رواية ندم العمر الفصل الثاني 2 - بقلم دنيا فادي

أسيل بزهق: يستاهل بقا ولا ميستاهلش. أنا خلاص سيبته، ده عنده كانسر، عارفة يعني إيه؟ شكله هيتغير وشعره هيقع بقا، واععع. وتكمل بضحك: ده أنا لا يمكن أروح معاه في مكان، ده يعرني. بس والله زعلانة لو جماله ده هيروح، بس يالله، كل واحد بياخد نصيبه. هاجر بإستغراب: هو انتي مش كنتي بتحبيه؟ هتقدري تنسيه وتعيشي حياتك؟ أسيل: منكرش إني بحبه، بس عشان شكله حلو وجذاب وفي المواصفات اللي بتمناها. بس للأسف مش دايم ليا.

هاجر تنظر إليها بعدم فهم. أسيل: متبصليش كده، هو كمان بيحبني عشان شكلي برضو. وأصلاً إيه اللي هيخلي زين العريني يتجوز واحدة زيي غير إني حلوة وجذبته. يعني وقت ما تيجي الأحلى مني هينساني. هاجر: يا أسيل، مش كل الناس بتفكر زيك. يمكن حبك بجد وكان شاريكي. أسيل بزهق: يوووه بقا، هو مفيش سيرة غيره؟ هاجر: لا، وعموماً هو اتجوز خلاص. مش عايزة تعرفي اتجوز مين؟ أسيل: لا، مش عايزة أعرف. *** خلود: لسه برضو؟ هيام: لسه يابنتي.

خلود بحزن: راحت فين دي؟ أنا خايفة عليها أوي يا ماما. هيام: متشغليش بالك يا خلود. هي لو عايزة ترجع هترجع. انتي استحملتي كتير يا حبيبتي، وأهو بتدفعي نتيجة اللي عملتيه. أسيل كفاية ياحبيبتي كفاية. أسيل أحرجتنا وكسرت عيننا قدام الناس. انسيها بقا. خلود: ولو يا ماما. أسيل ملهاش غيرنا، ولازم نقف جنبها. والنبي يا ماما لو عرفتي أي حاجة عنها ابقي قوليلي، ماشي؟ هيام بخيبة أمل: ماشي يا خلود. هقفل أنا عشان أحضر العشا لباباكي.

خلود: ابقي سلميلي عليه. *** أسيل: مستحيل! إزاي خلوها توافق تتجوزه؟ أنا هتصل أقولها وألحقها. هاجر: استني استني، انتي هتعملي إيه كده؟ هيعرفوا إنك في ناس. أسيل: طب هعمل إيه؟ هاجر: معرفش. بس أنا من رأيي سيبك من الموضوع ده. انتي خلاص خرجتي من حياتهم. سيبيهم في حالهم خلاص. ده نصيبها. وبعدين هي مش بتفكر زيك. أسيل: قصدك إيه؟ هاجر: قصدي اللي فهمتيه يا أسيل. *** زين بيفتح باب الشقة ويدخل، ويلاقيها قدامه واقفة ومربعة إيديها.

خلود: اتأخرت كده ليه؟ زين بإستيعاب: وانتي مالك أصلاً؟ خلود: ليا إن أنا جعانة من الصبح ومفيش حاجة في البيت تتاكل. ياله روح هاتلي أكل. زين: بقولك إيه؟ أنا مش فاضيلك. سيبيني في حالي. خلود بعدم فهم: مش فاضيلي؟ هو أنا بقولك تعالَ اقعد معايا؟ أنا جعانة يعم إنت. زين بزهق: ما تطفحي. خلود: والله! ما هو لو في أكل كنت أكلت. زين يتجاهلها ويتحرك وهو جسمه مرخي لحد أقرب كرسي ويترمي عليه. خلود بتقرب ناحيته. خلود بتساؤل: انت سكران؟

خلود بتمسك إيده وتحاول تقوّمه. خلود: قوم معايا أدخلك الحمام. زين: ابعدييي. خلود بنفاذ صبر: انت عملت في نفسك كده ليه بس؟ ومازالت تحاول تقويمه. خلود: قوم خد دش عشان تفوق. زين بعلو الصوت: مشش عااايزز أفوقق! انتييي إيه مبتفهميششش! ويقوم من مكانه ويبعدها عنه. زين بزعيق: انتييي عااايزهه منييي إيه؟ انتي فاكرة نفسك حاجة بجد؟ متمثليشش إنك خايفة عليااا.

ويكمل بتهديد: أنا عارف انتي وافقتي إنك تاخدي مكان أسيل ليه، وصدقينيي هكشفف حقيقتك قدامهم. ولعلمك انتي مهما عملتي مش هتاخديي مكانهاااا، فااااهمهه؟؟؟ خلود بعصبية وتمسك الزُهرية اللي جنبها وتكسرها على دماغه. خلود: ها فوقت كده!