رواية نغم وجاسر الفصل السابع والعشرون 27 - بقلم يارا أحمد

أول ما ينزلوا بتيجي بنت جارتنا على غسان وبتحضنه هو وكيان. بنصدموا وغسان بيبعدها عنه بسرعة وببص عليها. البنت بدلع: غسان حبيبي وحشتني أوي. غسان بجمود: انتي إزاي بتقربي من راجل كده؟ هو أنا من محارمك وأنا مش عارف؟ البنت: بس إحنا هنتجوز. غسان برفعة حاجب: والله؟ مين قال كده؟ وبعدين يا بنت عمتي أنا متجوز. البنت بصدمة: إيه! غسان بيمسك

إيد كيان وبيجرها على حضنه: وأنا بحب مراتي أوي، يا ريت تلتزمي حدودك لأنها مبتحبش حد يقرب مني. البنت بتبص على كيان بضيق. ست كبيرة من ورا البنت: إزاي يعني اتجوزت يا ابن أخويا؟ غسان ببرود: إيه المش مفهوم إيه يا عمتو؟ وبعدين أكيد مش هتجوز بنتك كل يومين مع راجل يعني. كيان لسه مصدومة من كلامه ومصدومة من طريقة كلامه. غسان بيبص على كيان وبيبتسم: يلا يا حبيبتي.

بيتحركوا، بيسحب لكيان الكرسي وبقعدها تحت أنظار عمته وبنتها اللي هيموتوا من الغيظ. بقعد جنبها وبقرب من ودنها وهمس: ممكن متستغربيش، أصلي مبحبهاش هي وأمها. كيان بهمس: ما طبعًا انت قلت إنك بتحبني، أكيد هفهم إنك بتكرههم أوي لدرجة تقول كده. غسان بيبص عليها بس مبردش. غرام بتنزل مع عشق، بتشوف عمتها وبنتها بتنصدم. غرام بهمس: يخربيت إيه ده! منين طلعولنا. عشق: جاريتي ما شيع. غرام: أنا مش حبيتهم.

غرام بتضحك بصوت منخفض: وهتأكدي شعورك دا، تعالي بروحو. عمتو وميرا: عندنا إيه الصباح المنور ده. غسان بهمس: قصدك المنيل يا غرام. عمتها: هو إيه اللي بيحصل ده؟ إمتى غسان اتجوز؟ فين عمك جاسر يا غرام؟ غسان بيبص عليها بغضب. غرام بتحاول تهديه بنظراتها: معرفش بابا فين. وغسان اتجوز من يومين، هو كارت الدعوة موصلش لحضرتك يا عمتو؟ عمتها: آه موصلش. غرام: عشان كده مش جيتي، فكرتك زعلانة على موضوع ميرا وغسان وإنه مفيش نصيب بينهم. غسان

بيضحك بصوت منخفض وبيهمس: عسل يا غرامي عسل. عمتها بغيظ: لا عادي، أكيد مش هزعل من ابن أخويا. غسان: عشق اتفضلي، اقعدوا عشان نأكل يا جماعة. ميرا بضيق: هي دي مين؟ غسان كان هيسحب مسدسه بس بيحاول يهدي نفسه. غرام: دي صحبتي، يا ريت تبقي تتكلمي أحسن يا ميرا. عمتها: هي ليه موجودة هنا؟ غرام: افتكر دي حاجة تخصنا إحنا، أظن الفيلا دي بتاعة بابا، يبقى بمزاجنا نجيب أي حد عايزينه.

غسان بص عليها بصدمة لأنها دايماً بتكون عاقلة ومش بترضى تتكلم كده، بس بوجود عشق الموضوع مختلف، هي لازم تحميها. عشق بهمس: غرام كفاية، مش عايزين مشاكل، سيبنا ناكل. غرام: اتفضلوا. بقعدوا. رعد بينزل من السلم. غسان بيبص عليه: رعد. ميرا بتجري على رعد وتحضنه: رعودي حبيبي، شوف غسان وغرام بيعاملونا أنا وماما إزاي. رعد بصدمة: إمتى جيتوا؟ غسان وغرام بيضحكوا على تعابيره. رعد بيبص عليهم بغيظ بس بيبتسم لما يشوف غرام تضحك.

رعد بيبعد عنه ميرا: ميرا مينفعش كده، أنا ابن خالك بس، دا مش بسيبك تحضنيني كده. بيبعد عنها ويروح يسلم على عمته وبيقع وبياكل. عمته: رعد هو عمك فين؟ رعد: معرفش يا عمتو. عمته: يجوز ابنه في السر ويهرب، والله أعلم مين اللي جايبها لينا. كيان بتضايق من إهانتها. غسان بصوت عالي: يا ريت تلتزمي حدودك مع مراتي، ولا اتفضلي انتي وبنتك، الباب بفوت جمل. كلهم بينصدموا منه.

