تحميل رواية «نجمة احتلت عرش قلبي» PDF

ياسين وهو يبص على شفايفها: يعني

وبعد كدا قرب جامد جدا منها واخدها في حضنه: متخافيش أنا عمري ما هعمل أي حاجة وأنتي مش راضية، دا مش ياسين يا فرحة.

فرحة بدموع: أنا بجد آسفة، بس والله الموضوع مش بأيدي، أنت تستاهل بنت أحسن مني يا ياسين، بس أنا عارفة إنك مجبور زي بالظبط.

ياسين بوجع: آه فعلاً أنا مجبور، شكلك عايزة تنامي، قومي نامي.

فرحة: وأنت مش هتنام؟

ياسين: هدخن بس السيجارة دي في البلكونة وهنام.

فرحة: لو قعدت شوية مع نور هتديك محاضرة كاملة عن أضرار التدخين.

ياسين: ههههه، أهو دا عيب إن يبقى فيه دكاترة في البيت.

فرحة: بس هي معاها حق، حاول تبطلها.

ياسين: خايفة عليا؟

فرحة: أكيد، أنت ابن عمي وزي أخويا.

ياسين: آه، عن إذنك.

فرحة: اتفضل، أنا هحضرلك هدوم تنام بيها.

ياسين: تمام.

في الصباح.

في القاهرة.

فاطمة: أنت هتسافر؟

محمد: آه، لازم أروح الصعيد بقى عشان محدش يشك في حاجة.

فاطمة بزعل: هتيجي تاني إمتى؟

محمد وهو يبوس راسها: قريب بإذن الله.

فاطمة: ابقى خد بالك من نجمة ومتخليش فهد يزعلها.

محمد: حاضر، يلا سلام.

فاطمة: سلام.

في الصعيد.

على ترابيزة السفرة.

فهد: يلا يا حبيبتي عشان أوصلك.

نجمة بخجل، لأنه قالها حبيبتي قدامهم: تمام.

فرحة وقتها اتضايقت، وياسين أخد باله، وطبعاً دا كله تحت نظرات فاروق.

ياسين بزعل: عن إذنكم.

فاروق: كمل أكلك.

ياسين: شبعت يا جدي.

فاروق: فرحة.

فرحة: نعم يا جدي.

فاروق: أما تخلصي أكل تعالي أنتِ وياسين على أوضة المكتب، عايزكوا.

فرحة: حاضر.

قدام مدرسة نجمة.

فهد: يلا وصلنا.

نجمة: تمام.

وكانت لسه جاية تنزل.

فهد: ديما بتنسي كدا.

نجمة: أنسى إيه؟

فهد شدها عنده وقبلها.

نجمة بخجل شديد: سلام.

نجمة نزلت وفهد مشي بالعربية.

عند فاروق.

فاروق: أنا حجزت ليكوا انتوا الاتنين شهر عسل لندن، والطيارة بتاعتكم النهاردة بليل.

فرحة: بس يا جدي.

فاروق: أنا قولت كلامي، يلا ابدأوا جهزوا نفسكم وشنطكم.

فرحة: طب ما هو فهد ونجمة لسه متجوزين، محجزتلهمش ليه هما كمان؟

فاروق: عشان امتحانات نجمة قربت، فلازم تقعد هنا.

ياسين: تمام يا جدي.

فاروق: اطلعي أنتِ يا فرحة، أنا عايز ياسين.

فرحة بضيق: تمام.

فاروق: هتبقى فرصة حلوة إنكم تقربوا لبعض.

ياسين بزعل وهو بيفتكر اللي حصل امبارح بليل: معتقدش.

فاروق: هنشوف، بس أنت حاول على قد ما تقدر، ودافع عن حبك، متستسلمش يا والدي.

ياسين: أنا مش عايز أغصبها على حاجة يا جدي.

فاروق: حاول تخليها تحبك، حبك ليها هيخليها تحبك، وبكرة تقول جدي قال.

ياسين: تمام، عن إذنك.

فاروق: اتفضل.

في أوضة ياسين وفرحة، ياسين طلع لقى فرحة قاعدة على السرير زعلانة.

ياسين راح قعد جنبها.

ياسين: زعلانة ليه؟

فرحة: مش عايزة أسافر أنا.

ياسين: ليه؟ دا حتى لندن جميلة جدا وهتحبيها.

فرحة بابتسامة: بجد؟

ياسين بابتسامة وهو بيقرب منها: آه، وأنا هوديكي أجمل الأماكن فيها.

فرحة بتوتر: شكراً.

ياسين وهو يبوس خدها: العفو.

فرحة: أنا هقوم بقى أحضر الشنط.

ياسين وهو بيمسك فيها وبيستنشق ريحتها وبتوهان: خليكي، الطيارة لسه بليل.

فرحة بخجل وتوتر: هو هو أنت بتعمل إيه؟

ياسين بتوهان: ريحتك حلوة أوي.

فرحة: طب ممكن تبعد؟

ياسين: والله ما قادر.

فرحة بدموع: ياسين، لو سمحت ابعد.

ياسين وهو بيمسح دموعها بحنية: هي مستاهلة الدموع دي.

فرحة وهي بتقوم: أنا هحضر الشنط.

ياسين: تمام، أنا نازل.

فرحة: هتروح فين؟

ياسين: نازل أقعد تحت.

فرحة: تمام.

عند نجمة.

كانت واقفة مستنية فهد، ومريم وقفت معاها عشان متوقفش لوحدها.

اتنين كانوا ماشيين بالموتوسيكل.

* إيه يا قمر، لو اتأخرت أوصلك أنا.

- بقى هو فيه حد يسيب العيون دي، لو العيون كدا أومال الشكل هيبقى عامل إزاي.

مريم بعصبية: أنتوا عايزين إيه، أنتوا الاتنين خلوا كل واحد في حاله.

* وهو بيقوم من على الموتوسيكل وبيمسك إيد نجمة: تعالوا معانا واحنا هنوصلكوا.

نجمة بخوف: سيب إيدي لو سمحت.

نجمة في نفسها وبخوف: يا رب فهد اتأخر كدا ليه، يا رب احمينا.

نجمة فى نفسها وبخوف شديد: يا رب هو فهد اتأخر كدا ليه يا رب احمينا.

*ما تورينا شكلك كدا يا قمر.

وكان لسه بيرفع النقاب بس مرة واحدة لاقى حد وقف قدام نجمة ومسك إيده.

فهد فضل يضرب فيه ومكناش راضي يسيبها.

أحد المدرسين: خلاص يا بشمهندس الواد هيموت فى إيدك.

نجمة بعياط: خلاص يا ابيه بالله عليك.

المدرسين فكوه منه بالعافية.

فهد وهو بياخد نجمة: ابقى فكر بس مجرد تفكير فيها وشوف أنا هعمل إيه. المرة الجاية إيدك اللى مسكت مراتى دى هتتقطع.

فهد وهو بيبص لنجمة: يلا.

فى العربية.

نجمة فضلت تعيط.

فهد وهو بيديها ميه: امسكى.

نجمة رفعت النقاب وشربت.

فهد بحنية: بتعيطى ليه دلوقتى؟

نجمة بشهقات: أنا خايفة أوى.

فهد وقف العربية وحضنها: متخافيش أنا معاكى اهدى خلاص محصلش حاجة.

نجمة مسكت فيه جامد.

نجمة بشهقات: متتأخرش عليا تانى.

فهد: والله كان غصبن عنى كان فيه اجتماع مهم فى الشركة.

نجمة وهى بتخرج من حضنه وبخجل: خلاص حصل خير.

فهد: إيه رأيك نروح نتغدى فى مطعم لوحدنا؟

نجمة بحماس: اشطا.

فهد وهو بيكمل سواقة: تمام.

عند ياسمين.

كانت قاعدة فى أوضتها بتذاكر والباب خبط.

ياسمين: مين؟

عز: أنا.

ياسمين وهى بتلف الطرحة: اتفضل.

عز: مروحتيش الكلية انهاردة ليه؟

ياسمين: قعدت انهاردة عشان أذاكر للامتحانات عندى بكرة تلت امتحانات عملى.

عز: تمام ربنا يعينك. أنا قولت بس أطمن لأنك مروحتيش امبارح كمان فخفت تكونى تعبانة ولا حاجة.

ياسمين بابتسامة: لا أنا تمام الحمد لله.

عز: تمام.

وكان لسه جاى يمشى بس رجع تانى.

