رواية نجمة احتلت عرش قلبي الفصل الثاني 2 - بقلم يارا الرويني

نجمة بدموع: يا حبيبي وحشتني قوي قوي. مروان وهو بيحضنها: وأنتي كمان يا حبيبتي. فهد بغيرة: ما خلاص، ما كانوش أسبوعين اللي غابهم دول. مروان بابتسامة وهو بيحضن فهد: إنت لسه فيك عادة الغيرة دي؟ حد يفهمه إني ابنها يا جدعان. فهد بابتسامة وهو بيطبطب عليه: بس يااض، والله وحشاني جدًا. مروان: إنت أكتر والله، كلكم وحشني. نجمة: إنت كويس صح يا حبيبي؟ حصلك أي حاجة؟ مروان: أنا كويس قدامك أهو يا ست الكل.

فرحة: ما هو كويس قدامك أهو يا نجمة، يعني هو أول مرة يطلع مأمورًاية برا البلد؟ مروان: حبيبتي والله، خدي بو’سة. ياسين وهو بيمسكه من لياقة قميصه: ما تتعدل يااض. مروان: بتحبوا بطريقة أوڤر. يوسف وهو بيبص لجميلة وبتوهان فيها: بكرة تحب وتعرف. جودي بتصفير: يا سلام عليك يا حاجوج يا رومانسي. وكملت وهي بترفع إيدها: يا رب حد يبصلي نفس بصات أبويا لأمي يا رب. جميلة بخجل: بس يا لمضة.

نجمة: يلا يا حبيبي تعال اقعد معانا نفطر، أكيد تعبان من السفر. مروان: حاضر. راح قعد جنب شروق لأن دا الكرسي اللي كان فاضي، وكان لسه بيجيب كوباية الميه. شروق بحب: اتفضل. مروان: شكرًا يا شروق، عاملة إيه في دراستك يا دكتورة؟ شروق مكنتش مركزة معاه على قد ما كانت مركزة في ملامحه. جودي وهي بتخبطها خبطة صغيرة في إيدها: بيقولك عاملة إيه في دراستك، يخربيتك هتودينا في داهية. شروق: اااه الحمد لله، أهي ماشية. مروان: ربنا معاكي.

شروق بتوهان: ومعاك. جودي بهمس: قوليله بحبك، قوليله مفضلش غير كدا. شروق: أنا مفضوحة أوي كدا. جودي: أوي. سيليا وهي بتحضن مروان: ابيه إنت جيت، وحشتني قوي. مروان: وأنتي كمان يا روحي، عاملة إيه؟ سيليا: بخير الحمد لله. مريم: اقعدوا كلوا الأول. سندس: مش هينفع، هنتأخر، هنبقى نجيب حاجة ناكلها بعد الدرس. عز: حمزة. حمزة: نعم يا بابا. عز: وصل سيليا وسندس السنتر. سندس: خلاص يا عمو، إحنا هنروح مع السواق.

عز: أنا كدا كدا ماشي، عندي المحاضرة الأولى في الكلية، هوصلكوا في طريقي، يلا. سيليا: ماشي، يلا. في الجنينة. سندس بصوت منخفض عشان عز ميسمعهاش: سيليا اقعدي إنتي قدام جنب ابيه عز وأنا هقعد ورا. سيليا: تمام. أحمد كان خارج وواقف قدام عربيته وأسيل كانت جوا عربيتها. أحمد: يواه، دا وقتك تعطلي إنتي كمان. أسيل بصوت عالي: ابيه أحمد. أحمد: نعمة. أسيل: ممكن توصلني الكلية، عربيتي عطلت. أحمد: تمام، اركبي.

في عربية حمزة كان طول الطريق بيبص على سندس في المراية، وهي كانت واخدة بالها وكانت بتحاول متبصش عليه. سيليا: وصلنا. سيليا خرجت وسندس كانت لسه جاية تخرج. عز: استني، شعرك باين، ظبطيه وانزلي. سندس: فين دا؟ مش باين حاجة. عز وهو بيديها المراية وبعصبية: هتظبطيه ولا أظبطه أنا؟ سيليا: يلا يا سندس هنتأخر. سندس بعصبية: بذمتك يا سيليا أنا شعري باين؟ سيليا وهي بتدخلها: حاجة بسيطة بس، يلا بقى. سندس بهمس وهي خارجة: بارد.

حمزة: بتقولي حاجة يا صغننة؟ سندس بضيق: بكح. حمزة بابتسامة: اااه، بحسب. في عربية أحمد. أسيل بتوتر: اما. أحمد: عايزة تقولي حاجة. أسيل: هي هي البت اللي اسمها سارة دي كانت واقفة معاك المحاضرة اللي فاتت، بتعمل إيه؟ أحمد: كانت بتسأل على حاجة بس. أسيل: اااه، طب خد بالك منها بقى. أحمد: ليها؟ أسيل بتوتر وغيرة: عينها منك. أحمد بابتسامة: هي الصراحة قمر. أسيل بدموع: عاجبك؟ هتتجوزها؟

أحمد: اتجوز إيه يا أسيل، إنتي بتاخدي الكلام بجدية كدا ليه؟ أنا كدا عايش ملك، لا عايز أحب ولا أتحب. أسيل بزعل: ماشي. في كلية الطب البشري. كانوا واقفين في المعمل وكريم كان بيشرحلهم حاجة. جودي كانت واقفة وفجأة جاتلها مسدچ على الفون بتاعها، اتوترت وقفتلت الفون. كريم بعصبية وهو بيروح عندها: هاتي التلفون. جودي: لا. كريم بصوت عالي تحت نظرات كل الطلاب: بقولك هاتيه. جودي بخوف أدته الفون. كريم فتح الفون واتصدم

من المسدچ اللي مبعوتة: (قمر أوي بحبك)