تحميل رواية «نبضات قلب» PDF
بقلم منة مهران
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
أنتي المربية الجديدة؟ أيوه، اسمي ملاك. ببرود: عارف إن اسمك ملاك، أكيد مش هجيب واحدة من غير ما أعرف اسمها، مها يا مهااا. مها الشغالة: أيوه يابيه. وصلي الآنسة أوضة حياة. مها: تعالي معايا يا آنسة. ملاك: حاضر. بعد شوية... محمد: عايز إيه؟ أدهم: يا بني نفسي مرة ترد عليا تقولي عامل إيه، أزيك، أي حاجة، مش عايز إيه. محمد: أخلص يا أدهم، مش ناقصك. أدهم: إيه رأيك في البنت اللي بعتهالك، عجبتك؟ محمد: مش مهم تعجبني، أنا أهم حاجة عندي إنها تاخد بالها من حياة، لا أكتر ولا أقل، اقفل بقى. أدهم: ما أنا مش قصدي عجبت...
رواية نبضات قلب الفصل الحادي والعشرون 21 - بقلم منة مهران
ـ انا كنت هموت يا خالد انا معرفش ازاي سمعت كلامك وقبلت اني اولع في البيت انا كنت هحصل فيروز
فلاش باااااك
••••••••••••••••••
خالد: خسرتي القضيه يا مايا
مايا: اعمل ايه مهو كله من غبائي مكنش ينفع اسيب البنت بس للاسف سبتها وهما طلعو اذكياء حته بعد ما هدتت عم عوض بشغله طلع غبي ووقع بلسانه
خالد: طيب طيب المهم اكيد محدش فيهم طايقك مش كده
مايا: للاسف اه
خالد: طيب حاولي بقه تحنني قلبهم وبدل ما تبقي في ڤيلا محمد تكوني في ڤيلا ادهم وجمب البنت
مايا: هعملها ازاي دي يا خالد وبعدين اشمعنا اقعد في ڤيلتهم
خالد: يا غبيه علشان نعرف فلوس الزفت ده فين انتي ابقي اسالي ادهم بقه فين محامي محمد
مايا: يعني هقعد انا وادهم في ڤيلا واحده
خالد: بتقولي حاجه
مايا: ها لالا
خالد: اوعي حد يشك انك مش فيروز خدي بالك يا مايا كويس اوي
مايا: حاضر حاضر
بااااك
خالد: بما انك كنتي عايشه في امريكا فا مافيش حد يعرف محمد عمل ايه ولا كتب ايه غير ادهم صديقه المقرب عايزك تفتحيه في موضوع ورثك في اقرب وقت وتعرفي نصيبك ومتعمليش حاجه من دماغك
مايا ببتسامه: كل ماافتكر وهو بيكسر الباب ويشدني ليه ببقا مبسوطه اوي
خالد: انا بكلمك في ايه وانتي بتتكلمي في اي
ملاك: فيروز
مايا: سلام دلوقتي احم ايوه
ملاك: مش هتتعشي ماما كوثر بتقولك
مايا: احم هو ادهم هياكل
ملاك: وانتي مالك بيه
مايا: عادي بطمن
ملاك: لا خليكي في نفسك يا حبيبتي
مايا: انا نازله ممكن تخرجي علشان اغير هدومي وهنزل
ملاك: متتاخريش
مايا: ماشي
مايا قامت غيرت ولبست بجامه ستان بنص وحطت ميكب وسابت شعرها مفرود علي ضهرها
حنين: اوعا
داليا: عاديه يعني مش حلوه
حنين: انتي بتكدبي علي نفسك ولا علينا ده البت ماشاء الله قمر
ملاك: عجباك
ادهم وهو بياكل: هي مين
ملاك: هو في غيرها
ادهم: علي فكره انا بصيت عليها اشوف انتو بتبصو علي ايه وبعدين بصيت علي طبقي وكملت اكل وبعدين انتي غيرانه بقه ولا ايه
ملاك: هغير من ايه مش غيرانه خالص
كوثر: تعالي يابنتي اقعدي
مايا: اوكيه
ملاك: عارف لو شيلت عينك من الطبق هعمل فيك ايه
ادهم بصلها: عايزك تعرفي ان مافيش حد في قلبي غيرك انتي بس
ملاك بصت لمايا: هو انتي فاكره نفسك ياحبيبتي قاعده في اوضه نومك انتي ناسيه ان في راجل معانا في البيت
مايا: حبيبتي انا بخرج كده اصلا
ملاك: ماشاء الله بتخرجي ببجامه ستان حاجه عجيبه مش كده يا داليا
داليا: الا قوليلي يا فيروز انتي مطوله هنا
مايا: كنت ناويه ارجع امريكا بس خلاص مبقتش عايزه امشي وبصت علي ادهم
كوثر: عايزاك في اوضتي يا ادهم
ادهم: حاضر يا ماما
في اوضه كوثر
••••••••••••••••••
كوثر: ان الاوان يبني تكلم المحامي يفتح الوصيه اهي فيروز رجعت كلم المحامي يابني خليه يجي بكره
ادهم: حاضر يا ماما هكلمه ان شاء الله
كوثر: يلا تعال كمل اكلك
ادهم في باله: مكنتش عايز اكلم المحامي دلوقتي غير لما اعرف هي فعلا فيروز ولا مين انا مبقتش عارف اعمل ايه خايف متكونش فيروز في الاخر وليه ليه ولعت في الڤيلا ليه ولا يمكن اكون فاهم غلط انا مبقتش فاهم اي حاجه
كوثر: ادهم
ادهم: ها جاي اهو
تاني يوم
••••••••••••••••••
داليا: ادهم المحامي تحت مستنيك في الجنينه
ادهم: طيب انا نازل دخليه الصالون ونادي علي فيروز
داليا: حاضر
بعد شويه
••••••••••••••••••
ادهم ببتسامه: اخبارك ايه
المحامي: الحمدلله يا دكتور بخير
ادهم: انسه فيروز اهي رجعت من برا واعتقد ان ده الوقت المناسب الي تفتح في وصيه محمد
المحامي: قبل اي حاجه نقرأ الفاتحه علي روح المرحوم
بعد دقايق
ادهم: صدق الله العظيم
فيروز: حضرتك انا عايزه اعرف اخويا حبيبي سايب ايه انا بقيت وحيده من بعده مبقاش ليا حد اانا خلاص بقيت عايشه لبنته وبس
المحامي: بسم الله الرحمن الرحيم دكتور محمد الف رحمه ونور عليه كان عندي كان قلبه حاسس ان هيحصله حاجه قرر انه يكتب وصيته ان كل املاكه تكون لبنته حياه والي مسؤول عن املاكها هو الدكتور ادهم فقط لاغير وكتب شقته الي في اسكندريه للمدام ملاك علشان ذكر ان ملهاش حد
فيروز قامت وقفت بعصبيه: انت بتخرف تقول ايه
ادهم: فيروز عيب كده ميصحش
فيروز: يعني مش كاتبلي حاجه ازاي
المحامي: الدكتور محمد كان خايف علي بنته اوي علشان هتكون يتيمه من بعده هو كان حاسس انه خلاص هيموت فا جالي المكتب وقرر انه يكتبلها كل حاجه علشان يكون مطمن عليها
ادهم:فيروز وبعدين انتي ماشاء الله انتي مش محتاجه كنت بسمع محمد بيقول انك بتعرضي عليه فلوس كتير احيانا وانك مرتاحه ماديا ومش قلقان عليكي ابدا وبعدين انتي يمكن معاكي اكتر من الي مع محمد ايه مستخسره في بنته الي بقت يتيمه دلوقتي البنت لسه بتبدا حياتها لسه طفله
مايا في بالها: يعني ايه مافيش فلوس كل الي طلعت بيه ڤيلتها الي في امريكا الي مش عارفه اصلا هي حاطه العقد بتاعها فين ولو عايزه ارجع امريكا مش هعرف علشان معناش ولا جنيه طب وايه الحل دلوقتي وانا الي قولت هعيش ملكه ده انا كده بقيت علي الحديده انا الي قولت مش مهم الڤيلا ولا فلوس فيروز هيجيلي زيهم واكتر من ورث محمد طلع مش كاتب ليها حاجه ازاي ازايييي
داليا: هي اتجننت لما عرفت ان اخوها مكتبلهاش حاجه ولا ايه
حنين: هههههه باين كده
المحامي: هستاذن انا
بعد شويه
••••••••••••••••••
مايا: اكيد انت الي عملت كده مش كده
ادهم: عملت ايه
مايا: انت الي قولت للمحامي يقول كده علشان تسرق فلوس اخويا كلها صح
ادهم: انتي مجنونه انتي ازاي تفكري في كده وبعدين تشكي لما يكون محمد كاتب ليا كل حاجه لاكن ده كاتب لبنته كل املاكه وشقه لملاك في اسكندريه ولو خدتي بالك انا الحمدلله مش محتاج علشان افكر في حاجه زي كده محمد كان اخويا وابويا قبل مايكون صاحبي وانا مكنتش مستني منه اي حاجه ولو كان فكر يكتبلي حاجه واحده كنت اتنازلت عنها لبنته لانها اولي بيها وبعدين المحامي جالي بعد وفاه محمد بيومين