ياسمين: فيه حاجة يا أبية؟

عز وهو بيقعد قدامها على المكتب: هو لو حد اتقدملك أكبر منك توافقى عليه يعنى لو أكبر منك بعشر سنين مثلا؟

ياسمين ببراءة: أنا مش بفكر فى موضوع الجواز دلوقتي لأنى لسه فى تانية كلية بس عادى المهم يكون شخص كويس وبيحبنى بجد.

عز: تمام. أنا ممكن أساعدك فى المذاكرة لو حابة.

ياسمين: إنت ظابط هتساعدنى فى إيه؟

عز: يعنى أسمعلك مثلا.

ياسمين بضحك عز تاه فيها: هههه تسمعلى أنا. والله عايزة اللى يفهمنى مش اللى يسمعلى.

عز: أقولهم يعملولك شاى؟

ياسمين: لا شكراً لسه شاربة.

عز: تمام عن إذنك.

ياسمين: اتفضل.

ياسمين فى نفسها: غريب أوى بجد. وبعد كدا افتكرت كلام نجمة إنه ممكن يكون بيحبها.

ياسمين: لا أكيد لأ.

عز: ما كنت تروح تقولها بحبك وعايز أتزوجك أحسن غبية.

يوسف بضحك: إنت بتكلم نفسك.

عز: مش ناقصك إنت كمان يا عم يوسف.

وقتها ياسين جه وكان مضايق بسبب فرحة.

يوسف: اهو ياسين جه أهو. هو اللى بيعرف يشوف مالك.

ياسين: بقولكوا إيه اطلعوا من دماغى.

يوسف: الله فيه إيه يا ولاد العايدي مالك؟

عز: مفيش حاجة. إنت مالك يا ياسين باين عليك مضايق. دا أنا حتى عرفت إنك رايح شهر عسل انهاردة.

يوسف: يا عم هتلاقى فرحة منكدة عليه.

ياسين بعصبية: يوسف.

يوسف: خلاص يا عم إنت هتضربنى ولا إيه. أنا ماشى. دا إنتوا بقيتوا نكد أوفر.

عز وهو بيحط إيده على كتفه: مالك؟

ياسين: تعبت تعبت أوى يا عز مش قادر أستحمل فكرة إنها بتحب غيرى.

عز: طب ما تطلقها. قول لجدك إنك مش قادر تكمل.

ياسين: مش هقدر أعيش من غيرها.

عز: يعنى هى أصلاً كدا عايشة معاك؟

ياسين: لا بس أنا حابب إنها تبقى مراتى حتى لو مش جواز حقيقى. تقعد فى أوضتى وأصحى كل يوم عليها. أنا حابب دا.

عز: بإذن الله هتعدى متقلقش.

ياسين: يا رب. طب وإنت مالك ياسمين صح؟

عز: أه.

ياسين: إنت ليه مش بتتشجع وتقولها إنك بتحبها.

عز: كبيرة أوى عليها وكمان هى رافضة تتجوز دلوقتي.

ياسين بضحك: قول لجدك يغصبها على الجواز.

عز: ههههه طب حرفياً جدك دا عسل. وأنا واثق إن إنت وفرحة وفهد ونجمة هتبقوا أجمل ثنائيات. وبكرة تشوفي.

ياسين: وإنت وياسمين بإذن الله يا حبيبي.

عند نجمة وفهد.

فهد بحنية: هاا تاكلى إيه؟

نجمة: أي حاجة.

فهد طلب أكل.

فهد وهو بيمسك إيدها: لسه خايفة؟

نجمة: لا بس إنت طلعت شبح وعلمت عليه.

فهد: شبح وعلمت عليه! إنتى بتجيبى الكلام دا منين؟

نجمة وهى بتشاور على مخها: من هنا يا رايق. بجد تسلملى لولا إنك جيت انهاردة مش عارفة كان إيه حصلى. شكراً والحمد لله أول حاجة.

فهد: دا أنا اللى أسف لو اتأخرت عليكى معلش.

نجمة: ولا يهمك حصل خير.

عند فرحة.

كانت واقفة بتحضر الشنط وكانت لابسة بيجامة عليها بطوط.

ياسين برغبة وهو بيحضنها من ضهرها: خلصتى؟

فرحة بتوتر: لسه.

ياسين وهو بيلفها عنده وبيسند براسه على راسها: أساعدك؟

فرحة بتوتر: لا شكراً.

ياسين قرب منها جامد ودفن راسه فى رقبتها وكان لسه بيفك زرار قميصه.

فرحة بدموع جت على وش فهد: ياسين مينفعش.

ياسين وهو بيبعد: أنا أسف عن إذنك.

ياسين فى نفسه: غبي.

نجمة وفهد روحوا البيت وطلعوا أوضتهم.

نجمة: بس كان يوم جميل صح؟

فهد وهو بيقرب منها: صح.

نجمة بتوتر: أنا هدخل أغير هدومى.

فهد: تمام.

نجمة لاقيت توب وجربته عليها وكانت واقفة قدام المراية فى أوضة الملابس وفهد وقتها دخل.

فهد برغبة وصدمة: إيه دا؟

نجمة بخجل وخدود حمرة جدا ومعرفتش تقول حاجة.

فهد راح عندها وقرب منها جامد و

فهد وهو بيقرب منها جامد وبيدفن راسه في رقبتها: انتي ازاي قمر كدا

نجمة بتوهان: ها؟

الباب خبط.

نجمة: ابيه.

فهد: اممم.

نجمة: الباب بيخبط.

فهد: سيبك منه.

نجمة وهي بتبعد: روح شوف مين.

فهد وهو بيفوق: تمام.

فهد فتح الباب.

توحيدة: فهد بيه، فيه واحدة تحت عايزة ست نجمة.

فهد: مين؟

توحيدة: بتقول اسمها مريم.

نجمة بصوت عالي وهي في أوضة الملابس: قوليلها تطلع هنا يا دادة.

توحيدة: تمام يا هانم.

نجمة خرجت: يلا انزل انت بقى.

فهد: والله بتطرديني من أوضتي يعني.

نجمة وهي بتخرجه: معلش بقى يا ابيه، هتقعد معايا ازاي وانت في الأوضة؟

فهد بابتسامة: حاضر، خارج خارج.

فهد خرج ومريم طلعت.

مريم وهي بتحضن نجمة: نجمة عاملة ايه يا حبيبتي، خفت عليكي جامد.

نجمة بفرحة: انا كويسة والحمد لله.

مريم: بس باين عليكي مبسوطة أوي.

نجمة وهي بتدور في الأوضة وبفرحة: أوي أوي.

مريم: يا حبيبتي ربنا يجعل أيامك كلها سعادة، بس احكيلي.

نجمة: انا وابيه خرجنا اتغدينا وقضينا وقت حلو أوي مع بعض.

مريم: ابيه تاني؟ بس كويس انك مبسوطة، ايه اللي يبسط في الموضوع بقى؟

نجمة: عادي عشان خرجت اتغديت معاه.

مريم: بس؟

نجمة: بحبه؟

مريم: انتي بتسألي؟ دا واضح جداً.

نجمة: مش عارفة، بس انا ببقى مبسوطة أوي وانا معاه، بس عادي، لأنه زي أخويا الكبير مش أكتر.

مريم: برضه يا نجمة يا حبيبتي، دا جوزك مش أخوكي، وانتي بتحبيه لأنه جوزك مش أخوكي.

نجمة: تفتكري؟

مريم: أه.

نجمة: بس هو مبيحبنيش.

مريم: اللي حصل انهاردة دا بيوضح انه بيعشقك مش بس بيحبك.

نجمة: لانه بنت عمه، فالطبيعي انه يدافع عني.

مريم وهي بتقلّد صوت فهد: "الايد اللي مسكت مراتي هقطعها لك المرة الجاية، قال مراتي مش بنت عمي، بطلي هبل بقى."

نجمة بتفكير وهي بتحط صابعها على مخها: صح، معاكي حق، طب أعمل ايه؟

مريم وهي بتمسك رأسها: هت'موتيني ناقصة عمر أنا عارفة.

نجمة: ساعديني، أعمل ايه؟

مريم: قوليلها انك بتحبيه.

نجمة: لا، مش هعرف.

مريم: يا رب صبرني، مش هتعرفي ليه يا آخرة صبري؟

مريم أخدتها من ايدها ودخلوا أوضة الملابس: تعالي، بصي دا حلو، البسيه انهاردة.

