رواية نور الفصل التاسع 9 - بقلم شوشو احمد

عده يومين واسعد راح ل نور الملجأ اخدها وقال لها هنروح مشوار مهم اوى هيفرحك. نور راحت معه بس سرحانه طول الطريق. اسعد راح عند جدة خديجه نزل من العربيه وقال ل نور خمس دقايق وراجع. طلع جاب خديجه وجدتها ونزل. نور اخدت خديجه بالحضن وكمان سلمت على الحاجه فاطمه. "على فين يابني؟ "مفاجأة ياحاجه اصبرينور." "خير مفاجأة ايهاسعد؟ "حالا وتعرفواساق." اسعد ونور جمبه وخديجه على رجلها بتلعبها.

وصل اسعد عند عمارة الاسكان اخد ايد الحاجه فاطمه ودخلو. محدش فاهم حاجه. دخلهم اسعد شقه في اول دور قال: "اتفضلي يا حاجه الشقه دي ليكم تقدروا تعيشوا هنا وده تلفون عليه رقمي ورقم نور واي وقت تحتاجي حاجه او تحسي بتعب اتصلي بس حالا نجيلك." "بس ده كتير اوي يابني ليه كده ما احنا عايشيناسعد." "ولا كتير ولا حاجه الشقق دى عاملاها الحكومه للناس اللي متقدرش تشتري وتقريبا للارامل والمطلقات واظن حضرتك من حقك تسكني فى مكان كويس."

"طب والفرش كمان من الحكومه؟ اسعد باس جبينها: "لا دي هديه من ابنك اسعد اقبليها مني وكمان هنعدي عليكي دايما نطمن عليكم وخديجه زي ما نور قالت امانتك عندنا دايما متخفيش هي معاكي طول ما انتي موجوده... اسعد اخد نور ومشيو. "انت ازاي كده انا فرحانه اوي بيك انك حاسس بالناس كده شفت فرحت الحاجه فاطمه ازاي شفت خديجه فرحت بالشقه ازاي يارب يا اسعد الدعاء اللي دعته لك الحاجه فاطمه يكون من نصيبك."

اسعد وصل نور البيت وطول الطريق بيتكلمو وقال لها انه وصى الجيران علي الحاجه فاطمه وان ياريت كل يوم يبصوا عليها علشان هي وحيده هي وخديجه. "هي صح الشقه اوضه وصاله بس انا حبيتها اوي يا اسعد تسلم يا اسعد انك فرشتها وكمان جبت لها كل الحاجات دي في المطبخ باذن الله قبل ما تخلص انا هكون جبت لها كمان متعرفش انا كنت زعلانه اوي علشانها ازاي."

"عارف يانور انك كنتي زعلانه وعارف عيطي كمان عارفه يانور بقيت لما بتزعلي بحس بقلبي مقبوض بحس اني مخنوق بتمنى دايما امسح دموعك واشيل عنك الحزن." "انا لما بتفرحي قلبي بيضحك يومي بينور النهارده وانتي فرحانه بالشقه ووشك منور ضحكتك ملت عليا الدنيا نور انا بحبك اوي." نور اتكسفت ونزلت من العربيه جري. نور دخلت ل هبه المطبخ وقالت لها: "انا بحبك اوي يا هبه انا فرحانه اوي النهارده."

"خير يا مطلعه عينيا مش اول امبارح وامبارح كان عياط النهارده فرحانه وبتحبي فيا ليه حصل ايه؟ نور قالت ل هبه على اللي اسعد عمله وهبه فضلت تدعي له هي كمان وقالت لها: "عارفه يا نور اسعد ده العوض بجد عوض ربنا ليكي ورضاه عليكي انتو الاتنين شبه بعض اوي وتستاهلوا بعض اوي ربنا يسعدكم ويقرب البعيد ويحنن قلبك عليه يابت الراجل بيحبك حسي بقاا قبل ما يزهق منك." "معقول ممكن يزهق مني بجده؟