فلاش باااك
••••••••••••••••••
المحامي: البقاء لله
ادهم: البقاء لله وحده حضرتك اكيد جاي بخصوص الوصيه
المحامي: اه
ادهم: حضرتك اخت محمد مسافره ياريت لو نأجل فتح الوصيه لحد ما ترجع
المحامي: هو موصلهاش الخبر
ادهم: معرفش عنها اي حاجه ومش عارف اوصلها ان شاء الله لو جت هكلم حضرتك علي طول بس انا مش حابب افتحها لان اخته مش موجوده والصراحه هي اولي انها تكون هي الي موجوده
المحامي: تمام عن اذنك
بااااااك
••••••••••••••••••
ادهم: صدقيني انا معرفش ايه الي كان في الوصيه تقدري تساليه او تساليه ليه انا شاكك فيكي اصل
ملاك مسكت ايده وراحو اوضتهم: ادهم احنا معناش دليل واحد يأكد ان دي مش فيروز هو مجرد شك احنا شاكين ياادهم ومش معانا دليل يثبت انها مش فيروز واسم مايا عادي ممكن تقولك بحب الاسم ده
ادهم: طب ليه تولع في الڤيلا
ملاك: يمكن عندها غرض من كده وناويه تعمل حاجه
ادهم: احنا لازم نراقبها ونتاكد هي فعلا فيروز ولا لا
بليل
••••••••••••••••••
ادهم: ملاك ملاك اصحي
ملاك: ايه يا ادهم
ادهم: قومي بسرعه قومي
ملاك فتحت عيونها وبعديت صوتت
ادهم حط ايده علي بقها: شششش في ايه اسكتيي
ملاك: ا ادهم انت انت بقيت شراب
ادهم: قومي بس وهفهمك بعدين
ادهم خد ملاك ونزلو وشافو مايا وهي بتوقف تاكسي في نص الليل ومشيت وادهم ركب ومشي وراها
مايا نزلت من التاكسي وقفت قصاد عماره وقابلها شاب وطلعو
ملاك: وه وه وه مين الولا ده
ادهم: انا قلبي بيقولي ان وراها حاجه وكمان طريقتها انهارده لما عرفت ان محمد مش كاتب ليها حاجه كانت غريبه ملاك انا مش شاكك انا بقيت متاكد انها مش فيروز
ملاك: انا مبقتش فاهمه حاجه خالص ياادهم
ادهم نزل من عربيته: خليكي هنا
ملاك: هتروح فين
ادهم: هسال البواب ده عليها
ملاك: طيب خلي بالك من نفسك اجي معاك
ادهم: لا متقلقيش
ملاك: ادهم
ادهم: ممممم
ملاك: لا اله الا الله
ادهم ببتسامه: محمد رسول الله
ملاك: ادهم
ادهم: ايه تاني
ملاك: خلاص
ادهم: انزلي يا ملاك تعالي ياماما معايا الله يهديكي
ملاك وادهم راحو للبواب وصحوه
بخضه-ايه في ايه انتو مين
ادهم بصله وكان لابس شراب اسود علشان ميتكشفش: فوق كده يااعم الحج انا عايز اعرف الي لسه طالعين دلوقتي دول مين
-بسم الله الرحمن الرحيم شراب بيتكلم
ادهم: ياعم الحج طيب ركز معايا في حد خد شقه منك هنا في العماره خلال الاسبوعين الي فاتو
بخوف-لا يا بيه
ملاك: ادهم ما تشيل الشراب ده من علي وشك بدل ماانت راعبني وراعب الراجل كده
ادهم: بجد شكلي وحش
ملاك: جدا وبعدين انت جبته منين ده
ادهم: لقيته عند ماما
ملاك: طب شيله شيله بس تعرف الخامه بتاعته مش حلوه
ادهم: بجد انا معرفش فيهم اصلا
ملاك: انا هبقا اجبلها واحد خامته احلي وكمان تقيل مش ده ده خفيف اوي كان مبين مناخيرك
ادهم: انتي هتجيبي الوش للرجل
ملاك: بس انت مناخيرك كبيره
ادهم: هههه ده صغيره يابنتي
البواب: لا حول ولا قوة الا بالله
ادهم وملاك بصو للبواب: انت مين
البواب: يابيه انا البواب
ادهم: انا اسف الكلام جاب بعضه
ملاك: مين اخر واحد واخد شقه هنا في العماره
-استاذ خالد بقاله شهر ونص واخد الشقه
ملاك: اكيد ده الي طلع معاها
ادهم: طيب خالد ده متجوز او خاطب
-متجوز يابيه مدام لقاء
ادهم: انت متاكد يااعم الحج ان اسمها لقاء يعني الي طلعت معاه دي لقاء ولا مايا ولا فيروز ركز كده الله يكرمك
-لا انسه مايا دي تبقا اخت مدام لقاء الي اعرفه انهم من امريكا يا بيه وجم هنا بقالهم شهر ونص
ملاك: انا طلعالها الكدابه ال***** طلعت مش فيروز وجايه تاكل بعقلنا حلاوه
ادهم: ششش مش عايزين فضايح اكيد هتكدبنا احنا معناش دليل ولازم نعرف فين فيروز ممكن تكون خطفاها وكده هنشكل خطر عليها مش قولتلك دي مش فيروز انا كنت متاكد واتاكدت اكتر لما شوفت البنزين وطريقتها مع المحامي كانت بتأكد انها جايه علشان الفلوس مش علشان حياه
ملاك: اه عندك حق بس ايه الي يخليها تعمل كده
ادهم: اكيد البنت دي تعرف فيروز وكل حاجه عنها بس ايه الي خلاها تنتحل شخصيتها ازاي مش خايفه فيروز تظهر وتكشفها اكيد خطفتها
ملاك: هنكشفها ازاي
ادهم: مش عارف بس لازم نكشفها قريب ونعرف فين فيروز
في شقه خالد
••••••••••••••••••
خالد: الشقه دي مؤقته لمده خمس شهور بعديها هنترمي في الشارع لازم يبقا معانا فلوس احنا معناش جنيه انتو متخيلين
لقاء: ياحبيبي طب هنعمل ايه الزفت محمد ده طلع مش كاتب حاجه لفيروز
خالد كسر الكوبايه: عمري ما كنت اتخيل ان يحصل كده
مايا بخضه: طيب اهدا طب ماتيجو ننسحب بقه وخلاص هنعمل ايه يعني
خالد: احنا لازم يبقا معانا فلوس فاهمه احنا الفلوس الي كانت معانا اتصرفت في السفر احنا هنترمي في الشارع
لقاء: هو بعد مخلصنا من بنت خالتي تيجي انتي بكل سهوله تقولي ننسحب انتي هبله ولا ايه انتي مش عارفه الفلوس الي عند محمد دي قد ايه ولا الڤيلا دي لو اتباعت ولا العربيات هيجيبو كام لا فوقي كده وبعدين يا حلوه هنرجع ازاي احنا معناش جنيه عقد الڤيلا الي الهانم فيروز حاطه فيها كل فلوسها منعرفش عقدها فين كنا بعناها
خالد:لو منفزتيش الي قايلين عليه مش هنلاقي ناكل يا حلوه
مايا: هجبلكو فلوس ازاي وهنبيع حاجات محمد ازاي كله بقه للبت الصغيره والمسؤول عنهم ادهم
خالد: اتصرفيييي انتي ناسيه احنا عملنا ايه علشان نيجي هنا وتتنيلي تنتحلي شخصيه فيروز احنا قتلنااااا
فلاش باااك من 3شهور
••••••••••••••••••
لقاء: نفسي في نص حظ فيروز بنت خالتو
خالد: اشمعنا يا حبيبتي
لقاء: تعرف ان ليها اخ في مصر جراح ودايما تحكي انه مرتاح وعنده فلوس غير العربيات طبعا والڤيلا
خالد بطمع: غني علي كده
لقاء: يووووه جدا
مايا: بتتكلمو علي مين
لقاء: اخو فيروز الي في مصر
مايا بطمع: نفسي انزل مصر اشوفه فيروز ملهاش سيره غير عليه
لقاء غمزتلها: طب ما يلا انزلي ده هيعيشك في قصر
مايا بطمع: نفسي
بقلمي/menna moharam
خالد بتفكير: هو علي كده فيروز اكيد ليها فلوس مش كده
مايا: اه ليها بس كانت قيلالي ان مامتها اتنازلت عن كل حاجه لمحمد
لقاء: وهي خالتو كانت محتاجه ماشاء الله مهو كان علي قلبها قد كده وكله بقه لست فيروز ولا كتبتلنا حاجه بس الهانم راحت حطت نص فلوسها في التبرعات والڤيلا الجديده
مايا: بس هي معاها فلوس في البنك
خالد: طب اي رايكو نخلص منها وبكده فلوسها مش هتكون لحد غيرنا مااحنا اهلها
مايا قامت وقفت: ها لا طبعا انت بتقول ايه نقتل لا
خالد: لقاء ايه رايك
لقاء بطمع: هنكسب كتير
