رواية ندم العمر الفصل العاشر 10 - بقلم دنيا فادي

زين ويقرب أكتر: يعني مش هتعملي اللي بقولك عليه. خلود بتوتر من قربه ليها: تؤ تؤ. زين وينظر لشفا*يفها بتشو*ق: مالك خايفة كده ليه؟ خلود: أنا!! لا أخاف من إيه. زين بيستوعب الموقف ويبعد عنها. زين بزهق: أنا مش هخليه في البيت أكتر من كده. تمام؟ وعشان إنتي متعرفنيش، فأنا لما أقول على حاجة لأ، يبقى لأ. ومتحاوليش تقنعيني. مفهوم؟ يا ريت تسمعي الكلام بدل ما نتعب إحنا الاتنين. وفي الآخر كلامي أنا اللي هيمشي. سامعة ولا مش سامعة؟

خلود بعصبية بتخرج من الأوضة وتقفل الباب بقو*ة. *** 9:00 AM صباحاً مريم بضحك: خلود بجد سكر أوي يا ماما. أنا حبيتها جداً. هند: لما أخوكي يصحى، يبقى نفتحوا في الموضوع. مريم: تفتكري هيوافق إنهم يعيشوا معانا هنا؟ هند بإستغراب: إيه اللي يخليه ميوافقش؟ مريم بإبتسامة: خلود! خلود: صباح الخير. هند بإبتسامة: صباح النور يا حبيبتي. خلود: هو أنا ممكن أطلب منكم طلب؟ مريم بفضول: قولي. *** أسيل بزهق: إنتي عايزة مني إيه؟

لي بتتصلي بيا تاني؟ مش قولتلك ملكيش دعوة بيا. يارا: لي بس كده؟ أسيل: هتقوليلي إيه؟ هتقولي إن هاجر بتقابل عمر تاني! يارا: تؤ، مش محتاجة تقابلوا. وعمر بيجيلها بنفسه في الشغل. أنا بس اتصلت عشان أقولك براڤو. عرفتي تتصرفي زي ما قولتلك. وعمر وقع في حب هاجر. أسيل: شكراً على معلوماتك. يا ريت ملمحش رقمك عندي تاني. سلام. أسيل: إيه اللزقة دي ياربي. *** عمر: لا لا خليه كده. عاطف: تمام يا بشمهندس.

عمر بإبتسامة: إن شاء الله نعمل حاجة كويسة. وبيقاطعهم رنة موبايل. عمر: أيوا. أسيل بإبتسامة: عمر فاضي نتقابل انهارده؟ عايزة أتكلم معاك. عمر: لا مش فاضي. أسيل: طب فاضي امتى؟ عمر: أسيل، إنتي عايزة إيه؟ أسيل بعصبية: عايزة أعرف إنت متغير معايا ليه يا عمر. عمر: متغير معاكي؟ هو إحنا لينا كلام مع بعض عشان أتغير معاكي؟ أسيل: اسأل نفسك. إنت اللي مش فاضي ومش مشغول على طول. عمر: طيب أنا أقابلك ليه؟

إيه اللي بينا عشان أتكلم فيه معاكي؟ أسيل: واللهِ. هو شكل الكلام اللي اتقالي طلع صح. عمر بعدم فهم: كلام إيه؟ أسيل: إنك بتقابل هاجر وفي بينكم حاجة. أسيل: الو، الو!!! أسيل بغيظ: ماشي يا عمر. *** مريم ببراءة: الله! إيه اللُطف ده. خلود: شوفتي بريء إزاي. أخوكي بقى بيخاف مني. مريم بضحك: يلاهوي! إزاي نسيت زين. هو فعلاً مش بيحب الكلاب. خلود بإستغراب: هو ليه مش بيحبهم؟

مريم: هحكيلك. بس الأول أنا مروحتش معاكي عشان تجيبه من البيت. خلود: إيه ده إيه ده! أومال مين اللي جه معايا؟ مريم: قدام زين أنا معرفكيش. خلود بصدمة: ينهار أسود! ريكو فين! مريم بهدوء: تلاقيه دخل البيت. متخافيش. مريم بصدمة: دخل البيت!!!! *** زين بنعاس: إيه الريحة دي! زين بيفتح عيونه ويتصدم. زين ويبتَلع ريقه بصعوبة ويتحرك ببطء. زين بصوت منخفض: حسابك معايا يا زفتة يا اللي اسمك خلود مش هرحمك صدقيني. بس اصبري عليا.