"طبعا ياقلبي انتي عسل مع كل الناس وتتكلمي وتهزري و معاه بومه ياختي." "بومه انا بومه مش كده؟ " ومسكت هبه ونزلت فيها ضرب وهبه تجري وهى تجري وراها ل حد ما احمد جه وانضم هو كمان لهم وقضو الليله كلها هزار وضحك وكلام عن اسعد اللي بقا محور كلامهم يوميا. عدت الايام وجه معاد جواز نور واسعد. نور رفضت تعمل فرح ولا تلبس فستان زي ما كان اسعد نفسه كان بيتمنى يشوفها بالفستان الابيض وتتزف له عروسه بس هي رفضت.

كتبوا الكتاب على الضيق بس العيله اللي موجوده بس. نور ودعت اخوها وهبه وراحت مع اسعد. المفروض يروحوا شقتهم بس اسعد راح الملجأ. "احنا راحين الملجأ ليه دلوقتي؟ "ابدا سما عاوزه اكي بس." دخلو كان المكان ضلمه اوى واول ما دخلو نور والولاد قابلوهم وهما شايلين ورد وسما كانت لبسه فستان عروسه ابيض ونور في حالة زهول. المكان متزين بالورد والنور وعباره عن تحفه فنيه. شويه والكوشه نورت والمزيكا اشتغلت والكل بيصقف.

احباب نور كلهم موجودين وكل حد ساعدهم في الملجأ وكل الناس اللي بتشتغل فيه والاولاد. حتى عزه احمد هبه ميرنا ام اسعد حتى خديجه وجدتها الكل فرحان ونور عيونها بتدمع من الفرحه. هبه وميرنا اخدو نور من ايديها وهي مش عارفه رايحه فين ولا معترضه. دخلو اوضه من اوض المكان وميرنا خرجت فستان ابيض من علبه كبيره كان رقيق اوى موديل تركي رقيق اوى متصمم علشان تلبسه نور وبس لايق عليها او هي لايقه عليه.

نور انبهرت بجماله فرحت بيه اوي خصوصا لما عرفت ان اسعد هو اللي اختاره. خرجت نور بعد ما ميرنا اضافت لها لمسات بسيطة جدا كانت بيها اميرة خارج من كتب الاساطير. احمد خبط ودخل شاف اخته نزلت دموعه غصب عنه دموع فرح ان اخيرا نور هتفرح. باسها واخده من ايدها وخرج بيها كان اسعد فى انتظاره. "مبروك يا نور ايامي." اسعد بنظرات كلها حب قرب منها وباس جبينها وايديها وقال لها: "مبروك يا نور ايامي." طلعوا الجنينه والكل لما شاف نور سقف.

اسعد مسك المايك واتكلم: "احب اقول لكم كلام مهم. لو الدنيا جت عليك اصبر. ولو اخدت منك السعاده اتحمل برضه. جاي النور اكيد بس بلاش اليأس بلاش تحبط نفسك وتشوف همومك كبيره لان ربك اكبر من اي هموم. لو ضاقت بيك ساعد حد هتفرج. لو مخنوق ساعد حد متعرفوش. لو كلنا مدينا ادينا لبعض هتحلى. انا كنت بشوف شغلي وبس كنت عايش شايل حزني معي لحد ما شفت نور عرفت ان السعاده فى الرضا وحب الناس وانك متسكتش عن الحق لو شفت ظلم اتكلم غيره بايدك لو باب الامل مقفول افتحه لو باب الحب راح افتح باب جديد. احب اقول ل نور شكرا انك فى حياتي ووعد مني افضل احبك لاخر يوم فى عمري. بحبك يانور."

