رواية ندم عاشق الفصل الثالث 3 - بقلم سلمى عماد

عيونها انطفت وبصتله بألم وانكسار وضعف. نظرتها طولت ليه لدقيقة أو اتنين. جريت على أوضتها بأسرع ما عندها. طلعت أوضتها وانهارت جامد وكسرت كل حاجة وقعدت تصوت وتعيط بانهيار. سارة طلعت عندها بسرعة بعد ما مامتها نامت. سارة: اهدي اهدي يحبيبتي اهدي، خلاص هو ميستهلكيش. جميلة بانهيار: طلع مش بيحبني يا سارة، طلع بيكرهني أوي كده. انتي مشوفتيش نظرة الكره والاستحقار في عيونه يا سااااارة؟ مش بيحبني، ده جزاء حبي ليه؟ لييييييه؟

ليه بيكرهني ليه؟ سارة حضنتها جامد بدموع: اهدي يا حبيبتي، أسفة والله أسفة بالنيابة عنه والله، بس اهدي، هو ميستهلكيش والله، اهدي يحبيبتي. جميلة بانهيار وتقطع في الكلام: شفتي يا سارة؟ شهقة. شفتي قال إيه؟ شهقة، قال مبيحبنيش، وشهقة، وماليش حد يلمني. أنا موجوعة أوي، موجوعة. سارة بدموع: اهدي يحبيبتي، والله سمعت وشفت كل حاجة، أهدي. جميلة بوجع وانكسار: انتي مش حاسة بيا. نفسها بدأ يقل. أنا م مش قادرة أتنفس.

سارة بفزع: اهدي يحبيبتي، خدي نفسك براحة. شهيق وزفير. جميلة: رفعت عيونها ليها ونفسها قل خالص وغابت عن الدنيا. سارة بفزع: جميلة! جميلة! أكملت بصراخ: جميلة! الكل اتجمع على صريخ سارة. كوثر: في إيه يا بنتي؟ مالها جميلة؟ زين ببرود: فيه إيه؟ مالها دي؟ سارة بعياط: مش عارفة، اغمى عليها ومش عارفة أعمل إيه ومش بتتنفس. كوثر بفزع: يالهوي يا بنتي يحبيبتي، شيلها بسرعة يا زين على المستشفى. زين: تمام. قرب شالها ونزل بيها.

تسريع الأحداث. وصلوا المستشفى ومستنيينها بره. كوثر لسارة: مالها جميلة؟ إيه اللي خلاها كده؟ إيه اللي حصل؟ سارة بغضب ومصوبة نظرها لزين اللي بيتكلم في الفون بعيد وبيضحك: اااقاطع صوت الدكتور وكله اتجه ليه. زين ببرود: ها مالها يدكتور؟ كوثر بخوف: طمني يبني الله يخليك. الدكتور: انهيار عصبي، بس الحمدلله بقت أحسن، وبعد ساعة هتفوق إن شاء الله. زين: شكراً يدكتور. كلهم دخلولها وقعدوا مستنين تفوق. زين: هنزل أجيب مياه من تحت.

سارة بصتله بغضب. زين: اتفضل. زين نزل يجيب مياه وطلع بس اتصدم.