نجمة: لا لا لا، دا قصير أوي، مش هينفع.

مريم: ليه يا بنتي، هتلبسيه، يا نجمة، أنا مش باخد رأيك، يلا، أنا هسيبك دلوقتي عشان ماما قالتلي متتأخريش وهبقى أرن عليكي بليل.

نجمة: ماشي، متنسيش ترني عليا، حاسة اني هبهدل الدنيا.

مريم: متقلقيش، يلا سلام.

نجمة: سلام.

مريم وهي نازلة خبطت في حد.

مريم: معلش، أنا آسفة.

أدهم: عادي، ولا يهمك.

فهد: شكراً يا مريم لأنك استنيتي مع نجمة انهاردة على ما جيتي.

مريم: العفو على ايه، نجمة أختي.

فهد: هتروحي؟

مريم: أه.

فهد: طب استني هخلي السواق يوصلك.

مريم: مفيش داعي، أنا بعرف أروح لوحدي.

فهد: لا ميصحش.

أدهم: السواق أنا بعته يجيبلي حاجة من بره.

فهد: طب معلش يا أدهم ممكن توصله؟

مريم: لا خلاص، أنا مش عايزة أتعبك، أنا هروح لوحدي.

أدهم: ولا تعب ولا حاجة، أنا هوصلك، يلا.

مريم: تمام.

في عربية ياسين.

فرحة كانت قاعدة متوترة.

ياسين وهو بيمسك ايدها: مالك؟

فرحة: أنا خايفة من الطيارة الصراحة، أول مرة أركبها.

ياسين بابتسامة: متخافيش، أنا معاكي.

فرحة بخوف: تفتكر الطيارة ممكن تقع بينا؟

ياسين: هههههه.

فرحة: انت بتضحك عليا؟

ياسين: والله ما قصدي، بس انتي بتتوهمي حاجات مش هتحصل، متخافيش، الموضوع بسيط خالص، متخافيش.

فرحة: ربنا يستر، بس متسبنيش لوحدي بالله عليكي.

ياسين بحنية وهو بيمسك ايدها: متقلقيش، أنا معاكي.

ياسين: تسلميلي.

في عربية أدهم.

أدهم: انتي صاحبة نجمة؟

مريم: أه، معاها في المدرسة.

أدهم: علمي رياضة، شابها.

أدهم: اه.

مريم: هو هو انت شغال ايه؟

أدهم: أنا خريج تجارة قسم إدارة أعمال وماسك شركات العايدي للاستيراد والتصدير.

مريم: اه، ما شاء الله، بس هنا البيت.

أدهم وقف.

مريم: شكراً على التوصيلة ومعلش لو عطلتك.

أدهم: لا ولا عطلة ولا حاجة.

عند نجمة.

فهد دخل الأوضة ولاقى نجمة لابسة فستان قصير وقاعدة مستنية.

نجمة: اتأخرت كدا ليه؟

فهد بتوهان فيها: هي دي أوضتنا وانتي نجمة مراتي ولا أنا بحلم ولا ايه؟

نجمة بابتسامة: لا، دي أوضتنا.

فهد وهو بيقرب منها جامد: طب هو فيه جمال كدا؟

نجمة بخجل وتوتر: كنت عايزة أقولك حاجة.

فهد وهو بيدفن راسه في رقبتها: قوليه.

نجمة: أنا... أنا...

وفجأة سمعوا صوت عالي جاي من تحت.

نجمة وهى بتبعد: يا ساتر يا رب ايه الصوت ده

فهد: مش عارف انا نازل اشوف خليكى هنا

نجمة: هلبس وانزل معاك

فهد بخبث: لا خليكى كدا انا هروح اشوف فيه ايه واجى

نجمة بخجل: تمام

فهد نزل ولاقى امه بتتخانق مع ابوه

محمد: بقولك واحدة معايا فى الشغل

نادية بصوت عالى: واحدة معاك فى الشغل وبتقولها يا حبيبتى

محمد: انا مقولتش كدا انتى اللى سمعتى غلط

نادية بدموع: تعال شوف ابوك بيخونى

فهد: بيخونك ايه يا ماما استهدى بالله ايه اللى حصل

فاروق: فيه ايه يا هن

نادية: ابنك المحترم بيخونى

محمد: نادية الزمى حدودك

فاروق: صوح الكلمة دى يا محمد

محمد: لا يا ابويا مش صح هى اللى فاهمة كل حاجة غلط

ياسمين بدموع: يا ماما انتى اكيد فاهمة غلط

عز بضيق لما شاف دموع ياسمين: ما خلاص يا مرات عمى بقى قولنالك انتى اكيد فاهمة غلط

نجمة وقتها نزلت

فهد وهو بيبص عليها بضيق وبصوت منخفض: الله يخربيتك

نجمة لاقيت ياسمين بتعيط فطبطبت عليها

فاروق: خلاص خلصتوا كلكوا كل واحد على اوضته ومسمعش صوت حد فيكوا وانتى يا نادية اقصرى الشر وصدقى جوزك

نادية بصوت عالى: بقولكوا سامعه بودانى وهو بيقولها يا حبيبتى

نجمة: هى مين دى

فهد بصلها فسكت

محمد بخوف: انا انا قولت اللى عندى عايزة تصدقى صدقى مش عايزة براحتك

وسابهم ومشى

فاروق: ما قولت كل واحد على اوضته

ودخل

عز وهو بيقعد على الارض قدام ياسمين وبحنية: خلاص متعيطيش

يوسف: يا حنين

عز بصله بعصبية

نجمة: خلاص بقى يا ياسمين هى طنط اكيد فاهمة غلط مش اكتر

نور: ايوا

فهد وهو بياخدها فى حضنه وبيطبطب عليها: خلاص متعيطيش

ياسمين بدموع وهى بتبص لفهد: هو بابا ممكن يكون بيخون ماما بجد

فهد: اكيد لا متحطيش الموضوع فى دماغك

عز: ايوا عندك امتحانات بكرة قومى يلا ذاكرى ومتحطيش فى دماغك

ياسمين وهى بتمسح دموعها: ماشى عن اذنكوا

فهد وهو بيبص لنجمة: مش يلا نطلع

نجمة: تمام

فى اوضة فهد

نجمة: انا هدخل اغير

فهد: البسي اللى كنتى لابسه

نجمة: انا هنام

فهد وهو بيقرب منها: كنتى عايزة تقولى حاجة

نجمة: لا انا هنام ماشى

فهد: يعنى كدا كل حاجة باظت

نجمة: كل حاجة اللى هو ايه

فهد: كنتى عايزة تقولى ايه طيب

نجمة: بعدين يا ابيه

فهد: طب انا بقى اللى عايز اقولك حاجة

نجمة: اتفضل

فهد وهو بيسند راسه على راسها وبحب وحنية: انا بعشقك

نجمة بصدمة وفرحة فى نفس الوقت: احلف كدا

فهد بابتسامة: والله العظيم بحبك

نجمة بتوتر: انا انا هدخل اغير عشان انام

فهد بزعل: يعنى ايه تمام انا هنزل اقعد تحت

نجمة: ماشى

عند فرحة وياسين

فرحة وهى بتمسك ايد ياسين بخوف: هى الطيارة هتتحرك

ياسين وهو قلبه بيدق جامد: اكيد هتتحرك

فرحة بخوف: طب يلا ننزل

ياسين: ننزل ايه

فرحة بخوف: ايوا ننزل انا مش عايزة

ياسين قاطعها وهو بيقبلها قبلة مليانة حنية وحب وفرحة كانت بتحس بحاجات لاول مرة تحسها

