رواية نجمة الليل الفصل الثالث 3 - بقلم كيان بشرى

ليل: أنا مش هطلق نجمة يا ماما. سهر بغضب بصت لنجمة وقالت: وأنتي موافقة بكده؟ مش عاوزة ترجعي لجوزك؟ ليل بغضب: هيثم مش جوزها ومافيش حد جوزها غيري. سهر: بس ها يكون جوزها. ليل بغضب أكبر: عمره ما هيكون جوزها. نجمة مراتي أنا وهتفضل مراتي أنا ومحدش يقدر يقرب منها. اتفضلي اقعدي يا سهر هانم علشان أحكي حصل إيه. سهر قعدت بغيظ، وليل خد نجمة وقعدها في حضنه. سهر: احكي.

ليل بدأ يحكي وخلص كلامه: هو ده اللي حصل وأنا مش هطلق نجمة ومش هاوديها ليه. سهر: تمام، شهرين وطلقها. ليل: وأنا قولت مش هطلقها وهي بقت مراتي خلاص. سهر قامت وبصت ليهم بغضب ومشيت. وأول ما خرجت من القصر، نجمة اترمت في حضن ليل وانفجرت من العياط. ليل بحب وحزن عليها: اهدّي اهدّي يا نجمتي، محدش يقدر يقرب منك وأنا مش هسمح لحد يبعدك عني ولا إن حد يقرب منك. نجمة بخوف وعياط: ده...

ده عاوز ياخدني تاني. أنا مش عاوزة أروح ليه يا ليل. خليني معاك علشان خاطر ربنا. ليل بحب: انتي هتفضلي معايا على طول ومحدش يقدر يبعدك عني. ليل طلع نجمة من حضنه ومسح دموعها بحب وقال: دموعك غالية عليا. ياريت ما تنزلش تاني. نجمة هزت راسها بـ "آه" بمعنى حاضر. ليل بص للتيشيرت وبص ليها وقال بمرح: عجبك كده؟ التيشيرت كله ميه من دموعك. ينفع بقى؟ نجمة ضحكت وقالت: تؤتؤ، مش ينفع.

ليل بحب: أيوه كده، خلي ضحكتك الحلوة دي هي اللي تكون منورة وشك. نجمة ابتسمت بكسوف وقلبها كان عمال يدق. ليل قام. نجمة مسكت يده بسرعة وقالت: رايح فين؟ ليل ابتسم وقال: أول مرة تيجي من ورا مصلحة يا هيثم الكلب. نجمة باستغراب: مصلحة إيه؟ ليل: ولا حاجة. نجمة: طب أنت رايح فين؟ ليل: رايح أعمل أكل لينا. نجمة: طب هاجي معاك. ليل بابتسامة: أكيد يا نجمتي، بس الأول اطلع أغير التيشيرت وأجي. نجمة مسكت يده أكتر وقالت: أجي معاك بردوا.

ليل ضحك وقال: طب تعالي يلا. مش عارفة خايفة ليه؟ نجمة: ممكن يدخل ياخدني. ليل: مش هسمح ليه ياخدك. وبعدين هي آه فيلا صغيرة ومش قصر، بس عليها حرس كتير أوي. نجمة ابتسمت وقالت: الفيلا دي أحلى من أي قصر. ليل: الله على الكلام الجامد. نجمة اتكسفت وقالت بغضب علشان مش تبين كسوفها: طب يلا اطلع غير. ليل: يلا. وطلعوا. وليل غير ونزلوا. وليل بدأ يعمل أكل. وبعد ما خلص لقى نجمة نامت على الكرسي. ليل ابتسم على شكلها الطفولي وقرب منها

ونزل قعد على ركبته وقال: نجمتي، اصحي أنا عملت الأكل. نجمة بنوم: لا لا، أنا عاوزة أنام. ليل: طب اصحي كلي أي حاجة. انتي ما أكلتيش من الصبح وتليقي جعانة. نجمة بنوم: أنا فعلاً جعانة. ليل: أهو شوفتي بقى. يلا قوامي. وبدأ يقومها وشالها وقعد على الكرسي وقعدها على رجله وقال: يلا يا ست الجعانة. نجمة حطت راسها على كتفه وقالت بنوم شديد: أنا جعانة نوم مش أكل. سيبني أنام بقى.

ليل ضحك عليها وقال: طيب تعالي ننام أنا وأنتي. بس ما لقاش رد منها لأنها كانت راحت في النوم العميق. ليل شالها وحط الأكل في التلاجة وخدها وطلعوا الأوضة وهو شايلها زي الأطفال وحطها على السرير ونام جنبها وخدها في حضنه كأنها ها تهرب منه. وتاني يوم ليل صحي في ميعاده المعتاد ولقى نجمة نايمة جنبه وماسكة فيه جامد وبتدخل نفسها في حضنه أكتر. ليل ابتسم وبعد عنها براحة وقام دخل الحمام خد شاور وخرج لبس لبس

الشغل وقرب من نجمة وقال: يلا يا نجمتي اصحي علشان تفطري معايا قبل ما أروح الشغل. نجمة فتحت عينيها براحة علشان ضوء الشمس اللي كان داخل من البلكونة وقالت: أنت ها تروح الشغل وتسيبني لوحدي؟ ليل باس راسها وقال: مش ها أتأخر على القمر. أنا بس ها أروح أحضر الاجتماع وأمضي ورق وأجي. ادعي ليا لأن الشركة دي كبيرة وأنتي عارفة إن أنا لسه داخل في المجال والشركة بتاعتي صغيرة. ادعي إن إحنا اللي ناخد المناقصة.

