رواية نجمة احتلت عرش قلبي الفصل الثامن 8 - بقلم يارا الرويني

ياسين بوجع: عارف من غير ما تقولي يا فرحة. فرحة: عارف إيه؟ ياسين: عارف إنك مش بتحبيني وإنك بتحبي فهد وإنك مكنتيش عايزة غير فهد. ولو عليا أنا استحالة كنت أجبرك على حاجة، بس دي أوامر جدك، وإنتي عارفة. فرحة بدموع: أنا آسفة يا ياسين. ياسين وهو بيمسح دموعها: متعيطيش، أنا مش زعلان. ربنا يسعدك يا فرحة. فرحة وقتها حضنته وانهارت من العياط. ياسين وقتها قلبه اتنفض، وصوت دقاته بقيت مسموعة.

فرحة بشهقات: هو أنا ليه عمري ما أخدت حاجة أنا عايزاها؟ طب هو ليه يجوزه نجمة وأنا اللي بحبه؟ أنا مش وحشة يا ياسين، بس أنا قلبي واجعني أوي. ياسين بوجع: بكرة ربنا يفرح قلبك. هتعدي، متقلقيش. وأنا جنبك. وكمل بوجع أكبر: أخوكي الكبير جنبك، مش هيسيبك. فرحة وهي بتطلع من حضنه وبتمسح دموعها: ربنا يديمك ليا. ياسين بابتسامة: يلا نامي وارتاحي، وبطلي عياط. فرحة بابتسامة: حاضر. هو أنت هتنام فيـ

ياسين: على الكنبة، وإنتي نامي على السرير. فرحة: معلش بقى، احتلت أوضتك وأخدت سريرك. ياسين بحب: دي الأوضة نورت والله. فرحة: تسلم يا باشا. ياسين بضحك: باشا؟ فرحة: مش ظبوطة بقى، لازم نحترمك. ياسين: إنتي تناديني باللي إنتي عايزاه. فرحة بهزار: أوك يا حبيبي. ياسين بوجع: أنا طالع أقعد في البلكونة شوية، وإنتي نامي. فرحة: أنت كويس؟ ياسين وهو بيبوس راسها: أيوا. يلا تصبحي على خير. فرحة: وأنت من أهل الخير. عند نجمة وفهد.

نجمة: اليوم كان جميل أوي، وفرحة كانت أجمل. فهد: أيوا، ربنا يسعدهم. نجمة وهي بترفع إيدها: يا رب. بقولك إيه؟ فهد: إيه؟ نجمة: صلي على النبي. فهد: عليه أفضل الصلاة والسلام. نجمة: طب زيد النبي صلاة. فهد: عليه أفضل الصلاة والسلام. عاملة مصيبة ولا إيه؟ مش مطمنلك. نجمة: تعرف عني كدا؟ فهد: لا طبعًا، غلطان اللي يقول عليكي كدا. بس انجزي، عايزة تقولي إيه؟

نجمة: أستاذ الرياضة مدينا شوية مسائل، إنما إيه من المريخ. مش عارفة أحط القلم فيهم. فأنا قولت إيه؟ ما تقول إيه؟ فهد: إيه؟ نجمة: قولت مفيش غير البشمهندس بتاع العيلة، أشطر وأجدع مهندسة عندنا. فهد بابتسامة: عايزني أحلهم معاكي؟ نجمة بطفولة: الله ينور عليك. فهد: إنتي عاملة كل دا عشان كدا؟ هات المسائل يا نجمة، هات يا حبيبتي، الله يهديكي. نجمة: أجيب لك الكشكول اللي فيه المسائل قصدك؟ فهد وهو بيشد قميصه: ربنا يصبرني عليكي.

نجمة: هو أنت هتبدأها من الأول، تتعصب كدا؟ فهد: معلش يا ستي، حقك عليا. يلا هاتيه. نجمة راحت وجابت له الكشكول بتاعه. نجمة: أهم. شفت صعابين إزاي؟ وأنا عملت كل دا ومش عارفة أجيب الناتج، برافو. فهد: هو إنتي مأخدتيش رياضة في حياتك خالص قبل كدا؟ نجمة: دا إيه قذف الحبهة دا بقى؟ فهد: إنتي بتحلي غلط خالص. نجمة وقتها بدأت تعيط. فهد بحنية: بتعيطي ليه طيب؟ نجمة: أنا أكيد مش هعرف أحلم في الامتحان وهسقط.

فهد: متعيطيش، كله هيتحل، وأنا هفهمك. مش كل حاجة تعيطي عليها كدا. نجمة وهي بتمسح دموعها بضهر إيديها، وكانت زي الأطفال: حاضر، مش هعيط. وبدأ فهد يفهمها. فهد: شفتي فهمتي إزاي؟ مش محتاجة عياطك يعني. نجمة بفرحة: يعيش أبية فهد، يعيش يعيش. فهد بضحك: هبلة. فهد أخدها ونايمها: يلا على النوم. بتغيّريني عبال ما بتصحي. نجمة: أنا مش عايزة أنام. فهد: يلا، هتحاولي. نجمة بخجل: امم. فهد: عايزة حاجة؟

نجمة: ممكن تاخدني في حضنك وتلعبلي في شعري؟ أنا لما ماما كانت بتعملي كدا، كنت بنام على طول. فهد بحب: حاضر. وأخدها في حضنه لحد أما نامت. فهد وهو بيبص عليها وهي نايمة: إنتي عملتي فيا إيه يا نجمة؟ وياترى إيه اللي هيحصل بعد كدا معانا؟ في الصباح. فهد: يلا يا نجمة، يلا يا قمر، اصحي. نجمة بضيق: هو كل يوم كدا؟ صحيان بدري؟ فهد: أهو أنا قولتلك تنامي بدري عشان كدا. يلا قومي بقى. نجمة قامت وفضلت

تضرب برجليها في الأرض: يواه بقى، أنا عايزة أطلع من التعليم دا خالص، منك لله يا اللي في بالي. فهد بغيرة: مين دا؟ نجمة: هيكون مين يعني؟ اللي طالب بتعليم المرأة؟ هي الست ملهاش غير بيت جوزها، معروفة. فهد بضحك: طب ما إنتي في بيت جوزك أهو. نجمة: ما هو جوزي ما راحش لأمي وقالها أنا مش عايزها تكمل تعليمها. فهد: يعني لو قلت كدا هتبقى مبسوطة؟ نجمة: لا طبعًا، وكريري وطموحاتي، أعمل فيهم إيه؟ فهد بضحك: دا إنتي نكتة.

نجمة: تسلم يا رايق. فهد: طب يلا انجزي عشان متتأخريش. نجمة: أوك. فهد ونجمة نزلوا تحت وفطروا. في عربية فهد. نجمة: أبية. فهد: نعمة. نجمة: فكرك يعني بذكائي دا، أدخل هندسة؟ فهد: ليه لا؟ إنتي ذاكري واجتهدي، وربنا ما بيضيعش تعب حد. نجمة: ونعمة بالله. نجمة: وصلنا. فهد: خدي بالك من نفسك. نجمة بخجل وخدود حمرة: سلام. نجمة نزلت من العربية وهي داخلة قابلت مريم. مريم: مالك يا بنتي، باين عليكي متوترة. نجمة

وهي بتفتكر اللي فهد عمله: هاا، لا مفيش حاجة. يلا عشان منتأخرش على الحصة. مريم: ماشي، يلا. في القاهرة، في بيت أم نجمة. الجرس رن. فاطمة: حاضر، جاية أهو. فاطمة: أهلا، وحشتني أوي يا حبيبي.