رواية نجمة الليل الفصل الثاني 2 - بقلم كيان بشرى

تاني يوم ليل قام مش لقى نجمة في أوضته. نزل يدور عليها ومش لاقيها، راح يشوفها في المطبخ. بس قبل ما يدخل لقى دم كتير على الأرض. انصدم وفضل ماشي ورا الدم لحد ما وصل الحمام ودخل. انصدم لقى نجمة قاعدة على الأرض بتعيط وماسكة إيدها اللي بتنزل دم. ليل جري عليها وقال بقلق: نجمة حبيبتي مالك؟ نجمة بعياط: إيدي يا ليل، إيدي. ليل مسك إيدها وقال: اهدي اهدي، دي سطحية. نجمة بطفولة: بس بتوجعني وبتنزل دم كتير.

ليل بص ليها بحب وقال: معلش. استنى. وقام جاب الإسعافات الأولية وقرب بدأ يطهر الجرح ولفه بالشاش. وقال: إنتي عورتي نفسك إزاي؟ نجمة بكسوف: كنت بعمل فطار عشان جعانة. ليل ضحك على كسوفها وشالها وقال: طب تعالي نعمل فطار سوا. نجمة بكسوف: طب ممكن تنزلني؟ ليل: هنزلك لما نوصل المطبخ. وبعدين مش كفاية قلقي عليكي أول لما شفت الدم، أنا قلبي كان هيقف من القلق عليكي. نجمة: بعد الشر عليكي. ليل قعدها على الترابيزة

اللي في المطبخ وقال: سندريلا تحب تاكل إيه؟ نجمة: أي حاجة. ليل: تؤتؤ، لازم تقولي عشان الطباخ يطبخ لسندريلا. نجمة: طب أساعدك، سندريلا كانت بتعمل الحاجة بنفسها. ليل: لا أنا اللي هعمل، قولي بقى. نجمة: عاوزة شاورما. ليل: تحت أمر مولاتي. نجمة ضحكت عليه. ليل بص عليها بحب ومسك قلبه بدراما وقال: قلبي لا يتحمل هذا الجمال. نجمة ضحكت أكتر بكسوف. ليل: لا اهدّي عليا كده، لا أموت منك ولا حاجة. نجمة: بعد الشر عليكي.

ليل: إيه ده، خايفة عليا؟ نجمة بكسوف: أكيد. ليل ابتسم وبدأ يعمل الأكل. نجمة: صح يا ليل، هو إنت ليه اسمك ليل؟ أصل اسم ليل ده اسم بناتي. ليل وهو مندمج في عمايل الأكل: أصل ماما كانت فاكراني بنت وحلفت إنها هتسمي الطفل اللي في بطنها ليل على أساس إنها بنت. بس اتفاجئت بيا ونفذت الحلفان وسمتني ليل. نجمة بضحك شديد: إيه ده، بجد؟ ليل: آه والله. وبطلي ضحك. نجمة وهي بتحاول تكتم ضحكها: حاضر. وبعد ثواني.

نجمة بضحك: لا بجد مش قادرة، معلش معلش. ليل بص بغيظ وبعدها ضحك على ضحكها. الجرس رن. نجمة: هقوم أفتح. ليل: ماشي، متتأخريش. نجمة قامت فتحت الباب ولقيت بنت قدامها. البنت بمياعة: هو ليل هنا؟ نجمة: حضرتك مين؟ البنت بمياعة: أنا خطيبة ليل. نجمة بصت بصدمة. ليل من المطبخ: مين يا نجمتي؟ نجمة بغيظ وحزن: خطيبتك يا ليل. ليل وهو بيخرج من المطبخ وبينشف إيده: خطيبتي؟ خطيبتي مين؟ أنا مش خاطب، وهخطب إزاي وأنتي مراتي؟

نجمة: مش عارفة، تعالى شوف إنت. ليل قرب ولقى نجمة واقفة متغاظة قدام بنت. ليل بص على البنت وقال: سوزي، إزيك عاملة إيه؟ سوزي قربت منه عشان تسلم عليه وتحضنه. نجمة وقفت قدام ليل وهي اللي حضنته وقالت: إزيك يا حبيبتي. البنت بصت ليها بغضب وليلى بص ليها وهو بيحاول مش يضحك. بنت: إنتي يا بتاعت إنتي، ابعدي من قدامي كده. ليل حضن نجمة من وسطها وقربها منه وقال: عاوزة إيه يا سوزي؟ نجمة فرحت من الحركة دي وبصت لسوزي وطلعت لها لسانها.

سوزي بغيظ: أنا جاية أقعد معاك شوية. نجمة: ليه؟ هو صغير مش بيعرف يقعد لوحده؟ وبعدين أنا قاعدة معاه أهو، ولا إنتي مش شايلاني؟ سوزي: أيوه مش شايلاني. ليل بحب: أنا مش شايف غيرك أصلاً. نجمة: وده المهم، إنك إنت اللي شايفني مش حد تاني. سوزي بغيظ: طب ممكن نتكلم في الشغل؟ وقربت مسكت إيده. نجمة رفعت راسها وبصت لليل بطفولة.