خالد: يوووه كتير بس ده فلوس يا ماما وفلوس كتير اوي غير طبعا الي عند اخو فيروز ڤلل وعربيات هنستغل الشبه الي بين فيروز ومايا وننزل مصر
بعد مرور يومين
••••••••••••••••••
مايا: انت عملت ايه
خالد: قطعت فرامل العربيه وكمان شويه هتسمعو احلي خبر
مايا: طب وبعد كده هنعمل ايه
خالد: هتنزلي تعيطي لمحمد وتقوليلو اخويااا اهئ اهئ حبيبي وتقعدي واحده واحده تطلبي الفلوس الي ام فيروز اتنازلت عنها
مايا: بس اكيد هيعرف اني مش اخته
لقاء: مين قال كده بس ياروحي ده انتي نسخه عن بنت خالتك وبعدين انتي ناسيه محمد مش بيشوف فيروز غير في الكاميرا والكاميرا غير الحقيقه وكمان شويه ميكب كده في وشك وبس كده تعرفي ممكن يشك بس في حاله واحده
مايا: ايه هي
لقاء: فيروز عندها حسنه فوق شفايفها ودي بسيطه هنعملها بس كده مايا علشان خاطري ركزي كده انتي مش كان نفسك في لبس كتير وعربيه احدث موديل وافقي بقه
مايا بطمع: لبس وعربيه
لقاء ببتسامه: اه يا حبيبتي
مايا: موافقه
لقاء: انتي عارفه كل حاجه عن فيروز مش كده
مايا: اه اعرف ان كمان صاحب المقرب لمحمد هو ادهم جاره وده صحبه الروح بروح عيب عليكو فيروز حكيالي كل حاجه لان اغلبيه الوقت اصلا كنت ببقا معاها
لقاء: طب وهنبيع ڤيلا فيروز ازاي عقدها مش موجود
خالد مسك ايد لقاء: ڤيلا ايه بقه فكك منها ههههههه فلوس الدكتور كفايه اوي
لقاء: بحبك يا ذكي
خالد: خلوني اقوم بقه احجز تذاكر الطيران
مايا: خالد بس انا خايفه يوصل خبر وفاه فيروز لمحمد
خالد: يابنتي هو انتو ليكو حد هنا لا وحد يعرف اخو فيروز من صحابها الي هنا برضوه لا فكك بقه انتي ولقاء مكنش ليكو حد هنا غير فيروز وامها وامكو ماتت من سنتين وستك ميته من بدري ها تقدري تفهميني مين هنا بقه من عيلتكو محدش يعني خبر وفاتها مش هيوصل لحد
مايا: طيب
خالد: بلاش قلقق بقه االمهم هنقضي شويه في اوتيل ندلع نفسنا فيهم وبعدين نبدا ب الخطه
مايا: اوعااا بقه هو ده الكلام
بعد شويه
••••••••••••••••••
مايا: الو ايوه مين معايا
انا جميله انسه فيروز طلبت مني اكلمكو هي دلوقتي في مستشفي**** ياريت تيجو باسرع وقت
مايا: ماتت
جميله: بعد الشر لا هي بخير
لقاء خدت الموبايل منها بسرعه: الو الو
مايا بصدمه: دي دي عايشه
لقاء: الخط قطع
في المستشفي
••••••••••••••••••
مايا: حبيبتي حمدلله علي سلامتك انتي كويسه
فيروز: الحمدلله احسن انا كنت هموت لولا ان البنوته دي لحقتني كنت زماني مت شكرا جدا ليكي
جميله: الحمدالله انك بقيتي احسن يا حبيبتي وبصت لمايا مش معقول الشبه الي بينكو الي يشوفكو يقول عليكو شخص واحد
مايا: الي بيميزنا عن بعض الحسنه المهم شكرا يا حبيبتي انك انقذتي اختي بس ماشاء الله متعلمه عربي كويس
جميله: اه انا لسه جايه قريب امريكا انا واختي احنا من مصر وانتو واضح انكو بتتكلمو عربي كويس
مايا: اه انا اهل مامتي من امريكا واهل بابا من مصر ومامتي لما انفصلت هي و بابا روحت انا ولقاء قعدنا مع اهل بابا في مصر جاينا امريكا من حوالي خمس سنين وبجد انا مبسوطه اوي اننا جينا هنا علشان فيروز حبيبتي نبقا معاها وقاعدين معاها تعرفي فيروز مش بس بنت خالتي لا ده امي واختي انا بجد كنت خايفه يحصلك حاجه يا فيروز
فيروز بحنيه: انا كويسه اهو يا حبيبتي
خالد: اختك بتحكلها قصه حياتها
لقاء: ياعم اسكت بقه الخطه باظت
خالد: اهدي بقه
لقاء: هنعمل ايه
خالد: مش عارف انا ماشي
لقاء: لا استني انت عايز تمشي علشان تشك ان في حاجه خليك
مايا: هو الدكتور قال ايه احم وازاي عملتي الحادثه
فيروز بدموع: كان فيه طفله بتعدي الشارع جايه ادوس فرامل مكنش فيه والحمدلله البنت جريت وساعتها انا فتحت باب العربيه ونطيت منه والحمدلله الي لحقتني جميله وخدتني علي المستشفي
مايا:طب الحمدلله
خالد: منك لله
فيروز: بتقول حاجه يا خالد تعال اقعد واقف ليه
خالد: ها انتي كويسه
فيروز: اه الحمدلله بخير
خالد: طب الحمدلله
فيروز: هو انا هطلع امتي
جميله: الدكتور قالي انك هتفضلي تحت الملاحظه كام يوم
فيروز: كام يوم لا انا عايزه امشي مش بحب قاعده المستشفيات وبعدين محمد اخويا زمانه قلقان عليا اوي بقالي مده من ساعه وفاه مامتي وانا مش بكلمه
مايا: اهدي يا حبيبتي
فيروز: انا عايزه اكلمه طب اطمن عليه موبايلي فين بقاله فتره بيجي علي بالي معرفش وقلبي مقبوض عايزه اطمن عليه
جميله: اهو موبايلك جمبك ارنلك عليه
فيروز خدته: ده فصل
خالد: هاتي اشحنهولك
بقلمي/menna moharam
فيروز: معاك شاحن
خالد: لا بس هنزل اشتري واحد
فيروز: طيب هتعبك
خالد: تعبك راحه تعالي معايا يا مايا
مايا: حاضر
بعد شويه
••••••••••••••••••
مايا: انت جبتني معاك ليه
خالد: عايزك انتي تكلميه وتقوليلو انك هتنزلي قريب اوي وهتعيشي معاه
مايا: ايه الذكاء ده انت ناسي انها عايشه لسه
خالد: اعملي الي هقولك عليه وسيبي الباقي عليا
مايا: طيب
مايا رنت علي رقم محمد ومكنش حد بيرد
خالد: ها رد
مايا: لا يا خالد محدش بيرد
خالد: طب دوري كده في الارقام
مايا: في رقم اهو ليه تاني
خالد: طب رني
-الو
مايا: الو
-ايوه حضرتك مين
مايا: احم مش ده رقم دكتور محمد
-ايوه رقمه حضرتك متعرفيش ان دكتور محمد اتوفي في حادثه
مايا: ااايه ماااات
-ايوه حضرتك مين
مايا: انت الي مين
-انا البواب وحضرتك بترني علي رقمي
مايا: بواب مين ورقمك ازاي ده متسجل باسم محمد
-انا عوض قاعد في ڤيلا دكتور محمد الله يرحمه
مايا: ا انا اخته فيروز
-ست فيروز ازيك يا هانم عامله ايه بقالك مده مرنتيش
مايا قفلت السكه في وشه
خالد: في ايه
مايا: مات والخطه بح والفلوس بح وفلوس فيروز مش كفايه مش كفايهه
خالد: انتي عبيطه طب كويس ده في صالحنا
مايا: وازاي بقه يااخويا
خالد: كده مش فيروز مش هتاخد ورث ابوها بس لا ده هتاخد كل حاجه احنا بقه هننزل مصر علي اساس انك فيروز اخت محمد وهتطلبي حقك بس كده بكل سهوله
مايا: وافرض معرفناش نخلص من فيروز وعرفت ان اخوها مات ده هتنهار ومش بعيد تنزل وكمان محمد مخلف بنت اكيد كاتب ليها كل حاجه
خالد: مايا انا مش عايز هبل هيكتب كل حاجه لبنته ومش هيكتب لاخته لا لا اكيد لا
مايا:طب افرض فيروز عرفت ان اخوها مات هنعمل ايه
خالد خد الشريحه وحدف الموبايل: هتعرف ازاي
مايا بصدمه: انت عملت ايه
خالد بتمثيل: اوفف فيروز انا اسف جدا موبايلك وقع مني واتكسر بجد انا اسف حقك عليا بس خدي ده موبايل جديد واحدث موديل بس كده،
مايا: طب هنعرف ڤيلته ازاي
خالد: ودي محتاجه يعني هنكلم البواب بقه ونعرف منه العنوان يا ذكيه ما اكيد فيروز نسيت العنوان يعني ده بقالها زمن في امريكا
