رواية ندم عمري الفصل الرابع 4 - بقلم زهرة اللوتس الجزار

جاسر بعياط: أنا آسف، حقك عليَّ. طلعت أوضته وفضلت تعيط لحد ما نامت. الصبح. سامية: هنا، انتي ما شفتيش جاسر؟ هنا: لا، تلاقيه في أوضته. سامية: لا، ما هوش في البيت كله. هنا استغربت عشان هو اللي بيوديها. هنا: طيب، رني عليه. سامية بخوف: فونّه مغلق. هنا بخوف: في سرها، روحت فين يا جاسر؟ هنا عشان تطمن جدتها: تلقيه عنده مهمة ونزل بدري، وعشان ما يقلقناش مشي على طول. سامية: طيب، كلمي أسر صاحبه ده. هنا رنت على أسر.

أسر: ألو، مين معايا؟ هنا: ألو، أنا هنا بنت عم جاسر. أسر: ازيك عاملة إيه؟ هنا: الحمد لله. أسر: هو جاسر معاك؟ أسر باستغراب: لأ. هنا بخوف: طيب، ما انتوا عندكم مهمة ولا كده، أو جاسر عنده؟ أسر: يمكن، بس لو عرفت حاجة عنه هعرفك. هنا: أوكي. سامية بقلق: ها، قالك إيه؟ هنا بقلق وخوف بس دارته عشان جدتها: قالي إنه عنده مهمة. سامية براحة: ماشي يا قلبي، ربنا يسترها معاه. هنا: يارب. سامية: تعالي افطري عشان تروحي الجامعة. هنا: ماشية.

هنا كانت قلقانة عليه أوي. في الجامعة. هنا كانت تفكيرها كله مع جاسر. جات عليها مريم. مريم: صباح صباح. هنا كانت سرحانة. مريم وهزتها: مالك؟ هنا: جاسر. مريم بضحك: هو واخد عقلك وقلبك كمان. هنا سكتت. مريم: هنون، مالك؟ هنا: جاسر مش عارفين عنه حاجة. مريم: إزاي؟ هنا حكت لها اللي حصل كله وهي بتعيط. مريم طبطبت عليها: طيب، مفيش مكان بيروح عليه لما بيضيق؟ هنا: لأ، عمره ما ساب البيت. مريم حضنتها: أكيد هييجي يا قلبي.

هنا بعياط: يارب. عدى أسبوع ولسه ما يعرفوش حاجة عن جاسر. هنا كانت حالتها متدهورة، وسامية اللي بدأت تشك فيها. بس هنا كانت بتكدب عليها وتقول لها إنه بيكلمها بس هي نايمة فما بتردش تصحيه. أسر اللي كل يوم بحال ومش عارف صاحبه فين. ومعاذ خرج من السجن وراح قال لهنا اللي جاسر عمله فيه. مريم اللي قلقانة على صحبتها وشايفاها بتموت قدامها. مريم: بس أنا عندي خطة ترجع جاسر. هنا: قولي بسرعة. مريم: ندفعكم. هنا: لله، هضربك.

مريم: خلاص، هقول. مريم: إحنا نعمل إن هنا تعبانة وحالتها سيئة جداً وفي المستشفى، ولما يعرف أكيد هييجي ليها جري. هنا: ولله فكرة حلوة. هنا: بس الكلام ده هيوصله إزاي؟ مريم بصت لأسر وقالت: عن طريق أسر. أسر بفضول: إزاي؟ مريم: تنزل بوست على الفيس وتقول محتاجين دم، فلما يشوفوا هيسألك مين، تقولوا هنا، وهو هينزل جري عليها. هنا: يارب يا مريم، يارب، يارب. فعلاً أسر نزل البوست. يا ترى جاسر إيه رد فعله؟

وهيعمل إيه فيهم لما يعرف إنها خطة؟