ليل بعد عن سوزي وقال: معلش يا سوزي، مش دلوقتي. زي ما إنتي عارفة إن فرحي كان امبارح وعاوز أقعد مع حبيبتي شوية. سوزي بغيظ: تمام، بعد إذنكم. وخرجت. نجمة رفعت راسها وقالت بطفولة: إنت كنت عاوز تروح معاها؟ ليل نزل لمستواها وقال: أنا مقدرش أسيب القمر وأروح للنجوم. دي حتة مش حصلت، نجمة من النجوم. نجمة بعدت بكسوف وقالت: ليه بتعمل كده معايا؟ بص ليها وهو متفاجئ من السؤال وقال: ليه بتسأليني؟

نجمة: عشان إنت مالكش ذنب إنك تتجوزني وتدمر حياتك، وإنك تسيب شغلك وتقعد معايا النهاردة. إنت حقك تروح معاها عشان تشوف شغلك. ليل: مين اللي قال كده؟ نجمة: أنا وإنت كمان. ليل: أنا عمري ما أقول كده. نجمة: عمرك ما هتقول كده قدامي، بس أكيد بتندم إنك عملت كده. ليل: لا طبعاً، أندم على إيه؟ نجمة: ليه بتعمل كده؟ ليه بتساعدني وأنت مالكش أي ذنب؟

ليل: عشان اللي إنتي فيه ده بسببى أنا. أنا لو مكنتش دخلت حياتك، كان زمانك عايشة حياة سعيدة. نجمة: لا طبعاً، إنت مالكش دعوة. هو اللي واطي وندل وهرب. ليل: بسببى أنا، وكان لازم أعمل كده عشان أنقذك. وحتى لو كلامك صح وأنا ماليش دعوة، عمري ما كنت هقبل إن يحصل فيكي كده. نجمة: ليه؟ ليل: عشان إنتي أختي، وأنا عمري ما هقبل إن أختي يحصل فيها اللي الكلب ده كان عاوز يعملوا. نجمة: بس أنا مش أختك، ومافيش أخ بيتجوز أخته.

ليل وهو بيتوه: تعالي ناكل عشان أنا جعان. نجمة: إحنا هنطلق إمتى يا ليل؟ ليل بص بصدمة حاول يخفيها وقال: مش وقته يا نجمة. نجمة: تمام. ليل: يلا ناكل. نجمة: مش جعانة. ليل وهو بيشدها ناحية المطبخ: مافيش حاجة اسمها مش جعانة. أمال مين اللي هياكل الأكل اللي أنا عملته ده؟ يلا بقى. نجمة ابتسمت وقعدت على الكرسي، وليل حط الأكل وقعد قدامها. ليل: يلا كلي. نجمة: حاضر.

ليل بدأ ياكل وهو باصص عليها وبيفكر. أما نجمة فكانت بتلعب في الأكل بس. وبعد دقايق. نجمة قامت عشان تمشي. ليل: رايحة فين؟ نجمة: شبعت. ليل بص في الطبق لقى زي ما هو، والمعلقة فيها حبة رز مش اتاكل. ليل شد نجمة وقعدها على رجله وقال: لا، ما عنديش الكلام ده. لازم تاكلي. وبدأ ياكلها وهو بيبص ليها بحب. نجمة بكسوف: خلاص شبعت. ليل: دي تاني معلقة، ويلا افتحي بقك كويس عشان أعرف آكلك.

نجمة فعلاً فتحت بوقها، وبعد وقت حطت راسها على كتفه وهو بياكلها. ليل بص على نجمة عشان ياكلها، لقاها نامت على كتفه. ليل ابتسم وشالها وطلع الأوضة، حطها على السرير ونام جنبها وخدها في حضنه. وفي أمريكا كان هيثم قاعد وقدامه شخص. هيثم بغضب: يعني إيه اتجوزها؟ الشخص بخوف: أنا لما روحت عشان أعرف لحضرتك إيه اللي حصل، عرفت إنه اتجوزها وخدها على بيته. هيثم بغضب: يعني كل اللي أنا عملته ده باظ؟

يعني أنا خدتها منه عشان أوجع قلبه وأجي أسيبها يوم الفرح عشان تتفضح وهو يتقهر من الزعل على اللي حصل فيها، وفي النهاية طلعت كنت وسيلة عشان يتجوزها ويفرح مش يزعل. الشخص بص له بخوف. هيثم بخبث: تمام أوي، والله ما أنا سايبه يتهنى بيها. في القاهرة وتحديداً في قصر ليل. كان بالليل جه وهما لسه نايمين. ليل صحى على صوت الفون بتاعه، وأول ما صحى لقى نجمة في حضنه. ليل ابتسم وباس راسها ومسك الفون ولقى مامته اللي بتتصل.

