رواية نجمة احتلت عرش قلبي الفصل الأول 1 - بقلم يارا الرويني

فهد بحنية: نجومتي، نجمتي، قومي يلا يا روحي. نجمة: يوه، بقى شوية كدا. فهد بابتسامة وهو يمسك مناخيرها: قومي يا حبيبتي. نجمة بابتسامة: صباح الخير. فهد: صباح النور يا عمري. شوفي بقالنا كام سنة متجوزين وبرضه بتغلبيني في موضوع صحيانك. يلا قومي البسي عشان ننزل نفطر. نجمة: تمام. سندس كانت طالعة على السلم. حمزة: إيه ده، سندس عندنا؟ مش ناوية تطولي بقى؟ هتفضلي صغننة لحد امتى كدا يا صغننة؟

سندس بدموع: مش كل شوية تشوفني تقول نفس الكلام يا بيه. على فكرة أنا كبيرة، عندي 17 سنة. حمزة وهو يقلد صوتها: عندي 17 سنة. لا كبيرة فعلاً. سندس: أنا طالعة أصحّي سيليا عشان عندنا درس. حمزة: تمام يا صغننة. سندس وهي تدبدب في الأرض: يوه بقى. وسابته ومشيت. سندس بطفولة: رخيم. وطلعت عند سيليا. سندس وهي تفتح شباك الأوضة: نفسي في مرة أجي ألاقيكم صاحيين. سيليا بنوم: يسندس، اقفلي البلكونة عايزة أنام.

سندس: قومي يابت هنتأخر على الدرس، المستر مش هيدخلنا. يلا قومي. سيليا: يوه بقى، حاضر. أسيل وهي بتديله الكتاب: ممكن تشرحلي بس النقطة اللي أنا معلمة عليها دي؟ أحمد: هبقى أشرحها لكل الطلاب النهاردة في المحاضرة عشان الكل يستفيد. تمام. أسيل بتوهان فيه: تمام. أحمد كان نازل، وأسيل لأنها كانت سرحانة فيه مش شافت درجة السلم ووقعت. أسيل بوجع: آآه. أحمد بخضة: إيه اللي حصل؟ انتي كويسة؟ أسيل بوجع: رجلي. أحمد

وهو يقعد جنبها على السلم: مش تاخدي بالك وإنتي نازلة؟ بتوجعك؟ أسيل وهي تشاور على المكان: من هنا. أحمد: طب استني شروق نازلة أهي تسندك عشان أنا مينفعش أعمل كدا. شروق بخضة: إيه ده؟ إيه اللي حصل لك؟ أسيل: وقعت. شروق سندتها. شروق بهمس: ابقي ركزي في الدرج يا أختي وبطلي سرحانك فيه، هت'موتي المرة الجاية. أسيل: قمر أوي يا شروق، مبقدرش. شروق: ههههه، كريم أخوكي لو سمعك هيديكِ كف خماسي الأبعاد يخليكي تمشي على رجلك زي الصاروخ.

أسيل بخوف: فصيلة، تاخدي الأوسكار في الفصلان. كريم بعصبية: مش ضيق شوية البنطلون دا يا جودي؟ قالها لجودي وهي خارجة من أوضتها. جودي بعصبية: ما هو واسع أهو، وبعدين انت مالك بيا؟ البس اللي أنا عايزة ألبسه. كريم بعصبية: متختبريش صبري أكتر من كدا. وبعدين انتي بتلبسي بناطيل ليه أصلاً؟ جودي بضيق: يا عم وانت مالك، إذا كان أبويا وأمي نفسهم موافقين. كريم بعصبية: لا كبرتي ولسانك طول أهو. أنا غير الكل، انتي فاهمة؟

جودي: والله وليه بقى إن شاء الله؟ فرحة بمقاطعة: إنتوا بتتخانقوا ولا إيه؟ جودي: نفس تحكمات ابنك فيا، يطنط. أنا مش فاهمة إيه ده. فرحة: معلش يا جودي، حقك عليا يا حبيبتي. جودي وهي تحضنها: انتي متقوليليش حقك عليا تاني، انتي في مقام ماما. يلا عن إذنك. فرحة: اتفضلي يا حبيبتي. فرحة وهي تنظر إلى كريم: بطل تفرض سيطرتك عليها يا كريم. وبعدين إشمعنى هي اللي في بنات أعمامك كلهم اللي بتدققلها على كل حاجة كدا؟

كريم: عشان مش عاجبني طريقة لبسها. فرحة بخبث: بس مش على أمك يا كريم، دا أنا حافظاك. كريم بتوتر: بس إيه الجمال دا. فرحة: غير في الموضوع، غير. يلا خلينا ننزل نفطر. على تربيزة السفرة كان الكل متجمع. أمير: هتفطروا من غيري؟ شروق: مستنينك أهو يا رايق. وفجأة سمعوا صوت حد جاي من وراهم. "وحشتوني والله يا عيلة العايدي."