والطيارة اتحركت وصعدت

ياسين بحنية: لسه خايفة

فرحة بخجل شديد وخدود حمرة: هى طلعت صح

ياسين بابتسامة: اه

فرحة: هتقع؟

ياسين: حبيبتى مش هتقع مش فاهم انا ايه الأفكار دى

فرحة انبسطت لانه قالها حبيبتى ومكنتش عارفه السبب ايه

فرحة: امم

ياسين قاعدها فى حضنه

فرحة بتوتر: انت بتعمل ايه

ياسين بخبث: عشان لو وقعت ولا حاجة

فرحة بخوف وهى بتمسك فيه: يلهوى اكيد مش هتقعي

ياسين بخبث: خليكى كدا بس

فرحة بخجل وهى بتدفن راسها فى حضنه: ماشى

ياسين فى نفسه: ااه لو تعرفى بتعملى ايه فى قلبى بقربك دا يا رب ارزقنى حبها يا رب

عند نجمة

نجمة: الو يا مريم الحقينى

مريم: عملتى ايه

نجمة: ابيه قالى انو هو بيحبنى

مريم بفرحة: بجد يبنى عليا مش قولتلك وانتى قولتيله ايه اكيد قولتيله بحبك

نجمة: لا

مريم: اومال قولتيلي ايه

نجمة: قولتلته انا هنام

مريم بعصبية: يبنتى انتى عايزة تموتيني مقولتيليوش انك بتحبيه ليه

نجمة بعياط: اتوترت اوى ومكنتش عارفه اقوله ايه

مريم: طب اهدى خلاص كل حاجة هتتصلح

نجمة بعياط: هتتصلح ازاى هو اصلا زعل منى ونزل

مريم: معاه حق الصراحة

نجمة بعياط: اعمل ايه انا دلوقتى

مريم: رني عليه وقوليله انك عايزاه وقوليله بحبك

نجمة: ما هو انا مش هعرف

مريم: لا هتتصرفى وهتعرفى حاولى بس

نجمة بعياط: ماشى هحاول

مريم: طب اهدى طيب

نجمة: ماشى يلا سلام

فهد دخل ولاقى نجمة بتعيط

فهد بخوف وهو بيحضنها: مالك يا عمرى

نجمة بشهقات وهى بتمسك فيه: هو هو انت زعلان منى

فهد: لا مش زعلان انتى بتعيطى عشان كدا اهدى والله انا مش زعلان عشان انا مش بعرف ازعل منك اصلان

نجمة: فهد

فهد باستغراب لانها اول مرة تناديه بأسمه مش يا ابيه: عيونه

نجمة: انا كمان بحبك

فهد بفرحة: بجد

نجمة: ايوا متزعلش منى

فهد بفرحة شديدة و وسامة نجمة تاهت فيهم: مش زعلان والله ما زعلان

وبعد كدا مسحلها دموعها وباسها من خدودها ومن شفايفها ونجمة كانت تايهة فى حبه وحنيته وبعدها دفن راسه فى رقبتها وذهبوا معا الى عالمهم الخاص

عند نادية

محمد كان فى الحمام

نادية وهى بتمسك تلفيونه: ماشى يا محمد انا هعرف مين دى

نادية بصدمة: ...................

نادية بصدمة: وكمان ماسح آخر مكالمة يبقى أكيد فيه حاجة. وأنا هخليني وراك لحد أما أعرف.

محمد وقتها خرج من الحمام وهي حطت الفون بسرعة مكانه قبل ما يشوفه.

محمد: تصبحي على خير.

نادية بضيق: وأنت من أهله.

عند ياسين وفرحة.

وصلوا لندن في الأوتيل.

ياسين: فيه جناح محجوز باسم ياسين العايدي.

الموظف: تمام يا فندم. دا مفتاح الجناح. اتفضل.

ياسين وهو بيبص لفرحة اللي كانت واقفة بتبص على الفندق بأنبهار: يلا يا فرحة.

مفيش رد.

ياسين بصوت عالي نسبياً: فرحة.

فرحة: نعم.

ياسين: بنادي عليكي مش بتردي. يلا نطلع.

فرحة: الفندق دا جميل أوي.

ياسين: كل حاجة في لندن جميلة.

فرحة: أنا متحمسة أشوفها أوي.

ياسين: طب يلا نطلع.

فرحة: أوكي.

طلعوا الجناح وكان متزين بالورود والشموع. لأن طبعاً جدهم كان حاجز جناح شهر عسل. أول ما دخلوا ياسين بص لفرحة.

فرحة بخجل: حلو أوي.

ياسين: دا جناح شهر عسل.

فرحة بخجل شديد: أيوا واخدة بالي.

ياسين وهو بيقرب منها وهمس في ودنها: طب إيه.

فرحة بتوتر وخجل: إيه.

ياسين قرب وباسها. وفرحة كانت مستسلمة جداً وكان قلبها بيدق بسرعة.

ياسين بحنية وهو دا’فن رأسه في رقبتها: ما تيجي نحاول.

فرحة: بس يا ياسين.

ياسين بحنية: طب إنتي بتضايقي لما بقرب كدا.

فرحة بخجل: لا ببقى مبسوطة أوي. أنا حاسة إن قلبي هيطلع من مكانه أصلاً. بس والله ما عارفة السبب.

ياسين: محتاجة وقت.

فرحة: يا ريت.

ياسين: أوكي. يلا ننام.

فرحة: زعلت.

ياسين: لا خالص. أنا مبسوط أوي لأنك قلبك بدأ يحن.

فرحة: تمام.

ياسين: طب ممكن أطلب منك طلب.

فرحة: اتفضلي.

ياسين: ممكن تنامي في حضني لو سمحتي.

فرحة بخجل: ماشي.

ياسين أخدها ونايمها في حضنه.

فرحة: ياسين هو أنا بالنسبالك إيه.

ياسين: لسه لحد دلوقتي مش عارفة.

فرحة: مش عارفة.

ياسين وقتها باسها: أنا بعشقك من أول ما اتولدت. كنت أول واحد أشيلك بين إيديا. ومن ساعتها وأنا مش شايفك غير حبيبتي.

فرحة بابتسامة وخجل وهي بتد’فن راسها في رقبته: أنت تستاهل واحدة أحسن مني يا ياسين.

ياسين: بس قلب ياسين عمره ما كان ولا هيكون غير لفرحة وبس. يلا نامي بقى.

فرحة: تصبحي على خير.

ياسين: وأنتي من أهله يا روحي.

عند نجمة وفهد.

نجمة كانت نايمة في حضن فهد.

نجمة: فهد.

فهد وهو بيبوس راسها: عيونه.

نجمة: أنت مش واخد بالك من حاجة.

فهد: حاجة إيه.

نجمة: أبيه عز وياسمين.

فهد بابتسامة: لا واخد. والعيلة كلها واخدة بالها. مش أنا بس.

نجمة: يعني هو اتكلم معاك في الموضوع.

فهد: أكيد لا. لأني أخوه.

نجمة: طب هو ليه مش بيتكلم.

فهد: لأن ياسمين رافضة موضوع الجواز دلوقتي. أما تخلص الأول.

نجمة: بس والله حرام اللي بيحصل دا. يعني هو باين عليه بيحبها أوي.

فهد: لازم ميستسلمش ويفضل وراها. وهو مبيعملش كدا.

نجمة: طب هنعمل إيه.

فهد: ما تخلينا فينا. أنتِ عارفة أنا مبسوط أوي. مش قادر أستوعب اللي حصل لحد دلوقتي.

نجمة بخجل وهي بتد’فن راسها في حضنه: بس بقى.

فهد وهو بيقلدها: بس بقى. بس اتطورتي ومبقتيش تقولي يا أ بيه وبنقول يا فهد عاد.

نجمة: أرجع أقول أ بيه تاني يعني ولا إيه.

فهد: لا أبوس إيديكي. دا أنا ما صدقت.

نجمة: طب تصبحي على خير بقى.

فهد: وأنتي من أهله يا حبيبي.

في الصباح.

فهد وهو بيبوس خدها: يلا يا حبيبتي اصحي عشان المدرسة.

نجمة وهي بتهز بأيدها: هش.

فهد بابتسامة: هش إيه. قومي يا بنتي.

نجمة: مش هروح النهارده.

فهد: يلا يا روحي عشان متتأخريش.

نجمة: يواه بقى. حاضر.

وقامت لبست. وراحوا المدرسة.

في عربية فهد قدام المدرسة.

فهد: شدي الخمار شوية مرفوع.

نجمة: كدا على آخره.

فهد: ابقي البسي واحد طويل.

نجمة: ما هو طويل أهو.

فهد بص لها بعصبية.

نجمة: حاضر. يلا سلام بقى.

فهد رفع لها النقاب وباسها: سلام يا عمري. ونزلها تاني.

في البريك.

مريم: هاا عملتي إيه.

نجمة بخجل: قولتهاله بحب.

مريم: برڤوا عليكي. وبعدين.

نجمة بخجل شديد: و و و.

مريم: خلاص. إنتي هتوقفي. فهمت.

مريم: صحيح يا نجمة هو مين أدهم دا.

نجمة: ابن عمي.

نجمة بخبث: بس مرتبط.

مريم بزعل: خاطب يعني.