غرام ورعد بيبصوا لبعض بابتسامة إن غسان أخيراً مشاعره تجاه كيان بدأت تظهر. عمته بتقوم بعصبية: هي إيه قلة الاحترام دي! أنا ساكتالك من الصبح. غسان بيبص عليها بضيق: والله يا عمتو افتكر انتي اللي بدأتي قلة الاحترام دي، وانتي عارفة نهاية كلامك إيه. أنا مجنون وانتي عارفة. يعني عادي أرجعكم في أول طيارة نازلة أمريكا بسبب كلامك ده. عمته بعصبية: غسان انت ناسي إنك بتكلم عمتك.

غسان بكره: وهنسى إزاي إنك كنتي بتعاملي ماما وحش أوي، اطمني أنا أنسى أي حد وما أنساك. بكمل بسخرية: يا عمتو! بقوم: انتوا متخلوش الواحد نفسه ياكل أصلاً. بخرج. كيان بتسند سندويتش وتلحقه: غسان. غسان بيبص وراه: عايزة حاجة؟ كيان بتمد السندويتش: خد دا. غسان: بس أنا مليش نفس، خديه انتي وروحي الغرفة وبلاش تطلعي منها عشان العقربة وبنتها دول ميقربوش منك. كيان بتقرب منه

وتمسك إيده وتحط السندويتش: أنا بهتم بنفسي كويس، وانت خد دا وانت ساكت. غسان بتنهد بيأس: ماشي. كيان بترفع إيدها وتلعب بشعره وتخربه له وهو بيبص عليها بصدمة. كيان بابتسامة وحب: على فكرة كده خالتو غرام كانت بتحبك أوي وهتفضل تحبك أوي، متسيبش حد يقلل منها. غسان عيونه بتلمع وكيان بتروح بسرعة. غسان بيروح العربية وبيحط راسه على الدركسيون وبيتذكر كلامها وحركتها، هي في الأصل حركة مامته. غسان بوجع: ماما انتي سبتني لوحدي ليه؟

بيسوق وبيروح البحر وبيأكل السندوتش ويهدي نفسه، وبيروح الشغل بيشوف رعد. رعد: وصلت، عشق متخافش عليها. غسان بهز راسه: عمري ما خفت على أخواتي وانت موجود يا رعد. رعد بيبتسم بهدوء: إحنا سند بعض يا غسان. غسان بيبتسم: أكيد، ربنا يعينا على الأيام المنيلة الجاية دي. رعد بشرود: آمين. المساء غسان بيرجع البيت وبيكون تعبان وبروح غرفته. غسان بيفتح الباب وببص على كيان، بشوفها بتضحك وهي ماسكة الفون وحاطة السماعات.

كيان بتضحك: والله كده يا شريف! ربنا يجوزك ونتريق عليك كده. عدي بضحك: كيان شريرة أوي، بس الشر إنك تدعي عليه. كيان بتضحك: ماشي يا عدي، بدعي عليك كمان، نتخلص منك يا زعيم. عدي: أنا! حرام عليكي يا كيان. شريف وكيان بيضحكوا. كيان وهي بتضحك: طب خلاص، هعفو عنكم المرة دي، تصبحوا على خير بقا، دا أنا لازم أرجع الشركة. شريف: أكيد وحشة بدونك يا أميرتنا. كيان بتبتسم بحزن: آه عارفة، تصبحوا على خير. شريف وعدي: وانتي من أهله.

بتقفل معاهم وبيبان عليها الحزن والشرود. كيان بحزن: أنا لازم أكدب وأتصنع السعادة الأيام دي. بتنفخ بضيق وتلتفت وتشوف غسان واقف في الباب وبقفله. غسان بهدوء: اتحسنتي؟ كيان بتبتسم: أنا كويسة، شكراً. بتقرب منه: انت كويس؟ غسان: كويس، ليه بتسألي؟ كيان: اللي حصل الصبح، انت كنت مضايق، أكلت. غسان: لا ومش عايز، أنا هنام لأني تعبان. نامي على السرير وخد الدوا. كيان: لا، تعال نام على السرير.

غسان بينام على الكنبة: كيان أنا تعبان مش قادر، عايز أنام. كيان بتبص عليه بزعل: غسان انت كويس. بهز راسه: ماشي، متنامش، أنا هروح تحت وأرجع. بهز راسه، بتروح تحت تعمل أكل وتعمل عصير وتطلع بتشوفه نايم. انت مش سمعت كلامي في حياتك. بتقرب منه وتفوقه: غسان، غسان. غسان بيفوق: مالك يا كيان؟ كيان بتساعده يعدل جلسته: يلا الأكل. غسان بنوم وتعب: أنا مش قولت مش عايز. كيان: انت بس افتح بقك. بفتح بقه

وبتاكله وبتشربه العصير: برافو عليك يا شطور، أهو كمل، يلا نام. غسان ابتسم على كلامها ونام وهي أخدت الصينية ورجعتها المطبخ وكانت هتطلع تاني بس بيوقفها صوت ميرا. ميرا بسخرية: أنا وغسان لبعض، مهما عملتي، غسان المالكي هيفضل ملكي أنا وبس. كيان بتبص عليها وبتضحك بسخرية: مش شايفة إنك رخصتي أوي لدرجة جارية ورا راجل متجوز عشان فلوسه. ميرا بعصبية: أنا بحب غسان. كيان بتنزل من السلم

