رواية نجاتي الفصل الخامس 5 - بقلم فاتن جمال

نزلت جري وهي مش عارفة المطبخ فين ولا طبيعة الأكل، لكن كان جواها خوف من هدوء أسر. نور بصدمة: أسوة مالك بتجري لي؟ أسوة بتوتر: أصلاً المغرور عايز يفطر. نور بضحكة: قصدك أبيه؟ أسوة بتريقة: أيوه أقصد أبيه. نور: طب تعالي معايا المطبخ. أسوة دخلت المطبخ مع نور وسط نظرات الشاغلين اللي بتسأل مين دي. سميرة: بنات، كل واحدة في شغلها. نور بابتسامة: دي بقى يا أسوة دادة سميرة. سميرة بحب: إزيك يا مرات الغالي؟

أسوة بابتسامة خفيفة: اسمي أسوة. سميرة بتفاهم: ماشي يا ست أسوة. أسوة: لا، أنا اسمي أسوة بس من غير ألقاب. أسر من بره المطبخ: طب قدامك كتير. أسوة بتوتر: بيدور عليا. نور وسميرة فضلوا يضحكوا عليها وعلى خوفها من أسر. نور بسرعة: اهدي، هو مش بيكلمك، ده بيكلم حد تاني. أسوة باستغراب: حد مين ده بيقول قدامك كتير! سميرة: يا بنتي، هو بيكلم بنته. أسوة بصدمة: بنته؟ هو عنده بنت؟

نور بابتسامة: أيوه، وهتاخد العقل. أسر قصاده ميقدرش يتكلم نص كلمة حتى، تعالي شوفي. أسوة: يعني أسر كان متجوز؟ نور بسرعة: لا، وكملت: ليان تبقى يتيمة، والدها كان شغال مع أسر بس اتقتل، وأسر خد ليان علشان أبوها طلب من أسر إنه يهتم بيها. وعرفنا إنها عندها كانسر، وأسر اعتبرها بنته من ساعتها، وهي عند أسر الدنيا كلها. أسوة ونور خرجوا بره المطبخ لقوا أسر حاطط إيده على وشه. أسوة باستغراب: هو عامل كدا لي؟

نور بصوت هادئ: أصلها جايبة سوت جديد وعايزة توريه لـ أسر. أسوة لقت بنوتة عندها حوالي تسع سنين بتعدي من وسطها هي ونور. ليان: ارفع إيدك براحة. أسر: أهو. ليان بابتسامة طفولية: إيه رأيك؟ أسر بحب قرب منها وشالها: تحفة يا لولي. ليان بابتسامة: ميرسي يا أسر. أسر: على إيه يا حبيبتي؟ ليان: إنك جبت ليها الهدوم الحلوة دي، وأنا فكرت وقولت لما أكبر هتجوزك. نور ضحكت عليها: بس ساعتها أبيه أسر هيكون عجوز. ليان: مش مهم، أنا هقعد جنبه.

أسر: وأنا موافق. سميرة: يلا يا ولاد، الفطار جاهز. أسر لـ ليان: يلا نفطر علشان نروح المدرسة. ليان: موافقة، بس نخرج بعد المدرسة وناخد معانا أحمد علشان هو طيب وأنا بحبه. نور بغيظ: نعم يا ست ليان؟ عايزة مين؟ مش كفاية أسر؟ أسوة استغربت غيرة نور، لكن حبت تغير الموضع علشان أسر ونظراته الغير مفهومة. أسوة: اسمك ليان؟ ليان وهي بتقوم من على رجل أسر: أيوه، اسمي ليان، وأنتِ مين؟ أسوة افتكرت اللي حصل فسكتت. ليان: انتي ساكتة لي؟

ووجهت كلامه لأسر: أسر، هي ساكتة لي؟ أسر ببرود: القط كل لسانها. ليان بحركة طفولية قربت من أسوة وهي بتحط إيدها على إيد أسوة. ليان بابتسامة: متزعليش، بكرة يطلع ليكي لسان تاني، صح يا أسر؟ أسر ببرود: لا. أسوة بغيظ: بارد. أسر بعصبية مكتومة مسك إيد أسوة لحد ما بدأت توجعها. أسر بعصبية مكتومة: المرة الجاية هكسرها. أسوة بوجع: أسر، سيب إيدي.

أسر حس بحاجة غريبة، قلبه دق، أول مرة يسمع اسمه بالنغمة الحلوة اللي قالتها بيه. ساب إيدها وهو بيبص على دموعها. ليان بزعل: أسر، إنت وحش لي زعلتها؟ كفاية القط كل لسانها. أسوة من غير قصد ضحكت على براءة ليان. ليان بابتسامة: متزعليش، أسر طيب، بكرة لما تتعبي زيي هو هيحبك. أسر بخوف: ليان حبيبتي، قولنا إننا بكرة تخفي خالص. ليان بابتسامة: إن شاء الله يا أسر، مش انت بتقول كدا؟ أسوة بابتسامة: تعالي اقعدي جنبي.

ليان بابتسامة: لا، أنا بقعد على رجل أسر. نور بتوتر: أنا لازم أغير هدومي علشان عندي محاضرة. أسر: السواق معاكِ. نور: حاضر يا أبيه. نور طلعت وليان قاعدة على رجل أسر، أسوة ماسكة الملعقة بتلعب. أسر ببرود: كلي. ليان: انتي لي لابسة فستان؟ انتي كنتي فين؟ أسوة بصت لـ أسر بحزن: كنت في فرح أخويا. ليان: طب وانتي جيتي هنا لي؟ أسوة بغيظ: امبارح في واحد شرير خطفني من أهلي. ليان بخوف: وانتي جيتي عند أسر علشان الشرير يبعد عنك؟

أسر بخبث: أيوه يا حبيبتي، علشان أنا قلبي طيب. أسوة بغيظ: قلبك حجر. أسر بعصبية: مش عايز غلط. ليان: اسكت يا أسر، وانتي يا اسمك إيه؟ أسوة: اسمي أسوة. ليان: يعني إيه أسوة؟ أسوة بابتسامة: يعني أسوة حسنة، يعني بنت كويسة. أسر بتريقة: ولسانها طويل. أسوة بغيظ: أحسن منك. أسر كان لسه هيرد، دخل آدم ومعاه قوة من الشرطة. أسر ببرود: إزاي تدخل هنا؟ مش عارف إن معايا حصانة؟ آدم بضحكة خبيثة: اتشالت. أسر قام بكل هيبة.

أسر بهدوء: وجاي تقولي كدا؟ آدم بضحكة خبيثة: تؤ تؤ، جاي ألبسك الكلبش. أسر بعصبية مكتومة: بقيت بتلعب في موتك.