه واصلين أصلاً.

ملاك: صباح الخير.

عطيات: صباح النور يا حبيبتي. تعالي اقعدي.

فايز: حضرتك دكتور أدهم؟ أنا فخور بيك جداً.

أدهم: تعرفني؟

فايز: أه طبعاً. سمعت عنك. بجد أنا مبسوط إني قاعد مع حضرتك.

أدهم: ربنا يخليك.

فايز: تعرف أنا نفسي أكون زيك.

أدهم: إنت في كلية إيه؟

فايز: أنا تانية طب. ادعيلي.

أدهم: ربنا يوفقك يا حبيبي يارب. المهم عايزين نتكلم في المهم.

فايز: أنا سامعك.

أدهم: دلوقتي إنت لو اتجوزت هتقدر تفتح بيت؟

فايز: أنا شغال جنب دراستي. وكمان أنا بحب الشغل جداً ومرتاح جداً. يعني أقدر أفتح بيت. وشقتي جاهزة أصلاً.

أدهم: طب إيه اللي مخليك متتقدمش؟

فايز: بابا مش عايزني أتوز غير لما أخلص دراسة. علشان مافيش حاجة تشغل وقتي وأركز.

ملاك: الصراحة بابا معاه حق.

فايز: هو آه معاه حق إنه اتجوز بعد ما أخلص دراسة. بس هو ليه فاكر إنه لو اتجوزت مش هفكر في الدراسة؟ بل بالعكس. ده حلمي إني أخلص. وأكيد هفضل ورا حلمي إني أبقى دكتور. وكمان لما اتجوز هكون مرتاح أكتر ونفسيتي هتكون مرتاحة. وبكده هقدر أذاكر وأجتهد أكتر. وأنا معايا البنت اللي بحلم بيها وبحبها. لاكن لو متجوزتهاش. تفكيري كله هيكون طب. يترا هيجيلها عريس بكرة؟ طب هيكون كويس؟ ومامتها هتوافق؟ طب هي عايزة تستناني؟ بس أكيد مامتها مش هتوافق. أنا بجد تعبت ومش عارف أركز أصلاً في حياتي. وبابا مش فاهم كده. محتاج حد يكلمه. وعيلتي واقفة في صفه. محدش فاهمني. ولا حد فاهم إني بحب كاتي أوي. ولو متجوزتهاش مش هعرف أركز في حاجة. علشان تفكيري هيكون معاها هي.

أدهم: مين كاتي دي؟

ملاك: إنت سبت كل ده وركزت في دي؟

عطيات: احم. هو بيدلعني بكده.

أدهم: مممم. طب يلا قوموا معايا.

فايز: على فين؟

أدهم: هنروح أنا وانت لباباك. على أساس إني زميلك.

فايز بص لعطيات: طب.

أدهم: عطيات هتاخد بعضها وتمشي بقى. مهمتها خلصت.

بعد شوية.

أدهم: ملاك بصي. إنتي مراتي. اتفقنا؟ والبت دي بنتي.

ملاك: نعم يا خويا؟

أدهم: اسمعي الكلام. وعايزك تطبلي لي.

ملاك: أطبل إزاي؟

أدهم: على كلامي يعني.

ملاك: حاضر.

فايز: اتفضلوا.

حازم: مين دول يابني؟

أدهم: ماشاء الله تبارك الله. عامل إيه يا حج؟

حازم: الحمد لله يابني. إنتوا مين؟

أدهم: أنا صاحب فايز.

حازم: يا أهلاً وسهلاً. اتفضلوا اتفضلوا.

أدهم: دي مراتي ودي بنتي. سلمي على جدو يا حبيبتي.

حازم: جدو؟

أدهم: أه. جدو. إنت في مقام جدها يا حج.

حازم: أه طبعاً. تعالي يابنتي.

فايز: مش فاهم برضوه. بتعمل إيه؟

أدهم: هنحنن قلبه. مش هيجي غير بكده. هنلخبطله مشاعره.

حازم: اسمك إيه يا كتكوته؟

حياة: اسمي حياة يا جدو.

حازم: تعرفي جدو دي طالعة من بوقك زي العسل. معقول أعيش وأشوف عيال ابني؟

أدهم: ما إنت فيها أهو يا حج. ما نزوجه بقى ونخلص منه.

حازم: لالا. مش دلوقتي. لما يخلص تعليمه الأول.

أدهم: يوووه. هو إنت زيه.

حازم: زي مين يابني؟

أدهم: أبويا الله يرحمه يا حج. كان يقولي تخلص تعليمك وتتجوز. تعرف كان يقولي علشان متتشغلش عن دراستك.

حازم: ده نفس الكلام اللي بقوله لفايز.

أدهم: المهم يا حج. أبويا بقه تعب وفجأة قام قايل لي: أنا نفسي في حفيد. نفسي أشيلك حتة عيل قبل ما أموت.

حازم: لا حول ولا قوة إلا بالله. وبعدين اتجوزت؟

أدهم: طبعاً. وجبت حياة. تعرف بقى يا حج أنا لما اتجوزت ملاك بقينا مع بعض. وبقت تهتم بيا وبدراستي. وبقت معايا لحد ما اتخرجت. أهو وبقيت دكتور جراح. لأن ده حلمي. ومستحيل إني أول ما اتجوز أنساه. بل بالعكس.

ملاك: أه. أنا مراته يا عمو.

أدهم بصوت واطي: اسكتي إنتي.

ملاك: مش قولت أطبلك؟

حازم: أنا خايف يابني. أول ما يتجوز يتلهي في جوازته وميفكرش في دراسته.

أدهم: يا حج إزاي يعني؟ وبعدين ده حلمه. حد يقدر يتخلى عن حلمه؟

ملاك: يا عمو. هو دلوقتي حلمه إنه يبقى دكتور. وفي نفس الوقت هو بيحب بنت ونفسه يتجوزها. طبعاً إنت لو منعته من ده وإنه يتقدم دلوقتي. هيفضل تفكيره كله رايح لها. يترا اتجوزت؟ طب اتخطبت؟ كده. بس لو روحت معاه ولبستوا دبل وبقه عارف إنها خلاص معاه. هيبقا مطمن. وده هيخليه يجري ورا حلمه لحد ما يوصله.

أدهم: صح. وبعدين إنت مش نفسك في حتة عيل يقولك جدو؟ جدو. العمر بيجري وإحنا بنكبر يا حج. مش هنفضل صغيرين. وانهاردة عايشين. ياعالم بكرة هيحصل إيه. محدش عارف. ابنك بيحب. بيحب أوي ومن كل قلبه. متكسرش قلبه وقلب البنت اللي متعلقة بيه.

حازم: هو إنت صحبه بجد ولا واحد جايبه يحاول يقنعني؟

أدهم: بص ياحج. علشان مبقاش كداب. أنا معرفوش. ودي مش مراتي ولا دي بنتي. والواد ده بيحب بنت. علشان خاطري أنا يا حج. وافق وارضيه. وارضي البت الغلبانة اللي مستنياه. وعمالة تطفيش في العرسان اللي بيروح لها. أصل معلش. هطفش واحد ورا التاني ورا التالت. ما هييجي يوم وهي وأهلها هيزهقوا وهيجوزوها غصب. مفكرتش في ابنك ممكن يعمل إيه؟

حازم: يبني. يعني أعمل إيه؟ يبني.

أدهم: اتقدم. ولبسوا دبل. وشوفوا جاهزين إمتى. واعملوا فرح. ويجب لك بإذن الله حفيدة عسل كده زي حياة. والله الأطفال دول نعمة. وأحلى حاجة في البيت. كفاية حسهم في البيت. كمان. ومتخافش على فايز. فايز هيفضل متمسك بحلمه. ومش هو لوحده. البنت اللي بيحبها هتفضل معاه وهتفضل تشجعه. لأنها أكيد هتبقا نفسها جوزها يكون ناجح في حياته. ونجاح جوزها هيبقا من نجاحها.

حازم بابتسامة: على خير الله. خلي بالك. أنا ابني كلمني كتير أوي في موضوع جوازه من البنت دي. بس معرفش. إنت لما دخلت عليا إنت والآنسة والعسولة دي. قلبي ارتحلكوا. وكلامكم فكرت فيه. وفعلاً. يعالم إحنا النهاردة عايشين. يمكن بكرة لا. ربنا يقدم اللي فيه الخير.

فايز كل ده واقف مصدوم ومش مصدق.

أدهم: إيه خدعة يا عم. هو أبوك والله طيب. بس كان محتاج حد يقعد معاه يكلمه. بس هي كلمة جدو دي اللي خلته يوافق. أنا عارف. هههه.

ملاك: هو مبرق كده ليه؟ ده مبيتحركش.

أدهم: مصدوم.

حازم: اتعدل بقى. لاحسن أغير.

فايز بمقاطعة: لا. أنا اللي هخش أغير. علشان ننزل أهو.

حازم: يبني استنى. اتصل بحد من أهلها الأول. علشان نحدد ميعاد.

فايز باص إيديه: ربنا يخليك ليا. وصدقني أنا هعمل اللي عليا علشان أفرحك بيا. وإن شاء الله هكون أشطر دكتور. وأخليك فخور بيا يا بابا.

حازم: ربنا يسعدك يابني. أنا حاسس إني نفسي في حفيد. ماليش دعوة. قوليلي كده يا عسولة جدو تاني.

حياة: جدو.

كلهم ضحكوا وقعدوا مع بعض شوية. وأدهم خدهم ومشوا.

صباح يوم جديد. كان أدهم واقف في بلكونة أوضته بيبص على ملاك وهي بتلعب مع حياة وصوت ضحكهم عالي.

حنين: بتحبها.

أدهم وهو باصص عليهم: بفرح لما بشوف ضحكتها. اتعودت عليها وعلى وجودها.

حنين: مممم. حياة بقى ولا ملاك؟

أدهم: ملاك. بحسها زي حياة. دمعتها قريبة. حنينة. بتخاف على زعل الناس. قلبها طيب. مش بتحب تشوف حد زعلان.

حنين: هيحح. وأي كمان؟

أدهم رجع لوعيه وبص وراه: إنتِ. إنتِ جيتي إمتى وإزاي؟ وخلتيني أقول الكلام ده إزاي؟

حنين: اعترف لها إنك بتحبها.

أدهم: يخربيتك. إنتِ بتقولي إيه؟ ومين أصلاً قالك إني بحبها؟

حنين: عيب عليك. نظراتك باينة جداً. والكلام اللي لسه قايله من ثانيتين تلاته.

أدهم: أحلف.

حنين: يعني بتحبها؟

أدهم: مش عارف.

حنين: مش عارف إيه؟ إنت هتجنني.

أدهم: معجب يمكن.

حنين: تؤتؤ. إنت بتحبها يا أدهم. متكدبش على نفسك وعليا.

أدهم: مينفعش أحبها يا حنين. دي كانت بتحب محمد أوي. ومازال.

حنين: محمد مات يا أدهم. وبعدين إنت كده هتحافظ عليها وعلى بنته. مافيش حد هيعتبر حياة بنته غيرك إنت. وكمان هي أكيد مش هتفكر في الجواز علشان خاطر حياة. لو اتجوزت مش هتعرف تاخدها معاها. واكيد هي متعلقة بيها. وإنت كمان مش هتسبها. فا خلاص اتجوزوا.

ملاك بدموع: إنتِ بتقولي إيه؟

أدهم وحنين بصوا وراهم: م. ملاك.

ملاك: ادهم لو حابب تتجوز ياريت تتجوز ومتحسسنيش بذنب كده. أنا حاسة إن حمل عليك. أنا ممكن أمشي وصدقني هاخد بالي من حياة كويس جدا.

ادهم: انتي فهمتي إيه يا ملاك؟

ملاك: فهمت إنك عايز تتجوزني بس علشان خاطر حياة تتربي معايا ومعاك. بس إنت من حقك تحب وتتحب. صدقني أنا مش بفكر في موضوع الجواز. أنا هفضل مع حياة.

حنين: يا بنتي ادهم مش هيبقا مغصوب لأن ادهم أصلاً بي...

ادهم: حنين.

حنين: احم.

ادهم: أنا مش مغصوب يا ملاك، بس أنا كمان مش هقدر أتجوز وأبعد عن حياة لأنها بنتي ومستحيل أسيبها. وكمان إنتي مش هتقدري تتجوزي وتسيبها.

ملاك بعصبية: أنا موافقة نتجوز يا ادهم، بس متستناش مني إني ممكن أحبك. لأني لسه بحب محمد ومستحيل حد يقدر ياخد مكانه في قلبي. أنا مش بعتبرك غير أخ.

ادهم: وأنا مش هستنى منك حاجة يا ملاك. عن إذنكم، أنا رايح المستشفى.

حنين: ادهم ادهم.

ادهم: أيوه يا حنين.

حنين: ليه مخلتنيش أقولها إنك بتحبها؟

ادهم: علشان هي مش بتحبني يا حنين ومش قابلة أصلاً فكرة إننا نتجوز. أسيبك تقوللها إني بحبها علشان أخسرها.

حنين: بس هي واضح عليها إنها بتحبك.

ادهم: مش عارف بقى. يلا سلام.

حنين: ما يمكن يا ابني بتحبك بس هي مش عارفة تحدت مشاعرها. متنساش برضوه إنها كانت بتحب محمد أوي.

ادهم: باي يا حنين.

بعد شوية في المستشفى.

ادهم: أومال خالد فين؟

الممرضة: دكتور خالد فرحه انهارده.

ادهم: اوف ده أنا نسيت خالص. طيب في حالات انهارده؟

الممرضة: لا يا دكتور مافيش.

ادهم: طيب.

أنا ماشيفي.

فيلا ادهم.

ادهم: فين ملاك يا ماما؟

كوثر: في أوضتها.

ادهم: حنين اطلعي خليها تلبس وتنزلي.

كوثر: في حاجة يابني؟

ادهم: مافيش. ده واحد زميلي فرحه انهارده وعزمني أنا وملاك ومش عايز أزعله. كفاية مروحناش الحنة.

كوثر: طيب يابني.

فوق في أوضة ملاك.

ملاك: طيب البسي وتعالي معايا إنتي كمان.

حنين: لا طبعاً.

ملاك: يلا بقى أنا محرجة أوي.

حنين: يا بنتي محرجة من إيه؟

ملاك: من ادهم. أنا مش مصدقة إن يعني هنتجوز وكده.

حنين: ههههههه. البسي يا ملاك الله يهديكي.

ملاك: طب داليا فين؟ خليها تيجي معانا.

حنين: داليا مع خطيبها. عقبالي.

ملاك: طب أخد ماما كوثر؟

حنين: خلاص هاجي معاكي.

ملاك: طب المشكلة بقى مش عارفة ألبس إيه.

ادهم: ممكن أدخل؟

ملاك: اتفضل.