مايا: ياابن اللعيبه طيب مممممم علشان كده فيروز كانت بتقولي محمد. بقاله شهور مبيكلمنيش وهي كمان وفاه مامتها والامتحانات كانت ملغبطه حياتها الحمدلله انها متعرفش
بليل
دخل خالد اوضه فيروز وهو بيتسحب وماسك مخده وبيقرب عليها ببطئ وكتم نفاسها
جميله: اا انت بتعمل ايه انت موتها فيروز فيروز فوقي
خالد راح عندها وحط ايده علي بقها: اخرسي اخرسي يااما اقسم بالله هقتلك زي ما قتلتها انتي فاهمه
جميله بدموع: ه هبلغ عنك
خالد: ساعتها بدل ما ندفن واحده هندفن اتنين لو حابه ندفن اتنين روحي وقولي وساعتها هتترحمي علي اختك
جميله: ااختي
خالد: ايه رايك زمان مايا هناك دلوقتي وقاعدين سوا اتصال مني واحد هتسمعي خبر يفرحك
جميله: خ خلاص بس علشان خاطري سبها في حالها ونبي
خالد: اتفقنا انا هاخد الجث*ه عايزك بقه بعد ماامشي تنادي علي الدكتور وتقوليلو الحقني يا دكتور فيروز فيروز مش موجوده انتي فاهمه
جميله: ح حاضر حاضر
خالد: شطوره
بااك
••••••••••••••••••
لقاء: مالك سرحانه في ايه
مايا: ها لا مافيش كنتو بتقولو ايه
خالد: لازم توقعي ادهم في حبك انتي فاهمه ومتعمليش اي حاجه من دماغك علشان انتي كنتي هتبوظي الدنيا انا مكنتش عايز بنت محمد تكرهك بس انتي غبيه المهم ما علينا انتي لازم توقعي ادهم في حبك ولو وقعتيه في حبك هتبقا كل حاجه ليكي فلوس محمد وفلوس ادهم كمان لازم ننجح المرادي فاهمه ولا لاااا
مايا: حاضر بس انا خايفه حد يشك فيا
خالد: هيشكو ازاي وانتي نسخه عن فيروز بنت خالتك والحسنه سهله عملناها وبقيتي شبها بظبط
بعد شويه
••••••••••••••••••
ملاك: البت دي وراها حاجه كبيره اوي
ادهم: شوفتيها بتتسحب ازاي زي الحراميه
ملاك: اه شوفت
ادهم: يلا نطلع ننام
ملاك: طيب
ادهم: مش ناويه تقوليها بقه
ملاك: هي ايه دي
ادهم: لا قولي انتي دي سهله موت اول حرف منها بحبك
ملاك ضحكت: يا راجل
ادهم: ايوه كده انا بضحك بس
ملاك: ادهم بجد سبني علي راحتي انا عايزه لما اقولهالك اقولها وانا متاكده من مشاعري اتجاهك مش عايزه اقولها كده وخلاص مجرد اني اريحك واكدب عليك
ادهم باس راسها: وانا مش هغصبك علي حاجه يا حبيبتي بس عايزك تعرفي اني بموت فيكي ربنا يخليكي ليا يارب
ملاك بتوتر: ا ادهم ابعد شويه انا انا طالعه اوضتي
ادهم: راحه فين ده باب الڤيلا
ملاك: اه صح باب الڤيلا
تاني يوم
••••••••••••••••••
كوثر: روحي نادي علي فيروز يا داليا
داليا: حاضر اهي جت
كانت نازله مايا وهي لابسه فستان سيمبل قصير
ملاك بصت لادهم: قوم يا حبيبي نام يلا
ادهم: ليه مش عايز انام احنا لسه صاحين صباح الفل
مايا بمياصه: ادهم انا اسفه بخصوص الي حصل امبارح حقك عليا
ادهم: ولا يهمك حصل خير
ملاك: وانا قولت اادهم تقوم تنام دلوقتي مش هستني لحد ما تيجي تقعد جمبك
ادهم: بتقولي ايه
ملاك: قوم اطلع ياادهم فوق الله يكرمك
داليا بصت لحنين: ماشاء الله كل يوم استعراض ده مصطفي كان جاي يتغدا انهارده معانا
حنين: قوليلو ميجيش
داليا: انا هقوله طبعا
ادهم بعصبيه خفيفه: انتي هتمشي عليا يا ملاك انا قاعد معاكو في ايه مالك اعقلي شويه
حنين: في ايه يا جماعه
ملاك بدموع: طيب انا طالعه اوضتي
كوثر: كده ياادهم يابني تزعلها
مايا: هي ماڤوره يا طنط هي ليه عايزه ينام دلوقتي يعني مهو قاعد معانا وبعدين احنا لسه الصبح
ادهم: اعتقد يا انسه فيروز ان دي حاجه متخصكيش وياريت متتكلميش علي مراتي ولا ب حلو ولا ب وحش
مايا قامت: انا اسفه
حنين: انا كمان هقوم ادخل اوضتي
داليا: خديني معاكي
كوثر: قوم يا حبيبي صالح مراتك
ادهم: طيب
كوثر: يا حبيبي ربنا يهديك يارب ويصلح حالك البت غلبانه يا ادهم وطيبه متزعلهاش ياحبيبي
ادهم باس راسها: حاضر يا ماما بس انا ورايا عمليه انهارده هروح المستشفي ولما ارجع هبقا اصالحها مع اني معملتش حاجه
كوثر مسكت ايده: اطلعلها يبني
في اوضه ملاك وادهم كانت قاعده ملاك بتعيط
ادهم راح قعد جمبها: زعلانه
ملاك: انت شايف ايه
ادهم: انا اسف
نبــــضات قلــب🤎
الثالث والعشرون قبل الاخير
♡♡♡♡♡♡♡♡♡♡♡♡♡
ادهم: انا اسف
ملاك قامت وقفت: طلقني ياادهم
ادهم بصلها بحزن وخرج علشان يروح المستشفي
بليل
في اوضه حياه
••••••••••••••••••
حياه: مالك يا مامي
ملاك: مافيش يا قلبي حاجه انتي مكلتيش ليه
حياه: مش جعانه انا كلت شوكلاته دومي كان جيبهالي
ملاك: طيب تعالي يلا علشان ننام
حياه: انتي هتنامي جمبي انهارده يا مامي
ملاك: اه يا حبيبتي
ادهم: ملاك انتي هنا
ملاك: يلا يا حياتي احكيلك حدوته عن ايه
حياه: دومي تعال
ادهم راح وقعد جمبها: ايه يا حبيبتي لسه صاحيه
حياه: صحيت لما مامي جت قعدت جمبي
ادهم بص لملاك: مالك
ملاك: مافيش حاجه انا عايزه اكلمك في موضوع بتاع الصبح
بعد شويه
••••••••••••••••••
ادهم: نطلق
ملاك: اعتقد احنا خلصنا من جلال كل واحد بقه يروح لحاله انت كنت متجوزني علشان جلال وخلاص هو دخل السجن
ادهم: وحبي ليكي
ملاك: انا مش بحبك وعايزه اطلق وهروح اقعد في شقه بابا وهاخد حياه معايا وشوف انت حياتك بقه اتجوز وعيش حياتك مع واحده تحبك وتحبها انا حاولت اديك فرصه بس للاسف محبتكش
ادهم: بس انا بحبك
ملاك: لا انت مبتحبنيش يمكن متعلق بوجودي ومفكر انك بتحبني
ادهم راح ووقف قصادها: وانا مش هغصبك علي حاجه عايزه تطلقي تمام هطلقك
ملاك: انا راحه انام في اوضه حياه
ادهم: علي راحتك
في اوضه داليا وحنين
••••••••••••••••••
حنين: يعني قالتلك طلقني كده
ادهم: اه والله
داليا: ملاك غيرانه عليك ياادهم
ادهم: ماانا قولتلها كده وطبعا قالت لا وقالتلي عايزه تطلق وحاولت تدي نفسها فرصه بس محبتنيش انا هطلقها
حنين: لا طبعا ادهم متهزرش هي بتحبك انت مشوفتهاش اول ما شافت فيروز ببجامه ونازله فضلت تبص عليك ازاي ده مشالتش عنيها من عليك بقلمي/menna moharam
ادهم: طب ليه مش عايزه تقول
داليا يمكن تكون محرجه او مش متاكده من مشاعرها اتجاهك او مضايقه منك بسبب انك زعلتها الصبح
ادهم: طب هنخليها تعترف ازاي دي عايزه تطلق
حنين غمزت لادهم: لو مخلتهاش تعترفلك ميبقاش اسمي حنين
ادهم: واثق فيك يا معلم
داليا: قومو بقه يلا كل واحد علي اوضته عايزه انام
حنين: تصبحو علي خير
ادهم دخل اوضته وكانت ملاك نايمه ابتسم وراح نام جمبها
الصبح
••••••••••••••••••
ملاك: انت اي جابك جمبي ممكن افهم
ادهم بنوم: سبيني انام يا ملاكي
ملاك: ملاكي اه اوعا ياادهم
ادهم: انا جيت الاوضه ولقيتك نايمه انتي مش قولتي هتنامي جمب حياه ايه جابك بقه
ملاك: مهو انا روحت علشان انام جمبها بس خوفت تشك ان فيه حاجه مزعلاني يعني
ادهم بكدب: طيب سبيني انام بقه اصل امبارح بليل فضلت قاعد انا والي مش عارفلها اسم لحد ما طلع النهار
ملاك بغيره: ممم وعملتو ايه بقه
