رواية نوبة حب الفصل الرابع 4 - بقلم نيرة وائل

هو الاسانسير عطل ليه... فين النور رد اللي راكب معايا بضحك تخفيف احمال نفسي بدأ يضيق و انا أصلاً بخاف من الأماكن المقفولة اتكلمت بصعوبة ارجوك كلم حد انا عندي فوبيا حياة؟ حضرتك تعرفني التفت ليا و هو موجه فلاش موبايله ناحيتي سامر؟ *** ايه الحكاية يا حياة راجعة لوحدك ليه و فين جوزك قالها بابا باستفهام و الكل بيبص ليا بترقب مستنيين يسمعوا مني إجابة الكلام تقيل على لساني مش قادرة أطلعه كأني طفل بيتعلم ينطق لسه

أقول إيه و أشرح إزاي أنا سبق و اتباهيت بيه قدام كل دول لما بابا كان رافض زمان حوار سفره قولتلهم إني هسافر معاه و إني واثقة فيه... أقولهم إيه دلوقتي! اتكلم عمر أخويا بضيق حياة اتكلمي قلقتنا أنا وفريد هنطلق اييييييه قالها الكل بذهول و علامات الاستفهام على وشهم منتظرين مني تبرير للي قولته اتكلمت ماما بعصبية يعني إيه تطلقي إنتي فاكرة الجواز لعبة ولا إيه قاطعها بابا بهدوء استني يامنال لما نفهم في إيه

حياة يا بنتي اهدي و احكي لنا إيه اللي حصل بصيت في الأرض و دموعي نزلت الكلام كان تقيل على لساني بشكل مش قادرة أنطق... مليش عين أتكلم بابا حذرني كتير و مكنش حابب جوازنا و لا سفرنا عشان شايف إن فريد قضى شبابه برا و إنه اتغير عن زمان بس أنا مكنتش شايفة كل ده أنا كنت عايزة فريد و بس اتكلم عمر بهدوء و هو بيقعد قدامي حياة أرجوكي اتكلمي عشان نعرف نحل المشكلة دي إزاي بصيتله و أنا دموعي مغرقة و بهز راسي بنفي

ملهاش حل يا عمر.... ملهاش حل فريد طلع مخلف عنده ولد قولت كلامي و اتررميت في حضنه و أنا بعيط بعلو صوتي خلاص مبقتش قادرة أكتم أكتر من كدا *** مالك يا زياد شكلك متضايق حياة وفريد هيتطلقوا اييييييه قالتها ملك بصد'مة فريد طلع مخلف ولد في استراليا إنتي بتقول إيه... مخلف إزاي يعني متجوز على حياة هز راسه بنفي مش جواز.... غلطة لا لا... إيه التهريج ده مستحيل محدش مصدق اللي حصل وفريد قافل تليفوناته محدش قادر يوصله

طيب وحياة عاملة إيه منهارة ومحدش عارف يهديها حياة حاربت كتير عشان تاخده وفي الآخر اتغدر بيها و خذ'لها قرب عليها وهو بيبصلها بضيق وأنا حاربت الكل عشان آخدك يا ملك أوعي تغد'ري بيا فلاش بااك "قبل 4 سنين" ملك إيه اللي عايز تخطبها إنت اتجننت دي كانت هتق'تلك يابابا أرجوك افهمني... أنا بحبها من زمان ومش عايز حد غيرها

وبعدين اللي حصل في الفرح ده الدكتور قالت إنها مكنتش في وعيها ونفسيتها كانت تعبانة مش أكتر وهي دلوقتي اتعالجت وكل حاجة كويسة... يبقى إيه المانع عايز تفهمني إنها مبقتش تحب فريد.... اتكلم بسرعة هنسيها فريد... هنسيها كل حاجة وحشة هي محتاجة حد في حياتها عشان تنسى ملك عشقاه يا زياد عارف يعني إيه تعشق لدرجة إنك تقتل عشان عشقك دا وأنا عشقان ملك ومستعد أعمل أي حاجة عشانها هي متابعة مع دكتور نفسي وبقت كويسة

وبدأت تتخطى كل ده وأنا معاها ومش هسيبها أنا مقدرش أعيش من غير ملك "الحاضر" أوعي تخذ'ليني يا ملك هزت راسها بنفي وحضنته بخوف مستحيل... أنا بحبك يا زياد خليك جنبي اتصدم من حركتها أول مرة تكون قريبة منه بالشكل ده وأول مرة تقول "بحبك" حس بقلبه هيخرج من مكانه لكن حاول يسيطر على مشاعره وبعدها عنه بهدوء قولتلك متقوليهاش وإنتي مش حساها بس أنا حساها وبقولهالك من قلبي أنا بحبك بجد يا زياد إنتي بتتكلمي بجد

هزت راسها بإيجاب وهي بتضحك ضحك وكأن بهجة الدنيا كلها اتجمعت في قلبه حضنها بفرحة وانتصار إنه أخيراً قدر يخليها تحبه حاسس كأنه ملك الدنيا كلها بين ايديه *** حياة إنتي رايحة فين قدمت على شغل وطلبوا أعمل انترڤيو النهارده ادعولي أتقبل بقى شغل إيه اللي هتنزليه إنتي واعية لنفسك يبنتي في إيه بس بابا... أنا قدمت استقالتي في استراليا واتقبلت وعايزة أبدأ شغل هنا بقى ما إنت عارفني مش بحب قعدة البيت بس....