ادهم: جبتلك ده. يارب يعجبك. عارف إنك نسيتي واكيد مش محضرة حاجة.

ملاك: اه فعلاً. شكراً.

ادهم: العفو. أنا هروح ألبس.

حنين: أنا جايه معاك.

ادهم: ماشي. البس.

بعد شوية.

حنين: اوعاااااا بقى. ده ادهم لو شافك كده هيطلع على المأذون.

ملاك: اتلمي بقى. أنا أصلاً على تكه وحاسة إني هعيط.

حنين: ليه؟

ملاك: إنتي مش شايفة المعاملة بينا بقت عاملة إزاي؟ في يوم وليلة اتشقلبت. وكمان باين عليه إنه زعلان مني أوي.

حنين: ممم. وإنتي همك زعله ليه بقى؟ مش إنتي مش بتحبيه؟

ملاك: مش شرط على فكرة. هو الصديق المقرب ليا. واكيد هيفرقني زعله. مش شرط أكون بحبه يعني.

حنين: بس غيرتك عليه دي سببها إيه؟ أكيد بتحبيه. بتنكري ليه؟

ملاك: يوووه. صدقيني أنا بعتبره أخ ليا على فكرة. فيه غيرة برضوه مابين الأخوات عادي. مش شرط أكون بحبه. يلا يلا بقى نخرج علشان إنتي شكلك هتوديني في داهية.

حياة: أنا خلصت.

ملاك: ماشاء الله. تعالي يا حبيبتي. إيه الجمال ده كله؟

حياة: إنتي أحلى. إنتي فعلاً ملاك.

حنين بزعل: اخص. وأنا مافيش كلام حلو ليا بقى؟

حياة حضنتها: إنتي حلوة برضوه. ادهمي بيقولكو إنه خلص ومستنيكم تحت.

حنين: ماشي. هننزل اهو. يلا يا ملاك.

ملاك: ما تروحوا إنتو.

حنين: يلا يا ملاك الله يهديكي.

بعد شوية كانوا نزلوا هما التلاتة تحت. انبهار كوثر وادهم اللي واقف متنح.

ملاك بكسوف: خليه يشيل عينه دي بدل ما أروح أحط صوابع حياة فيها.

حنين: ههههههه. اسكتي بقى.

كوثر: ماشاء الله على الحلوين والصغنن بتاعنا. إيه الحلاوة دي؟ ربنا يحميكو من العين.

ادهم: ماشاء الله.

حياة جريت وحضنته: أنا خلصت أول واحدة.

ادهم شالها بحب: وطلعتي أحلى واحدة يا نور عيني.

ملاك: يلا.

ادهم بص لها: يلا.

ملاك: ادهم أنا عايزاك.

ادهم: اتفضلي. سامعك.

ملاك: أنا مش موافقة إننا نتجوز. وده قرار نهائي. ومتخافش أنا مع حياة ومستحيل أسيبها. وهفضل عايشة معاكو. وبجد أنا هبقى مبسوطة أوي لو إنت فكرت في حياتك واتجوزت حد بيحبك بجد وبتحبه.

ادهم: بس...

ملاك: صدقني يا ادهم أنا مبسوطة كده. خلينا أصدقاء أحسن.

ادهم: ماشي يا ملاك. اللي يريحك.

ملاك بفرحة: بجد؟

ادهم: يااا. إنتي فرحانة أوي كده ليه؟ إنتي كنتي مغصوبة؟

ملاك: مش حابة أخسرك يا ادهم كصديق. وأنا مكنتش حابة أظلمك. أنا مش بحبك يا ادهم. وإنت تستاهل بنت تحبها وتحبك.

ادهم: يلا.

ملاك: يلا.

قدام القاعة.

ادهم: لو لمحت واحدة فيكم قايمة من مكانها أو بتكلم شاب أو قامت من غير علمي مش هتشوفوا غير وشي التاني. أنا مش سوسن. أنا ادهم.

ملاك وحنين وحياة: اتفقنا.

ادهم: بقولكم إيه؟ تيجوا نمشي أحسن.

ملاك: يلا يا ادهم. مش كفاية نسينا الحنة.

ادهم: طيب. عارفين لو اتحركتوا من على الكرسي أنا عايزكم إنتو والكرسي واحد.

حنين بهزار: خلاص يا ادهم فهمنا. بس لو شاب جه قالي تعالي نرقص هقوم. اتفقنا.

ادهم مسكها من قفاها: خدي يابت إنتي.

حنين: بهزر والله. عااا.

ملاك: خلاص بقى. مش هنتحرك.

ادهم: الكلام ليكو إنتو التلاتة.

بعد شوية. ادهم دخل القاعة وكانت كل العيون عليهم وقد إيه شكلهم مميز وحلو.

حنين: الحقي. الشاب اللي واقف هناك ده بيبص إزاي؟

ملاك: اسكتي بقى. ادهم لو سمعك هيخليه عزى مش فرح.

حنين: ماشاء الله. بصي يا أختي البنات بتبصله إزاي وهو مش معبر ولا واحدة فيهم. ابن عمتي كاريزما برضوه.

ملاك: إحنا أحلى.

حنين: إيه؟ غيرانة؟

ملاك: يوووه. هتشليني. مش غيرانة. هغير ليه أصلاً.

ادهم: بطلو رغي واقعدو هنا. متتحركوش. هروح أسلم على العريس. وأجيب...

بعد شوية.

كان ادهم واقف هو والبنات بيسقفوا.

"اونكل اونكل"

ادهم بص يمين وشمال باستغراب: هو الصوت ده جاي منين؟

ملاك: هههههه. بص تحت.

ادهم بص. كان في طفل بيخبط على رجله. ادهم ابتسم ونزل لمستواه.

ادهم: إيه يا حبيبي؟

الطفل ببراءة: ممكن آخد الآنسة حياة نرقص سلو.

ادهم: آنسة إيه يعني؟

الطفل: هي قالتلي استأذن منك.

ادهم بص لحياة: كتر خيرك. مين ده بقى يا حياة؟

حياة بطفولة: ده كيمو.

حنين وملاك كانو واقفين مش مبطلين ضحك لحد ما ادهم بص لهم بصة خرستهم. ورجع تاني بص لكيمو.

ادهم: معلش يا حبيبي. حياة مش بترقص مع حد. اقف جمبها هنا.

الطفل: بليز يا اونكل.

ادهم: إنتي عرفتي كيمو ده إمتى؟

حياة بكسوف: لسه دلوقتي يا دومي.

ملاك: خلاص يا ادهم خليهم يرقصوا.

ادهم: طيب. بس خليكوا قصادي هنا.

الطفل: يس. شكراً يا اونكل. يلا يا حياتي.

ادهم: ولااا. خد هنا. حياتي مين؟

ملاك: ههههههه. خلاص بقى سيبها.

حنين راحت مسكت إيد ادهم: ادهم تعال نرقص سلو.

ادهم لسه هيبعد بس هي شدته ورقصت معاه.

شاب: ترقصي يا حلوة؟

ملاك بصتله بقرف: لا. وراحت وقفت برا.

ادهم: هي راحت فين؟

حنين: مين؟

ادهم: ملاك.

حنين: كانت واقفة هنا. مش عارفة.

ادهم: طيب هروح أشوفها. خلي بالك من حياة.

حنين: طيب.

عند ملاك.

ادهم: حنين أختي في الرضاع.

ملاك بابتسامة: أحلف.

ادهم: والله يا بنتي أختي.

ملاك: احم. طيب أنا مالي.

ادهم: ممم. مش عارف. حسيتك مضايقة.

ملاك: تؤ. طلعت أشم شوية هوا.

ادهم: طيب.

ادهم: ثواني أرد على موبايلي.

بعد شوية.

ادهم خلص المكالمة وراح عند ملاك. مسكها من إيديها: تعالي.

ملاك: ابعد يا ادهم. في إيه؟

ادهم: تعالي معايا.

ملاك: ادهم إيدك بتوجعني. في إيه مالك؟

حنين: ادهم في إيه وماسك إيد ملاك كده ليه؟

ادهم: اخرسي.

حنين: ادهم في إيه؟

ادهم: أنا آسف يا حنين. بس خدي حياة وروحي. وأنا ساعتين وجاي. وركب هو وملاك العربية.

ملاك بدموع: نزلني يا ادهم من هنا. نزلني.

ادهم مردش عليها وفضل مكمل في طريقها.

ملاك: طيب أنا عملت إيه يا ادهم؟ طيب.

ادهم وقف العربية: هنتجوز.

ملاك: إيييي؟

ادهم: ملاك قدامك خيارين. يا نتجوز وتفضلي مع حياة. يا أما تنزلي وشوفي هتروحي فين. بس مش هتشوفي حياة تاني.

ملاك بصدمة: إنت بتقول إيه؟ إنت إزاي طلعت ح... كده؟

ادهم بزعيق: ملاك اخلصيييييي.

ملاك: أنا مش هقدر أبعد عن حياة.

ادهم: افهم من كده إنك موافقة؟

ملاك: ليه بتعمل فيا كده؟ لييييييه؟ أنا عملتلك إيه؟

ادهم شغل عربيته وطلع على المأذون.

بعد شوية.

"بارك الله لكما وبارك عليكما وجمعا بينكما في خير"

ملاك قامت ولسه هتمشي بس ادهم مسك إيديها.

ادهم: راحة فين؟

ملاك بصتله بقرف: إيه؟ همشي.

ادهم: أنا آسف.

ملاك: هههههه. آسف.

في الفيلا.

كوثر: ملاك حبيبتي مالك؟

ملاك دخلت أوضتها وهي بتعيط: مافيش حاجة.

كوثر: ملاك ملاك.

ادهم: ملاك فين؟

كوثر: لسه داخلة أوضتها. هو في إيه؟

ادهم: هحكيلك بعدين.

في أوضة ملاك كانت نايمة على السرير بتعيط.

ادهم: ملاك.

ملاك بعصبية: إنت إزاي تخش كده؟ إنت اتجننت؟

ادهم راح عندها وضربها بالقلم.

ملاك بصدمة: إنت؟ إنت؟

ادهم: أنا متجننتش. أنا جوزك. وبتعيطي ليه طالما إنك مش موافقة؟ وافقتي ليه؟ ليه منزلتش من العربية؟

ملاك: واسيب حياة. أسيب الطفلة اللي مالهاش حد غيري. أسيب البنت اللي بقيت أنا أمها. بس أقول إيه. منك لله. إنت استغليت نقطة ضعفي. بس صدقني أنا بكرهك. بكرهك فوق ما تتخيل.

ادهم بص لها لفترة وسابها ومشي.

عند كوثر.

كوثر: اتجوزتوا إمتى وإزاي ومن غير علمي؟

ادهم: أنا آسف.

كوثر بصتله بكسرة وراحت عنده وضربته قلم.

حنين: تعالي نطلع فوق يا حياة.

كوثر: إزاي تتجوز من غير ما تقولي؟ إزااااي؟

ادهم: أنا آسف يا ماما. حقك عليا. صدقيني هتعرفي كل حاجة في وقتها. وهتعرفي ليه عملت كده.

كوثر: إنت اتجوزتها برضاها ولا غصب؟

ادهم: غ... غصب.

كوثر ضربته تاني بالقلم: امشي. اطلع برا.

ادهم مسك إيديها وباسها: أنا كده كده كنت همشي يا أمي.

كوثر بدموع: ليه يا ادهم؟ ليه تعمل فيها كده؟

ادهم: ملاك. ملاااااك.

ملاك: أفندم.

ادهم: جهزي شنطتك علشان ماشيين.

ملاك: أنا مش راحة معاك في حتة. إنت فاهم؟ أنا هفضل هنا مع ماما كوثر.

ادهم راح عندها ومسكها جامد من إيديها: لما جوزك يقولك حاجة تسمعيها. إنتي فااااهمة؟ ولا أفهمك بطريقتي؟

ملاك: إنت مستحيل تكون ادهم. إنت إنت مين؟ إنت مش ادهم. إيه اللي غيرك فجأة كده؟ إنت كنت كويس. ومين مين اللي كلمك؟

ادهم: حنين.

حنين: أيوه يا ادهم.

ادهم: لمي هدوم حياة كلها. وخليها تلبس وتنزل. أنا مستنيها في العربية. والكلام ليكي إنتي كمان يا ملاك. خلال ساعة لو محصلتنيش على برا هزعلك.

ملاك دخلت أوضتها وفضلت تعيط ولمت هدومها.

ادهم وقف قصاد مامته وباس إيديها ورأسها: حقك عليا يا ست الكل. ادعيلي. صدقيني هتعرفي ليه عملت كده في الوقت المناسب. وراح ركب عربيته وطلع موبايله ورن.

- اتجوزتها.

ادهم: آه اتجوزتها.

- تمام. ياريت تخلي بالك منها. علشان خاطري. متسبهاش لحظة واحدة يا ادهم.

