رواية نجمة القاسي الفصل الثاني والعشرون 22 - بقلم شهد هاني

قاسي: اتفضل يلي علي الباب. صالح: يا قاسي بيه. قاسي: اتفضل يا … صالح: اسمي صالح. قاسي: طب اتفضل، اقعد اعرض عليا صفقتك. صالح: تمام. بدأ صالح في عرض صفقة. قاسي: عجبت جداً بكلامه عن الصفقة وقال: أنا وافقت جداً جداً على الصفقة، بس إن شاء الله نبدأ فيها بعد فرحي عشان هكون مشغول جداً الفترة دي. صالح فرح جداً: قام وحضن قاسي من الفرحة وقال: المهم عندي بس إن حضرتك وافقت والله. قاسي:

ضحك وقال: تستاهل يا بطل. إن شاء الله بقا أنت معزوم على فرحي. صالح: أكيد والله. مبروك مقدماً. ليث: كده الشغل خلص يا ملاك، يلا عشان نروح. ملاك: قامت وقفت ومسكت ضهرها وقالت: آخ ياني، ضهري اتخبط بجد. ليث: ضحك وقال: آه يا فرفورة إنتي. ملاك: فرفورة يا شيخ، اتقي الله، أنا بقالي أكتر من 12 ساعة شغالة. ليث بصدمة: شغالة؟ ده أنا اللي بعلمك شغل، إنتي قاعدة تكتبي وبس. ملاك:

حطت إيدها على بطنها وقالت: وأنا عمالة أقول بطني وجعاني ليه، أثاري باصص ليا في الأكل. أخس عليك، ما كان العشم يا فواز. ليث: بقا دي آخرتها؟ بدل ما تقولي شكراً؟ ماشي يا ستي. ملاك: هو أنا دلوقتي هروح فين؟ شكلي هنام في الشارع مع قطط. ليث: لا يا ملاك، مقدرش تنامي في الشارع. أنا دلوقتي ها تيجي معايا البيت. ملاك: انهار اسوس، عاوزني أجي معاك البيت؟ دي آخرة العيش والملح اللي أكلناهم سوا. ليث:

ضحك وقال: بت انتي مش سالكة. أنا عندي في الفلا فرع منعزل لوحده، نامي فيه انهارده عقبال ما أشوفلك شقة كويسة. ملاك: ريحت قلبي، تسلم يا اسطا. يلا ورايا عشان ما نتأخرش عشان عاوزة أنام. أروح بكرة لنجمة. ليث: ضرب كف على كف وقال: ماشي، الصبر من عندك يارب. أخدها ليث وركبه العربية، وبعد فترة من الوقت وصلوا قدام الفلا. ليث: نزل وفتح باب العربية لملاك وقال: اتفضلي يا ملاك. ملاك: نزلت، أول ما بصت

على الفلا من برا وقالت: إيه الجمدان ده يا بشر. ليث ضحك: الفلا عجبتك بجد؟ ملاك: دخلت معاه، كل ما تمشي في كل ركن من الفلا تنبهر أكتر من كتر الجمال. لحد ما ليث وصل بيها قدام الجناح الخاص اللي هيديها لملاك. ملاك: دخلت وقالت: بجد تحفة، مش عارفة أشكرك إزاي. ليث: مفيش شكر بينا يا ملاك. أسيبك أنا بقا عشان تنامي. ملاك: عجبتني أقسم بالله، الفلا تحفة بجد. تتربى في عزك، قصدي مش عارفة. ليث: طب تعالي معايا عشان أوريكي تنامي فين.

صالح: دخل قال: يا حج، يا حج، الصفقة اتقبلت، يا حج، أنت فين. الكبير: كان بيكلم مع فارس على موضوع خطف ملاك ونجمة. أول ما سمع صوت ابنه قفل معاه وطلع وقال: أهلاً يا حبيبي، عملت إيه؟ صالح: وافق بالصفقة وقال: إن شاء الله هيبدأ فيها بعد فرحه. الكبير فرح: قال: ألف ألف مبروك يا ابني، فرحت والله جداً. صالح بفرح: كمان عزمني على فرحه، بجد إنسان ذوق جداً. الكبير ضحك: وقال: أنت طيب أوي يا صالح يا ابني.

صالح بحب: طالع لك يا حج. أنا بقا هخش أنام عشان أنا صراحة ميت نوم. الكبير ضحك: آه، طلع لي أوي. ماشي، اتفضل يا حبيبي، نام أنت. صالح: تصبح على خير. دخل صالح في أوضته. فتح شنطة سفره، طلع منها صورة لنجمة وهي صغيرة، بيقول: ياهااااااااا، وحشتني أوي أوي يا نجمة، ياترى شكلك اتغير ولا لسه صغيرة. وخد الصورة في حضنه ونام.

قاسي: روح الفلا، كانت الساعة 2 بالليل. دخل غير هدومه براحة من غير ما نجمة تحس عشان ما يقلقش نومها. دخل خد شاور، غير هدومه، خرج. بص على نجمة وراح عندها على السرير، نام جنبها. شال راسها حطها على صدره براحة وقال: أسف بجد يا نجمة على اللي عملته معاكي، بس صدقيني هعوضك عن كل اللي حصل لك. وأنا كنت في سبب، بكرة تعرفي أنا بحبك قد إيه. خدها في حضنه، فضل حضنها بحب كبير لحد ما نام. ملاك: دخلت الجناح، فضلت تستكشف فيه. عجبها أوي،

قالت: ما شاء الله، ربنا يزيده. بجد يستاهل كل خير. فتحت الدولاب وقالت: ياترى هلقي لبس ولا إيه. فتحت الدولاب ولقيت فيه لبس، قالت: هو بيجيب ستات الفلا ولا إيه. المهم، خدت بجامة رقيقة ودخلت الحمام عشان تلبسها. ليث: في الأوضة جوا، مش عارف ينام. عاوزة تكون قريبة منه. بيفكر في حاجة، يروح ليها جناح يشوفها. بس قام وقف وقال: صحيح، دي ما اتعشتش. وقام نزل المطبخ، جاب صينية، حضر عليها أكل خفيف وطالع على الجناح بتاعه.

ملاك: خلصت الشاور بتاعها وطلعت من الحمام. لسه جايه تقعد عشان تنام، الباب خبط. راحت عند الباب فتحت. ليث: هو باصص على الأرض: أنا آسف جداً، نسيت إنك لسه ما أكلتيش. ملاك بحرج: لا عادي، كفاية ذوقك معايا والله يا ليث. ليث: هنا رفع راسه وقال: بجامة جميلة عليكي أوي. دي بتاعت أمي، الله يرحمها. ملاك: ارتاحت إنها بتاعت والدته وقالت: ربنا يرحمها يارب. أنا طبعاً معرفش أقولك اتفضل. ليث: طبعاً، أنا والقمر هيكون أكيد تالتنا الشيطان.

ملاك اتكسفت: أخدت منه الصينية وقالت: يدوبك عليك تنام. تصبح على خير. وقفلت الباب في وشه. ليث: ضحك وقال: كده بتقفلي الباب في وشي؟ والله ما كان العشم. ملاك ضحكت: وقالت: تسلم يا صاحبي على العشا. عدى الليل بطوله على أبطالنا الحلوين. الشمس ضربت على وش نجمة.