نجمة: أنتي هتعيطي ولا إيه. اللي أعرفه إنه مش مرتبط. أنا بس بهزر. بتحبيه لدرجة دي.

مريم: مش عارفة. بس حسيت بحاجات غريبة أوي. فكك.

نجمة: ربنا يجعله من نصيبك. وتيجي تعيشي معانا في البيت يا رب.

مريم: أنتي خلاص جوزتهولي. فكك يا نجمة. مش عايزة أحطه في دماغي. هو فين وأنا فين. أصلاً.

نجمة: مفيش حاجة كبيرة على ربنا. وبعدين متقوليش كدا. هو يطول أصلاً.

مريم: أنتي بتقولي كدا عشان أنتي صاحبتي بس. دا من عيلة العايدي. فاهمة يعني إيه. يعني أكبر عيلة في الصعيد كله.

نجمة: وأنتي يا مريم اللي مفيش أجدع وأطيب من قلبها. طب والله هو الكسبان.

مريم وهي بتحضنها: حبيبتي يا نجمة. ربنا يديمك ليا.

عند فرحة وياسين.

كانوا واقفين تحت في ريسبشن الأوتيل.

ياسين وهو بيمسك أيدها: يلا.

وفجأة جت واحدة وحضنت ياسين.

تالين: ياسين ازيك، وحشتني قوي.

ياسين وهو بيبص على فرحة: الله يسلمك، انتي عاملة إيه؟

فرحة بغيرة وضيق: مش تعرفنا يا ياسين.

ياسين: تالين صاحبتي من أيام الجامعة، هنا في لندن بس هي من أصل مصري وعايشة هنا في لندن.

وكان لسه هيعرف فرحة.

فرحة: لا، سيبلي أنا الطلعة دي.

وسلمت عليها: أنا فرحة مرات ياسين.

تالين بزعل: إيه ده، انت اتجوزت؟

فرحة بغيرة: أه يا حبيبتي اتجوزت، ومسكت إيد ياسين، حتى دبلتي أهي لو مش مصدقة.

تالين: معقول يا ياسين تتجوز من غير ما تعزمني؟ دا إحنا حتى اللي ما بينا كان أكبر بكتير من صداقة.

فرحة: والله، وإيه اللي كان ما بينكوا بقى؟

ياسين: والله كنا صحاب.

تالين: آه، طب عن إذنكوا بقى، عندي مشوار مهم.

ومشيت.

ياسين: طب إيه الوش ده، والله كنا صحاب.

فرحة بعصبية: وإنتي أول حب ليا، يا فرحة، وقلب ياسين عمره ما كان ولا هيكون غير لفرحة وبس، وحضرة الظابط طلع بيظبط مع بنات.

ياسين بعصبية: فرحة، الزمي حدودك وإنتي بتتكلمي معايا.

فرحة بدموع: وكمان بتتعصب عليا؟ طلقني.

وسابته ومشيت، وهو طلع وراها.

عند نجمة ومريم.

أدهم كان واقف مستني نجمة.

أدهم: فهد هيتأخر في الشركة، فقال لي أوصلك.

نجمة: تمام.

مريم: طب سلام أنا بقى.

أدهم: آنسة مريم.

مريم: نعم.

أدهم: إحنا ممكن نوصلكم.

مريم: ملوش لزوم، أنا متعودة أروح لوحدي.

أدهم: ودي تيجي برضه، تعالي وإنتي كده كده في طريقنا.

نجمة: أيوا يا مريم، يلا تعالي.

مريم: تمام.

نجمة: بصي، إنتي اركبي قدام، وأنا هركن ورا.

وكملت بصوت منخفض: فهد لو عرف إني ركبت جنب أدهم هيطلع عيني، معلش بقى.

مريم: بدبسينى يعني؟ ماشى.

مريم كانت حاطة إيدها، وأدهم جت إيده على إيدها بالغلط.

أدهم: معلش، أنا آسف.

مريم بخجل: ولا يهمك.

نجمة: عيني يا عيني.

وقتها أدهم ومريم اتحرجوا.

عند ياسين وفرحة.

ياسين: حبيبتي اهدى، والله ما كان فيه ما بينا حاجة.

فرحة بدموع: قولتلك طلقني.

ياسين وهو بيدفن راسه في رقبتها: وأهون عليكي تسبيني؟

فرحة: روح لحبيبتك وملكش دعوة بيا.

ياسين: طب ما أنا مع حبيبتي أهو.

فرحة: متفكرش إنك هتضحك عليا بشوية الكلام دول.

ياسين: والله ما بضحك عليكي، أنا عمري ما حبيت ولا هحب غيرك.

فرحة: بجد يا ياسين؟

ياسين وهو بيقرب من شفايفها: بجد يا عيون ياسين.

فرحة وقتها حاوطت بإيدها على رقبته: هو أنا إيه اللي بيحصلي ده؟

ياسين قرب منها جامد وباسها، وفرحة اتجاوبت معاه، وبعد كدا دفن راسه في رقبتها.

فرحة: ياسين.

ياسين: امم.

فرحة: مش هنخرج؟

ياسين: ماشي، يلا.

عند مريم.

مريم: شكرًا يا أستاذ أدهم.

أدهم: الشكر لله.

وفضلوا هما الاتنين تاهين في بعض.

نجمة: احم.

مريم: يلا سلام.

نجمة: سلام.

أدهم: هو إنتوا متصاحبين بقالكوا كتير؟

نجمة: من أول يوم ليا في المدرسة هنا، بس هي بنت طيبة قوي وجدعة.

أدهم بتوهان: فعلًا باين عليها.

نجمة: طب إيه؟

أدهم: إيه؟

نجمة: لا، ولا حاجة.

في القصر.

عز: ياسمين.

ياسمين: نعم يا بيه.

عز: عملتي إيه النهارده؟

ياسمين: الحمد لله، أهو حليت وربنا يستر بقى.

عز: خير بإذن الله.

ياسمين: إن شاء الله، شكراً.

عز: على إيه؟

ياسمين: على اهتمامك، يلا عن إذنك.

عز بتوهان: اتفضلي.

يوسف: ما تقولها وتريح نفسك بقى.

عز: مش عارف خالص.

يوسف: طب خليك كدا بقى لحد ما تروح من إيدك.

عز بخوف: تفتكر؟

يوسف: أكيد.

نور وقتها دخلت، ونجمة وأدهم.

نجمة: بيه عز.

عز: نعم.

نجمة: هي ياسمين جت؟

عز: آه، فوق في أوضتها.

نجمة: أوكي، تعالي يا نور نطلعلها ونقعد مع بعض شوية.

نور: أوكي، يلا.

في أوضة ياسمين.

ياسمين: مين؟

نجمة ونور: إحنا.

ياسمين: ادخلوا.

نجمة: ها، عملتي إيه؟ طمنيني.

ياسمين: الحمد لله.

نور: مالك سرحانة في إيه؟

ياسمين: بيه عز دا غريب قوي.

نجمة: غريب إزاي؟

ياسمين: تحسوا إنه مهتم بيا أنا بالذات بطريقة أوڤر شوية.

نور: عشان بيحبك، مش محتاجة تفكري.

ياسمين بصت لنجمة.

نجمة: وأنا كمان رأيي كدا.

ياسمين: أوقات كتير بحس كدا برضه، بس.

نجمة: بس إيه؟

ياسمين: بس هو ليه مقاليش.

نور: عشان إنتي طول الوقت بتقولي إنك مش عايزة تتجوزي دلوقتي.

نجمة: ياسمين، هو إنتي بتحبيه؟

ياسمين: مش عارفة، بس ساعات بحس إني بحبه.

نور بابتسامة: طب كويس.

في الأسفل.

فهد كان رجع من الشركة، ونجمة كانت وحشة جدا.

فهد: أدهم، جبت نجمة؟

نجمة: أيوا، هي فوق في أوضة ياسمين.

فهد: تمام.

نجمة وهي بتنزل النقاب: ادخل.

فهد: عايزك.

نجمة: شوية كدا وجاية.

فهد وهو بيمسكها بحنية: عايزك دلوقتي.

نجمة: ماشي، هبقى أجيلكوا تاني.

في أوضة فهد ونجمة.

فهد قرب منها: وحشتيني قوي.

نجمة: وإنت كمان.

فهد قرب عليها وباسها.

نجمة: مش هننزل نتغدى؟

فهد بحنية: مش جعان.

وبعد كدا باسها من رقبتها وشالها وذهبوا معا إلى عالمهم الخاص.