ادهم: معملناش فضلنا نهزر طلع دمها خفيف اوي
ملاك: احم انت ناسي انها مش فيروز وانها مايا
ادهم: معتقدش يمكن فهمنا غلط ده طلعت طيبه اوي وغلبانه ودمها عسللل وهبله يمكن دول صحابها وزي ما ماما قالت يمكن بتحب اسم مايا
ملاك: دمها عسل ممم
ادهم فتح عينه: في حاجه
ملاك: لا مافيش
ادهم بصلها وغمزلها: تصدقي طلعت عسوله
ملاك: اللهم طولك يا روح
ادهم: مالك
ملاك: مافيش. واوعا خليني اقوم
ادهم: ما تقومي
ملاك: سيب ايدي طيب الي مكلبش فيها ليه مفكرها ايد فيروز نينينيني
ادهم: اده معلش مخدتش بالي
ملاك: مستفز
بعد شويه
••••••••••••••••••
ادهم: انتي بجد طلع دمك خفيف اوي يا فيروز
مايا: وانت طلعت لزيز اوي
ملاك: ادهم ممكن تيجي معايا دقيقه
ادهم: ثواني يا فيروز راجعلك
في اوضه ملاك وادهم
••••••••••••••••••
ادهم: ايوه
ملاك: انا مش عايزه الشقه انا عايزه اتنازل عنها لحياه
ادهم: اشمعنا
ملاك: هو ايه الي اشمعنا انا مش عايزها وبعدين هي اولي بيها وانا مستحيل اقبل اني اخدها
ادهم: حاضر هكلم المحامي وهننقلها باسم حياه
ملاك: تمام
ادهم: طب ما تاخديها يابنتي
ملاك: اشمعنا
ادهم ببرود: علشان لما اطلقك
ملاك بصتله بغيظ: شقه بابا موجوده هروح اقعد فيها او هروح اقعد في اي حته انا نازله
ادهم: انزلي
ملاك خرجت ورجعت دخلت تاني
ادهم بصلها: في حاجه
ملاك بغيظ قدمت منه: تعرف انك بارد ومستفز ورخم
ادهم ابتسم ببرود: حاجه تاني
ملاك ببتسامه سمجه: لاااا خلاص خلصت
ادهم: ده رايك فيا شكرا جدا خديه وانتي ماشيه ارميه في الزباله
ملاك بدموع: انا نازله
ادهم: انزلي
بعد مرور ساعات وجه الليل
كانت واقفه مايا برا في الجنينه
مايا: زي ما بقولكو كده انا حاسه انه بدا يحبني
لقاء: شاطره حاولي تبقي زوجه تانيه وبشطارتك خليه يوقع علي تنازل لكل املاكه
مايا: حته واد حليوه وڤيلته اكبر من بتاعت اخو فيروز
لقاء: ايه رايك عجبتك
خالد: افتحي الاسبيكر كده
مايا: افتحي خليني اسمع رائ خالد
خالد: وقعيه في حبك خليه يتجوزك وهو راضي علشان ينفزلك كل الي في بالك
بقلمي/menna moharam
مايا: هو كده كده واقع تعرفو انا اصلا حاسه انه مش بيحب البت الملزقه الي اسمها ملاك دي
خالد: طب كويس ده تبقا سهله علينا وتقدري توقعيه في حبك بسهوله ولو ياستي بيحبها بشطارتك وقعيهم في بعض واوعي تخرجي من البيت ده انتي فاهمه
مايا: الصنايعي بيخلص حاجات في الڤيلا كلها يومين وتخلص واكيد هيرجعوني لما يخلصو
خالد: هنولع فيها تاني
مايا: ههههههههه انت حبيت الموضوع
لقاء: حاولي انتي بس خلال اليومين دول تتأكدي انه بيحبك
مابا: افرضي ملحقتش في يومين اعرف هو فعلا بيحبني ولا مجرد وهم
خالد: متقلقيش سبيلي الصنايعي ومش هيبقو يومين هيبقا عمر بحاله
ادهم: احم احم
مايا بخضه وحطت الموبايل ورا ضهرها: ا انت هنا من امتي
ادهم: مالك يابنتي سلامتك من الخضه انا اسف كنتي بتتكلمي
مايا: ها انا كنت بشوف الساعه مستنياك ترجع اصل الوقت اتاخر كنت مستغربه
ادهم: طيب تعالي ادخلي جوا ايه موقفك برا كده
مايا: خايف عليا طيب انا هطلع اوضتي تصبح علي خير يا دومي
ادهم: دومي؟
كوثر: ايه يا حبيبي اتاخرت ليه
ادهم: كان عندي عمليات يا ماما
كوثر: طيب يا حبيبي اتعشيت
ادهم: لا
كوثر: طيب احضرلك العشا
ادهم: لالا انا بس تعبان عايز اخد شاور وانام
كوثر: طيب يا حبيبي
ادهم: احم هي ملاك اتعشت
كوثر: لا يا حبيبي هي منزلتش اصلا من اوضتها من ساعه ما مشيت
ادهم: طيب ماشي تصبحي علي خير
في اوضه ادهم وملاك
كانت ملاك نايمه وواخده في حضنها حياه
ادهم بهدوء: ملاك ملاك
ملاك بتعب: ممم
ادهم: قومي علشان تاكلي
ملاك: مش عايزه اكل
ادهم: قومي بقه يلا متخليش صوتي يعلي حياه نايمه
ملاك: مش عايزه اكل ياادهم ممكن تسبني انام
ادهم شال حياه ودخلها اوضتها ورجع لملاك
ملاك قامت وقفت وكانت هتقع بس ادهم مسكها
ادهم: انتي كويسه
ملاك مسكت راسها: اه عندي صداع بس
ادهم بصيلي يا ملاك
ملاك بصتله وكان باين عليها انها معيطه
ادهم: انتي معيطه ليه وليه مكلتيش
ملاك: يعني انت مش عارف انا معيطه ليه
ادهم: وهعرف منين
ملاك: هتطلقني
ادهم: انتي عايزه ايه وانا هعملو
ملاك بدموع: يعني مستعد انك تطلقني
ادهم: بتعيطي ليه طيب دلوقتي
ملاك: علشان هتطلقني
ادهم: مش انتي الي عايزه
ملاك حضنته: لا مش عايزه انا بحبك ياادهم ومش متخيله اني ممكن اعيش من غيرك بس انت مستفز وردودك مستفزه وعصبتني الصبح وكنت رخم
ادهم طلعها من حضنه بهدوء: انتي قولتي ايه
ملاك بصتله وبعدين غمضت عيونها بتعب وسندت راسها عليه
ادهم: ملاك ملاك يا خبر حرارتك عاليه اوي
بعد شويه
••••••••••••••••••
ملاك: اااه هو ايه الي حصل
ادهم: اغمي عليكي وانتي بتقوليلي الكلمه الي كنت هموت واسمعها
ملاك: كلمه ايه
ادهم: المهم انتي كويسه حاسه ب ايه
ملاك: اه كويسه الحمدلله
ادهم: طيب يلا علشان ناكل سوا خلينا ننام بقه انا جاي تعبان اوي وبكره نشوف موضوع الكلمه الي هموت واسمعها تاني دي
ملاك: بعد الشر عليك يا حبيبي
ادهم: حبيبك
ملاك: ممكن متزعلنيش تاني ياادهم
ادهم: هو انا الي طلبت الطلاق يابنتي وبعدين مين الي يزعل انا ولا انتي
ملاك: انا اسفه
ادهم: انا بزعل اوي لما تجيبي سيره الطلاق اي زوجين دايما بيحصل بينهم شويه خلافات بس مش علشان نحلها نتطلق زمان كل الناس بقت مطلقه ليه منحلهاش بهدوء انا وانتي ولو انا غلطان تفهميني غلطي وانتي كذالك مش مع اول خلاف لا طلقني هي لبانه وبعدين لازم نستحمل بعض مش نقف علي الواحده انا متعصب كوني انتي هاديه انتي متعصبه انا بمعرفتي هحاول اهديكي لاكن مش هجيب سيره الطلاق علشان انا بحبك ومتمسك بيكي ومشاكلما هنعرف نحلها من غير طلاق
ملاك: حقك عليا بقه
ادهم خدها في حضنه: انا مقدرش ازعل منك
ملاك: بحبك علي فكره
ادهم: وانا بموت فيكي بقلمي/menna moharam
صباح يوم جديد
••••••••••••••••••
ادهم: صباح القمر علي عيونك
ملاك: صباح النور
ادهم: حرارتك نزلت الحمدلله
ملاك: طب الحمدلله بقولك
ادهم: قولي
ملاك: هي البت دي هتفضل عندنا كتير
ادهم: هتمشي في اقرب وقت صدقيني
ملاك: طب يا مسهل
ادهم: ملاك انا عايزك تثقي فيا
ملاك: انا واثقه فيك ياادهم وعارفه انك مستحيل تعمل حاجه تجرحني
بعد شويه
••••••••••••••••••
مايا: ادهم كنت عايزاك
ادهم بص لملاك ورجع بص لمايا: عايزاني في ايه
مايا: كنت عايزه اروح اشتري شويه حاجات بدل الي اتحرقت في الڤيلا يعني كنب وسفره وكده يعني انت عارف ماليش حد في الدنيا دي غيرك انت وحياه دلوقتي
ادهم: طيب ماشي هتروحي امتي
مايا: انت حابب امتي
ادهم: الوقت الي تحبيه بس ياريت انهارده علشان معنديش عمليات انهارده