نجمة بحب: يارب تكسب وتاخد المناقصة وتكون أكبر راجل أعمال محترم. ليل ضحك وقال: مافيش رجال أعمال كبار ومحترمين يا نجمتي. انتي اللي بريئة أوي وفاكرة كده. نجمة براءة وطفولة: لا إزاي؟ أمال نمر وفهد ووسيم وزين دول إيه؟ ليل باستغراب: مين دول؟ نجمة بطفولة: أبطال الروايات. نمر بطل رواية طفلة النمر، وفهد بطل رواية انتقام الفهد، ووسيم بطل رواية حورية قلبي، وزين بطل رواية أحببت مجنونتي.

ليل ضحك وقال: لا دول مافيش منهم في الحقيقة. نجمة بعفوية: لا في. أنت. ليل ابتسم ومحبش يكسفها، فقال: دول عندهم قصور وعربيات وحرس كتير وشركات وحاجات كتير. أنا يا دوب الفيلا دي وشركة صغيرة والعربية بتاعتي والحرس اللي على الفيلا. نجمة: كل دول حاجات جميلة. مش بكترهم. المهم إنهم من الحلال. ليل ابتسم ليها وقال: أنا ها أطير أنا بقى. نجمة مسكت يده وقالت: أجي معاك. ليل بص في الساعة ولقى إن فيه وقت، فقال: طب قومي يلا بسرعة.

نجمة قامت بفرحة ودخلت تلبس، بس خرجت تاني. ليل: إيه؟ نجمة: مافيش لبس. ليل ابتسم ودخل جاب دريس معاه الطرحة وخرج وقال: خدي البسي ده. نجمة قربت خدته منه ودخلت لبسته وخرجت بعد وقت وهي بتلف بيه وفرحانة وقالت: الله. ده شكله حلو أوي يا ليل. ليل بحب وابتسامة: علشان انتي اللي لبساه. نجمة اتكسفت. ليل: يلا بقى علشان ها تتأخري. نجمة: يلا. وبعد وقت ليل ونجمة وصلوا ونزلوا. ليل مسك يد نجمة ودخلوا وطلعوا. وليل دخل المكتب ومعاه نجمة.

ليل خد الورق وقال: خليكي هنا يا نجمتي على بال ما الاجتماع يخلص. نجمة راحت قعدت على الكرسي بتاع المكتب وقالت: طيب روح أنت بقى علشان مش تتأخر على الاجتماع. ليل: تحت أمر المديرة. وخرج وهو بيضحكوا. نجمة ضحكت وبدأت تتفرج على المكتب وتفتكر لما ليل قال ليها إنه ها يفتح شركة لوحده. فلاش باك. كانت نجمة قاعدة على النيل وليل قرب منها وقال: نجمتي. نجمة ابتسمت لأنها عارفة إن اللقب ده محدش بيقوله غير ليل.

ليل قرب ووقف قدامها وقال: رحتي فين؟ نجمة بصت ليه وقالت: معاك. ليل: لا، قولي بتفكري في إيه يا خاينة. نجمة ضحكت وقالت: بفكر في اللقب اللي محدش يقدر يقوله غيرك. ليل: طبعاً محدش يقدر يقول اللقب ده غيري لأنك نجمتي أنا بس. نجمة ابتسمت وقالت: يلا يا عم قول الخبر الحلو. ليل: أنا قررت أفتح شركة. نجمة بفرحة: بجد؟ يعني ها تكون لوحدك بعيد عن المدير الرخم بتاعك؟ ليل بضحك: آه. نجمة: ها تاخد فلوس من مامتك؟ ليل: لا، هاخد منك.

نجمة: منين يا حسرة؟ ليل: بت، انتي دلوقتي معاكي كام؟ نجمة: معايا مليون إلا ربع. بس دول مش يعملوا حاجة. ليل: لا، هما حلوين وأنا ها أحاول أستلف 250 ألف جنيه عليهم علشان يكونوا مليون. نجمة: طب ما تستلف منى أنا. ليل: تاني يا نجمة، قولت لأ. نجمة: يعني ها تروح تستلف من الغريب وأنا موجودة؟ ليل: آه، انتي بالذات لأ. نجمة: خلاص، أنت انسى إن كنت محوشة معايا فلوس. ليل: مصلحنجية.

نجمة: آه، يا تاخد الفلوس بتاعتك وعليهم 250 ألف جنيه، يا مش ها تاخد حاجة. ليل: يا نجمتي، دول فلوسك انتي. أنا المفروض أزودهم مش آخد منهم. نجمة: ليل، انت عارف إن من ساعة موت ماما وبابا وأنا مش بصرف. وبعدين بابا سايب ليا فلوس كتير وماما كمان، ومفيهاش حاجة لما أساعد أخويا علشان حلمه يكبر. ليل بحزن: أخوكي آه، طيب يا ستي. بس على شرط. نجمة: إيه؟ ليل: إنك تكوني شريكتي. نجمة: لا، ولما الشركة تكبر أبقى أدفع الفلوس. ليل: تمام.

باك. نجمة فاقت من الذكريات وقالت بحزن: من ساعة ما دخل في حياتنا الحيوان هيثم، حياتنا بقت خرابة. وفجأة دخل هيثم المكتب وقال: طب ليه بتجيبي في سيرتي يا زوجتي المستقبلية؟ نجمة بخوف: هـ هـ هيثم.