في المساء عند ياسين وفرحة.

فرحة: بجد بقى، لندن دي طلعت حلوة قوي.

ياسين وهو بيقرب منها وفكك لها الطرحة وباس رقبتها: مش أحلى منك.

فرحة بتوتر: آه، يلا ننام بقى عشان أنا تعبت جامد من اللفة.

ياسين: ماشي.

واخدها في حضنه وناموا.

في الصباح.

فرحة صحيت على مسدج مبعوتلها على الماسنجر.

فرحة بصدمة شديدة: ………….

فرحة بصدمة شديدة: إيه ده ياسين وقتها صحى.

ياسين: صباح الخير يا حبيبي.

مفيش رد.

ياسين: فرحة فرحة فيه إيه؟ انتي كويسة؟

فرحة بدموع وهي بتديله الفون: ممكن تفهمني.

ياسين: مين اللي بعتلك الصور دي؟

فرحة بعصبية: هو ده كل اللي همك؟ ياسين أنت واحد كذاب. ولو سمحت طلقني بقى. أنا خلاص مبقتش عايزة أعيش معاك.

ياسين بهدوء وهو بيمسك إيدها: طب ممكن تسمعيني.

فرحة بعصبية: ابعد عني. مش عايزة أسمع منك حاجة.

ياسين: طب يلا قومي البسي.

فرحة بعصبية: أنت إيه البرود ده؟ بقولك طلقني.

ياسين: طب يلا. أنا هثبتلك إن الصور دي كلها فيك.

فرحة: مش عايزة أروح في حتة. وأنا أصلاً مش مصدقاك. وطلقني بقى.

ياسين بعصبية: يوه بقى! أنا تعبت. كل شوية طلقني. صح؟ ما أنت معاكي حق. أنت عمرك ما حبيتينى عشان كده مش فارق بالنسبالك نبقى مع بعض ولا لأ. أوك يا فرحة. هطلقك. بس هثبتلك إني مش أنا الشخص ده وإن الصور متفبركة.

عند نجمة وهدفهد.

فهد: صباح الخير يا حبيبي.

نجمة بخوف: صباح النور.

فهد وهو بيمسك أيدها: مالك؟

نجمة وهي بتحضنه وبتعيط: أنا خايفة أوي.

فهد: ليه يا حبيبتي؟

نجمة بعياط: أول يوم في امتحاناتي بكرة. أنا مش عايزة أروح ومش عايزة أدخل الكلية.

فهد وهو بيطبطب عليها: طب اهدى. أنا مش هروح الشغل النهارده وهنقعد نراجع مع بعض مادة بكرة. أوك.

نجمة بشهقات: ماشي.

فهد: طب اهدى بقى. يلا أنا هقولهم يجيبوا الفطار هنا الأوضة.

نجمة وهي بتمسح دموعها: ماشي.

عند ياسين وفرحة.

ياسين أخدها عند واحد صاحبه فوتوجرافر. وأثبتلها إن الصور متركبة.

فرحة: ياسين.

ياسين: عايزة إيه؟

فرحة بدموع: أنا آسفة.

ياسين بضعف قدام دموعها: بتعيطي ليه طيب؟

فرحة بعياط وهي بتحضنه: عشان أنت زعلان مني.

ياسين: خلاص مش زعلان. متعيطيش بقى.

فرحة: بجد؟

ياسين: أيوا. يلا تعالي نفطر.

فرحة بابتسامة: ماشي.

في جامعة سوهاج قدام كلية الطب.

نور: متشكرين يا عم يوسف على التوصيلة.

يوسف: إيه يا بت الاحترام ده؟ مش متعود عليكي كده.

نور: هموت وأعرف أنت إزاي معيد هنا.

يوسف: يبنتي أنا مجتهد من يومي.

نور: ماشي يا سيدي. هتروحني ولا إيه؟

يوسف: أنا هراقب عليكوا النهارده. يعني تقريباً هنخلص مع بعض. فا تمام. هروحك.

نور: إيه يا عم أنت؟ هتحكيلي قصة حياتك؟ قول لي هروحك وخلاص.

يوسف: تصدقي أنا غلطان. امشي يا نور.

نور: يلا سلام.

جميلة بخوف: اتأخرتي كده ليه؟ الامتحان هيبدأ.

نور: يبنتي أنت ديما متوترة كده. لسه فاضل ربع ساعة.

جميلة: طب يللا ندخل اللجنة.

عمر: انتي يا دكتورة اقعدي هنا. وانتي اقعدي الناحية التانية.

نور: طب معلش يا دكتور ممكن أنا وهي نقعد في نفس البينش؟

عمر بقرف: ليه؟ عشان تغشوا براحتكوا؟

نور بعصبية: هو إيه البصة دي؟ هو أنت شفتنا بنغش مثلاً؟

عمر: اطلعى انت محرومة من الامتحان. أما تعرفي تحترمي الدكتور بتاعك ابقي تعالي امتحني.

جميلة بدموع: خلاص يا دكتور. إحنا آسفين.

نور: بتعيطي ليه أنت كمان؟ ما يقدرش يطلعني من الامتحان أصلاً.

عمر: والله! وإيه بقى إن شاء الله؟

وقتها يوسف دخل.

يوسف: إيه يا جماعة فيه إيه؟

عمر: مش عارف. أنا شايفها نفسها على إيه دي.

نور: والله الكلام ده المفروض يتقالك أنت مش يتقالي أنا.

جميلة بعياط: خلاص يجماعة. هي بس مش عايزة تسيبني لوحدي يا دكتور لأن بتوتر جدا من الامتحانات.

يوسف كان وقتها أول مرة ياخد باله من جميلة.

يوسف بتوهان فيها: خلاص يا دكتور عمر. عندي أنا المرة دي. سابهم يقعدوا في نفس البينش. ولو حصل أي حاجة أنا اللي هتصرف.

عمر بضيق وهو بيبص لنور: تمام.

نور وهي بتمسك إيد جميلة: اهدى ومتوتريش.

جميلة وهي بتمسح دموعها: ماشي.

يوسف في نفسه وهو مركز على جميلة: يلهوي. هو فيه قمر كدا.

عند ياسين وفرحة.

فرحة: هتعمل إيه مع تالي؟

ياسين: هعرفها إزاي تلعب مع ياسين العايدي بس بطريقتي.

فرحة: هتعمل إيه يعني؟

ياسين: سيبك منها وخلينا في نفسنا.

فرحة بخجل: اممم.

ياسين بغمزة: مكنتش أعرف إنك بتغيري عليا أوي كده.

فرحة بخجل: هو هو يعني.

ياسين: خلاص مش محتاجة التوتر ده كله. بعشقك.

فرحة: وأنا كمان.

ياسين: وانتي كمان إيه؟

فرحة بتوتر: يلا ناكل.

ياسين: وانتي كمان إيه يا فرحة؟ قولي أنا سامعك.

فرحة: وأنا كمان بحبك.

ياسين: قولي والله.

فرحة: والله.

ياسين قام وشالها ودوخها في وسط المطعم كله. وكان مبسوط جداً. وكل اللي في المطعم سقفولهم.

فرحة بخجل: ياسين نزلني.

ياسين وهو بينزلها: والله ما قادر أصدق. أنا بحلم طيب؟

فرحة بابتسامة: لا.

ياسين: طب يلا.

فرحة بخجل: ماشي.

عند نجمة وفهد.

فهد وهو بيأكلها: يلا يا عمري.

نجمة: كفاية مش قادرة آكل تاني. مليش نفس أصلاً.

فهد: يحبيبي كلي عشان تقدري تذاكري.

نجمة: يوه بقى. حاضر.

عند جميلة.

كانت قاعدة بتحب وعطشت. وكانت بتشرب مياه.

يوسف: كارنيهاك يا دكتورة.

جميلة وقتها اتوترت ووقعت المياه عليه.

جميلة بخوف ودموع: يلهوي أنا آسفة جداً ما كنتش أقصد والله.

يوسف: ولا يهمك، ما حصلش حاجة. ممكن أشوف الكارنيه؟

جميلة: آه اتفضل.

على الناحية التانية من البنش.

عمر بضيق: كارنيه يا دكتورة.

نور ما كانتش مركزة، وكنت بتبص على جميلة.

عمر بصوت عالٍ: أنتِ يا دكتورة.

نور: نعم.

عمر: نعم الله عليكي. بقولك كارنيه، وأنتِ مش معايا خالص.

