رواية نور الفصل الثالث عشر 13 - بقلم شهد احمد

ناني. بدموع ابوس ايدك متعمليش كده، خليكي أحسن مني. نور، على الأقل راعي إنه ربّاك وكبّرك، وهو اللي شيطان ودخل على حياتنا ودمرها. إحنا من قبله كنا كويسين مع بعض، آه مش أحسن حاجة، بس مش زي ما حصل من ساعة ما دخل حياتنا. لو سمحتي يا نور، متسبينيش، مليش غيرك.

نور. وأنا كمان كان مليش غيرك وقتها، بس انتي اخترتيه هو بدل ما تختاريني. ده انتي هان عليكي بنتك وكنتي هترميها في الشارع، وانتي عارفة إنها ملهاش حد ولا مكان تروح فيه. لولا إن جوزك كتب البيت باسمي، كان زماني في الشارع. ناني. هانم. نور. سامحيني يا نور، سامحيني. أنا آسفة، أنا عرفت إني غلطت.

رفيدة. خلاص يا نور، اديها البيت اللي باسمك تقعد فيه، وانسوا إنكم كنتوا تعرفوا بعض. خليكي انتي يا بنتي أحسن منها، أنا عارفة إنها وجعتك، بس آه ربنا بياخد ليكي حقك يا بنتي.

نور. أنا مستحيل أسيب ليها البيت، ومستحيل أخليها تعيش معانا هنا، عشان دي واحدة خطافة رجالة. وأنا هعمل بأصلي معاكي. أنا هخليكي تعيشي في البيت اللي باسمي لمدة معينة لحد ما تشوفي انتي هتقعدي فين ولا تعملي إيه. وانسى إني هديكي البيت يا ناني هانم. وبعدين المحروس جوزك طلقك، كلام بس، يعني لسه انتي في نظر القانون والناس لسه مراته. روحي ارفعي عليه قضية وخذي حقك منه، ووقتها مش هتحتاجي ليا ولا لبيتي.

ناني. ماشي يا نور، أنا موافقة. نور. صقر. صقر. إيه. نور. خد مفاتيح البيت وخلي حد ياخدها يوديها البيت، ومش عايزة أشوف وشها نهائي. ومهما حصل معاها، تنسى إنها تيجي عندي ولا تطلب مني طلب. وبكده أنا عملت اللي عليا معاها وزيادة. ناني. كتر خيرك يا نور. صقر. خليه حد من الحراس ياخد ناني ويوديها البيت تقعد فيه.

نور طلعت على أوضتها وفضلت تعيط على اللي بيحصل معاها، وإن رعد بس اتقرب منها علشان ينتقم منها. ومسحت دموعها وقالت إنه هتخليه يدفع التمن، وهو قال إني خليته يخسر بالملايين، دلوقتي أنا هخليه يخسر بالمليارات علشان يعرف مين هي نور. وبالنسبة لـ ناني فـ هي خلاص، أنا مش عايزة أشوف وشها تاني، وربنا أخدلي حقي منها وزيادة، وذاقت من نفس الوجع اللي هي سبّبته ليا، وجت من اللي باعني ليه ومجتش مني. وبعد تفكير كتير نامت.

رفيدة، زيدان. كانوا زعلانين شوية على اللي حصل مع بنتهم، بس كانوا مبسوطين إن بنتهم رجعت وبقت في حضنهم، وكل الناس بقت بتعرف إنها بنتهم. صقر كان بيفكر في تالا، وكان بيفكر إزاي هيقول لأهله إنه عايز يتجوز تالا، وكان بيفكر إنه يعمل مفاجأة لـ تالا إنه هيتقدم ليها بعد ما ياخد موافقة أهله، وهيظبط كل حاجة بمساعدة أخته نور. ونام وهو بيفكر فيها.

تالا كانت مبسوطة إن صقر حبها هو كمان، وإنه حبها مطلعش من طرف واحد بس. هيا خافت لـ يعمل فيها زي ما رعد عمل في نور، وعشان كده قامت وصلت واستخارت ربنا، وكانت مرتاحة واطمنت إن نور بتكون أخو صقر، وإنها أكيد مش هترضا إنه يحصل معاها زي ما حصل معاها، وأكيد هتقف جنبها مهما كان، هيا صاحبتها ووقفت معاها في أصعب أوقاتها. ونامت وهيا بتفكر في صقر.

