رواية نجمة هزت كيان ظابط الفصل العشرون 20 - بقلم جاسمين محمد

وقفنا البارت اللي فات على إن صقر عرف أمه وراح لها، وقالت له إن حوريته بتجيلها، وقاموا يصلوا الفجر سوا. نجمة: خديجة خديجة، يلا قومي. آخرنا على الجامعة الساعة 8 ونص. خديجة قامت مغمضة، تجري على الحمام. خديجة: يالهوي يالهوي! نجمة عمالة تضحك عليها. وقعت على السرير. خديجة بتبص عليها لقيتها بتضحك، راحت شكت فيها، راحت مسكت التليفون تشوف الساعة كام. وبتبص لقيتها سبعة.

خديجة بغيظ: طيب والله إنتِ ما عندك دم عشان تقوميني كدا مفزوعة! نجمة: هههههه، معلش، مهو إنتِ مش هتقومي غير كدا. المهم يلا عشان نروح الجامعة ونيجي بدري نجيب الطلبات عشان نجهز نفسنا لخروجة بكرة. خديجة بقرف: مش هغور معاكي عشان لو غورت، أخليهم كلهم يجبولي حق اللي بتعمليه فيا. نجمة: ههههههه، طيب يلا بس جهزي نفسك عقبال ما أجهز الفطار، نفطر قبل ما ننزل. خديجة: إشطا. دخلت تاخد دش.

فاطمة عمالة تمشي إيدها على شعر صقر وهو نايم، وبتركز في ملامحه. صقر فاق. صقر: صباح الخير يا روح قلبي. فاطمة بحب: صباح النور يا حبيبي. لسه بدري، نام شوية. صقر: ليه؟ هي الساعة كام؟ فاطمة: الساعة 10. صقر: يالهوي! ده أنا اتأخرت أصلاً على الشغل. فاطمة بحزن: ليه؟ إنت مش ناوي تقعد معايا النهاردة؟ صقر: أكيد، بس عندي شغل مهم أروح أخلصه وأجيلك أقعد معاكي لحد بكرة عشان آخدك إنتِ وهي وسرح. فاطمة: صقر، مالك سرحت في إيه؟

في حاجة يا بني؟ صقر: ها، لا يا أمي. يلا أسيبك أروح أخلص شغل وأجيلك. راح باس على دماغها. فاطمة: ماشي يا حبيبي. ربنا معاك. خلي بالك من نفسك. صقر: حاضر. سلام. نجمة: خديجة يلا بقا خلينا نخلص تسويق عشان نروح. خديجة: يوه، والله بزهق من يوم التسويق معاكي عشان تبقي عايزة تشتري السوق كله. نجمة: هههههه، والله لو معايا فلوس كتير كنت اشتريت. _ليه؟ إنتِ كيف مش معاكي فلوس كتيرة وأنا معاكي؟ نجمة وخديجة بيتلفوا يشوفوا مين.

نجمة: معتز! معتز: أه يا قلبي، عاملة إيه؟ نجمة: الحمد لله بخير. وانت بتعمل إيه هنا؟ معتز: أنا الحمد لله بخير. وبعمل إيه هنا؟ بشوف مراتي شاطرة ولا لأ. غمزلها. خديجة واقفة مش طايقة، وبتبصله بقرف. معتز: خديجة، مالك مش طيقاني ليه؟ نجمة: ها، لا هي بس مرهقة من الجامعة. المهم أنا هروح أخلص. وانت مش هتروح؟ معتز: أهلاً، مروح. يلا، واه صح، تعالي معايا عشان وحشتي ماما وعايزة أشوفك. فيلا معايا دلوقتي.