ادهم: حاضرتي

حياه: احنا جهزنا

ادهم بص لملاك بحزن وفتح لها باب العربية وركب

بعد مرور ساعتين

ادهم: ملاك اصحي

ملاك: صاحية احنا وصلنا

ادهم: اه وصلنا

ملاك بصت حواليها كانت في شبه صحراء وفي ڤلل بس مش كتير

ادهم: حلو مش كده

ملاك: احنا هنعيش هنا في الصحراء دي

ادهم: اه يا ملاك انزلي ڤيلتنا الي هناك دي روحي وانا هجيب حياه وجاي وراك

ملاك: طيب

بعد شويه كانت ملاك دخلت الفيلا وانبهرت بجمالها وقد إيه هادية ورقيقة

ادهم: عجبتك

ملاك: اه ممكن توريني اوضتي

ادهم: اطلعي فوق اول اوضة على ايدك الشمال

ملاك: تمام

ملاك طلعت الأوضة ولسه بتفتح الباب وقع كله

ادهم: انتي كويسة

ملاك فضلت تضحك لحد ما عنيها دمعت من كتر الضحك وادهم واقف مستغرب

ادهم بابتسامة: طب ضحكيني معاك

ملاك: هههههه اه ياني مش قادرة تعرف أنا بضحك افتكرت فيلم عسل أسود لما أحمد حلمي رجع من السفر وفتح باب شقته

ادهم: هههههههه

ملاك وفجأة بطلت ضحك وبصتله بحزن ودخلت الأوضة

كانت مليانة صور لمحمد وأدهم مع بعض فضلت واقفة تتفرج عليهم بابتسامة

ادهم: عجبتك الأوضة

ملاك: كنتوا بتحبوا بعض أوي مش كده

ادهم: تعرفي إن الفيلا دي بتاعتنا إحنا الاتنين

ملاك: حلوة أوي وهادية

ادهم: من صغرنا واحنا بنتمنى إننا يكون لينا بيت كان بيقولي أنا لما اتجوز وانت كمان تتجوز هنجيبهم هنا ونقعد أسبوعين نغير جو فيهم تعرفي كان بيخاف عليا أوي من أقل حاجة تعرفي كان يقولي لما اجيب ولد هسميه أدهم

ملاك: ربنا يرحمه

وبعدين افتكرت اللي حصل انهارده

ادهم: يارب

ملاك وبصتله بألم: اطلع برا

ادهم: أنا هنام في أوضتي

ملاك: أوضتك؟

ادهم راح ناحية السرير ونام عليه

ملاك: لا انت شارب حاجة أكيد أدهم قوم لو سمحت

ادهم: تعالي نامي لو عايزة

ملاك: خلاص خليك انت هنا وأنا هروح أنا في أي أوضة من الأوض اللي تحت

ادهم مسك إيديها: انتي مش هتنامي غير هنا ومش عايز كلام كتير

ملاك: مستحيل أنام جنبك إنت إيه يا أخويا مش كفاية اللي حصل انهارده عايز مني إيه بقى

ادهم: وأنا قلت اللي عندي تعالي اتنيني نامي هنا وحياة هتكون في النص أهي عايزة إيه تاني مفيش نوم في الأوض لوحدكم

ملاك: وده ليه إن شاء الله

ادهم: كده تعالي بقى ممكن تنامي

ملاك: تمام

تاني يوم

ملاك فتحت عينيها وملقتش أدهم ولا حياة اتخضت ونزلت تحت وشافتهم واقفين مع بعض في المطبخ بيعملوا فطار ولابسين لبس الشيفات وشكلهم كان حلو فضلت بصالهم لدقايق وراحت عندهم

حياه: صباح الخير

ملاك: صباح النور انتي بتعملي إيه يا حياه

حياه: أدهم عمل بيض على شكل دبدوبة ليا وعملك إنتي بيض على شكل قلب اتفضلي بصي شكلهم حلو إزاي

ملاك: تسلم إيدك يا حياه

ادهم كان بيقطع الطماطم وسرحان جرح صباعه

ملاك بعصبية خفيفة: آه خلي بالك اتعورت إنت سرحان في إيه كده بتوجعك

ادهم: محصلش حاجة أنا كويس كنت سرحان بس مش أكتر

ملاك: طيب تعال أدهنلك عليها مرهم

ادهم شال إيديه: مش عايز أفطر وأنا هعمل مكالمة وأجيلكم

ملاك بصت لحياه: ماله

حياه: مش عارفة

في الجنينة

ادهم: معرفتيش عنه حاجة لسه

- صدقني مشوفتوش ولا أعرف عنه أي حاجة بالله عليك خلوا بالكم من نفسكم كويس إنت متعرفش ده ممكن يعمل فيكم إيه ده مجنون

ادهم: طيب سلام دلوقتي لو عرفتي أي جديد كلميني

- حاضر

ملاك: بتكلم مين

ادهم: وانتي مالك بكلم مين

ملاك: أنا فكرتها ماما كوثر كنت هكلمها مش أكتر أنا آسفة عن إذنك

بعد شويه

ملاك: ادخلي يا حياه

ادهم: أنا مش حياه أنا أدهم

ملاك بصتله بحزن وبعدين نزلت وشها وعيطت

ادهم راح عندها ونزل لمستواها: حقك عليا

ملاك بدموع: إنت كل شوية تعتذر وتزعلني تاني وامبارح ضربتني بالقلم كنت فاكرة إنك كويس وصديقي المفضل بس إنت طلعت زي أختي وجوزها بالظبط كلكم وحشين أوي ليه بتعملوا فيا كده ليه عندكم الضرب سهل أوي كده حرام عليك بقى مش كفاية اتجوزتني غصب

ادهم قام قعد على السرير وحط راسه على كتفها

ملاك: إنت

ادهم: شش ممكن تخليني نايم على كتفك عشان خاطري صدقيني كل حاجة عملتها غصب عني وهتعرفي في الوقت المناسب

ملاك: أدهم لو سمحت

ادهم: قلتلك عشان خاطري يا ملاك وصدقيني أنا مش هعمل أي حاجة تزعلك مني أبداً وكمان لو حبيتي تطلقي هطلقك لأني مقبلش أعيش مع واحدة مش طيقاني

ملاك: واتجوزتني ليه يا أدهم من الأول طالما عارف إني مش بحبك

ادهم: هتعرفي كل حاجة في وقتها بس سيبيني ساند راسي على كتفك شوية

ملاك سابته وفضلت تفكر إيه اللي خلاه يتجوزها رغم إنها قالتله يفضلوا أصدقاء وهو وافق فضلت تفكر لحد ما ساندت دماغها ونامت

بعد مرور يومين

ملاك: هو إحنا هنفضل هنا كتير وكمان إنت ليه قاعد مش بتروح المستشفى ليه

ادهم: كل ده أنا هرد على سؤال واحد منهم بس

ملاك: طيب بتروحش المستشفى ليه

ادهم: إنتي ليه بتختاري أنا اللي هختار أولاً الله أعلم إحنا هنمشي إمتى من هنا بس أعتقد هنقعد حبة حلوين

ملاك: ومش بتروح المستشفى ليه مش فيه ناس دلوقتي أكيد محتاجينك

ادهم: فيه دكاترة غيري إنتي اللي هتبقي محتاجاني أكتر

ملاك: أنا أعرف آخد بالي كويس أوي من نفسي مش هبقى محتاجة حد

حياه بدموع: يا أدهم أدهم

ادهم بخضة: إيه مالك في إيه بتعيطي ليه كده

حياه: أنا عايزة أشوف تيته كوثر

ادهم خدها في حضنه: أهدي طيب عشان خاطري متعيطيش أنا مبحبش أشوف دموعك دي وإنتي عارفة كده كويس

حياه: تيته كوثر وحشتني كانت بتحكيلي حدوتة أنا عايزها

ادهم: طيب بصي إيه رأيك أجي أنا أحكيلك حدوتة

حياه: وإنت بتعرف تحكي حدوتة

ادهم: عندك شك

حياه: طيب تعالوا ناموا جمبي واحكيلي حدوتة وإنتي كمان يا ماما

بعد شويه

ادهم كان بيلعب في شعر حياه: كان في مرة وحش كبير

ملاك بمقاطعة: وحش إيه إنت كمان هتخوف البنت

ادهم بص لها: ممكن تسكتي

ملاك: تمام سكتنا بس متقولهاش وحش

ادهم: ماشى

حياه: يلا يا أدهمى كمل

ادهم: كان في مرة ست عجوزة وحشة أوي أوي أوي كانت بتروح

ملاك بهمس: كانت بتروح تموت الناس ولا إيه أدهم بلاش الكلام ده احكيلها حدوتة عدلة

ادهم: قومي يا ملاك الله يهديكي من هنا أحكيلها الحدوته في ودنها يعني ولا أعمل إيه مش معقول أحكيلها إنتي بقى

ملاك خدت حياه منه في حضنها: تعالي وأنا أحكيلك يا قلبي

ادهم خدها: أنا اللي هحكيلها أوعي كده

ملاك: لا أنا اللي هحكي يا أدهم

ادهم: لا يا ملاك

حياه: باااااااس إنتو الاتنين

ملاك: تختاري مين يا حياه اللي يحكي

حياه بصت لأدهم وقالتله في ودنه: خلينا نسيبها هي اللي تحكي عشان متعيطش إيه رأيك

ادهم: هههههههههه ماشي اتفقنا

ملاك: والله بتقولوا إيه بقى

حياه: إنتي احكي

ملاك: كان في مرة بنوتة اسمها الأميرة حياه كانت عسولة وبتسمع كلام أهلها وكانت بتذاكر عشان نفسها تكون

حياه: دكتورة شاطرة

ملاك: وهتبقي أجمل دكتورة شافتها عيني يروحي المهم البنوته العسولة كان مين بيحبها

حياه: أدهمى وملاكى

ادهم: كانت عيلة حياه عايشين في أجواء جميلة مع العيلة اللي بتحبها وبتخاف عليها و كانت في بنوتة اسمها مسك كانت بتحب حياه خالص وكانوا بيروحوا مع بعض في كل حتة

ملاك باستغراب: مسك مين

ادهم: بنتنا

ملاك: بنتنا؟

ادهم: احم قصدي بنت اللي في الحدوته يعني بنت أدهم وملاك

ملاك: وإنت مين قالك إن الأسماء دي في الحدوته

ادهم: هي حياه قالت أدهمى وملاكي وبعدين أنا خليتهم يخلفوا بقى وجابوا مسك وتوتة توتة خلصت الحدوته

حياه: بس إنتوا الاتنين أنا عايزة أنام ومش عايزة حدوتة كرهتوني فيها

ادهم بص لملاك بغيظ: عجبك كده

ملاك: ما إنت اللي ترجمت الحدوته من دماغك أنا كنت بحكيلها ومبسوطين

ادهم: ياستي كل ده عشان قلت مسك أبقى سمي إنتي

ملاك: لا أي مسك ده إحنا إن شاء الله نسمي تاليا

ادهم: تاليا طب إيه رأيك سيلي

ملاك: مش عارفة تصدق حلو برضو

ادهم: طب لو إن شاء الله جه ولد

ملاك: غيث أو يوسف إيه رأيك

ادهم: غيث حلو ومختلف

ملاك بتوتر: اده ه هو إنت إيه اللي بتقوله ده

ادهم: هو أنا بقول لوحدي

ملاك: ا أنا قايمة

بعد شويه

ادهم: قاعدة لوحدك ليه

ملاك مسحت دموعها: كان نفسي هبه تكون بتعاملني حلو مفيش يوم بيعدي عليا إلا وأنا بفكر فيها أنا محتاجها أوي

ادهم: الإنسان مش بياخد كل حاجة يا ملاك وكل اللي إحنا فيه ده اختبارات يا تواجهيها يا تفضلي تعيطي على جنب وتوقفي حياتك ربنا هيعوضك عن كل الوحش صدقيني

ملاك بدموع: معرفش عملتلها إيه لكل ده

ادهم مقدرش يشوف دموعها وخدها في حضنه لأول مرة وحاول يهديها لحد ما هديت وخرجت من حضنه

ملاك: لو قربت مني تاني إنت حر ها

ادهم: إنتي بقالك ساعة في حضني على فكرة

ملاك: على فكرة هما نص ساعة

ادهم: ممم يعني إنتي عارفة إنك طولتي في حضني مممم شكله عجبك

ملاك بتوتر: أنا داخلة أنام سلام

ادهم: سلام إيه آه يا مجنونة ملاك

ملاك: افندم

ادهم: بجد أنا آسف حقك عليا حاولي بس تستحمليني اليومين دول وصدقيني هعمل كل اللي تطلبيه حتى لو الطلاق هيريحك ومتعاملنيش حلو بس قدام حياة لا يا ملاك أنا بجد مش قادر أشوفك زعلانة

ملاك: عشان قلبي طيب أنا مش زعلانة أنا مبعرفش أزعل من حد أصلاً

ادهم: عارف إنك طيبة ومافيش زيك قلبك أصلاً أوعدك إني عمري ما همد إيدي عليكي تاني كانت تتشل قب

ملاك حطت إيديها على بقه: ششش إيه اللي بتقوله ده بعد الشر عنك

ادهم بابتسامة: مش زعلانة طيب بطلي تبصيلي بقرف كده ببقى حاسس إنك بتبصي لفار ميت

ملاك: كتك قرف إيه ده

ادهم: بجد نظراتك ليا بتموتني

ملاك: قال يعني إنت اللي كنت بتعاملني بطيبة وإحساس

ادهم: يستي أبوس راسك

ملاك: بقولك إيه لو قربت مني تاني إنت حر هحدفك من هنا

ادهم: ده دور أرضي عادي

ملاك: إنت ردك حاضر

ادهم: مش أحسن ما يكون متأخر

ملاك: أنا داخلة أنام عشان لو طولت في قعدتي معاك هنخسر بعض يا أدهم

ادهم: ملاك

ملاك: هيحح افندم

ادهم: زعلانة مني

ملاك بابتسامة لا مش زعلانة حصل خير

الفجر

ادهم صحي وفضل يتأمل ملامحها الجميلة شوية وقد إيه هي ملاك وهي نايمة عدلها على السرير وغطاها ونزل تحت واتصل بمامته

في ڤيلا أدهم

كانت كوثر خلصت صلاة وقامت عشان تنام لكن موبايلها رن

ادهم: الو يا ماما عشان خاطري متقفليش

كوثر: عايز إيه يا أدهم

ادهم: صدقيني غصب عنك

كوثر قفلت السكة وادهم فضل يرن تاني لحد ما ردت

ادهم: هحكيلك يا ماما كل حاجة بس اوعديني محدش يعرف

كوثر: سمعاك يا أدهم احكي

فلاش باك

ادهم: إنتي تاني عايزة إيه أنا في فرح دلوقتي ومش عايز نكد

هبه: علشان خاطري، علشان خاطري استنى، متقفلش.

أدهم: ممم، اتفضلي، قولي اللي عندك. عايزة فلوس؟

هبه: جلال، جلال مشي من البيت. وقبل ما يمشي، وعدني إن...

أدهم: اخلصي!

هبه: هيجيب بجث*ة اختي.

أدهم بصدمة: انتي بتقولي إيه؟

هبه: بقولك اللي قالهولي. في خطر على ملاك. علشان خاطري خليك معاها. وسيب الفيلا اللي انت فيها دي وخدها في شقة بعيد. جلال مجنون ومش في وعيه.

أدهم: ازاي؟ وملاك مش هترضى تسيب أهلي وتيجي معايا. ومش هترضى أصلاً تقعد معايا لوحدها.

هبه: مافيش حل غير كده. بقولك حياتها في خطر. خلاص، أنا عندي فكرة.

أدهم: إيه هي؟

هبه: هي هتيجي معاك في حالة واحدة بس، لو اتجوزتها.

أدهم: اتجوزها؟

هبه: لازم تتجوزها علشان تفضل تحت عينك. مش لازم ملاك تعرف أي حاجة يا أدهم. ملاك طيبة أوي وبتتضحك عليها بسهولة.

أدهم: وإنتي بتحبيها أوي، جاية تقوليلي. شكل دي لعبة جديدة ها؟ كملي. أصلي معلش، إيه اللي يخليه عايز يقتلها يعني؟

هبه: بص، كنت عارفة إنك مش هتصدقني. جلال قبل ما نتجوز كان بيحبها هي. وبعد ما رفضته، حلف إنه هيعذبها. وضحك عليا بكلمتين وصدقته. طلع متجوزني علشان هي تكون تحت عينيه. حلف إنه مش هيخليها تشوف يوم حلو. ولما لقاها مبسوطة في حياتها، قال ينتقم منها لأنه بيكرهها أوي فوق ما تتخيل. اللي مخليني متأكدة إنه ممكن يقت*لها.