مايا: حلو هطلع اجهز وانزلك
ادهم: تمام وانا هستناكي في العربيه
مايا ببتسامه: عيوني
ادهم: افندم
مايا: هلبس بسرعه وانزلك
بقلمي/menna moharam
في اوضه مايا
••••••••••••••••••
مايا: راحه اجيب جهازي
لقاء: لحقتي توقعيه
مايا: كنت عايزه نبقا مع بعض مكنش عندي حل غير اني اقوله نروح نجيب عفش جديد عايزه اعترفله
لقاء: والعه معاكي
مايا: الله اكبر هتحسديني بقه يلا يلا باي علشان اجهز مستنيني تحت
لقاء: طيب باي
بعد مرور نص ساعه
••••••••••••••••••
مايا راحت ناحيه عربيه ادهم وفتحت الباب علشان تركب: معلش اتاخرت
ملاك: حبيبتي ممكن تركبي ورا
مايا: انتي جايه
ملاك: اه اصل انا وادهومي مش بنروح في حته غير واحنا مع بعض
مايا: بس
ملاك: ارجعي ورا يلا
مايا: تمام
ادهم غمزلها وركبت جمبه
كانت ملاك طول الطريق ماسكه في ايده ومايا راكبه ورا مش طايقه نفسها
ملاك: حبيبي ممكن تقف هنا اطلبلنا فطار علشان مفطرناش
ادهم: عيوني
ملاك: هتاكلي ايه يا فيروز
مايا: مش عايزه
ملاك: يلا يابنتي مش معقول ناكل انا وادهومي وتتفرجي علينا يعني
مايا: كتر خيرك مش عايزه
ملاك: براحتك
بعد شويه كانو وصلو لمعرض فيه كل حاجه تخص الاداوات المنزليه
ادهم: عجبك حاجه
مايا بعصبيه: لا
ملاك: حبيبي بص التسريحه دي حلوه اوي حياه معندهاش تسريحه في اوضتها ايه رايك فيها هتعجبها
ادهم: عجباكي
ملاك: اه حلوه اوي ايه رايك نجبلها واحده هتفرح
ادهم: عيوني ليها وليكي ياقلبي
ملاك: تسلملي
ادهم: كنت عايز اجبلها كمان صندوق للعب بتاعتها بدل ما بندوس عليها
ملاك: هههه اه والله بس خلاص حياتي بقت بنوته كبيره مبقتش مهتميه بلعب قد كده
بقلمي/menna moharam
ادهم: هتفضل صغننه في عيني وانتي كمان
مايا: جاين يحبو في بعض هنا حاجه قرف وانا الي مفكره انهم مش بيحبو بعض ده انا طلعت عبيطه
ملاك: نمشي يا فيروز
ادهم: فيروز نمشي
مايا: بتكلموني انا
ادهم: مش انتي فيروز
مايا: اه اه انا فيروز
ادهم: طيب هنعمل ايه
مايا: خلاص مش لازم هبقا اجيب بعدين
ادهم: علي راحتك
في العربيه
••••••••••••••••••
ادهم: حاضر جاي تمام ماشي
ملاك: في ايه
ادهم: لا ده واحد صاحبي عايزني اروحله
ملاك: طب نزلنا هنا وهناخد تاكسي وانت روح
ادهم: ليه يعني ياقلبي هبقا اشوفه بعد ما اوصلكو
مايا بحقد: نزلني هنا
ملاك: ليه هتنزلي هنا
مايا: كده حابه اتمشي لوحدي واشم هوا ايه حرام
ادهم وقف العربيه: لا مش حرام انزلي بس كنت محضرلك مفاجاه في البيت زمانها وصلت
مايا بحب: احم مفاجاه ليا انا
ملاك: والله
ادهم: اركبي يا مايا بجد انا عامل ليكي مفاجاه وعلي فكره هتعجبك جدا جدا
مايا بحب: ادهم انت بتحبني
ملاك: انا مش ماليه عينك يابت انتي ايه بيحبك دي
مايا: اسكتي انتي
ادهم: ايوه يا ملاك اسكتي انتي
رواية نبضات قلب الفصل الثاني والعشرون 22 - بقلم منة مهران
ملاك بدموع: ادهم انت بتقول ايه
ادهم: معلش ممكن تركبي ورا يا ملاك وتجبيها هي قدام
ملاك: مستحيل
ادهم بعصبيه خفيفه: ملاك انزلي اركبي ورا
ملاك: انا مش هركب معاك اساسا
ادهم مسك اديها: اركبي ورا يا ملاك اسمعي الكلام
ملاك: حاااضر
مايا بصتلها بتكبر: ممكن تقومي يلا علشان اركب انا
ملاك بصتلهم بغيظ ونزلت ركبت ورا وطول الطريق بتبص لادهم وعيونها فيها دموع
بعد شويه كانو وصلو الڤيلا
••••••••••••••••••
مايا: مش ناوي تقولي المفاجاه اي بقه
ادهم: متستعجليش كده هتعرفي هتعرفي
مايا بقلق: بدات اقلق
ملاك بصت لادهم بعصبيه ودخلت جوا
ادهم: تعالي يا فيروز تعالي
كوثر: ادهم حبيبي انت جيت حضره الظابط حسام هنا بقاله ساعه مستنيك
مايا بتوتر: ا هو ه
ادهم: اهدي بس هفهمك
حسام: اذيك يادكتور خير
ادهم: خير ان شاء الله
ملاك: في ايه ياادهم
ادهم: هقولك دلوقتي بس لما الضيوف الي مستنيهم يجو
مايا: في اي يا ادهم دي المفاجاه و وحضره الظابط بيعمل اي هنا
ادهم: دي اول مفاجاه تاني مفاجاه جايه دلوقتي وتالت مفاجاه بقه هي الي هتعجبك اوي علشان هوديكي مكان عمرك ما كنتي تحلمي بيه بس دي الي يستحقها اي شخص بيمشي في الطريق الغلط
مايا: انا كان عندي مشوار مهم لازم اروح وهاجي تاني
ادهم: استني بس يا مايا
مايا بصتله: ايوه احم قصدي مايا مين
ادهم طلع بطاقه شخصيه من جيبه: خدي نسيتي دي
مايا خدتها منه: دي دي بطاقتي جبتها ازاي احم قصدي ده ده بااسم مايا انا انا فيروز
ادهم: اتفضل يا حضره الظابط دي بطاقتها الاصليه ومسمهاش فيروز اسمها الحقيقي مايا عبدالوهاب ومنتحله شخصيه فيروز اخت محمد الي هي نفسها بنت خالتها استغلت الشبهه الي بنهم علشان تنزل مصر علي اساس انها فيروز وتاخد فلوس محمد ودي صور بتجمع فيروز ومايا مع بعض وقد ايه هما شبه بعض بس الفرق هي الحسنه الي فوق شفايف فيروز الي بكل سهوله قدرت مايا انها تعملها
مايا: ا انت بتقول اي انا ماشيه
ادهم مسك اديها: استني عندك انتي متهمه في قضيه قتل كمان مش بس انتحال شخصيه واه صح يترا الحسنه دي بكحل ولا ب ايلينر مش اسمه ايلينر برضوه لا حلو بيثبت مش بيتحرك ايه رايك يا ملاكي اجبلك واحد
ملاك: ادهم انت عرفت ازاي
ادهم: هقولكو
فلاش باااااك
••••••••••••••••••
ادهم: اطلقها ههه بتحلم اكيد
كوثر: ايه يابني كلمت مراتك
ادهم: اه يا حبيبتي متقلقيش انا همشي بقه رايح المستشفي
كوثر: ماشي يابني صحيح عم عوض صح كان بينادي عليك روح شوفه عايز ايه
قدام ڤيلا محمد
••••••••••••••••••
ادهم: عم عوض خير
عوض: الصنايعي الي شغال جوا جابلي الورق ده قالي انهم كانو موجودين تحت السجاده
ادهم: تمام اكيد بتوع فيروز
عوض: اه
ادهم خدهم منه وحطهم في عربيته وركب علشان يروح المستشفي بس وقف في نص الطريق لما لمح بطاقه وسط الاوراق
ادهم بصدمه: دي بطاقه شخصيه لمايا انا لازم ادور وراها ومش لازم اسكت عن الموضوع ده مش لازم انساه لازم افضل وراها واكشف حقيقتها اكيد وراها حاجه كبيره
بعد شويه
••••••••••••••••••
عوض: خير يابيه رجعت تاني ليه
ادهم: هندور علي اي ورق يثبت انها مش فيروز
عوض: مين يا بيه الي مش فيروز
ادهم: هبقا احكيلك بعدين ياعم عوض بس انا لازم اثبت انها مش فيروز ومش لازم اسكت علشان انا حاسس اني بطنش الموضوع واحده واحده بس لا انا هفضل وراها
بعد شويه
••••••••••••••••••
عوض: يابيه انا لقيت في اوضه الست هانم الدفتر ده وفيه بطاقه شخصيه وشويه صور
ادهم:دي بطاقه فيروز فاروق ودي مايا عبدالوهاب ودي صور بس ازاي فيروز ليها حد شبها اوي كده الي في الصور دول شبه بعض اوي بس الفرق الحسنه معقول البنت الي اسمها مايا دي قريبه فيروز ده متصورين مع بعض كذا صوره