نجمة بتردد: طيب، خليها وقت تاني. معتز: لا، دلوقتي. ومسكها، شدها، ركبها العربية. معتز: يلا يا خديجة، اركبي. راحت ركبت. وقعدوا يبصوا لبعض. ومعتز ركب وساق العربية ومشي. أسد وهو داخل على صقر. أسد: مالك؟ بدري؟ كنت فين يا أستاذ؟ كنت سهران مع مين؟ صقر: يا عم اتنيل! المهم، خلصت المهمة بتاعت امبارح يا خوي؟ أسد: اه، خلصتها. كنت فين بقا؟

صقر بفرحة: كنت سهران مع أجمل واحدة في حياتي اللي مهما أوصف حبي ليها مش هقدر أوصفه. أمي. تاج راسي. أسد بصدمة: أمك؟ إنت لاقيتها؟ صقر: أه. بس مالك اتغيرت ليه كدا؟ أسد: ها، لا عادي. المهم أنا هروح شوية عشان هروح عند طنط مديحة. صقر ملامحه اتغيرت. صقر: اممممم، طيب. استنى أجي معاك. أسد: تمام. يلا. معتز: ياماما، ياما! مديحة وهي نازلة من على السلم: أيوه يا حبيبي، في إيه؟ معتز: تعالي شوفي جايبلك مفاجأة معايا.

مديحة باستغراب: إيه هي يا روحي؟ معتز: نجمة يا ماما. مديحة بقرف: نجمة. اممم، ازيك يا حبيبتي. نجمة: الحمد لله بخير يا طنط. معتز: أهي يا ستي، كنتي عايزها وجبتها لك. مديحة: كويس. اقعدي يا حبيبتي. وانت يلا سيبني مع خطيبة ابني لوحدي. معتز: هههههه، حاضر. مديحة: يلا، خد خديجة وروحوا اعملولنا حاجة نشربها حلو. معتز: حاضر. خديجة ونجمة بصوا لبعض باستغراب وقلق. مديحة: اقعدي. نجمة: حاضر.

مديحة: بت انتي، بصي. أنا ما عنديش غير ابني معتز. وبصراحة مش عايزة يتجوز واحدة من الشارع شبهك. أنا ابني يتجوز ملكة جمال، مش واحدة منعرفش أهله فين، ولا هي بنت حرام ولا حلال، وكانوا أهلها محترمين ولا حرمين. خديجة كانت جاية تسأل مديحة تشرب إيه، وسمعت كدا. وبتبص لقت نجمة قاعدة بتعيط.

خديجة بعصبية: أهل نجمة كانوا ناس محترمة وهي محترمة وبنت حلال وكويسة جداً. يعني مش زيك وليه طماعة ومش كويسة. وكل يوم بتسهر للفجر بر البيت، ويا عالم بتسهر فين ومع مين. معتز بصوت عالي: خديجة، اطلعي بر البيت. نجمة: متخافش يا معتز بيه، أنا وهي طالعين. بس خد خاتمك أهو، عشان أنا مستحيل أوافق على واحد أمه بتكلمني بالطريقة دي. معتز: تمام. إذا كان كدا، ماشي. بس تدفعي الفلوس اللي عليكي، ولا تتحبسي؟ نجمة بخوف: أتحبس.

معتز بضحكة كلها مكر: أه، تتحبسي. أمال أسيبك كدا تاخدي فلوسي؟ أنا كنت ساكت عليهم عشان هتكوني مراتي. نجمة: بس أنا ماخدتش منك فلوس. معتز: لا والله. بطلي كدب. نجمة: حسبي الله ونعم الوكيل فيك يا شيخ. وبص، اعمل اللي أنت عايزه، أصلاً مبقتش فارقة معايا حاجة. يلا يا خديجة. وخدت خديجة ومشت. مديحة: هههههه، قدرنا نضحك عليها. المهم الـ 2 مليون بالنص.

معتز: هههههه، أكيد يا غالي. وأخيراً خلصت منها عشان زهقت منها. وأنا أصلاً كنت ببتزها عشان كان لي غرض منها، بس مدام مش جايبة سكة، خلاص. مديحة: هههههه، عاملة قدامك الشريفة الطاهرة. معتز: فكك بقا يلا، أنا طالع. مديحة: ماشي. معتز طالع من الباب، بيبص لقى صقر وأسد واقفين. معتز بتوتر: صقر وأسد.