أدهم: إن... إيه؟ انطقي.

هبه: اليوم اللي طردها فيه، وكنت أنا مصممة إنها تمشي من البيت. جلال كان اتسحب من جنبي بليل. وكان بيحاول يكتم ن*فسها، بس أنا دخلت في الوقت المناسب.

أدهم: وهي مكنتش تعرفه؟

هبه: هي متعرفش لحد دلوقتي. أنا شوفته وهو بيحطلها مخدر، بس مكنتش أعرف ليه. وقولت أفضل صاحية.

أدهم: إنتي إزاي توافقي على الشخص ده وتدخليه بيتكم إزاي؟

هبه: مكنتش أعرف. أهو ضحك عليا بكلمتين تلاتة، وإن أختي هي اللي بتجري وراه، وهو بيحبني أنا. وللأسف، أنا كنت بصدقه علشان كنت بحبه. بس للأسف، بعد ما اتدبست عرفت حقيقته. وكمان خلاني زي العبيطة أمضي على تنازل على الشقة. وكان دايماً بيهددني بأختي. مكنش عندي حل تاني غير إني أسمع كلامه وأعاملها أوحش معاملة. كان بليل يفهمني ويفضل يحفظني في كلام أقوله ليها الصبح. ولو نسيت حرف، كان بيعذبني.

أدهم: بس أنا مش...

هبه: دكتور أدهم، حياة ملاك في خطر. وأكيد حياتكم انتوا كمان هتكون في خطر. علشان خاطري خلي بالك منها. اتجوزها يا أدهم، اتجوزها. أنا متأكدة إنك هتحميها. جلال ده مجرم. جلال مجرم وممكن يقت*لها فعلاً. هو مجنون مش طبيعي. ملاك كانت فاكراني كويسة معاه، بس فعلاً إحنا بنبقى كويسين برا الأوضة، لاكن لما بنبقى جوا، كان بيعذبني. هددني إني لو معملتش ملاك وحش، هيرمينا في الشارع. إحنا الاتنين. صدقني، كل كلمة طلعت مني في يوم من الأيام ليها، كانت غصب عني. حتى الفلوس اللي كنت باخدها منك دي، كنت بديها له علشان يجيب بيها مخدر*ات. أنا عايشة مع مجرم. وكان لازم أستحمل علشان أحميها. أنا لو كنت خدتها وهربنا منه، كان هيجيبنا بسهولة. علشان كده مشيتها اليوم ده. وهو كان مبسوط، كان فاكر إنها هتفضل في الشارع. أنا فرحانة أوي إنك معاها ومتأكدة إنك كويس. خليك معاها ومتسبهاش لحظة واحدة.

أدهم: طيب، طيب. المهم لو في جديد كلميني. وأنا هاخدها مكان بعيد عن هنا. وهبقى أقولك عليه. بس لما إنتي ترني عليا. أنا مش هرن. علشان أكيد لو عرف إنك كلمتيني، هيبقى في خطر على حياتك إنتي كمان.

هبه: طيب، أنا هقفل دلوقتي.

أدهم: استني.

هبه: أيوه.

أدهم: مش عايزك تعرفي عنوان أهلي أبداً.

هبه: أكيد مش هعمل كده. حتى لو على موتي. أنا خلاص مبقاش عندي حاجة أخاف عليها.

أدهم: تمام.

باااااااك...

كوثر بدموع: في خطر عليك يا أدهم.

أدهم: متقلقيش عليا يا حبيبتي. ادعيلنا.

كوثر: بدعيلك يا ابني. خلي بالك منهم يا حبيبي. وابعتلي العنوان أجلك.

أدهم: يا ماما، أنا خدتهم بعيد علشان ميبقاش عليكم خطر إنتوا كمان. كفاية هي. أنا عينت حرس تاني. أوعي يا ماما حد يخرج من غيرهم. علشان خاطري. متخلنيش قاعد هنا وعقلي وتفكيري فيكم هناك. خلوا بالكم من نفسكم. وإن شاء الله لو لينا عمر نتقابل بعد ما جلال يتمسك.

كوثر بدموع: طب كلم حد من الشرطة يا ابني يراقبه.

أدهم: لو عرف إن في حد بيراقبه، أكيد هيعرف إن مراته حكتلي الحقيقة وهيبقى في خطر عليها. أنا بعت ناس تراقبوا من غير ما يعرف. وأنا اللي هوديه بإيدي للقسم.

كوثر بدموع: ربنا يحميكوا يا حبيبي ويحفظكم. أنا آسفة يا حبيبي.

أدهم: علشان خاطري يا ماما، أنا مش عايزك تعيطي. بالله عليكي متوجعيش قلبي. أنا قولت أقولك علشان مش عايزك تزعلي مني. عايزك تفضلي راضية عني. ده أهم حاجة عندي. متزعليش مني.

كوثر: إنت متعرفش قلبي كان بيتقطع إزاي وأنا مش بكلمك. أنا اللي مش عايزة إني أزعلك مني.

أدهم: عمري ما أقدر أزعل منك يا حبيبتي. يلا روحي بقه نامي.

كوثر: ماشي يا حبيبي. تصبح على خير.

ملاك: أدهم.

أدهم لف ليها بتوتر: ملاك؟ إيه صحاكي؟ تعالي نامي، تعالي. ومسك إيديها.

ملاك بصت لإيديها ورجعت بصتله: إنت مالك؟ في حاجة ولا إيه؟

أدهم: إنتي سمعتي حاجة؟

ملاك: سمعت إيه يا أدهم؟ في حاجة ولا إيه؟

أدهم: الحمد لله يارب.

ملاك: إنت كويس؟

أدهم: ها؟ آه كويس.

صباح يوم جديد 🌤

أدهم: صباح الخير. صاحيين من بدري ولا إيه؟

ملاك: آه من بدري. وأنا وحياتي خرجنا اتمشينا شوية وجبنا حاجات.

أدهم بعصبية شديدة: إنتي بتقولي إيه؟

ملاك بخوف: في إيه يا أدهم؟ بقولك خرجنا.

أدهم: إنتي مجنونة؟ إنتي ليه بتحبيني أعصب؟ إنتي مبتفهميش إزاي تخرجي من غير ما تقوليلي؟ إنتي شيفاني برواز؟ مش عارفة تصحيني تقوليلي؟

ملاك بدموع: أنا آسفة.

أدهم بصوت عالي: والله العظيم يا ملاك، لو خرجتي ولا بس لمستي عتبة الباب من غير ما تقوليلي، هيبقى في تصرف مش هيعجبك. إنتيييي فااااهم؟

ملاك حضنت حياة: حـ... حاضر. حاضر.

أدهم بص على حياة اللي كان باين عليها الخوف ودخل أوضته علشان ما يتعصبش أكتر من كده.

بعد شوية...

حياة: أنا أول مرة أشوفه كده. أنا خوفت منه. مع إن هو اللي قالنا نخرج.

ملاك: هو بس متعصب شوية. مش عايزة إني تخافي. مش إنتي بتحبيه زي بابي؟

حياة: بحبه، بس مش بحب حد يزعق. أنا بخاف.

ملاك: لا متخافيش. اطلعي قولي له بقه إن الأكل جهز، علشان أنا مبكلمهوش.

حياة: لا يا حبيبتي. اطلعي إنتي. ممكن يضربني. وبعدين أنا مش بكلمه علشان زعقلك.

ملاك: خلاص، تعالي منكلمهوش إحنا الاتنين.

حياة: اتفقنا.

عند أدهم فوق، كان بيلعب ضغط وكان متعصب أوي. وتلفونه رن من رقم مجهول.

أدهم اتعدل ورد: الـ...

جلال: هقتلها قدام عينك. فاكر لما تاخدها بعيد مش هعرف أوصلكم؟ وأنا هحاسب اللي كان السبب في هروبكم من البيت.

أدهم وفهم إن ده جلال: هههههه. إنت مجنون؟ يلا، بتحب أخت مراتك؟ لا بجد، إنت عندك حاجة في مخك.

جلال: أنا مبكرهش في حياتي قدها. علشان كده هقتلها. علشان أعرفها مين هو جلال.

أدهم: ممم. ومين هو جلال بقه؟ إنت فاكر إني هخاف من واحد زيك؟

جلال: دبستني في أختها، وهي عارفة إني كنت بحبها هي. أنا بكرهها أوي. بكرهها. أنا بتحرق لما أشوفها مبسوطة ولا بتضحك. لازم لازم أموتها. بس قبل ما أموتها، أعيشها في خوف.

أدهم: طيب يا أستاذ جلال، إيه رأيك نتواجه وش لوش ونشوف الموضوع ده أنا وإنت؟

جلال: آه أقابلك علشان تعملي كمين، مش كده؟ هههههه. وقفل.

أدهم: الو. الوووو يا ابن الـ...

هبه: أيوه يا أدهم.

أدهم: إنتي فين دلوقتي؟

هبه: أنا في الشقة أهو. ليه؟

أدهم: طيب متخرجيش. وفي حرس قدام شقتك. ولما تعوزي حاجة، ابقي اطلبيها منهم. متنزليش إنتي.

هبه: حاضر. شكراً يا أدهم. أنا مش عارفة كان ممكن يعمل فيا إيه.

أدهم: العفو. كويس إنك عرفتي تهربي وتكلميني في الوقت المناسب.

فلاش باااك...

هبه: ا... أدهم، الحقني. جـ... جلال كلمني وشاكك إن أنا قولتلك حقيقته. علشان راح المستشفى وعرف إنك واخد إجازة مفتوحة. شك فيا. هو مش شاكك، هو متأكد. أنا خايفة. هو كلمني دلوقتي وقالي إنه جاي.

أدهم: هبعتلك عربية دلوقتي هتوصلك على شقتي اللي في 6 أكتوبر. أول ما توصلي هناك، البواب هيسلمك مفتاحها. اطلعي اقعدي فيها ومتخرجيش منها. أنا مش عايزك تخافي. طول ما أنا موجودة.

هبه: شكراً يا دكتور أدهم. شكراً.

باااااك...

بقلمي/menna moharam

بعد شوية...

أدهم: هبعتلك رقم وعايزك تخليك وراه وتعرف عنوانه بسرعة.

= حاضر.

أدهم: سلام.

عند حياة وملاك...

ملاك وهي باصة اتجاه أوضته: ياربي، أروح أديله الأكل وأمشي؟ طب أسيبه قدام الباب وأجري؟

حياة: بتفكري في إيه؟

ملاك: أدهم مطلعش من الصبح. وكمان مأكلش حاجة من امبارح.

حياة: طيب تعالي ندخل.

ملاك: طيب تعالي معايا. استني أحط له ياكل.

قدام الأوضة...

أدهم: ادخل.

ملاك بتوتر: أنا جبتلك الأكل. اتفضل.

أدهم: مش جعان.

ملاك: مش جعان إيه؟ إنت مأكلتش من الصبح.

أدهم بص ليها بحزن: مش هاكل يا ملاك.

حياة: إنت مأكلتش يا أونكل أدهم. إحنا جبنالك الأكل. يلا يا مامي نخرج.

أدهم راح عند حياة: طالما قولتي أونكل، يبقى زعلانة مني. مش كفاية هي. وبص على ملاك.

ملاك: اتفضل. أنا حطيتلك الأكل على السرير. عايز تاكل براحتك، مش عايز برضه براحتك.

أدهم مسك إيديها: ملاك، حقك عليا. أنا والله بحبكم وبخاف عليكم من الهوا.

ملاك: احم. طيب. مش زعلانين. بس إنت ليه اتعصبت أوي كده إننا خرجنا؟ يعني مع إنك قولت لحياة ماشي.

أدهم: نعم؟ قولتلها إمتى ماشي؟

حياة: أيوه. أنا جيت وقولتلك هنخرج. قولتلي ماشي. حتى كنت واقف عند الشباك.

أدهم: أنا...

حياة: أيوه إنت.

أدهم حاول يداري على الموضوع: آه صح. احم. عادي. أنا بس خوفت عليكم علشان متعرفوش حاجة هنا. وكمان إحنا في حتة مقطوعة.

ملاك بشك: متأكد؟

أدهم: هعملكم تشيز كيك.

حياة: إيه ده؟ إنت بتعرف؟

أدهم: لسه شايف الوصفة من على النت. ونفسي اتفتحت. يلا بينا على المطبخ. وشال حياة ونزل بيها.

ملاك: يترا فيك إيه ومخبي علينا إيه؟

أدهم: يلا.

ملاك: طب مش هتاكل؟

أدهم بص على الأكل ولقى الأطباق فاضية. اتوتر: احم. لا مش لازم.

ملاك كانت هتروح تشيل الصينية، بس أدهم وقف قصادها: يلا. أنا مش جعان. صدقيني. يلا.

بعد شوية...

أدهم: ملاك، لو سمحتي هاتي موبايلي من أوضة الركنة. عقبال ما أشوف التشيز كيك.

في المطبخ...

حياة: واواوووو! جامدة.

أدهم: مش عارف. ملاك اتأخرت ليه؟

حياة: أهي مامي جت. تعالي شوفي الشيف عملنا إيه.

أدهم: تعالي يا ملاك وقوليلي إيه رأيك؟ خدي دوقي.

ملاك: مممم. حلوة أوي.

أدهم لسه هيتكلم، النور قطع.

ملاك وحياة جريوا على أدهم: عاااا!

أدهم: متقلقوش يا حبايبي. ده النور قطع.

ملاك: هـ... هو... هو في حد واقف هناك.

أدهم: ها؟ فين؟

ملاك: اهو. في حد ماسك الفلاش.

أدهم: آه. يمكن الشباك مدخل نور عادي.

ملاك: يمكن. بس مدخل نور إزاي وهو مقفول؟ أنا فاكرة إني قافلة الشبابيك.

أدهم: ملاك، تعالي يلا ناكل بقه التشيز كيك. أحسن يبرد.

ملاك: يبرد؟ هو أصلاً بيبقى بارد.

أدهم بضحكة مصطنعة: بهزر.

ملاك فتحت فلاش موبايلها وراحت علشان تاخد الطبق، ملقتهوش.

أدهم: هو راح فين الطبق؟

ملاك: أنا حطيته هنا على الرخامة أول ما النور قطع.

حياة: دومي، أنا خايفة.

ملاك: أدهم، أنا فعلاً مبنهزرش. أنا حطيت الطبق هنا على الرخامة. أنا أكيد متجننتش.

أدهم: يمكن هنا؟ ولا هنا؟ استني لـ... أده. الحمد لله النور جه. شوفتي؟ الطبق اهو. كان على الكنبة.

ملاك: كنبة؟ هو راح لوحده؟

أدهم: لا، بتوكتوك. ههههه.

حياة: ههههههه.