نور: ممكن تتكلم بأسلوب أحسن من كده.

عمر ببرود: والله، طب لو سمحتي يعني لو تتكرمي توريني الكارنيه بتاعك.

نور بضيق: حاضر.

نور وهي بتدور عليه: يلهوي شكلي نسيته.

عمر بعصبية: نعم يا أختي. أنا برضه شاكك وبقول واحدة بالأسلوب دا استحالة تكون دكتورة.

يوسف: فيه إيه؟

نور: الحقني يا يوسف، بيقول إني مش معاكوا في الكلية. يعني هو لو أنا مش معاكوا إيه اللي هيدخلني أصلاً. دا حتى بيقولوا ابعد عن الطب وغني له.

عمر بعصبية: لا دي جاية تهزر هنا.

يوسف: هي فعلاً في الكلية هنا يا دكتور عمر، حتى شوف في الكشف اللي معاك هتلاقي اسمها.

نور: أيوه والله، نور سمير العايدي.

جميلة بدموع: والله يا دكتور معانا هنا.

يوسف: أنتِ بتعيطي ليه دلوقتي أنتِ كمان، خليكي في ورقتك. كله هيتحل وكل واحد يخليه في ورقته وكمل. وهو بيبص على نور: معاكي بطاقتك؟

نور: آآه.

يوسف: هاتيها. أهو يا دكتور عمر نفس الاسم، فضوا الموضوع دا بقى عشان وقت امتحانه.

عمر بضيق وهو بيبص لنور: أصبحت بوش مين أنا انهاردة.

نور: ابعد بقى خليني أعرف أحل.

يوسف بعصبية: نور.

عند نجمة وفهد.

نجمة: فهد.

فهد: عيونه.

نجمة: هو إحنا ممكن نجيب مريم تذاكر معايا لو سمحت ونقعد تحت في الجنينة، أنا اتخنقت من القعدة هنا.

فهد: تمام يا حبيبي، رني عليها وخليها تيجي.

نجمة وهي بتبوسه من خده: شكراً.

عند ياسين وفرحة.

ياسين بحب: بقيتي مدام ياسين فعلياً.

فرحة بخجل وهي بتدفن راسها في صدره: بس بقى.

ياسين بابتسامة وهو بيبوس إيدها: طب والله العظيم بعشقك.

فرحة: وأنا كمان. أنا بجد مش عارفة عقلي كان فين وأنا قدامي الحب دا كله ومكنتش واخدة بالي منه.

ياسين بزعل: ممكن بلاش نتكلم في الموضوع دا تاني.

فرحة: أنا آسفة.

ياسين: متعتذريش يا عمري.

عند نجمة ومريم.

مريم: أوماال جوزك فين؟

نجمة: فوق ونازل أهو.

أدهم وقتها دخل.

أدهم: إيه دا مريم عندنا، ازيك عاملة إيه؟

مريم: الحمد لله.

أدهم: امتحاناتكوا هتبدأ من بكرة صح؟

نجمة: آه، دعواتك بقى.

أدهم: خير بإذن الله، ما تتوتروش بس أهم حاجة.

فهد وقتها نزل.

فهد وهو بيمسك الكتاب: يلا.

أدهم بضحك: أجمل مستر دا ولا إيه.

فهد: بس يااض.

أدهم: طب تسمحولى أقعد معاكوا، نفسي أشوف فهد وهو بيشرح أوي.

فهد: يلا، كل واحدة تقول هي عايزة إيه في المادة وأنا هشرحهالها.

نجمة: وحياتك يا فهودتي، إحنا عايزين المادة كلها.

أدهم بضحك: فهودتي.

فهد وهو بيبص لنجمة وبيهمس: اتلمي بدل ما إنتي عارفة أنا هعمل إيه.

نجمة: هو أنا قولت حاجة.

عند عمر ويوسف.

عمر: هي قريبتك؟

يوسف: بنت عمي.

عمر: أنا آسف، بس هي الصراحة لا تُطاق.

يوسف: والله نور طيبة، بس هي مبتحبش حد يجي عليها مش أكتر.

نور كانت هتسلم الورقة، وعدت عمر وادتها ليوسف.

نور: اتفضل يا دكتور.

عمر بعصبية: وأنا شايف قدامك، أنا ولا إيه.

يوسف وهو بيلطف الجو: خلاص يا دكتور، أنا ولا انت واحد.

جميلة: اتفضل يا دكتور.

يوسف: تمام.

جميلة: أنا آسفة والله على المياه، هي نشفت أهي.

يوسف: ولا يهمك.

نور: يلا يا جميلة.

عمر بصوت منخفض: لسانك أطول منك.

نور: أنا هستناك بقى على ما تخلص.

يوسف: تمام، هرن عليكي أول ما أخلص.

نور: أوكي.

جميلة: أنا كنت خايفة أوي أحسن يطلعك من الامتحان.

نور: يبنتي ميقدرش، دا أنا كنت أروح اشتكيه.

جميلة: الحمد لله ربنا ستر.

نور: هتستني معايا ولا هتمشي؟

جميلة برقة: لا، هستنى معاكي. هو إنتي فين عربيتك؟

نور: بتتصلح، فجيت مع يوسف ابن عمي.

جميلة: اللي كان بيراقب علينا.

يوسف وهو بينزل لمستواها وهي قاعدة: آآه، أنا اللي كنت براقب عليكوا جوا.

جميلة بتوتر: والله ما اتكلمنا على حضرتك بأسلوب مش كويس.

يوسف بابتسامة: هو أنا قولتلك حاجة؟ يبنتي أنتي خايفة كدا ليه؟

وفضلوا هم الاتنين باصين لبعض.

نور: احم، نحن هنا.

جميلة بخجل: أنا همشي أنا بقى.

يوسف: استني نوصلك.

جميلة: شكراً يا دكتور، معايا عربيتي، عن إذنك.

يوسف بتوهان: اتفضلي.

نور: يوسف.

مفيش رد.

نور بصوت عالي: يا عم أنت.

يوسف: ها؟

نور: ها إيه؟ يلا مش هتروحني؟

يوسف: ماشي، يلا.

في عربية يوسف.

يوسف: احم، هي جميلة صاحبتك ليه ديماً متوترة كدا؟

نور: فكك من جميلة يا يوسف، جميلة مش من النوع اللي بتتعرف عليه.

يوسف: أنتي ليه ديماً بتفكري فيا غلط كدا؟ أنا قصدي شريف.

نور: احلف.

يوسف: والله مش عارف عملت فيا إيه بجد، أول ما شفتها، أنتي عارفة إني مش شايف غير صورتها دلوقتي.

نور: هو أنت يوسف اللي إحنا نعرفه بجد؟

يوسف: والله يبنتي، أنا نفسي مش مصدق نفسي.

نور: طب ناوي تعمل إيه؟

يوسف: هفاتحها في موضوع الجواز.

نور: أشطا، وأنا هساعدك.

يوسف: والله أنتي بت جدعة، طمر فيكي اللي عملته عشانك إنهاردة.

نور: متفكرنيش، صاحبك دا لا يطاق.

يوسف: غريبة، أنتوا الاتنين بتقولوا نفس الكلام.

نور بعصبية: نفس الكلام إزاي؟ هو قال عليا إني مطقش؟

يوسف: هو أنا لبخت ولا إيه؟ بقولك فكك، متفكريش فيه.

نور بغرور: وأنا أفكر فيه ليه أصلاً؟

في الڤيلا.

فهد: فهمتوا كدا؟

نجمة ومريم: أيوا، برڤوا.

مريم كانت بتشرب مياه.

أدهم وهو بيبص لمريم: تتجوزيني؟

مريم وقتها شرقت ووقعت المياه عليهم.

مريم بصدمة: بتكلمني أنا؟

أدهم: آآآه، أنتي.

نجمة: طب يلا أنا وأنت بقى يا فهد.

فهد: يلا.

فهد وهو بيحط إيده على أدهم وهو ماشي: لا، شبح.

أدهم: ها؟ مقولتليش رأيك؟

مريم بفرحة: طب إزاي؟

أدهم: عادي، هروح أتقدم لبابكي وهطلب إيدك.

مريم وهي لسه مصدومة: هو أنا فين؟ طب أنا بحلم؟ وأنت أدهم ولا إيه؟

أدهم: أحلى أدهم أسمعها في حياتي.

مريم: لا، بالله عليك، أنا لسه مفوقتش من الصدمة الأولى، دا أنا ممكن يغمى عليا هنا.