عوض: جرس الڤيلا بيرن اشوف مين يا دكتور
ادهم: روح شوف ولو البت دي قولها مينفعش تخش دلوقتي علشان الدهان منشفش والصنايعي شغال
قدام باب الڤيلا
••••••••••••••••••
عوض: مين حضراتكو
فريد مسك ايد جميله: متخافيش انا معاكي
جميله: دي دي ڤيلا دكتور محمد صح
عوض: ايوه صح بس دكتور محمد اتوفي
جميله: م مات
ادهم: مين يا عوض اده فريد
فريد بصدمه: ادهم اده اده هو انتي يا جميله كان قصدك عن دكتور محمد فاروق الدكتور الجراح
ادهم: مش فاهم حاجه وانت جيت من امريكا امتي
جميله: انتو تعرفو بعض
ادهم: ايوه فريد صاحبي ايام المدرسه بس سافر امريكا من زمان اخبارك ايه طمني عنك وجيت امتي
جميله: يعني دكتور محمد مات انا كنت نازله هنا علشان اشوفه كنت عايزه اقوله حقيقه اخته
ادهم: فيروز
جميله: اه
ادهم: انتي عارفه مكانها بجد
جميله بدموع: ف فيروز ماتت من حوالي تلات شهور
ادهم: اهدي وفهميني واحده واحده
جميله وبدات تحكيله الي حصل وسط انهيارها
ادهم: يابنت ال****
جميله مسحت دموعها: صدقني بعد ما عرفت انهم مشيو من امريكا وخلاص انا مش هبقا متراقبه قررت انزل مصر علشان ادوى عليه وبحمد ربنا ان فيروز حكتلي عنه الوقت الي قعدنا فيه سوا انا قررت انزل مصر وبحثت عنه والحمدلله قدرت الاقيه واعرف عنوانه
فريد: اهدي يا جميله
جميله بدموع: شكرا ليك يا فريد انك كنت معايا من البدايه الفضل يرجع ل ربنا ثم ليك انت انا مكنتش هعرف انزل وكنت هخاف انزل انا هددوني باختي الوحيده الي مليش غيرها واحنا ملناش راجل يحمينا بس فريد كتر خيره كان معايا
ادهم: يعني البنت دي بنت خالتها وانا الي كنت مستغرب هي ازاي عارفه كل حاجه عنها اوي كده والصور الي متصورينها سوا ممممم انا كده فهمت هي نازله علشان الورث، طيب انتو لازم تمشو دلوقتي علشان هي قاعده في ڤيلتي وممكن تشوفكو وتهرب في اي لحظه
جميله: حاضر هنمشي
ادهم: فريد هنبقا علي تواصل علشان ممكن احتاجكو وده اكيد
باااااك
مايا: كدابين انتو كدابين لا انا ماشيه
حسام: استني عندك
عند جميله وفريد
••••••••••••••••••
جميله: سرحان في ايه
فريد: بفتكر اليوم الي شوفتك فيه
جميله: بتفكرني ليه
فريد: فكراه
جميله: هو ده يوم يتنسي
فلاش بااااااك
••••••••••••••••••
فريد: براحه يبنتي مش تبصي قدامك في حد يجري في المستشفي كده
بقلمي/menna moharam
جميله كانت بتبص وراها بخوف وبترتعش
فريد: اه انتي اجنبيه بقه
جميله: ل لا انا انا مصريه
فريد: بترتعشي كده ليه ومش باصه قدامك ليه في ايه مالك متخافيش بس اعتبريني فضولي شويه مالك بقه
جميله: انا عايزه اروح لاختي
فريد: طيب طيب هوديكي
بعد شويه
••••••••••••••••••
جميله: فرح انتي كويسه
فرح: اه يا جميله انا كويسه
جميله: حد جه هنا وخبط عليكي
فرح: لا بس انا زهقانه انتي اتاخرتي عليا اوي وكنت عايزه انزل بس خوفت انا معرفش حاجه هنا جميله انا عايزه ارجع مصر
جميله: حاضر يا حبيبتي حاضر
فرح: انا عارفه اننا جينا هنا علشان نحقق حلم اهلنا وندرس هنا بس انا مش عارفه اعيش هنا الناس هنا مش شبهنا خلينا نرجع ونفتح شقه بابا ونقعد فيها وهدور علي شغل جمب دراستي مش هخليكي تشتغلي وتتحملي مسؤوليتي لوحدك
جميله بدموع: حاضر اوعدك هننزل مصر طلاما انتي عايزه كده وكمان انا مش طايقه افضل هنا دقيقه واحده
وبصت علي فريد
فريد بصلها بشك
جميله: تعال معايا نتكلم
في البلكونه
••••••••••••••••••
فريد: ليه القلق ده كله انتي شوفتي حاجه مش كويسه حصلت في المستشفي
جميله نزلت دموعها وحكتله الي حصل
فريد: طيب اهدي
جميله: ممكن تخليك معانا انا بجد خايفه اوي اوي انا مليش حد
فريد: طيب انتي ناويه علي ايه
جميله: هنزل مصر واروح لاخوها
فريد: هتروحي ازاي وانتي متعرفيش حاجه عنه
جميله: لا هي قالتلي انه دكتور واسمه محمد هو معروف وكمان انا شوفت صورته عندها انا هبحث عنه علي النت وواكيد هيكون في معلومات عنه توصلني ليه حته لو مافيش انا هنزل وادور في المستشفيات انا لازم اقوله ان اخته ماتت مق*توله واحظره من اهلها دول شياطين واكيد ليهم هدف
فريد: مشهور واكيد غني هيطلعو بمصلحه
جميله: اكيد
فريد: طيب انا هروح اجهز للسفر وبرضوه هروح ابلغ المستشفي ب الجريمه الي حصلت دي لانها اول مره تحصل هنا ولازم ياخدو بالهم لان الي حصل ده جريمه
جميله: طيب بجد مش عارفه اشكرك ازاي
بعد مرور اسابيع
••••••••••••••••••
في المطار
جميله: شكرا بجد ليك وصدقني لما اشتغل هبعتلك فلوسك
فريد: انا جاي معاكي علي فكره
جميله: بجد طب وشغلك
فريد: مش هسيبك لوحدك انتي وفرح انا هاجي معاكو وهفضل معاكو
جميله: شكرا يا فريد بس متقلقش احنا هنكون كويسين طول مااحنا في بلدنا ارجع انت
فريد: جميله انا معجب بيكي
جميله: بيا انا
فريد: يا فرح اي رايك اكون جوز اختك ده لو معندهاش مانع
جميله ابتسمت: هو ده وقته
فريد:قوللها حاجه يافرح
فرح: موافقه طبعا
جميله: هههههه انتو متفقين عليا بقه
فريد:ياااا كان نفسي اشوف ضحكتك دي من زمان يا كئيبه
جميله: صدقني الي شوفته صعب اي حد يشوفه وهرتاح لو حكيت لاخوها حقيقتهم
فريد: ربنا يرحمها وينتقم منهم
وصلو جميله وفريد وفرح مصر وقعدو في اوتيل عقبال ما يلاقو شقه كويسه
بعد مرور ايام وكانت جميله بتدور علي عنوان محمد فاروق وقدرت فعلا تلاقيه بسهوله ومكنش صعب عليها انها تلاقيه علشان حفظت ملامحه
••••••••••••••••••
جميله: ايوه اهو ده باين العنوان واه الڤيلا اهي ايوه محمد فاروق هو هو ده اسمه الدكتور محمد فاروق
فريد بصدمه: محمد فاروق
جميله: انت تعرفه
فريد: ها لا بس يمكن تشابهه اسماء انا ليا صاحب اسمه محمد فاروق بس مات من مده
جميله: طيب يلا ننزل بسرعه
فريد:يلا
جميله بمقاطعه: انا فرحانه اني قدرت اوصله اوي
باااااك
••••••••••••••••••
فريد وجميله كانو وصلو وادهم طلع استقبلهم
جميله راحت ناحيه مايا وهي بترتعش وضربتها بلقلم
مايا: انتي ****ازاي تمدي ايدك عليا انا هوريكي ولسه هتضربها بلقلم
ملاك مسكت اديها: ما كفايه بقه ايه انتي يابت طلعتي شيطانه بجد بقه كل ده يطلع منك انتي انا كنت متاكده انك مش فيروز
جميله: حضره الظابط اكيد دكتور ادهم حكالك الي حصل وانا مستعده احكيلك وكمان كان شريك معاها جوز اختها واختها
حسام: انا بعت اجيبهم وزمانهم وصلو علي القسم وهنحقق معاهم وانتي يا مايا قدامي
مايا: انا معملتش حاجه انا فيروز ادهم صدقني
ادهم: اصدقك ههههه
مايا: ادهم اوعدك. هتغير انا بحبك هتغير صدقني متخلنيش اروح القسم
ادهم: يعني انتي بتعترفي انك مش فيروز وانك منتحله شخصيتها
مايا مسحت الحسنه: ايوه انا مايا مش فيروز صدقني هتغير انا حبيتك بس متخلهمش يودوني علي القسم انا معملتش حاجه