ملاك: أدهم، متجننيش الله يرضى عنك. هو راح إزاي؟

أدهم بكذب: يابنتي، أنا حطيته هناك. متخافيش كده.

ملاك: بس إنت متحركتش من مكانك.

أدهم: يوووه! يلا بقه. نطلع البلكونة ناكل. أنا قولت إني حطيته هناك خلاص. بقه يلا. يا مملوكتي.

ملاك: ملوكتي؟ طيب يلا.

في البلكونة...

ملاك: لا، بس والله خوفت.

أدهم: متخافيش. أنا معاكي.

ملاك: تعرفي الصبح حصلت حاجة غريبة أوي.

أدهم: إزاي؟

ملاك: كنت مشغلة المروحة في المطبخ علشان الجو كان حر أوي. شغلتها على تلاتة. وعقبال ما روحت عند البوتجاز، لقيتها بقت على واحد.

أدهم: يمكن كانت سقعانة.

بقلمي/menna moharam

حياة: ههههههه.

أدهم: تدوم يا حياتي.

ملاك: ادهم بقه، أنا مش بهزر. وبعدين كانت راحة أشوفها، لقيتها بقت على تلاتة.

أدهم: يمكن كانت حرانة.

حياة: ههههههه.

أدهم: تدوم يا قلبي.

ملاك: يوووه بقه.

أدهم: يابنتي، هي بتعلق عادي.

ملاك: بجد خوفتني. أنا كنت فاكرة نفسي تعبانة.

أدهم: مش عايزك تخافي. دي أكتر فيلا أمان شفتها في حياتي.

ملاك: والله شكيت في البيت أصلاً.

أدهم: يلا ننام.

ملاك: يلا.

تاني يوم...

ملاك: ادهم، ادهم اصحى. قوم. نام على السرير. إيه، نيمك على الأرض؟

أدهم قام وبص حواليه: مش عارف. أنا كل ما باجي هنا، بلاقيني على الأرض.

ملاك: إزاي يعني؟

أدهم: ها؟ قصدي الجو حر، فنزلت أنام على الأرض أحسن.

ملاك: ممممم. طيب. ماشي. أنا نازلة أحضر فطار.

أدهم بخوف: يترا لو عرفتي إن البيت مسكون هتعملي إيه؟ ربنا يستر ومتعرفيش دلوقتي غير لما أقدر أمسك جلال.

فلاش باااك...

أدهم: مش مصدق يا جدع إننا جينا الفيلا. يااااه، بقالنا كتير أوي مجناش هنا. وحشتني أوي.

محمد: وأنا كمان.

أدهم: أيوه يا عم، خلينا نطلع من جو الاكتئاب اللي كنا فيه. أنا زهقت من البيت للمستشفى، ومن المستشفى للبيت. مفيش راحة أبداً. ولا سفر ولا فسح ولا أي حاجة. ده أنا بقيت أشوف أختي دكتور خالد يا عم.

محمد: إحنا خدنا بريك عشر أيام أهو. هفسحك فيهم. أي خدمة؟

أدهم: طيب، هطلع أنام شوية علشان تعبان من السفر.

محمد: وأنا كمان.

بعد شوية، كان أدهم نايم، والغطا كل شوية يتشال من عليه.

أدهم: يوووه يا محمد، قولتلك هنام شوية. ده إنت رخيم صحيح. سيبني بقه وروح نام شوية إنت كمان.

عند محمد...

محمد بنوم: أدهم، بطل رخامة وسيب رجلي يا عم. بغير. هيهيهي.

بليل...

أدهم: بسم الله الرحمن الرحيم. أنا مش كنت نايم على السرير؟ إزاي بقيت نايم على الأرض؟ لا ونازل بالمرتبة والمخدة والدفاية.

محمد: إنت صحيت. كنت جاي أصحيك. يلا قوم. اده، إنت هههههه. مش عاجبك السرير؟ نزلت على الأرض. لا، وبالمرتبة. شلتها إزاي دي؟

أدهم: شلت إيه يا محمد؟ إنت مجنون؟ أنا مشلتش حاجة.

محمد: أومال نزلت على الأرض إزاي؟ طيب ما علينا. يلا قوم بس.

أدهم: أنا مش هقوم من مكاني غير لما أعرف أنا نزلت على الأرض إزاي.

محمد: تلاقي قمت عادي يبني.

أدهم: قمت إزاي؟ أكيد لا. طب لو أنا فعلاً قمت، هقوم بالمرتبة كمان والمخدة اللي في حضني دي. ده أي النشاط ده.

محمد: أدهم، بقولك إيه، إحنا جايين هنا نفرح وننبسط شوية. خلينا يلا نلبس وننزل نخرج. يمكن المرتبة كانت كده وإنت مأخدتش بالك.

أدهم: طيب.

بعد شوية...

أدهم: محمد، خلصت؟

محمد: انزل وأنا هاجي وراك اهو.

أدهم: طيب. هعملك معايا قهوة؟

محمد: لا.

أدهم نزل ودخل المطبخ.

...

بسبس.

أدهم بص وراه: اده؟ إنت مين يا سكر؟ دخلت هنا إزاي؟

محمد: أنا خلصت.

أدهم بص له: طيب يلا. بس استنى أشوف الولد ده عايز إيه.

محمد: ولد مين؟

أدهم بص وراه: اده. بسم الله الرحمن الرحيم. كا.. كان فيه طفل واقف هنا.

محمد: أهدأ بس. أكيد في حاجة مش طبيعية بتحصل هنا.

أدهم: أنا طالع أسأل عم عزت البواب. أنا متأكد إن في طفل كان هنا.

قدام الفيلا...

أدهم: عم عزت، هو في طفل دخل دلوقتي صح؟

عزت: لا يا بيه. مافيش حد.

محمد: بس أدهم شاف طفل.

عزت: الصراحة يا دكتور، أنا والجيران بنسمع حاجات غريبة في الفيلا دي. وشكلها كده يعني.

أدهم: بس بس يا عم عزت. الله يصلح حالك. متكملش. وإنت يا محمد، هتخليك ولا تيجي معايا؟

محمد: رايح فين؟

أدهم: رايح بيتي يا أخويا، أنام على سريري وعلى مخدتي. أنا مش قاعد هنا ولا ثانية واحدة. وطلع يجري على عربيته.

محمد: خدني معاك يا اسطى.

باااااك...

أدهم: والله قاعد على أعصابي. بس أعمل إيه؟ ده المكان الوحيد اللي أمان. يارب ملاك متحسش بحاجة علشان نفضل هنا. لو شكت، مش عارف هنروح فين.

ملاك وحياة: عااااااااا!

أدهم قام من مكانه ونزل تحت.

ملاك: ادهم، الحقنا.

أدهم: في إيه؟

حياة: ادهم، أنا خايفة. أنا عايزة أمشي.

أدهم: في إيه يا حياتي بس؟

حياة: كنت قاعدة أنا ومامي ولقينا طفل معدي.

أدهم: ده... ده يمكن سليم ابن الجيران.

ملاك: ادهم، سليم مين؟ بقولك إيه، متجنناش. هو ابن الجيران هيرمي نفسه من الشباك ليه؟ مخلفين واحد أهبل.

أدهم: هو رمي نفسه، يا حرام. أكيد أهله هيزعلوا.

ملاك: ادهم، بلاش البرود ده بقه. مشينا من أم البيت العبيط ده.

أدهم: لا حول ولا قوة إلا بالله. يا حبيبتي إنتي مش بتصلي؟

ملاك: بصلي. الحمد لله.

أدهم: بس خلاص. متخافيش من أي حاجة. ربنا يحمينا ويحفظنا من كل شر.

ملاك: ادهم، مشيني من هنا ممكن؟ أنا بخاف أصلاً من خيالي.

أدهم: طيب يا ملاك. يومين وهنمشي.

ملاك: ولا يوم زيادة يا أدهم. أنا مرعوبة.

أدهم: تعالي بس. هنشغل القرآن. مش عايزك تخافي بقه. وأنا جنبك أهو وهفضل جنبك.

ملاك بهدوء: هنمشي.

أدهم: أوعدك قريب هنمشي.

بليل، كان أدهم قاعد هو وحياة يتفرجوا على التلفزيون. وملاك نزلت بصت عليهم وخرجت.

أدهم خرج وراها ومسك إيديها: إنتي راحة فين؟

ملاك بدموع: راحة لجلال.

أدهم ساب إيديها بصدمة:...

يتبع...

بقلمي/menna moharam

ادهم خرج وراها ومسك اديها: انتي راحه فين؟

ملاك بدموع: راحه لجلال.

ادهم ساب اديها بصدمه: انتي عرفتي؟

ملاك: مش هو عايز يقتلني، انا هروحله.

ادهم: استني، انتي عرفتي منين؟

ملاك: تعرف مين اللي قالي؟ هو...

فلاش باك

ملاك: الوجلال: مش هسيبك مبسوطة وفكرك لما حبيب القلب ياخدك بعيد مش هجيبك؟ لا هجيبك وهقتلك، مستحيل اشوفك مع حد غيري، انا... هبعتلك عنوان تجيلي عليه ولو مجتيش اترحمي على أختك.

ملاك بخوف: جـ جلال، انت عايز مني ايه؟ سبني في حالي بقى، الو الو.

باك

ملاك بانهيار: معرفش، انا ذنبي ايه؟ كل ده علشان رفضته واتجوزت أختي؟ انا بجد تعبت منه، انا مبقتش عارفة أعيش حياتي طبيعي، وكمان هددتني بأختي يا ادهم، هددتني بيها اني لو مروحتلوش هيموتها.

ادهم خدها في حضنه: ششش، اهدي، ممكن تهدي؟

ملاك: مقلتليش ليه من الأول؟ انت ناسي إنك وعدتني إنك مش هتخبي حاجة عني تاني؟ ليه؟ ليه بتخبي عني؟

ادهم: كنت خايف عليكي، ملاك، انا مبحبش أشوف دموعك، مش بحب أشوفك مضايقة ولا شايلة الهم، علشان أنا بحبك.

ملاك: اختي يا ادهم، اختي في خطر، لازم ألحقها.

ادهم: اهدي، اختك في شقتي اللي في 6 أكتوبر، مش عايزك تخافي، هي في أمان دلوقتي.

ملاك: هتطلقني بعد ما يتمسك؟

ادهم طلعها من حضنه: أيوه يا ملاك، لو انتي حابة تطلقي هطلقك، أنا عارف إنك لسه بتحبي محمد ومحدش هياخد مكانه.

ملاك: ششش، إيه اللي انت بتقوله ده؟ أنا بعد ما اتجوزتك وبقيت مراتك أنا مفكرتش في محمد، مستحيل أفكر في راجل غير جوزي، أنا لما بشوف صورته بدعيله بالرحمة، محمد، أيوه كنت بحبه بس محمد خلاص راح عند اللي أحسن مني ومنك، لما نفتكره ندعيله.

ادهم: يعني ممكن تديني فرصة؟

ملاك: أنا أصلاً مش عايزة أطلق، بس لو انت... أحم يعني في قلبك حد خلاص، اللي يريحك.

ادهم: أنا مفيش في قلبي حد.

ملاك بمقاطعة: أنا هخش أشوف حياه.

ادهم: يوووه، استني بقى، ملاك، أنا... أنا بحبك.

ملاك بابتسامة: طيب.

ادهم: طيب إيه؟ انتي مش بتحبيني؟

ملاك: ادهم، أنا مش عارفة، بس صدقني هيجي اليوم أكيد وهقولهالك.

ادهم: وأنا هستناها منك يا ملاك.

ملاك: يلا ندخل.

ادهم: يلا.

بعد مرور أسبوع

ادهم: أيوه.

=انت نايم؟

ادهم: تخيل.

=طيب احنا عرفنا مكان جلال.

ادهم اتعدل: بجد؟ طيب كتفوه وخدوه شقتي اللي في التجمع، أكيد انت عارفها صح؟

=اه، بس هنخشها إزاي؟

ادهم: البواب معاه مفتاح علشان بيطلع ينضفها كل فترة، خدوا منه، وانت هناك خليه يكلمني علشان أكيد مش هيرضى يديهولك.

=تمام.

ملاك بصت على الأرض: ادهم، في إيه؟

ادهم: مافيش حاجة.

ملاك: هههههه، هو انت غاوي تصحى تلاقي نفسك على الأرض؟

ادهم: والله يا بنتي أنا زهقت وضهري خلاص اتفرتك، نفسي أنام على السرير، أنا معرفش إيه غايتهم إنهم ينيموني على الأرض.

ملاك: ادهـمممم، بقه متخوفنيش بقه، أنا على تكه.

ادهم: مـ مافيش يا حبيبتي، أنا بقولك يعني إني بحب أنام على الأرض علشان... علشان يعني، والله ما أنا عارف علشان إيه، نامي يا حبيبتي، نامي.

ملاك: حبيبتك؟

ادهم غمزلها: وعقبال ما تكوني أم عيالي.

ملاك بكسوف: أنا... أنا رايحة أحضر الفطار علشان تاكل وعلشان حياة بتصحى تقول أنا جعانة وهفتانة.

ادهم اتعدل وباس اديها: خليكي براحتك، أنا هاخد شاور الأول علشان عندي مشوار، ملاك، أوعي تخرجي، تمام؟

ملاك بصت لأديها: انت عملت إيه؟

ادهم: مش وقت عملت ومعملتش، خلاص، أنا آسف.

ادهم لبس ونزل ولسه هيخرج.

حياة: ادهـمي.

ادهم: قلب ادهم، أنا رايح مشوار صغنن وجاي، أوعي تخرجي يا حياتي، اتفقنا؟

حياة: اتفقنا.

أمام شقة ادهم اللي في التجمع

ادهم: هو فين؟

=مربوط جوا.

ادهم: طيب خليكو انتو هنا.

=حاضر يا دكتور.

فوق عند جلال

ادهم فتح باب الشقة ودخل الشقة وشاف جلال عمال يبص حواليه.

جلال: فكونييي، انتو ميننن؟ والله العظيم ما هرحمكوا.

ادهم: ياااا، أستاذ جلال هنا بنفسه.

جلال: كنت متأكد إن انت...

ادهم راح عنده وضربه: بقه عايز تقتل مراتي ها؟ لا وبتكلمها تهددها إنك هتقتل أختها؟ طب إزاي وانت مش عارف هي فين أصلاً؟

جلال: انت انت ودتها فين هااا؟ انطق.

ادهم: مراتك دلوقتي في مكان أنت وأهلك متحلموش تكونوا فيه، البت الغلبانة اللي ضحكت عليها بكلمتين حلوين وهي صدقتك علشان بتحبك وانت استغليت ده علشان تنتقم من أختها، أنت إيه؟ مجنون؟ بس للأسف علشان مجنون ضيعت مستقبلك.

جلال: هموتك انت كمان وحبيبة قلبكو الصغيرة.