خلص الفرح الكل هنا ومشي. احمد وهبه ودعوا نور ومبين دموع احمد ونور كان اسعد وهبه فرحنين اوي. هبه فرحانه ل صحبتها واختها انها اخيرا لقت السعاده اتمنت لها السعاده وراحه البال وليه لا ونور تستاهل سعاده الكون كله وهبه عمرها ما حست انها اخت جوزها لا دي اختها. اما اسعد امه وصته على نور. وميرنا اللي اتدخلت واخدت نور من حضن احمد بالعافية. "بصي يا ست نور احنا نحط النقط على الحروف انتي هتناديني عمتي ولا حماتي ولا ماما؟

"ليه ان شاءلله؟ "هما ميرنا وبسميرنا لا ياماما انا اخت جوزك يعني حماتك احترميني واديني برستيجي بقااا عموما قولي يا طنط ميرنا وكل يوم تتصلي بينا وتاخدي مني الاذن فى كل حاجه مفهوم؟ كانت بتتكلم وهي بتعدل هدومها وبتعمل فيها كبيره على نور. "اه احنا هنبتدي بقاا شغل عمتو العقربه من دلوقتي؟ "لا ياماما انسي مش مرات اسعد العمري اللي تعمل كده. انا احتمال اضربك دلوقتي." وقامت بتشمر اديها وبتقرب من ميرنا

اللي طلعت تجري وبتقول: "لا ضرب لا كفايه عليا جوزك اللي مش بيبطل ضرب فيا." وطلعت تجري ركبت مع جوزها العربيه وهو ميت من الضحك على جنان مراته. اخد اسعد نور وراحو البيت. فتح اسعد الباب وبخفة شال نور ودخل. نور اتخضت لما شالها اسعد وفى لحظه بقت بالقرب ده منه ودي اول مره تكون بالقرب ده منه قلبها بيدق بصوت مسموع جدا. اسعد نزلها فى الاوضه براحه. نور بان على وشها الخوف لما نزلها اسعد وقرب

منها باس جبينها وقال لها: "نورتي دنيتي كلها." "ايه رايك نصلي ونتعشى؟ نور هزت راسها بالموافقة. "خلاص غيري الفستان وانا هدخل الحمام اغير." "لا غير فى اوضه تانيه." "حاضر." اخد لبس وخرج غير. نور غيرت بس جسمها كله بيرتعش وماسكه نفسها بالعافيه. "متبكيش." اسعد لما اتاخرت خبط ودخل كانت على السرير متكومه وبتعيط. اسعد شافها كده اتخض ودخل جمبها بيطبطب عليها. اتخضت واتنفضت من مكانها

بس اسعد بالراحه قال لها: "مالك بس متخافيش ليه خايفه وبتعيطي كده؟ "اصل اصل اسعد ممكن بلاش ممكناسعد." "ماشي بلاش ولا يهمك يلا بس ناكل انا من فرحتي ماكلتش طول اليوم." مد ايده ساعدها تقوم قامت لكن التعب باين عليها وملامحها كلها خوف. لكن من ايه كل الخوف ده. اسعد ل نفسه: "معقول تكون ندمانه انها اتجوزتني؟ غصه جت فى قلبه ل مجرد الفكره دي بس استغفر وقال: "اللي يحب يصبر وانا على حبها صابر."

صلوا سوا واكلو او تقربيا اكلو كل واحد سرحان. اسعد بيفكر مالها وايه سبب الحزن ده وهي دموعها نازله كل شويه تمسحها وبس. وبعدين قررت الهروب للنوم احسن زي عادتها تهرب لنوم من حزنه. نامت واسعد جمبها بيتامل ملامحها كانت ملاك نايم مش ست ابدا بيحمد ربنا انه حقق له حلمه وانها دلوقتي مراته. الفجر كان اسعد صاحي قلقان بيفكر ليه هى خايفه منه. شافها بتتكلم وهي نايمه وسمعها بتكلم يحيى وبعدين صرخة وصحيت مفزوعه وبتعيط. اسعد ضمها لصدره

وطبطب عليها وهمس لها: "متخفيش انا جمبك مش هسيبك ابدا." بعد همس كتير من اسعد لها ومحاولات انه يطمنها هدت نور ونامت لكن كانت فى حضن اسعد. اسعد حزين لان يحيى واقف بينه وبينه وبين نور. وكمان سعيد لان نور لاول مره فى حضنه. طلع النهار واسعد كمان نام بس ماسك نور خايف يكون ده حلم ويصحى متكنش جمبه.

