رواية ندم العمر الفصل الثالث عشر 13 - بقلم دنيا فادي

هند بحسرة: بتفكري زي أبوكي بالظبط، سبحان الله نفس الدماغ. مريم: مش عارفة ليه حساكي كده بتتريقي؟ هند: مش بقولك نفس تفكير أبوكي. صابر: مالو أبوها؟ هند: سُكْرة. مريم بضحك وتدخل في حضنه: تعالَ يا باشا، أنت عايزك في موضوع كده. صابر: امم، قولي يا آخر صبري. مريم: تعالَ بس نتكلم لوحدينا عشان الموضوع سري. *** منال: ما تروحي لأبوكي، ولا هو خلاص بعد ما اتجوز نسي إن له بنت؟ هاجر بحزن: أنا جيالك عشان تفتحي أنتِ معاه الموضوع.

منال: طبعًا، ما أنتِ لو روحتيلي أصلًا مش هيفتكرك. هاجر باستغراب: هو أنتِ ليه بتتكلمي على أساس إنك عايشة معايا؟ ماما أنتِ كمان شفتي حياتك وسيبتيني لوحدي ولا كأني بنتك، أنتِ زي بابا بالظبط. منال: أنا لو زي أبوكي ما كنتيش جيتيلي. هاجر بسخرية: أنا جيالك عشان للأسف أنتِ أمي ولازم تكوني معايا في يوم زي ده، يعني حتى لو كنتي أوحش من بابا كنت هجيلك. *** خلود بابتسامة: وأي هو الموضوع المهم يا عمي؟

صابر: أنا حجزت لكوا تذاكر لمكان تقضوا فيه شهر العسل. زين بصدمة: إيييه! ليه؟ صابر باستغراب: إيه؟ أنتوا مش عايزين تقضوا شهر عسل؟ زين بتهرب: لا لا، أنا كان قصدي يعني ليه؟ أنا كنت هشوف خلود الأول نفسها تروح فين. زين: طيب أنا هروح على شغل. هند: كمل أكلك يا زين. زين: كلت الحمد لله. هند: أنتِ كمان يا خلود. خلود بابتسامة: أنا شبعت واللهِ، وبعدين هجهز عشان أروح عند أهلي أطمن عليهم.

هند بابتسامة: أيوا يا بنتي، أنتِ قولتيلي امبارح، روحي يا حبيبتي. مريم تنظر لصابر بابتسامة خبث ويبادلها نفس الابتسامة. هند بعدم فهم: بتبصو لبعض ليه؟ مريم: هاه!! مفيش، أنا هروح أكلم خطيبي. *** مصطفى بحزن: مش عارف الدنيا جاية على خلود كده ليه. هيام بثقة: خلود قد أي حاجة، إن شاء الله ربنا هيكتبلها الخير. مصطفى: ربنا يعوضها ويفرح قلبها يا رب. هيام: إن شاء الله ي... ويقاطعها رنة موبايلها. هيام: إزيك يا بنتي؟

هاجر: الحمد لله كويسة. هيام بقلق: خير يا بنتي، هو في حاجة؟ هاجر: بصراحة أه. *** يارا بصراخ: شهررر إيه! يا عنيا! زين: شهر عسل. يارا: أنت مش شايف إنك زودتها أوي يا زين؟ زين بعدم فهم: زودت إيه؟ أنا بقولك تاخد بالك من الشغل لو ده حصل فعلًا. يارا بعصبية: مش قصدي كده، أنت فاهمني كويس يا زين، أنت هتفضل تمثل إنك قبلتها في حياتك قدام أهلك لحد ما تصدق الكذب. *** خلود باستغراب: ماما!! أنا كنت جايلكم عشان أطمن عليكوا.

وتكمل بقلق: قوليلي أنتِ كويسة! وبابا وجدو، في حاجة حصلت في البيت؟