ادهم وعنيه احمرت: وحياة أمك لو جربت بسس تقرب من ملاك أو حياة، لموتك هيكون على إيدي.

جلال: مشيني من هناااا.

ادهم: عايز تموتها يالاااا؟

جلال: صدقني مش هرحمك وهنفذ اللي في دماغي، أنا بكرهها، بكرهها أوي وهفضل مخوفها كده وأعيشها في قلق.

ادهم: كل ده علشان رفضتك.

جلال: اشمعنى هي؟ اشمعنى هي؟ ليه تعيش في كل العز ده بعد ما كانت خدامة عندي؟ ليه؟ ليه تاخد كل العز ده لوحدها؟ ده كانت بتنام في المطبخ على الأرض.

ادهم: يااااه، ده انت محروق منها أوي، تعرف ده عوض ربنا ليها، ربنا بيحبها أوي علشان هي طيبة وغلبانة وعمرها ما جت على حد.

جلال: دبستني في أختها، بنت الـ... وهي عارفة إني كنت بعشق التراب اللي بتمشي عليه، بنت الـ...

ادهم ضربه بالقلم: لما تتكلم على مراتي تتكلم عنها باحترام، أنت فاهم؟

جلال فضل يزعق: والله هقتلكوا كلكوووو.

ادهم: ادخل يا حضرة الظابط.

جلال بصدمة: اـ انت بلغت عني؟

ادهم: أهو حضرتك أكيد سمعت إنه هددني بالقتل أنا ومراتي، وكمان أنا سجلت اعترافاته، اتفضل، وكمان حاول إنه يقتل*ها قبل كده.

=خدوه على البوكس.

ادهم: شكراً إن حضرتك جيت في الوقت المناسب.

بعد شوية

ادهم دخل الڤيلا وحياة وملاك جريو عليه.

ملاك بدموع: انت كويس؟ حصلك حاجة؟

ادهم: لا أنا كويس، الحمد لله.

ملاك: طمني، عملت إيه؟

ادهم: مسكنا جلال وخلاص، هو بيتحقق معاه في النيابة دلوقتي، مش عايزك خلاص ولا تقلقي ولا تخافي من أي حاجة طول ما أنا جنبكم.

ملاك: ربنا يخليك لينا يارب.

ادهم: هطلع أنام لأني تعبان أوي بقه وكمان إن شاء الله بكرة الصبح هنمشي، أنا هاين عليا نمشي دلوقتي بس مش قادر الصراحة.

حياة: هييييي، تيته كوثر هنشوفها.

ادهم شالها: أيوه يا حبيبتي، هنروح لتيته.

صباح يوم جديد

ملاك: ادهم اصحاااا.

ادهم: في إيه يا ملاك؟

ملاك: ادهم، احنا نزلنا بالمرتبة على الأرض إزاي؟ ممكن تقوم تفهمني؟

ادهم اتعدل وبص حواليه وضحك.

ملاك: ادهم، انت بتضحك على إيه؟

حياة حضنت ملاك: ملاك، أنا خايفة.

ملاك: يا ادهم بقه، ده السرير بقه من غير حاجة، حتة، إحنا سبناه ونزلنا على الأرض.

ادهم: هو صعبان عليكي ولا إيه؟ هههههه، وبعدين عادي، الصراحة حصلت معايا مرة.

ملاك: ملاك: ادهم قوم نمشي يلا، يلا، أنا مش هقدر أقعد دقيقة كمان.

في ڤيلا ادهم

حياة: تيته كوثر.

كوثر: حبيبة قلبي، تعالي يا حبيبتي.

حياة حضنتها: وحشتيني أوي.

كوثر: انتي أكتر يا حبيبتي.

ملاك: عاملة إيه يا ماما؟

كوثر: الحمد لله يا حبيبتي، أنا كويسة، انتي طمنيني عنك، عاملة إيه؟

ملاك: الحمد لله.

كوثر: اومال ادهم فين؟

ادهم دخل وراح عند مامته وباس اديها: وحشتيني يا ست الكل.

كوثر: الحمد لله إنكم رجعتولي بسلامة يا حبايبي.

حنين وداليا جريو على ملاك: عااا، وحشتيني.

ملاك: انتو أكتر يا حبايب قلبي.

حنين: عامل إيه يا ادهم؟ وحشتني، ياعم كل دي غيبة.

ادهم: ملاك، أنا عايزك في موضوع برا في الجنينة.

ملاك: حاضر، اطلع وأنا هطلع الشنط وهاجي وراك.

ادهم: لا، سيبها بس تعالي ورايا ضروري، مستنيكي.

بعد شوية

ملاك: كنت عايزني يا ادهم؟

ادهم: أنا عارف إن اللي هقوله صعب عليكي، بس مفيش حاجة بإيدينا.

ملاك: ادهم، في إيه؟ متوترنيش بقه الله يكرمك.

هبه: السلام عليكم ورحمة الله وبركاته.

ادهم: وعليكم السلام، هبه، اتفضلي، تعالي.

ملاك بصتلها بحزن ولسه هتدخل جوا.

هبه: صدقيني غصب عني، انتي متعرفيش كان بيحصلي إيه.

ملاك بصت وراها، كانت هبه واقفة ودموعها على خدها.

هبه قربت منها: تعالي في حضني لو لمرة واحدة وقوليلي إنك مسامحاني، كل حاجة عملتها فيكي غصب عني، حتى الفلوس اللي دكتور ادهم كان بيديهالي كنت بديها لجلال، كان دايماً بيطلعني وحشة قدامك علشان عارف إنك بتحبيني، كان بيكرهك فيا علشان هو بيحب يشوف دموعك وكان عايزك تحسي شعور إنك وحيدة، أنا بحبك أوي يا ملاك وعمري ما فكرت إني أكرهك، وكل كلمة كانت بتطلع مني كانت غصب، ببقى نفسي آخدك في حضني بس مبعرفش، اليوم اللي مشيتي فيه بليل أنا كان قلبي بيتقطع، كل كلمة قولتهالك كان جلال هو اللي محفظهالي، كان على عيني أمشيكي بليل بس جلال كان هيموتك.

فلاش باك

هبه: يترا جلال قام راح فين؟ أنا لازم أشوفه أحسن يعمل حاجة في ملاك.

قامت هبه وسمعت صوت ميه في الحمام، اطمنت إنه كان داخل الحمام ولسه هتدخل أوضتها بس وقفت لما شافت جلال.

هبه: شافته طالع وداخل أوضة ملاك بيتسحب، راحت علشان تراقبه تشوفه بيعمل إيه، كان ماسك مخدة وبيقرب منها ببطء، هبه دخلت عليه بسرعة.

جلال اتخض وحدف المخدة وراه: ا ا انتي إيه دخلك هنا؟

هبه في بالها: أكيد لو قولتلُه إني شكيت فيه ممكن يعمل فينا حاجة، أنا آسفة يا ملاك على اللي هقوله عليكي بس لازم تمشي من البيت ده باي طريقة، انتي حياتك في خطر، أنا أنقذتك انهاردة ويعلم هعرف أنقذك تاني ولا لأ.

ملاك: ادهـ بسم الله الرحمن الرحيم، في إيه؟ انتو بتعملو إيه في أوضتي؟

جلال: هي إزاي صاحية؟ معقول مشربتش العصير؟ وبص جمبها كانت كوباية العصير اللي أدهالها زي ما هي.

هبه: اه يا حيوا*نه، بقه بتقوليلو يجيلك؟ قومي يابت قومييي، وأنا اللي بقول عليكي غلبانة.

ملاك: في إيه؟ وأقول لمين؟ انت بتعمل إيه هنا؟ انطق وعايز مني إييي؟

جلال: اه يا هبه يا حبيبتي، البت دي مش كويسة، مش كويسة خالص.

هبه: قومي امشي اطلعي برااااا بيتي ومشوفش وشك هناااا تانييي، قومييي.

ملاك: هبه انتي بتقولي إيه؟ ده النهار لسه مطلعش، وبعدين صدقيني أنا أنا معملتش حاجة، صدقيني هو اللي دخل أوضتي، أنا مقولتلُهوش يجي حتة، انتي دخلتي لقيتيني نايمة، أنا صحيت على صوتك انتي يا هبه.

هبه: اسمي مدام هبه يا حيو*انة، انتي هنا خدامة، أوعي تنسي نفسك.

ملاك: ومش هنسى إنك أختي برضوه.

هبه: أختي إيه؟ انتي مصدقة نفسك؟ أنا مليش إخوات يا حيو*انة، أنت فاهمة؟ وبعدين إحنا إخوات أه بس من الأب بس، والصراحة بقه أنا عمري ما شوفتك غير خدامة عندي، مش كفاية مقعداكي هنا وإنتي كنتي عايزة تسرقي مني جوزي؟ قولت اتغيرتي بس شكلك لسه بتجري وراه.

ملاك: هههههه، أسرقه؟ انتي بتقولي إيه؟

جلال جوز هبه: صدقيني، هي اللي قالتلي أجي، كانت عايزة تقولي حاجة، لا وأنا غلبان صدقتها.

ملاك: كداب، كداب، والله متصدقوش.

هبه: امشي، اطلعي برااا.

ملاك: أنا آسفة، علشان خاطري بلاش تمشيني، أنا مليش حد غيركم ومش عارفة لو مشيت هروح فين.

هبه: وأنا قولت اللي عندي، من بكرة هعين خدامة جديدة أحسن منك، ومترفعيش عينك لجوزي.

ملاك: يا هبه، علشان خاطري.

هبه: امشي، اطلعي برا.

بعد شوية

جلال: كنتي فين؟

هبه: كـ كنت.

جلال ضربها بالقلم: كنتي بتشوفيها فين؟ مش كده؟

هبه بدموع: ارحمني بقه، حرام عليك، ارحمني وارحمها، انت ليه كده؟ طب مسألتش نفسك هتروح فين من ربنا؟ صدقني ربنا هيجيبلي حقي وحق الغلبانة ملاك، وساعتها هتتمنى الموت.

جلال: انتي مصدقاها يعني؟ أومال إيه الشو اللي عملتيه من شوية ده؟ وامشي، اطلعي برااا، هههههه، ده أنا قولت إنك بقيتي حافظة.

هبه: اه يا جلال، مصدقاها، وعملت كل ده علشان تمشي، علشان تسيبها في حالها، أنا عارفة إنك كنت هتمو*تها، إيه وصلت للدرجادي؟

جلال: ههههه، وأنا أقول البت إزاي تكلمها كده؟ ده أنا بحفظها كل يوم، ده انتي طلعتي مش سهلة بقه.

هبه: روح يا شيخ، منك لله، حسبي الله ونعم الوكيل فيك، أنت إيه؟

جلال: وبقيتي تعلي صوتك كمان؟ تعالي بقه يا روح أمك.

باااااك

هبه بدموع: مش قادرة أكمل وأقول اللي عمله فيا، أنا كل حتة في جسمي بتوجعني بسبب الضرب.

ملاك حضنتها: مسامحاكي، عمري ما كرهتك.

هبه: ااااه يا ملاك، كان نفسي في الحضن ده من زمان، كان نفسي آخدك في حضني من زمان أوي، كان نفسي يجي اليوم وأقولك فيه على الحقيقة من غير خوف.

ملاك بدموع: وأنا كمان يا هبه.

ادهم: خلاص بقه يا جماعة، عايزين نفتح صفحة جديدة بقه، أهو خلصنا منه، بلاش نجيب سيرته تاني، وأه بالمناسبة، ده عقد الشقة، رجع حقكم، وأحب أقول لكم إن النيابة حولت ورق القضية على المحكمة.

ملاك بابتسامة: يارب ميطلعش أبداً.

هبه: الحمد لله يارب، الحمد لله.

ادهم: مممم، ناقص إمضتك هنا بقه.

هبه: ده إيه؟

ادهم: ورقة طلاقك من الزفت ده، وهتكوني حرة خلاص.

هبه بدموع: أنا مش عارفة أقولك إيه، أنت بجد إنسان محترم وابن ناس، أنا مش عارفة من غيرك كنت عملت إيه.

ادهم: ياهبه، أنا معملتش حاجة، انتي زي داليا وحنين عندي.

هبه مسكت العقد وحضنته بدموع: الحمد لله يارب، الحمد لله، ملاك بيت بابا رجع لينا تاني.

ادهم: اتفضلي يا هبه، ده مفتاح شقتك الجديدة، وقريبة من هنا، ياريت تقبلي تقعدي فيها كمان علشان تكوني قريبة مننا، هي إيجار مؤقت لحد ما أظبط شقتي علشان هي على التوب الأحمر، تخلص وهخليكي تقعدي فيها.

هبه: لالا، أنا هرجع شقة بابا الله يرحمه.

ادهم: يا بنتي، الشقة هتفضل زي ما هي موجودة، وابقي خدي يا ستي ملاك وروحوا كل أسبوع بصوا عليها.

ملاك: علشان خاطري وافقي علشان تكوني جنبي.

هبه: ممم، طيب.

ملاك حضنتها: عاااه.

هبه: أنا همشي أنا بقه علشان ترتاحوا.

ادهم: ثواني، السواق هيوصلك.

هبه: هتعبك.

ادهم: تعب إيه بس.

هبه: شكراً.

ملاك سلمت عليها ولسه ملاك هتدخل جوا بس ادهم مسك ايديها.

ملاك بابتسامة: قولتلك هقولهالك، بس مش دلوقتي بقه، المهم شكراً على كل حاجة عملتها علشاني وعلشان أختي.

ادهم بص في الأرض ولعب في شعره: ملاك، فـ...

ملاك اتوترت ومسكت ايده: في حاجة ولا إيه يا ادهم؟

ادهم: فيروز، أخت محمد، راجعة مصر، لسه عارفة بخبر وفاة محمد ونازلة.

ملاك: تنور.

ادهم: هي هترجع علشان خاطر حياة، هتاخدها.

ملاك: نعم؟

يتبع

ادهم: هتاخدها أمريكا.

ملاك: بتهزر صح؟ أكيد لا.

ادهم: اهدي بس وافهميني. دي عمتها ومش هنقدر نقولها لأ.

ملاك: أنت إزاي كده؟ أنت موافق إنها تبعد عننا؟ لو أنت موافق فأنا لأ.

ادهم: أنتِ متعرفيش أنا حاسس بإيه دلوقتي. أنا أصلاً مش متخيل في يوم أصحى ملقهاش. بس أعمل إيه؟ أنا مش بإيدي حاجة أعملها. هنرفع قضية؟ طب هنقول إيه؟ أنا مين عشان أقول آخدها ولا مخدهاش؟

ملاك بصتله بعيون كلها دموع: أنا مستحيل أسيبها يا أدهم، مستحيل. أنت فاهم؟ دي بنتي يا أدهم، بنتي.

ادهم: اهدي طيب يا ملاك، عشان خاطري.