عدى اسبوع ونور واسعد طول اليوم ضحك وهزار وخروج وفسح وبليل نور تدخل تنام وتصحى على شهقات عياط مستمره لحد ما تنام فى حضن اسعد اللي خايف عليها اوي اكتر من اي شيء. بيفكر يعرض عليها تروح لدكتور نفسي لكن خايف من رد فعلها فبيسكت بيكتفي بأنها تنام في حضنه ويفضل يطبطب عليها لحد ما تهدى. بيفكر دايما لو هي رافضه وجوده ليه بتعامله بحب وده طول اليوم وليه لما بتتفزع من الكوابيس بتلجأ لحضنه.

قرر انه مش هيغصب عليها انها تقرب منه وانه كفايه عليه وجودها في حياته واهو الايام بتعدي وهما بيقربوا اكتر. بيروحوا سوا الملجأ ونور كل شويه تكبر فيه والاطفال واخدين وقتها وبين البيت والملجأ.

واسعد بين الشغل واهتمامه بالناس الغلابه وطلباتهم وانه بيلفوا فى الاماكن المختلفه فى المحافظه بدون حرس ولا موظفين كتير وهو والمساعدين بس بعربيه عاديه بيلفوا يشوفوا طلبات الناس الغلابه ومشاكلهم بيساعد الكل وبين دعاء الناس وفرحتهم بان فيه مسؤول اخيرا بيشوف الغلابه وطلباتهم مقضي. وقته وبعد الشغل بيتغدى هو ونور مع الولاد واصحابهم اللي هما كمان بقا المكان جزء مهم من يومهم.

وبليل سوى بس متعداش الامر اكتر من صداقه بتكبر بينهم. لحد ما جت هبه تزورهم. "ايه يابنتى نفسك مش طلبه حاجه غريبه مفيش دوخه اي حاجه كده تسبت انى هكون خاله قريب؟ "لا مفيش." "ليه بس طب متيجي معايا لدكتوره بتاعتي اهو بعد ما اروح من عندك احمد هياخدني واروح لها المتابعه فضل اسبوعين واولد وتكوني عمه وخاله يابت." نور سكت بس دمعه نزلت منها.

"مالك يانور اسعد مزعلك قولي مالك اوعي تكوني رحتي لدكتوره وقالت ليكي حاجه تخص الخلف انطقي يابنتي مالك؟ نور عيطت فى حضن هبه ال مش عارفه حاجه. "مالك يابنتي قلقتني انا هكلم اسعد اشوف فيه ايه." "لا يا هبه لا لو سمحت." "لا ما انا اعرف ايه سبب الدموع دي."

"اصل اسعد ملوش ذنب انا ال مخلتوش لمسني ودايما بتهرب منه انا بشوف الحزن فى عينيه وكل مره بقول لا مش هسمح لنفسي ازعله تاني اسعد ميستهلش بس مبقدرش يحيى واقف بينا انا وهو. انا بحس اني هخون يحيى لو اسعد لمسني." وفتحت في عياط مستمر.

"بت انتي فوقي كده وحافظي على النعمه ال إنتى فيها وبلاش بطر فاهمه. بلاش بطر اسعد نعمه وعوض ربنا ليكي ليه رافضه الهديه ال ربنا بعتها ليكي مستنيه ايه لما يزهق منك ولا يفكر انه فارض نفسه عليكي وانك مش بتحبيه عاوزه ايه واحده تانيه تاخده منك انا لو مكانه كنت كسرت دماغك دي بقالكم سبع شهور واكتر ايه مستنيه ايه طب والله لو ما اتعدلتي لكون كاسره دماغك دي اوعي تنسي اني صحبتك قبل ما اكون مرات اخوكي والاهم بنت عمك الكبيره."