ليل: يا نهار أبيض! أنا نسيتها دي، زمانها هتولع فيا. ورد. الأم بغضب: إيه اللي إنت عملته ده يا ليل؟ وصلت بيك الوقاحة إنك تخطف صاحبك وتهدد مراته وتتجاوزها إنت؟ ليل بصدمة: إيه اللي إنتي بتقوليه ده يا ماما؟ الأم: إيه؟ مكنتش فاكر إن هعرف ولا إيه؟ ليل: والله يا ماما، كل اللي إنتي قولتيه ده غلط. الأم: وإيه اللي صح بقى؟ ليل: حضرتك جاية إمتى؟ الأم: أنا في الطريق أهو. ليل: تمام، توصلي بالسلامة. أول لما تيجي هقولك كل حاجة.

وفي أمريكا. هيثم: تمام أوي كده. صاحب هيثم اللي اسمه حسام: إنت أهبل يا هيثم؟ إنت فاكر إنها هتصدقك؟ إنت هتكذب ابنها؟ وافرض صدقتك، أكيد هتسأل نجمة ونجمة هتقول كل حاجة. هيثم بخبث: أنا بمهد للي ها يحصل. حسام: إيه اللي في دماغك؟ هيثم: هبعدها عنه وهاخدها منه قدام عينه. حسام بخبث: وهتعمل كده إزاي؟ هيثم بخبث: بص يا عم. وقال له الخطة. حسام: دماغك دي دماغ شياطين. هيثم: أنا يا ابني، الشيطان يتعلم مني. وفي قصر ليل.

ليل كان بيصحى نجمة اللي مش راضية تصحى. ليل: يا نجمة يا نجمتي، اصحي قومي بقى. نجمة بنوم: امممم، بس بقى، عاوزة أنام. أنا مش نمت امبارح. ليل: طب اصحي نسلم على ماما وننامي تاني. نجمة بنوم: ماما ماتت، سيبيني أنام بقى. ليل بضحك: مامتي أنا. نجمة قامت بسرعة وقالت: هي مامتك جت؟ ليل بضحك على شكلها: آه، وزمانها داخلة على القصر. نجمة: طب طب، هتقول لها إيه؟ ليل: ماما عرفت يا نجمة. نجمة بخوف: يا نهار أبيض! أنا مش هنزل.

ليل قرب منها وحضنها وقال: متخافيش، أنا معاكي ومحدش يقدر يقرب منك. وبعدين بقى، هي جاية فاكرة تانية خالص. نجمة رفعت راسها ليه وقالت: فكرة إيه؟ ليل بغضب خفيف: الحيوان هيثم قال إني خطفته وهددتك عشان اتجوزك. نجمة بصدمة: وهو ده حصل؟ ليل بص ليها بصدمة وبعدها انفجر من الضحك. نجمة باستغراب: بتضحك على إيه؟ ليل: يا نجمة يا حبيبتي، أنا هددتك عشان اتجوزك. نجمة: تؤتؤ. ليل: أمال بتسألي ليه بقى؟ نجمة بعدت عنه

وهي بتهرش في شعرها وقالت: تصدق مش عارفة. ليل بضحك: طب ادخلي غيري لبسك وتعالي. نجمة بطفولة: حاضر. وجريت. ليل ضحك وقال: أوزعة. نجمة طلعت راسها من أوضة اللبس وقالت: سمعتك، وأنا مش أوزعة، إنت اللي طويل وأهبل. ليل ضحك وقال: طب ادخلي غيري بدل ما أجلك. نجمة طلعت جمسها كله وحطت إيدها على وسطها وقالت: تعالي، أنا مش بخاف أصلاً. ليل بدأ يقرب. نجمة أول لما شافت كده صوتت ودخلت بسرعة وقفتلت الباب. ليل: طب ما كان من الأول.

نجمة فتحت حتة صغيرة وطلعت راسها وطلعت ليه لسانها وقالت: بس يا طويل يا أهبل. ليل: اقفلي يا بت. وبعد وقت نجمة خرجت وليلى خدها ونزل. وكانت مامته لسه ما جتش. وبعد وقت الجرس رن. نجمة مسكت في إيد ليل. ليل بص ليها وحضنها من كتفها ومشي فتح لمامته وقال: سهر هانم، اتفضلي. دخلت سهر بغضب وبصت ل نجمة من فوق لتحت. ليل: ماما، ممكن تسمعي اللي حصل. سهر: مش مهم اللي ها تقوله، لإن كده كده إنت هتطلع البنت دي. ليل بصدمة: إيه؟

سهر: جوزها عاوز يرجع لها، وكفاية اللي إنت عملته. نجمة مسكت إيد ليل بخوف إنه يطلقها وهيثم يتجوزها. ليل طبطب عليها وقال لمامته بغضب: أنا مش هطلق نجمة يا ماما. سهر بغضب: يعني هتكسر كلامي؟ ليل: مقدرش. سهر: يبقى تطلقها حالاً. ليل بص لنجمة اللي بتبص ليه بخوف.