ملاك: أنا داخلة أشوف حياة، وتعال يلا عشان تفطر.

ادهم: طيب.

•••

ادهم: سرحانة في إيه؟

ملاك: ها.

ادهم: مالك؟

ملاك: هي هي جاية إمتى؟

ادهم: مين؟

ملاك: اخت محمد.

ادهم: فيروز هتنزل خلال الأسبوع ده باين.

ملاك: أنت كلمتها إزاي؟

ادهم: روحت ڤيلا محمد النهارده عشان أبص عليها لو فيها حاجة وكده. لقيت عم عوض البواب بيديني ورقة برقم موبايلها.

**فلاش باك**

ادهم: عوض، عوض.

عوض: أيوه.

ادهم: مها بتيجي تنضف الڤيلا ولا مبتجيش؟

عوض: محدش بيدخلها يابيه من ساعة ما دكتور محمد اتوفى. بس أنا بخش أبص عليها وأفتح الشبابيك شوية.

ادهم: طيب لو معاك رقمها، كلمها خليها تيجي تنضفها.

عوض: ماشي يابيه. أه صحيح.

ادهم: أيوه.

عوض طلع ورقة من جيبه: اتفضل. فيروز هانم رنت عليا ورديت عليها وقولتلها خبر وفاة دكتور محمد. وادتني الورقة دي فيها رقم موبايلها. هي سألتني عن البنت وقولتلها إنها عايشة معاك. قالتلي أقولك كلمها.

ادهم خد منه الورقة: طيب ماشي. مقلتلكش، كانت غايبة كل ده فين؟

عوض: لا يابيه.

ادهم: طيب أنا داخل الڤيلا أبص عليها، وياريت تبعت لمها تيجي.

عوض: حاضر يابيه.

**بعد شوية**

فيروز بدموع: أدهم.

ادهم: عاملة إيه يا فيروز؟

فيروز: إزاي متقوليش يا أدهم؟ إززززاي؟

ادهم: يابنتي أنا مكنتش عارف أوصلك. ممكن تفهميني أنتِ فين؟ ومكنتيش بتسألي ليه؟

فيروز بدموع: عملت حادثة بس الحمدلله كانت بسيطة. بس موبايلي باظ ومعرفتش أجيب رقم محمد تاني لأن الشريحة كانت اتكسرت. حاولت أفتكر معرفتش. بس كنت كاتبة رقم عم عوض في ورقة احتياطي. كنت برن كتير أوي على محمد بس محدش كان بيرد عليا. بس الحمدلله لقيت ورقة كنت كاتبة فيها رقم عم عوض. رد وقالي إن محمد أخويا اتوفى.

ادهم: وأنتِ هتنزلِى إمتى؟

فيروز: كنت مقررة أنزل لما أخلص وأخد شهادة الدكتوراه. بس مستحيل أستنى بعد ما عرفت إن محمد اتوفى. أنا لازم أنزل عشان حياة ملهاش حد غيري. أنا مبقاش ليا حد. حتى مامتي اتوفت. ودلوقتي عرفت إن كمان أخويا اتوفى. لا حول ولا قوة إلا بالله العلي العظيم.

ادهم في باله: معقول تاخدها؟ طب أقولها إيه؟ مش هينفع أقولها لأ. دي بنت أخوها.

فيروز: أنت معايا يا أدهم؟

ادهم: ها. أه.

فيروز: طمنيني عليها. هي كويسة؟

ادهم: أيوه كويسة. أنا هقفل معاكي عشان سايق.

فيروز: طيب، سلام.

ادهم قفل وبص جمبه كان عوض واقف. بصصله بتركيز.

ادهم بصله: خير يا عم عوض؟ بتشبه عليا ولا إيه؟

عوض: لا يابيه. أصل لمؤاخذة يعني، سمعت حضرتك بتقول للهانم إنك سايق. فـ هو أنا معاك في العربية دلوقتي ولا إحنا في الڤيلا؟ ولو كده نزلني على أي جنب خليني أرجع الڤيلا.

ادهم: روح شوف شغلك يا عم عوض، الله يكرمك. أنا مش ناقص.

**باك**

ملاك: هي ممكن تسيبها لو أنا قولتلها صح؟

ادهم: متفكريش في حاجة يا ملاك. نامي يا حبيبتي، وإن شاء الله خير.

ملاك بدموع: صدقني يا أدهم، أنا مش هقدر أعيش في مكان من غيرها. يا أخي دي مش معايا بقالها يوم، دي معايا بقالها سنة وكام شهر. أنا مش هيجيلي قلب أسيبها. صدقني، دي الحاجة الوحيدة الحلوة في حياتي. وبعدين هي راجعة بعد سنة. وتسال عليها.

ادهم طبطب على كتفها: اهدي. مش يمكن حياة تقول لأ؟

ملاك بصتله: بجد؟

ادهم: يمكن. ممكن بقا تنامي؟

ملاك: هو أنت مش مضايق من فكرة إنها ممكن تسيبنا وتمشي؟

ادهم: أكيد مضايق يا ملاك. مش لازم أعياط عشان أبين إني مضايق يعني.

ملاك: طيب روح هاتها تنام هنا معايا.

ادهم: حرام عليكي. نصحيه.

ملاك: عشان خاطري يا أدهم. هاتها تنام جمبي، ولا أروحلها أنا.

ادهم: خلاص، هجيبها.

**تاني يوم**

كوثر: مش بتاكلي ليه يا ملاك؟

ملاك: الحمدلله، أنا شبعت.

كوثر: أنتِ كده أكلتي يا حبيبتي؟

ملاك: أه الحمدلله شبعت. هي حياة فين؟

كوثر: بتلعب مع أدهم.

ملاك: هما فطروا؟

كوثر: أه ياحبيبتي. من بدري صحيوا وفطروا وطلعوا يلعبوا.

ملاك: طيب أنا هطلع لهم.

**في الجنينة**

حياة بدموع: بس أنا بحبكو يا أدهومي ومش عايزة أسيبك.

ادهم: بجد يا حياة؟

حياة حضنته وقالتله بطفولة: متسبنيش. أنا عايزة أعيش معاكو أنتو وتيتة كوثر.

ملاك كانت سامعاها وجريت عليها حضنتها: إحنا مستحيل نسيبك يا حياة، صح يا أدهم؟

ادهم: صح طبعاً. مش حياة عايزة كده؟ حياة تطلب واحنا ننفذ طبعاً.

**بعد شوية**

كان واقف أدهم قدام قبر محمد.

ادهم بدموع: وحشتني أوي يا صاحبي. مش مصدق إني واقف دلوقتي قصاد قبرك وبعيط. بعيط ومش لاقيك عشان تمسحلي دموعي. كنت لما بعيط كنت ببقى عارف إنك هتيجي وتمسحلي دموعي، بس همسحها أنا لنفسي. عارف إنك مش بتحبني أعيط، بس خلاص مش هعيط. المهم متزعلش مني. أنا آسف، بقالي كتير مجيتلكش. بس هجيلك. والمرة الجاية هتكون معايا حياة. وقعد أدهم يحكيله على اللي حصل الأيام اللي فاتت.

**بعد مرور يومين**

كان أدهم وملاك قاعدين في الجنينة، ودخلت عليهم فيروز.

فيروز بدموع وجريت عليه ولسه هتسلم، بس ملاك وقفت قصادها.

ملاك بصتله بعصبية: أدهم مين ديييي؟

ادهم: هفهمكم.

ملاك: تفهم إيه؟ أنتِ مين يا حلوة؟

ادهم: أنتِ فيروز.

فيروز بدموع: حياة فين يا أدهم؟

ادهم: يابنتي طيب ارتاحي بس. أنتِ مكلمتنيش ليه؟ أجي آخدك؟

فيروز: مش مهم. المهم إني جيت.

ادهم: طيب تعالي ارتاحي وسلمي على ماما. يعني داخلة جري تقولي حياة فين، مش تسلمي على أهل البيت.

فيروز: أنا آسفة يا أدهم.

ملاك: أعمل لكم ليمون؟

فيروز: تسلميلي، شكراً. مش عايزة.

ملاك: أنا بهزر أصلاً. يلا يا أدهم ندخل جوا.

فيروز: هو أنتِ مين؟

ملاك: مراته يا حبيبتي.

فيروز: أها. أنت اتجوزت؟ ألف مبروك.

ادهم: الله يبارك فيكي يا حبيبتي.

ملاك بصتله: أنت قلت إيه؟

ادهم: فلّتت مني والله.

فيروز: طيب أنا هدخل أسلم على طنط، وحشاني أوي.

ملاك بغيره وضربته في بطنه: بقه حبيبتك، صح؟

ادهم بوجع: مش قصدي، والله.

ملاك: ششش. طلقني.

ادهم: حاضر. يلا بقا ندخل.

ملاك: أدهم بجد هتطلقني؟

ادهم: لا طبعاً. هو أدهم يعرف يعيش بردوه من غيرك؟ وبعدين مفيش حد حبيبي غيرك. أنا عشان متعود أقولهالك، قولتها بدون قصد. صدقيني.

ملاك: خلاص. مسامحاك.

**عند فيروز وحياة**

حياة: أنتِ عمتو؟

فيروز بحب: قلب عمتو. وحشتيني أوي يا حياتي، أوي أوي.

حياة: أنتِ أكتر.

فيروز: أنا جيت ومش هسيبك لحظة واحدة.

حياة: كنتي فين يا عمتو؟ ومبقتيش تكلمينا ليه؟

فيروز: حقك عليا يا حبيبتي. كنت عملت حادثة وكمان تيته اتوفت. وكنت مخنوقة أوي ومش بكلم حد. حقك عليا. أنا رجعتلك أهو.

**عند ملاك**

كانت واقفة وبصت لهم بحزن وخوف.

ادهم مسك إيديها: متخافيش.

ملاك بدموع: خايفة أوي يا أدهم تاخدها معاها.

ادهم: اهدي.

حياة: مش هتسبيني بجد يعني؟ هتعيشي معانا؟

فيروز: لا يا حياة. أنا هاخدك أنتِ تعيشي معايا. إيه رأيك؟

حياة بصت على ملاك وادهم: بس دومي ومامي. هاخدهم معايا.

فيروز بصت لهم: حبيبتي، دي مش مامي. وبعدين هتقعدي معاهم ليه يا حياة؟ مش أنا عمتو؟

ادهم: ملاك كانت المربية بتاعة حياة يا فيروز. وكان محمد هيتجوزها بس حصلتلهم الحادثة ومحمد اتوفى. وهو اللي وافق إن ملاك تكون أم لحياة. أنا عمري ما شفت حد بيخاف على حياة وبيحبها أكتر من ملاك. متجيش أنتِ في يوم وليلة تهدّي علاقتهم ببعض. هي أه مش أمها اللي ولدتها، لأكن أمها اللي ربتها ولسه بتربيها. وسط عيلة بتحبها وبتخاف عليها.

فيروز: أعتقد إني أولى بيها من الغريب.

ادهم كان لسه هيتكلم، بس مامته مسكت إيده.

كوثر بهدوء: بس يا أدهم. عشان البنت.

فيروز: حياة حبيبتي، اطلعي هاتي هدومك عشان نروح ڤيلا بابي سوا.

حياة: أوكيه يا عمتو.

ملاك بصوت مهزوز: حـ، حياة.

نبـضات قلــب

في ڤيلا ادهم

ادهم: صباح الخير

ملاك بدموع: يترا هي كويسه

ادهم: انا هلبس وهروح اطمن عليها انا معرفتش انام طول الليل من ساعه ما قولتيلي وانا الشك دخل قلبي

ملاك: هاجي معاك علشان خاطري

ادهم: مش هقدر اقولك لا

كوثر: رايحين فين ياولاد

ادهم بدا يحكلها الكلام الي ملاك قالته

كوثر: ما يمكن يابني انتو الي مكبرين الموضوع بلاش الشك يدخل قلوبكو انا فاكره شكل فيروز والي كان بيميزها الحسنه الي فوق شفايفها ودي عندها نفس الحسنه وبخصوص انها سافرت اول ما تمت العشرين او العشر سنين عادي يمكن نسيت انتو بتقولو اهو ان كانت متوتره يمكن كانت خايفه من فكره انك تاخدي بنت اخوها ياحبيبتي

ادهم: مش عارف معقول نكون مكبرين الموضوع بس ازاي ومين مايا

كوثر: ياحبيبي البنت دي كانت عايشه في امريكا يمكن اسم مايا بتحبه عادي يا حبيبي بتحصل ما ناس كتير بتغير اسمها

ملاك: ما علينا ياادهم تعال نروح نشوفها وخلاص بقه هي وحشتني اوي وكمان انا مش مستريحه

عند حياه

••••••••••••••••••

حياه كانت واقفه عند البوتجاز بس اتلسعت ورمت الاكل علي الارض وفضلت تعيط

حياه بدموع: انتي فين يا ملاك تعاليي علشان خاطري حياه زعلانه وكمان اديها وجعاها

ادهم: يعني ايه ممنوع ادخل ياعم عوض

عوض: ست هانم قالتلي مدخلش حد من غير علمها

ادهم حط ايده في جيبه ببرود: هات المفتاح يااا عم عوض بقولك

عوض: والله يا دكتور ادهم مش معايا ست هانم خدته مني

ملاك: هي سايبه حياه لوحدها جوا

عوض: اه هي خرجت امبارح

ادهم: ازاي يعني تسيب طفله جوا لوحدها وقافله عليها الباب ايه الهبل ده يعني حياه فضلت لوحدها يووووووم

ملاك:طيب رن رن عليها

ادهم بص لعوض: تمام هرن واشوف ايه موضوع اخد الاذن الاول ده

ادهم فضل يرن عليها لحد ما ردت

فيروز: ايه رن رن رن في ايه

ادهم: انتي فين

فيروز: خرجت مع صحابي وكمان حياه معايا اهي ومبسوطه

ادهم: تمام ممكن تدهالي

فيروز بتوتر: ا ا اصل

ادهم: حياه مش معاكي صح

فيروز: لا معايا

ادهم بص لعوض: بس عم عوض بيقول غير كده

فيروز: هو انت معاه

ادهم: حياه جوا مش كده طب طلاما انتي مزاجك حلو اوي كده وخرجتي طب كنتي جبيها معانا بدل ماتسيبي طفله جوا لوحدها

فيروز: امشي ياادهم حياه كويسه انا لسه مكلماها يلا باي علشان مش فاضيه

ادهم: الووو الووو

ملاك: في ايه

ادهم: الهانم قفلت في وشي

ملاك: حياه بتخاف تقعد لوحدها ياا ادهم طب ما كانت تسيب المفتاح

ادهم: مش عارف يا ملاك

ملاك بخوف: ادهم افرض البنت عملت في نفسها حاجه

ادهم: علشان خاطري متقلقيش ومتخلنيش اقلق معاكي

ملاك دخلت وفضلت تخبط علي الباب وتنادي علي حياه

حياه جريت: مامي انتي جيتي مامي افتحيلي الباب ده انا عايزه اخرج بس عمتو مش هنا وخدت المفتاح وكمان قافله عليا