ادهم: كده بقول بقه انك مش لازم تروحي القسم
مايا ببتسامه: كنت عارفه انك. بتحبني
ادهم: كده تطلعي علي مستشفي المجانين علي طول
كلهم ضحكو علي ادهم وحسام خد مايا واتحقق معاها هي واختها وجوز اختها
في ڤيلا ادهم
••••••••••••••••••
ملاك: ليه مقولتليش اول ماعرفت
بقلمي/menna moharam
ادهم: مكنتش حابب تشغلي دماغك او تضايقي نفسك
ملاك: لا بس جوزي طلع ذكي
ادهم: مش مراته ملاك طبيعي يعني
فريد: مدام ملاك مبسوط اني شوفتك اكيد منستنيش
ملاك: اه طبعا فكراك مش انت الي عملتلي العمليه
فريد: ايوه
جميله: الحمدلله اننا جينا في الوقت المناسب قبل ما يحصل اي حاجه
ادهم: هههههه كويس فعلا كنت زماني متجوزها سمعتها بعد ما عرفت حقيقتها وهي بتكلم اختها وبتقولها
فلاش باااك
••••••••••••••••••
مايا: حته واد حليوه وڤيلته اكبر من بتاعت اخو فيروز
لقاء: ايه رايك عجبتك
خالد: افتحي الاسبيكر كده
مايا: افتحي خليني اسمع راي خالد
خالد: وقعيه في حبك خليه يتجوزك وهو راضي علشان ينفزلك كل الي في بالك
بقلمي/menna moharam
مايا: هو كده كده واقع تعرفو انا اصلا حاسه انه مش بيحب البت الملزقه الي اسمها ملاك دي
خالد: طب كويس ده هيبقا في صالحنا ولو ياستي بيحبها بشطارتك وقعيهم في بعض واوعي تخرجي من البيت ده انتي فاهمه
مايا: الصنايعي بيشطب في الڤيلا كلها يومين وتخلص واكيد هيرجعوني لما يخلصو
خالد: هنولع فيها تاني
مايا: ههههههههه انت حبيت الموضوع
لقاء: حاولي انتي بس خلال اليومين دول تتاكدي انه بيحبك
مابا: افرضي ملحقتش في يومين اعرف هو فعلا بيحبني ولا مجرد وهم
خالد: متقلقيش سبيلي الصنايعي ومش هيبقو يومين هيبقو عمر بحاله
ادهم: احم احم
مايا بخضه: ا انت هنا من امتي
ادهم: مالك يابنتي سلامتك من الخضه انا اسف كنتي بتتكلمي
باااااك
••••••••••••••••••
ملاك: ممم وانا كنت هسيبك ياا دكتور ادهم ده كنت هقتلك
جميله ابتسمت: اتشرفت بيكو والحمدلله اننا كشفناها علي حقيقتها
حياه كانت واقفه علي السلم وسمعاهم: ي يعني دي مكنتش عمتو فيروز وك كانت واحده شبها وعمتو ماتت
ملاك وادهم راحو عندها: ايه يا حبيبتي
حياه بدموع: يعني عمتو ماتت وبابي مات
ملاك خدتها في حضنها: مش انا وادهم معاكي يا حبيبتي متزعليش نفسك هما في مكان احسن
حياه: انتو مش هتسبوني صح
ادهم مسك اديها: حبيبتي احنا معاكي اهو ممكن بقه بلاش تعيطي علشان قلبي بيوجعني كل ما بشوف دموعك دي وانتي عارفه كده كويس
حياه: دومي انا عايزه نروح لبابي
ادهم: حاضر
خدها ادهم وراحو قبر محمد
حياه: وحشتني اوي يا بابي ا انا عرفت انهارده ان عمتو فيروز مبقتش موجوده وراحت عندك انت ومامي هي كمان سبتني يا بابي عمتو مشيت زي ماانت مشيت
ادهم نزل لمستواها: شششش حبيبتي اهدي
حياه مسحت دموعها: بس يا بابي انا انا معايا مامي ملاك وبصت لادهم ومسكت ايده ومعايا بابي ادهم
ادهم بصلها بحب ونزل لمستواها: انتي قولتي ايه
حياه: بابي ادهم
ادهم بدموع: ربنا يخليني ليكي واقدر اسعدك واحققلك الي بتتمنيه يا حياتي روحي العربيه وانا جاي وراكي
حياه: اوكيه
ادهم قام وقف وابتسم: تعرف انا مبسوط اوي علشان قدرت اكشف حقيقه مايا والحمدلله دخلت السجن هي والي كانو معاها حياه مضايقه بسبب ان فيروز اتوفت بس هكون معاها انا وملاك وهنحاول نطلعها من الحزن ده حياه هتفضل معايا وعمري ما هسيبها واي حاجه نفسها فيها هتكون عندها حياه بنتي وهتفضل بنتي اطمن يا حبيبي
بعد مرور سنه وخمس شهور كانت داليا اتجوزت هي ومصطفي وحسام كان معجب بحنين وطلب ايديها وحاليا مخطوبين وفريد وجميله اتجوزو وجميله قررت تسافر امريكا بعد ما اطمنت ان مايا دخلت السجن وملاك حامل في الشهر التاسع
ملاك: حياه روحي روحي بسرعه نادي ادهم انا حاسه اني بولد روحي شوفيه شوفيه فين بسرعه
حياه بدموع: حاضر حاضر
في الجنينه كان ادهم واقف هو وعم عوض
ادهم: ياااا بقالي كتير مرشتش الجنينه
عوض: انت من ساعه ما بقيت ترش الجنينه وانا مبعملش حاجه
ادهم: هههههه بكره غيث يجي يرشنا احنا الاتنين
عوض: ان شاء الله يا ادهم ياابني هو يشرف بس ويعمل الي هو عايزه
حياه: دوميي دومي الحقني بولدد
ادهم: هههههههه ايه يا حياه مالك
حياه: يا دومي اسمعني
ادهم: اهدي بس وخدي نفسك في ايه
حياه: مامي بتقولي انزل اقولك الحقني بولد الحقها بسرعه
ادهم كان ماسك خرطوم المايه: ايه بتولد بتولد يا عم عوض بتولد
عوض: يحح يح يبني غرقتني
ادهم: انا اسف اسف
عوض: طب وانت هتاخد خرطوم المايه معاك الڤيلا ليه هترش العفش
ادهم: اه صح انا خدته ليه ورماه علي الارض وحياه هي وعوض اتغرقو
عوض و حياه: يح يححح
بعد شويه
••••••••••••••••••
كوثر: مبروك يا حبايبي
ملاك بتعب: الله يبارك فيكي يا حبيبتي
داليا: يارب اجيب ولد عسول زي غيث كده
ادهم: يارب يا حبيبتي ربنا يرزقك بلذريه الصالحه
مصطفي: مافيش احسن من الوقت ده الي نقولكو فيه احم داليا حامل
ادهم: بجد مبروك يا روحي
حنين: عاااا هبقا خالتو
حسام: عقبال ما تكوني مامي
حنين: يارب
ملاك: حياه حبيبتي واقفه بعيد ليه تعالي
حياه: انتي كويسه
ملاك: اه يا حبيبتي ليه كل الدموع دي
حياه: كنت خايفه عليكي
ملاك باست اديها: مامتك كويسه اهي وجابتلك اخ صغنون تلعبي معاه
حياه: هو صغنن اوي
ادهم: ماانتي كده برضوه يا حياتي صغننه انتو الاتنين صغننين
حياه: مبروك يا دومي
ادهم بحب: عقبال ماافرح بيكي ياقلب دومي تعرفي شعوري انهارده كان نفس شعوري ايام ما شيلتك بين ايدي ربنا يخليكو ليا واشوفكو اسعد الناس وميحرمناش من لمتنا الحلوه دي
ملاك: يارب يا حبيبي يارب ربنا يخليك لينا يارب
بعد مرور سنين
كان ادهم واقف قدام قبر محمد
••••••••••••••••••
ادهم: غيث مطلع عيني انا وملاك يا محمد وحياه برضوه هههه تعرف الاتنين ناقر ونقير انا معرفش طالعين لمين ده انا وانت مكناش كده، تعرف حياه كبرت وبقت جميله واخده طيبتك وجدعنتك طيبه زيك اوي يا محمد دخلت كليه الطب حلمها تكون زيك وزي مش عارف انت هتصدقني ولا لا بس الصراحه انا مش عايزها تتجوز هههههه اتعودت عليها اوي مش عارف لو اتجوزت وجالها عريس وسبتني انا وملاك هنعمل ايه بيقولو عليا مجنون علشان بقول انا مش هجوز بنتي هتفضل كده معايا وقاعده جمبي حته غيث مش هجوزه برضوه ايوه يفضلو قاعدين جمبي ومعايا، بس تعرف بقول لنفسي لا يتجوزو دي سنه الحياه برضوه ويجبولي اولاد يكونو حواليا ومالين عليا حياتي انا بتمني يفضلو سند لبعض وفي ضهر بعض اده الوقت عدي هقوم امشي انا بقه وبإذن الله لو ليا عمر هبقا اجيلك تاني يا صاحبي الله يرحمك ويغفرلك يارب....