قامت بتبرطم وتشتم في نور وهي زعلانه وحلفت لو ما نور اتعدلت لكون مجوزه اسعد بنفسي هو الف واحده تتمناه. طبعا كل ده من ورى قلبها. واخر حاجه قالتها لنور بعد ما خرجت رجعت قالت ل نور: "جوزك النهارده يرجع يلاقيكي لابسه ومستنيه بلا دلع فاضي." نور بعد ما هبه مشيت فضلت تفكر فى كلام هبه وهل فعلا اسعد ممكن يمل منها وصبره ينفذ. هل ممكن يشوف ست غيرها ويبعد عنها. فكرت لو اسعد بعد عنها حياتها هتكون ازاي من غيره.

اسعد امانها بس ليه مش بتعترف بحبها معقول تكون مش بتحبه. فضل دماغها مشتت لحد ما قامت وقررت تحتفظ بيه وسمعت كلام هبه. نور جهزت عشاء وشغلت شموع وورد ودخلت الحمام اخدت دش ولبست فستان من الحرير اللامع بالون الاسود كانت هبه هي اختارته لها وصممت عليه مع اعتراض نور لانه عريان اوي كاشف معظم الجسم ومحدد. نور بعد ما حطت برفانها الهادي وميكب صارخ لاول مره وقفت قدام المرايه لقت اسعد وراها مبتسم.

"هو ده بيتنا يا ناس ولا انا دخلت شقه غلط؟ "اسعد بطل." "ابطل ايه والنعمه انا دخلت شفت الشموع والعشاء وخير الله ام جعله خير مزيكا شغاله كنت هجري واقول دي شقه غلط. طب متعرفيش نور صاحبتي ال عايشه معايا فين؟ "والله طب انا غلطانه اطلع بره علشان اغير لبسي." "لا انسي مفيش الكلام ده." ومره واحده شالها وطلع الصاله اخدها في حضنه ورقص معها وهي بين ايديه.

فضل معها كتير لحد ما دابت بين ايديه واخير دخل اسعد بنور وال كانت اكبر مفاجأة له ان نور لسه عذراء. طلع النهار واسعد ونور كيان واحد. اسعد صحي باس نور واخد حمام وجهز الفطار ل نور وجابه لها صحاها وكانت مكسوفه منه اوي بس اسعد بهزاره وخفة دمه نساها كل كسوف وخجل. اسعد اخد اجازه واخد نور وسافر الساحل يقضوا اجازه سوى. نور مع اسعد على البحر. اسعد قعد وهي جمبه او تقريبا فى حضنه كان فى منتهى السعاده.

نور بتبص للبحر وسرحانه ودموع متجمعه فى عينها بتحاول تداريها بس اسعد شافها. اسعد مسك وش نور بايده وقال: "انتى ندمانه يانور انك قربتي مني وسمحتي ليا بالقرب ده اوعي يا نور اوعي انا ممكن اتحمل اي حاجه الا انك تندمي على اجمل حاجه حصلت لنا انا بقربي منك اكتملت سعادتي وحسيت اننا روح واحده بلاش يا نور." "انا مش ندمانه انا بس البحر فكرني بـ." وسكتت. "يحيى؟ صح؟

بقول ايه يا نور كلميني عن يحيى خرجيه بالكلام اتكلمي. نور الحب مش بايدينا ومش بايدك تحبيني انا عارف وراضي غصب عني مش بمزاجي حبيتك وعشقتك وبقيتي نور حياتي ودقت قلبي ومستني تحبيني عارف انك مش بتحبيني." نور حطت ايدها على بق اسعد وقالت له: "متكملش انا بحبك ومش حب عادي بحبك فوق ما تتخيل ويمكن ده ال تعبني."