ملاك: انتي كويسه يا حبيبتي انا هفضل معاكي وعمتو جايه

حياه: دومي فين

ادهم بدموع: انا هنا يا حبيبتي معاكي انتي كويسه يا قلبي

حياه بدموع: انا ولعت النار بس اتلسعت كنت عايزه اعمل البيض الي انت بتعملهولي علشان كنت جعانه اوي انا مش كلت من امبارح وكنت جعانه والتلاجه فاضيه

ادهم وملاك بصو لبعض بخوف:ولعتي البوتجاز

حياه: ايوه

ادهم بتوتر: حبيبتي ولعتيه ازاي انتي انتي متاكده

ملاك: ادهم انا شامه ريحه غاز ياادهم قويه اوي

ادهم فضل يخبط جامد علي الباب بخوف

ادهم: حياتي متقلقيش ها مش عايزك تخافي صدقيني مش هسيبك تاني عوضض يا عوووووض

عوض: ايه ايه

ادهم : ازاااااي تديها المفتاح الاحتياطي ااااازااي اهي البنت جوا وفيه ريحه غاز والله العظيم لو البنت حصلها حاجه لهدخلك السجن انت فااااااهم حياه لو اتجرحت بس خدش بسيط صدقني مش هرحمككك وده وعد مني

حياه بدموع وصوت مبحوح: بابي طلعني

ادهم ساب عوض: ح حياه حياه صدقيني مش هيحصلك حاجه انا معاكي اهو

حياه: بابي متسبنيش

ادهم حط ايده علي الباب وقال بدموع: صدقيني مش هسيبك

ملاك بانهيار: لازم نلحقهاااا احنا غلطانين مكنش ينفع نسيب البنت معاها دقيقه واحده انا انا السبب

ادهم مسح دموعه: في في باب ازاز ورا بس ده صعب في الكسر

ملاك: يلا ياادهم بسرعهه بالله عليك هاتلي حياه

ادهم: هاتلي حاجه اكسر بيها الباب بسرعه

عوض: حاضر حاضر

ادهم مسح دموع ملاك: حبيبتي لازم تهدي انا هجبهالك صدقيني مش هيحصلها اي حاجه ان شاء الله خليكي هنا معاها كلميها

حياه بدموع: مامي ايدي اتلسعت جامد انا مش قادره بتوجعني اوي

ملاك: حبيبتي اديكي اتلسعت ازاي وليه تولعي البوتجاز بس

حياه: كنت جعانه

ملاك: ادهم هيفتح الباب دلوقتي اوعدك يا حياه مش هسيبك لحظه واحده

حياه: تعرفي انا مكنتش بعرف انام من غيرك انتي وادهومي وتيته كوثر

ملاك بدموع: وانا يا عيوني مبعرفش انام بس كنت بحاول اصبر نفسي

ادهم فضل يحاول انه يكسر الباب لحد ما اتخلع كله ودخل جاب حياه

حياه: ادهومييي

ادهم حضنها بحب: قلب ادهومي وحشتيني اوي يا طفلتي

ملاك لفتلهم وراحت قفلت عيون البوتجاز وجريت علي حياه فضلت تحضن فيها بحب وخوف

حياه: وحشتيني اوي

ملاك: انتي كويسه يا حبيبتي فيكي حاجه ها طمنيني

حياه: كويسه بس بطلي تعيطي بقه

ملاك: حاضر

ادهم: يلا بينا

بعد ساعتين كانت رجعت فيروز

••••••••••••••••••

فيرزز بزعيق: عوض عوووووض

عوض: ايوه ياست فيروز

فيروز: ايه الي كسر باب الازاز كده وفين البنت

عوض: الست هانم الصغيره خدها الدكتور ادهم

فيروز: ازاي ياخدها ياغبي انا مش قيلالك محدش يخش هنا من غير علميييي وفين الحرس الي قولتلك عليهمممم

عوض: انا اسف ياست هانم بس البيت كان هيولع في اي وقت لو مكنش دكتور ادهم جه

مايا: انا ريحالو

عوض: اه دكتور ادهم بيقول لحضرتك لما تروحيلو تاخدي معاد الاول وبيقولك كمان متدخليش ڤيلته علشان لسه ماسحينها

مايا: بقه كده اوكيه

قدام قبر محمد

••••••••••••••••••

ادهم: بنتنا كانت هتروح مني يا صاحبي الطفله الطفله الي خدتها من الدكتور وشلتها بين ايدي وكانت مشاعري اتجاها متلغبطه كنت حاسس ان شايل بنتي انا مش بنت صاحبي واخويا بنتي الي كبرت قدام عيني وقربت تدخل المدرسه ك كنت هخسرها انهارده تعرف لما شوفتها واطمنت انها بقت معايا متعرفش انا روحي رجعتلي ازاي بتمني تكون مرتاح في قبرك ياصاحبي بنتك هتفضل معايا وعمري ما هسيبها ابدا.. ادهم مسح دموعه وابتسم.. سلام ياصاحبي

عند ادهم وعيلته

••••••••••••••••••

ادهم: يلا نعمل كيكه انا وانتي ايه رايك

حياه: هيييي موافقه طبعا

ادهم: طيب هطلع اجيب موبايلي علشان عليه الطريقه

كوثر: لا حياه هتيجي علشان احكيلها حدوته

حياه: اه

داليا: لا حياه هتيجي معايا علشان كنت قولتلها انها هتخرج معايا صح

حياه: اه

ملاك: بس هي هتيجي معايا نذاكر شويه صح

حياه: لا

ملاك: ههههههه كنت متاكده وبعدين يا حلوه انتي خلاص بقيتي كبيره وهتدخلي المدرسه بقه

حياه: نو

ملاك: نوو برضوه ماشي ماشي

حنين: ادهم يا ادهم

بقلمي/menna moharam

كوثر في ايه يا بنتي

خرجو كلهم من المطبخ بسرعه

ادهم: ايه في ايه

_حضرتك دكتور ادهم

ادهم: احم حنين خدي حياه واطلعو فوق دلوقتي وانتي يا داليا

داليا: حاضر

ادهم قرب عليه: اتفضل

-حضرتك دكتور ادهم

ادهم: ايوه انا

-جالك جواب من المحكمه ياريت تمضي هنا

ادهم: تمام شكرا

ملاك: في ايه ياادهم

ادهم مسك الورقه وحدفها بعصبيه: فيروزززز

كوثر: في ايهه ياادهم يابني

ادهم: الهانم رفعت عليا قضيه

ملاك بصدمه: ا اايه

ادهم: صدقيني هنكسبها مش هضيع بنتي من ايدي اوعدك هنكسبها

فيروز: مساء الخير

ادهم بعصبيه: انتي دخلتي هنا ازاي

فيروز: مممم من الباب

ادهم: صدقيني مش هتاخديها ده بعينك

فيروز: هنشوف يا دكتور ادهم هقابلك الاسبوع الجاي في المحكمه وهنشوف حياه هتبات في حضن مين عمتها اخت باباها ولا البنت الي منعرفش جايه منين

ادهم كان هيتكلم بس ملاك مسكت ايده

ملاك بصتله بدموع: اهدا ياادهم كل حاجه هتتحل بالقانون

تسريع الاحداث

••••••••••••••••••

في المحكمه كانت واقفه ملاك وادهم ومعاهم المحامي وفي الجهه التانيه كانت واقفه فيروز بتوتر ومعاها المحامي

محامي فيروز: انا عماد حمدي محامي الانسه فيروز اخت المرحوم محمد فاروق والد الطفله حياه محمد فاروق اتفضل دي حضرتك الاوراق الي تثبت ان فيروز عمه الطفله حياه وانها احق عليها من الغريب وهي الاقرب

محامي ادهم وملاك: انا اكرم علي محامي المدام ملاك والدكتور ادهم حضرتك ده ورق وصور بتواريخ قديمه تثبت ان ملاك هي مربيه حياه وكمان معايا شاهد وهو بواب ڤيلا دكتور محمد وهو كان موجود وشاهد ان انسه فيروز خرجت وقعدت ليله كامله برا البيت وسايبه طفله ست سنوات داخل الڤيلا لوحدها الانسه فيروز يمكن تكون عمتها اه والاقرب ليها بس بالدم فقط

فيروز بكذب: محصلش انا مخرجتش من البيت

ملاك بانفعال: كدابه صدقني كدابه احنا روحنا وملقنهاش ولما ادهم رن عليها كدبت وقالت ان معاها حياه بس لا البنت كانت في الڤيلا جوا

القاضي: وحضرتك مين

ملاك: مرات دكتور ادهم والمربيه بتاعت حياه

فيروز: حضره القاضي انا عايزه اقول حاجه

القاضي: اتفضلي

فيروز بدموع كاذبه: حضرتك انا كنت كنت قاعده ومخرجتش من البيت فعلا وكنت قاعده في جو جميل مع حبيبه قلبي حياه هما الي اتهجمو عليا في قلب بيتي و وتقدر تسال عم عوض الي هو شاهد معاهم وهو يقدر يقولك الحقيقه كامله

ادهم: كدابه انا روحت اطمن عليها.. وبدا ادهم يحكي الي حصل بلتفاصيل..

محامي ادهم: سيدي دي مهمله اكيد مش هتعرف تراعي طفله وقبل وفاه ابو الطفله حياه قال لصاحب عمره يراعي بنته ووصاه عليها دكتور ادهم مستحيل يكون عارف ان الشخصيه دي هتأذيها ويروح يسلمها ليها، سيدي القاضي الانسه فيروز مهمله ومش هتعرف تخلي بالها من طفله الي تسيب طفله داخل الڤيلا يوم كامل تقدر تعمل اي حاجه تانيه

ملاك بدموع: البنت مستحيل تعيش معاها انا الي مربياها دكتور محمد خلاني مربيه لبنته وبعدين كنا هنتجوز بس عملنا الحادثه وادهم فضل معايا انا وحياه لحد ما قدرنا نقف علي رجلينا من جديد وبقينا كويسين وفضل معايا انا وحياه مسبناش لحظه كان ونعمه الاب والاخ والصديق والحبيب عمره ما زهق مننا ولا فكر يرمينا في شقه ويسبنا فضلنا عايشين معاه واتجوزني علشان حبني وعلشان حياه تكبر وسطينا ونكون ليها الام والاب صدقني حضرتك من كتر ما علاقه حياه وادهم قويه محدش يقدر يفرق اذا ده كان باباها ولا صاحب باباها صدقني حياه بتحبه اوي ومتعلقه بيه صدقني احنا ليها الام والاب وبكل سهوله كده نرميها لواحده مهمله زيها

القاضي: شششش هدوء عوض ياريت تتفضل

عوض: ا ايوه

القاضي: انت عوض

القاضي: قولي يا عوض هل فعلا فيروز معاها حق وانها سابت طفله داخل ڤيلا ليله كامله

ملاك مسكت ايد ادهم بخوف

ادهم: متخافيش

عوض بص لادهم وملاك بتوتر: لالا الانسه فيروز مخرجتش دكتور ادهم هو الي جه وخد البنت بالعافيه وانسه فيروز حاولت تمنعه بس هو كان عنيف وخد البنت بالعافيه

محامي فيروز: هههه شوفت سيدي القاضي حته الشاهد الي كان معاهم بقه ضدهم وقال الحقيقه

ادهم بصدمه: انت بتخرف تقول ايه هدتتك مش كده عوض احكي الحقيقه يااخي ده انا لو مكنتش جيت كان زمانك ميت دلوقتي احكيلو ياعوض احكي متخافش

القاضي: هدوووووء

فيروز : ها صدقتني انا انا بقيت خايفه بجد حرام حرامم كده معرفش ليه بيتبلو عليا كده ليه ليييييه وعايزين ياخدو الطفله مني وهي مش من حقهم

القاضي:طيب اتفضل انت يا عوض

ادهم بص لفيروز بتحدي ورجع بص لملاك : طبليلي

ملاك: هتعمل ايه

ادهم راح وقف قصاد عوض: استني ياعم عوض عفوا سيدي القاضي ممكن اقول حاجه

القاضي: اتفضل

عوض: ايوه يا بيه

ادهم: عم عوض انت ليه بتكدب قوله قوله الحقيقه ان انت شميت ريحه غاز وجتلنا جري وقولتلنا ننقذ حياه علشان فيروز مش في

البيت وكمان ساعتها قولتلنا انها خرجت من امبارح ولسه مجتش وقولت انها مهمله اوي والمفروض نرفع عليها قضيه اهمال

عوض بص لفيروز بخوف: لا ياست فيروز انا مقولتش كده محصلش

ملاك راحت وقفت جمب ادهم: لا حصل ياعم عوض انت جتلنا جري علشان نلحق حياه وفضلت تتكلم علي فيروز بطريقه وحشه اوي

عوض: لا محصلش لا

ملاك وادهم بصو في عينه: لالا حصل انت كداب قولهم الحقيقه قولهم انك شميت ريحه غاز وقولت ان احنا ناخد البنت علشان لو فضلت مع فيروز هيبقا حياتها في خطر قولهم قولهم يا عم عوض قولهم انك قولتلنا نرفع عليها قضيه لانها مهمله ومش هتعرف تاخد بالها من طفله قولهم قولهم ياعم عوض

عوض: لالا محصلش انتو الي جيتو وشميتو ريحه غاز وقولتولي اديكو المفتاح علشان البنت جوا لوحدها بس انا قولت مع ست فيروز علشان خدتو مني لما خرجت امبارح وساعتها رنيت عليها وقفلت السكه في وشك انا مقولتش اننا نرفع عليها قضيه بسبب اهمالها انا عمري ماافكر اقول كده عند الناس الي شغال عندهم ولا اقول عليهم حاجه وحشه

ادهم: سمعت ياسيدي القاضي اهو اعترف بنفسه وان البيت فعلا كان هيولع ازاي ازاي نقدر نسيب طفله عندها ست سنوات مع انسانه مهمله كده لا وكمان بتكدب قالت لحضرتك انها مخرجتش بس عم عوض وقع بلسانه وقال انها فعلا خرجت

فيروز: غبي

محامي ادهم: ظهر الحق يا سيدي القاضي اعتقد ان الاولي بلبنت هي ملاك الي ربتها هي الي اولي بيها هي ودكتور ادهم لان انسه

فيروز انسانه مهمله مش هتعرف تاخد بالها من طفله حياه الطفله حياه كانت في خطر بس الي انقذها مين الدكتور والمدام ملاك

بعد شويه

••••••••••••••••••

القاضي: قررنا نحن رأفت حامد بضم الطفله حياه محمد ل