وتقرب منها وتقول باستفزاز: وهو واضح إنه مبحبكيش ولا بطيقك، يبقى يا ريت تسيبي جوزي في حاله. عشق بتدخل وتشوفهم بيكلموا بعض. ميرا بزعيق: اسمعني يا روح ماما، أنا معنديش وقت. وفجأة بتسكت لما كيان بتديها قلم. كيان بعصبية: أمي لو جبتي سيرة أمها على لسانك هقطعهولك، سامعة! ميرا مسكت مكان الضربة واتعصبت جامد: تضربيني أنا قلم! عمره محدش ضربني قلم، جاية تضربيني انتي! ماما! بزعيق أكتر: ماما! مامتها وغرام بيجوا على صوتها العالي.

مامتها بخوف: في إيه يا حبيبتي مالكم؟ ميرا بتعيط وبتجري تحضن أمها: ماما البنت دي ضربتني قلم. مامتها بصدمة: إيه! بتبص على كيان بغضب: انتي إزاي تتجرأي. غرام بتقرب من كيان: كيان حبيبتي انتي كويسة؟ إيه اللي حصل؟ عشق: غرام. بتقرب منهم: كيان مش غلطانة وعلى فكرة كده البنت دي تستاهل أكتر من القلم. كيان بتتفاجأ من كلامها وميرا وأمها بيعصبوا جامد. عمتها بزعيق: وانتي إيه دخلك؟ افتكر إنك ضيفة.

عشق بلا مبالاة: وأنا افتكر إنكم ضيوف وبس، فاحسن تلزموا حدودكم مع مرات غسان، لأنه لو عرف بالبنت دي قالته هيفرغ فيها المسدس، صدقيني. بتكمل بسخرية: أصلاً هو كان عايز يعمل دا من الصبح بس ربنا أنقذ بنتك بغرام. ميرا بضيق: انتي إزاي بتكلمي ماما كده؟ تربية إيه؟ غرام بعصبية: ميرا لمي لسانك أو هندمك. رعد بيدخل وبيسمع صوتهم العالي: في إيه يا جماعة؟ عمته بعصبية: في إن بنت عمك وابن جاسر اتجننوا على الآخر.

رعد: اهدئي يا عمتو. عشق اطلعي فوق وخذي غرام وكيان معاك، ماشي. عشق بتهز راسها وتأخذهم لفوق. رعد بيفضل سامع كلام عمته وبيستوعب كل غضبها. عشق بزعل: كيان متخافيش، أنا هكلم غسان وهسيبه ياخد حقك من البنت دي تالت ومتلت. كيان لسه مصدومة، هي فكرت عشق بتكرهها عشان جوازهم هي وغسان، بس عشق بتتصرف عكس كده. كيان دماغها بتوجعها وبتهز راسها وبتروح غرفتها وهي مش فاهمة حاجة. عشق بضيق: يوه، نغم مش هتجي اليوم كمان.

غرام بتضحك: أمبارح أول يوم تناموا من غير بعض، أنا فكرتكم هتموتوا. عشق بتضحك: لا، كله بفضل الفون، أصل اتكلمنا لحد ما روحنا في النوم. أنا هروح أكلمها، تصبحي على خير. غرام بحب: تصبحي على خير يا حبيبتي. بيروحوا. كيان بتدخل الغرفة وتروح تغطي غسان وتروح تنام. الصباح في فيلا الكيلاني في مكتب أسير. نغم: جدو، دا انت بجد مش هتسيبني أروح لعشق!

أسير: نغم افهميني، لو رحتي لعشق هي مش هتقرب من أهلها، سيبها تقرب من أهلها وبعدها ارجعوا زي ما كنتوا. نغم بضيق: ماشي يا جدو. أسير بضحك: نغم بلاش صباحك يقلب، أصل عندك امتحانات الأيام الجايين دول. نغم: ها، أهه اديك بتهتم ي سيدي. أسير بابتسامة: آه مش أوي يعني. نغم بتضحك: مش قولت لك إننا هنحب بعض أوي المرة دي يا جدو. يلا باي، هروح أشوف البت رهف دي بتعمل إيه. بتروح. في الفيلا المالكي. غسان

بيفتح عيونه وبيقول بنوم: هي الساعة كام؟ بشوف الساعة وبتنفض من مكانه: الساعة 10، إزاي أنا نمت كل دا! الاجتماع ال. كيان بتدخل وهي بتعيط بنصدمة وبخاف عليها أوي. كيان بعياط: غ... غسان. غسان بيقرب منها بسرعة وبخوف: مالك يا كيان؟ كيان بترمي في حضنه: غ... غسان هي قالت. هي قالت إن أمي مكنتش بتحبني. غ... غسان م... ماما.