وفي الصباح نور صحيت وجهزت نفسها، وقررت إنها تتقبل أمها وأبوها، وإنهم في الآخر عائلتها الحقيقية وهتخاف عليها بجد. وأنهم قالوا للعالم كله إنها بتكون بنتهم، ولو كانوا مش عايزينها مكنوش عملوا كده وقالوا إنها بنتهم. ونزلت عند زيدان ورفيدة، وقالت: "صباح النور يا ماما"، وراحت باستها في خدها، وراحت عند أبوها وقالت: "صباح النور يا بابا"، وراحت باسته. رفيدة، زيدان كانوا متفاجئين من تصرف نور، بس كانوا مبسوطين إنها اتقبلتهم.

نور. أنا عارفة إنكم متفاجئين، بس خلاص انتوا عائلتي، واتقبلوا إن كل يوم من ده ماشي. يلا بقا سلام، أنا رايحة الشركة، ولما الولا صقر يصحى، قولي لي يا أمي إنه نور في الشركة ومستنياه. زيدان. طيب استني يا بنتي، افطري الأول. نور. لا يا بابا، هفطر مع صقر وتالا. قول لـ صقر كده. زيدان. حاضر يا بنتي. نور مشيت ووصلت الشركة، وتالا كمان وصلت الشركة وسلموا على بعض، وقالوا: "يلا على الشغل". عند صقر صحي وجهز نفسه ونزل،

وقال: "فين نور يا ماما؟ رفيدة. راحت الشركة يا ابني، وقالت إنها هتفطر معاك في الشركة هيا وتالا. صقر. طيب أنا ماشي. ومشي وكان في طريقه إلى الشركة. عند نور، تالا. تالا. نور، مش هنفطر الأول؟ نور. هنفطر، بس لما ييجي صقر. تالا. آه طيب، يلا. أنا عرفت إن رعد داخل منافسة قوية مع شركة. نور. حلو أوي، أنا عايزاه تتواصل مع الشركة دي، وعايزاكي تجيبي لي معلومات عنها ومين المدير بتاعها. تالا. تمام، هجيب المعلومات دي في أسرع وقت.

نور. تمام، حلو أوي. وشوية وكان صقر وصل وراح عندهم المكتب. نور. اهو صقر وصل، يلا يا صقر نفطر مع بعض، ولا إيه رأيك يا صقر؟ صقر. تمام، يلا. وبعد الفطار، أنا عايزك يا نور في موضوع مهم. نور. موضوع إيه؟ صقر. هقولك بعدين يا نونه. وأخد نور، تالا، وراحوا يفطروا مع بعض. وبعد ما فطروا، تالا راحت تجيب المعلومات عن الشركة اللي نور قالت لها عليها. صقر. نور، أنا عايزك في موضوع. نور. موضوع إيه؟ صقر. أنا عايز أتجوّز تالا.

نور بفرحة. بجد يا صقر؟ صقر. أيوه، بس اوعي تقولي لـ تالا، أنا عايز أعملها مفاجأة، وأتقدم ليها بعد ما آخد موافقة ماما وبابا، وعايزك تساعديني. نور. أكيد يا أبو الصحاب، هساعدك. إيه رأيك أعزم تالا عندنا في البيت، وماما وبابا يتعرفوا عليها، وبعد ما يتعرفوا عليها نقول لهم إنك عايز تتجوّزها؟ صقر. انتي قلتي ماما وبابا صح؟ يعني أنا سمعت صح؟ نور. أيوه صح. انتوا عائلتي يا صقر، ومليش غيركم. صقر. تعال في حضن أخوك يا فواز.

نور. ههه، تعال. والاتنين حضنوا بعض. ودخلت عليهم تالا. تالا. إيه اللي بيحصل هنا ده؟ نور. ههه، إيه، واحدة بتحضن أخوها. تالا. آه، أنا جيت في وقت مش مناسب، هاجي بعدين. نور. استني يا تالا، ده انتي منا وعلينا برضوا. المهم بقا يا صقر، إحنا عرفنا إن الح... قير رعد داخل منافسة مع شركة، وكده، وتالا تقريباً جابت التفاصيل، ولا إيه يا تالا؟ تالا. آه جبتها، ومدير الشركة مش هتصدقي طلع مين. نور. مين يا تالا؟

تالا. مدير الشركة يبقى... نور بصدمة 😳.