ويوصل لعند الباب ويخرج من الأوضة ويقفل الباب بشويش. *** هاجر: حاضر يا أستاذ. هوصلهالها حالاً. نعيم: تمام. اتفضلي إنتِ. هاجر: تؤمر بحاجة تانية؟ نعيم: لا. *** يارا بحزن وتكلم نفسها: هعمل إيه دلوقتي؟ هعمل إيه. عملت كل حاجة عشان زين يبقى ليا. وفي الآخر بقى لغيري. حاولت أكرهه فيه أسيل ومعرفتش. بدلت التحاليل عشان تبعد عنو وبعدت. بس اتصرفوا. هاجر بتفاجؤ: يخربيتك! إيه كل ده! هاجر: احم. ممكن تفضلي. يارا بزهق: عايزة إيه؟

هاجر: أستاذ نعيم باعت لحضرتك الملفات دي. *** زين بزعيق: هو إنتي ليه مبتفهميش لييي! خلود: مبدأياً متزعقش. زين: أزعق براحتي. إنتي فاهمة؟ وبعدين إنتي احمدي ربنا إني مستحملك أصلاً. خلود بسخرية: فعلاً. زين: انهارده بليل هجيب حد ياخده. طالما إنتي مش عايزة تسمعي الكلام. *** 6:00 PM بليل أسيل: هاجر هو إنتي بتقابلي عمر؟ هاجر: اها. أسيل بقلق: تمام. هسألك سؤال وتجاوبي بصراحة. هو إنتي بتحبي عمر؟ هاجر: أيوا يا أسيل.

أسيل بعصبية: إيه البجاحة دي! إنتي عارفة إن أنا وهو رجعنا لبعض! هاجر: بجاحة!!! بجد أسيل؟ هو إنتي مش شايفة نفسك؟ إنتي سبتي عمر عشان زين. ولما لقيتي زين تعبان سيبتيه ورجعتي لـ عمر. وإنتي مبتحبيش حد فيهم. وأنا اللي بجحة؟ أسيل: بس أنا بحب عمر بجد. هاجر: لا. إنتي عايزاه عشان فلوسه مش عشان بتحبيه يا أسيل. أسيل بضحك: وإنتي بقى اللي بتحبيه بجد؟

هاجر بإبتسامة: أسيل، عمر يبقى صاحبي من 5 سنين. وأنا اللي عرفتك عليه من سنة. عمر كان بيحقق حلمه وأنا جنبه وكنت بساعده. وجاية تقولي إن أنا طمعانة في فلوسه!!! أنا مش زيك. أنا بحب عمر من زمان. بس إنتي كنتي ظهرتي في حياتي وعرفتيه وحبتيها. وأنا كنت بموتت من جوايا بس بعدت عنه عشان عندي كرامة. اللي إنتي متعرفيش عنها حاجة. وتكمل بجدية: وعايزة أقولك على حاجة. زين مش تعبان. زين كويس. والتحاليل اللي شوفتيها دي مش بتاعته أصلاً.

أسيل بصدمة: إنتي جايبة الكلام ده منين؟ هاجر بهدوء: سمعت يارا بتقول كده. إنها هي اللي كانت السبب في كده عشان تخليكي تبعدي عن زين وهي تبقى مكانك. أسيل ودموعها تنزل: لا مستحيل. هاجر بتريقة: هترجعيله صح؟ مش متوقعة منك غير كده.