بس إنتوا تخلوا بالكم من زين وأيلا عبال ما أشوف لهم حضانة كويسة اتكلمت ماما بضيق وإنتي قررتي كل ده بناءً على إيه..... إنتي ناسيه إنك على ذمة راجل قاطعها بابا بزعيق منااااااال ردت بتذمر هو أنا قولت حاجة غلط مش دي الحقيقة انزلي يا حياة شوفي شغلك يا بنتي ابتسمت بهدوء و نزلت معرفش إيه اللي أنا بعمله ده فعلاً لكن لو فضلت قاعدة كدا هتجنن عايزة أشغل نفسي بأي حاجة الفراغ والتفكير مهلكين الحالة الاجتماعية إيه لحضرتك

كان سؤال اتسألته في الانترڤيو مش عارفة أرد بأيه حضرتك مش لابسة دبلة أكيد مش متجوزة أنا..... كنت لسه هرد عليه لكن قاطعنا رنة موبايله طيب تقدري تتفضلي دلوقتي وهنتواصل مع حضرتك لو في جديد طلعت من عنده وركبت في الاسانسير اللي كان فاضي كان لسه الباب هيتقفل لكن في واحد دخل حمدت ربنا إن حد جه لأني بخاف أستخدمه لوحدي يدوب نزلنا دور وفجأة وقف بينا هو فيه إيه قولتها بخوف رد اللي كان معايا بضحك تخفيف احمال هي هتفضل كدا كتير

المفروض مولد الشركة يشتغل دلوقتي مش عارف اتأخر ليه نفسي بدأ يضيق و أنا أصلاً بخاف من الأماكن المقفولة اتكلمت بصعوبة ارجوك كلم حد انا عندي فوبيا حياة؟ حضرتك تعرفني التفت ليا و هو موجه فلاش موبايله ناحيتي سامر؟ "فلاش باك" "قبل 9 سنين" هو الاسانسير وقف ليه مش عارف ... إحنا طلعنا دورين صح اتكلمت بصعوبة و هي بتحاول تاخد نفسها معرفش.... أرجوك كلم حد أنا عندي فوبيا التفتت سامر ليها بقلق إنتي كويسة؟

مسكت في دراعه و هي مش قادرة تتنفس طلعني من هنا خبط على الاسانسير كتير لحد ما الأمن رد أخيراً متقلقيش هنطلع دلوقتي... خدي نفس معايا براحة يلا شهيق....... زفير مش... مش عارفه وفجأة وقعت بين ايديه اتكلم بخوف وهو بيخبط على وشها لا لا لا...... يا آنسة.... يا آنسة فوقي اجوكي حد يطلعناااااااا من هناااااا بعد وقت كان قاعد جمبها في المستشفى هو أنا جيت هنا إزاي طلبنا الاسعاف جت خدتك و الجامعه كلها اتفرجت عليا صح

لا مش للدرجادي ممكن نصها بس لا طمنتني ضحكوا هما الاتنين وقتها أنا سامر فرقة تالتة ادارة اعمال وأنا حياة فرقة اولى اتخصصي ادارة اعمال بقى اشمعنا عشان نبقى زملاء "الحاضر" حضرتك تعرفني التفت ليا و هو موجه فلاش موبايله ناحيتي سامر؟ الاسانسير نزل دور فجأة مسكت فيه بفزع والكهرباء اشتغلت وقتها بعدت عنه بسرعة و وقفت على جنب لسه معالجتيش الفوبيا دي قالها بضحك وهو بيبصلي للأسف لا مد ايديه يسلم عليا بإبتسامة مبسوط إني شوفتك

سلمت عليه و بادلته الابتسامة أنا أسعد بتعملي إيه هنا كنت جايه عشان الانترڤيو.... إنت بتشتغل هنا أيوا بقالي 6 سنين هنا قاطع كلامنا باب الاسانسير اللي اتفتح وطلعنا رايحة فين هوصلك في طريقي لا شكرا مفيش داعي أنا عندي مشوار قريب من هنا طيب هوصلك لا مش مستاهلة كدا كدا هتمشى تمام زي ما تحبي.... فرصة سعيدة و إنشاء الله نتقابل تاني وإنتي معانا هنا تفتكر هتقبل مش هيلاقوا أشطر منك ابتسمت بهدوء و مشيت بعدها كنت واقفة على البحر

المكان الوحيد اللي بيهديني لما بكون تعبانة مجرد ما بشوف البحر وهواها بيلمسني بنسى أي حاجة لكن المرة دي مأثرش فيا بالعكس اتخنقت أكتر فات أكتر من أسبوعين وفريد أخباره اتقطعت مجيش ليه كل ده طيب حتى لو جه هل مستعدة أقابله كنت عارف إني هلاقيكي هنا غمضت عيوني و أنا بتمنى أكون بتخيل سألت نفسي سؤال و لقيت اجابته في ثانيتها أكيد مش هو انا مش مستعدة أواجه دلوقتي حسيت بخطواته من ورايا بيقرب أكتر التفتت لقيته واقف قصادي

شكله متغير باين على وشه ملامح التعب دقنه طويلة وتحت عيونه سواد كأنه منامش طول الاسبوعين دول اتكلم بضعف و قرب عليا اترمى في حضني آدم راح مش عايز أخسركم انتوا كمان