أدهم بابتسامة ووسامة: أومال لو قولتلك إني بحبك من أول مرة شفتك فيها هتقولي إيه؟

مريم: قول والله العظيم.

أدهم: والله العظيم.

مريم بحب: أنا موافقة.

أدهم: أوك، يبقى تحدديلي معاد مع بابكي.

مريم: تمام.

عند نجمة وفهد.

نجمة وهي بتحضن فهد وبتبص على مريم وأدهم: أنا مبسوطة أوي أوي.

فهد بفرحة لفرحتها دي: ربنا يسعدك ديماً يا روحي.

فهد بغمزة: بقولك إيه؟

نجمة: إيه؟

فهد: ما تيجي نطلع نريح فوق شوية.

نجمة بخجل: بس يا فهد.

وقتها يوسف ونور دخلوا البيت.

في المساء.

فاروق: ادخل.

يوسف: فاضي يا جدي، عايزة أتكلم معاك في موضوع.

فاروق: تعال يا والدي.

يوسف: الصراحة كدا يا جدي، أنا عايز أتـ..

فاروق: ودى مين اللي أمها داعية عليها دي؟

يوسف: كدا يا جدي. على العموم، هي طالبة عندي في الكلية.

فاروق: تمام يا والدي، خد لنا معاد مع أبوها ونروح نكلمهم.

يوسف: تمام.

الباب خبط.

أدهم: جدي عايز أتكلم معاك في موضوع مهم.

فاروق: ها؟

أدهم: أنا عايز أخطب.

فاروق: أنتوا بتقرروا كلكوا مرة واحدة، ودي مين دي بقى؟

أدهم: واحدة صاحبة نجمة.

فاروق: خلاص نخلص موضوع يوسف الأول، وبعد كدا نشوف موضوعك.

أدهم: موضوع يوسف؟

فاروق: أيوا، ما هو يوسف عايز يخطب هو كمان.

أدهم: تمام يا جدي.

عند نجمة وفهد.

فهد وهو بيمسك إيدها: متتوتريش بقى، وكله هيبقى تمام.

نجمة: ربنا يستر.

فهد: يلا ننام.

وأخدها في حضنه وناموا.

في الصباح.

فهد: يلا يا نجمة، يلا يحبيبتي، اصحي.

نجمة بعياط: مش عايزة أروح.

فهد: يحبيبتي مينفعش متروحيش، مش إحنا قولنا بلاش توتر.

نجمة: حاضر، هحاول.

في عربية فهد.

نجمة فضلت تقرأ قرآن وتقول في الأذكار.

وفهد فضل طول الطريق ماسك إيدها.

فهد: يلا وصلنا.

نجمة: لف وارجع تاني.

فهد: يلا يا نجمة، يلا يحبيبتي، الله يهديكي.

نجمة: حاضر.

فهد: أنا هفضل مستني هنا لحد ما تطلعي.

نجمة وهي بتحضنه: ربنا يديمك ليا.

في كلية الطب.

كانوا نور وجميلة خلصوا امتحانات وكانوا قاعدين في الكافتيريا.

نور: أنا هروح الحمام.

جميلة: ماشي.

يوسف: إيه، بقالي نص ساعة بشاورلك عشان تقوم.

نور: يا عم لسه شايفك دلوقتي.

وقتها يوسف راح عند جميلة.

يوسف: إزيك؟

جميلة: الله يسلمك، نور راحت الحمام.

يوسف: أنا مش جاي عشان نور، تسمحيلي أقعد.

جميلة: اتفضلي.

يوسف: كنت عايز أتكلم معاكي في موضوع.

جميلة برقة: اتفضلي.

يوسف: أنا عارف إنها يمكن تكون جت بسرعة، بس والله أنا من ساعة ما شفتك امبارح وأنا مش عارف أبطل تفكير فيكي، صورتك مش راضية تروح من بالي، وشكلي كدا حبيتك.

جميلة بتوتر: ها؟ أنا؟ أنا لازم أمشي.

يوسف وهو بيمسك إيدها وبحب: تتجوزيني؟

جميلة بتوتر: انت بتقول ايه؟

يوسف: تتجوزيني يا جميلة؟ أنا ممكن أكون صدمتك، بس والله أنا صادق في كل كلمة قلتها.

جميلة: أيوه... بس...

يوسف: محتاجة وقت تفكري؟

جميلة: آه.

يوسف: تمام، خدي وقتك، بس يا ريت متتأخريش عليا.

جميلة: تمام.

يوسف: عن إذنك.

جميلة: اتفضل.

نور: البت جميلة شكلها هتوافق، ولا إيه يا... يا؟

عمر: انتي بتكلمي نفسك؟

نور: وانت مالك يا عم انت؟ إن شاء الله حتى أشد في شعري.

عمر بعصبية: يبنتي انتي مالك كدا؟ فيكي إيه؟

نور: مالي يعني؟ شايفة ني ملبوسة قدامك مثلا؟

عمر: اللهم طولك يا روح.

نور: هو انت عايز تتخانق؟ لو كدا نتخانق عادي.

عمر: تصدقي أنا غلطان إني جاي أعتذرلك.

نور: تعتذرلي؟

عمر: آه. عن إذنك.

نور وهي بتمسك إيده: استنى بس.

نور وهي بتستوعب اللي عملته، وهي بتسيب إيده: أنا آسفة.

عمر وهو ضربات قلبه بتزيد: ولا يهمك.

نور: أنا اللي آسفة، أنا برضه اتكلمت معاك بأسلوب مش كويس.

عمر: خلاص، حصل خير. عن إذنك.

نور: اتفضل.

نور: غبية، أنا غبية.

عمر وقتها سمعها وضحك عليها، وكان بيحس بحاجات لأول مرة يحسها.

عند نجمة وفهد.

فهد: هاا، عملتي إيه؟ طمنيني.

نجمة: الحمد لله، كان كويس.

فهد: طب الحمد لله، مش قولتلك مش مستاهلة التوتر.

وطلع بالعربية وروحوا البيت، ولاقوا ياسين وفرحة راجعين.

فهد وهو بيحضن ياسين: وحشتني والله.

ياسين: انت أكتر.

نجمة: حمد لله على سلامتكم.

فرحة: الله يسلمك يا نچومة.

وطلع ياسين وفرحة أوضتهم.

ياسين وهو بيحضن فرحة: بحبك.

فرحة: وأنا كمان.

عند أدهم، رن على مريم.

أدهم: هاا، عملتي إيه؟ طمنيني.

مريم: الحمد لله، كان كويس.

أدهم: طب الحمد لله، هاا، أخدتيلي معاد مع بابكي؟

مريم: قال أما أخلص امتحانات الأول، عشان مش عايز حاجة تشغلني.

أدهم: لسه هستنى، دا كلهم؟

مريم: معلش بقى، شهر واحد بس.

أدهم: ماشي يستي، نستحمل.

عند جميلة، كانت قاعدة بتفكر في ياسين وكلامه.

جمالات (الخدمة): ست جميلة، دكتورة نور تحت وعايزة حضرتك.

جميلة: طلعيها هنا يا دادة.

جميلة: ادخلي.

نور: مبترديش على فونك ليه يختي؟

جميلة: معلش والله، مسمعتوش.

نور: اللي واخد عقلك؟

جميلة: لا، مفيش.

نور: طب فكرتي في موضوع يوسف؟

جميلة: انتي كنتي عارفة؟

نور: الصراحة آه.

جميلة: أنا مش عارفة أعمل إيه.

نور: انتي بتحسي ناحيته بإيه؟

جميلة: هو أنا مرتحاله، بس متوصلش لمرحلة الحب يعني، لأني معرفهوش.

نور: بصي، أنا من رأيي تقبلي، وفيه فترة خطوبة اتعرفوا فيها على بعض براحتكوا.

جميلة: انتي شايفة كدا؟

نور: أنا مش شايفة غير كدا أصلا.

جميلة: تمام.

نور وهي بتحضنها: مبروك يا چوچو.

جميلة بابتسامة: الله يبارك فيكِ.

عند نادية.

*الو؟ أيوة يا هانم. أنا رقبتلك محمد بيه، وهو فعلاً بينزل القاهرة وبيطلع شقة في عمارة، وبيخرج مع واحدة من الشقة دي. أنا صورتهالكم.

نادية: تمام، ابعتي الصور.

نادية بصدمة وهي بتبص على الصور: عفاف.