رواية نور الاسر الفصل السادس عشر 16 - بقلم نوران جمال

في اليوم التالي، استيقظت نوران وعندما فتحت عيونها رأت آخر شخص تتوقع دخوله لغرفتها. نوران بصدمة: إيه ده؟ اسر، إنت إزاي تدخل أوضتي؟ اسر وهو يجلس على كرسي في آخر الغرفة وهو يضع قدمًا على الأخرى. اسر بخبث: أظن إن دي أوضة "غرفة" مراتي، صح؟ نوران بتذكر: صح، كتب كتابنا كان امبارح. ومتقولش السيرة دي تاني عشان بتعصب. ورغم كده، مينفعش تدخل من غير ما تخبط.

اسر كان سارح في شعرها، فهو يريد أن يعرف هل هو أسود أم بني بتلك التموجات الجميلة ونعومة شعرها. ولكن عندما سمعها تتحدث عاد إلى رشده. اسر ببعض من الحدة: مش هنتكلم كتير، يلا اجهزي عشان مش نتأخر. فأومأت له نوران بمعنى نعم، ثم غادر اسر وهو يحاول التحكم بدقات قلبه. أما في غرفة نوران: نوران: ده عنده انفصام شخصية ده ولا إيه؟ إيه ده؟ هو شافني بشعري؟ ولكن فجأة أكملت: لازم أجهز نفسي بسرعة عشان متأخرش.

ثم تابعت كالأطفال: هييه، هنطلع رحلة! هييه! "واضح إن هو اللي عنده انفصام شخصية." نزلت نوران وجدت الكل موجودين والفرحة ظاهرة عليهم، فهم يحاولون بشتى الطرق نسيان ما حدث لهيثم. ملك بمرح: هنروح الساحل يا نور! نوران وهي تتصنع الرزانة: أه، هنروح الساحل. إيه ده؟ ساحل؟ هييه! الاء: أنا فرحانة إننا هنروح مع بعض. ملك: وإحنا أكتر. مليكة: بس هما مش راضيين يقولولنا هنروح فين في الساحل.

حنين: بيقولوا مكان غير الشاليهات بتاعتنا، وطبعًا ده أمر من اسر إن مفيش حد فينا يعرف. نوران: طب يالا عشان مش نتأخر. ولكن في تلك اللحظة جاء اسلام ومعه زوجته، فهي مثلهم، كتب كتابها هي واسلام. اسلام: ازيكم يا جماعة؟ أقدم لكم ريم، مراتي. سلم الجميع عليها، فكانت ريم شخصية مرحة ودمها خفيف، فحبها الجميع وكونت صداقة مع مليكة وملك والاء وحنين ونوران. محمود: يالا عشان مش نتأخر في الطريق.

فأومأ الجميع له، ودخلت كل فتاة في سيارة زوجها وانطلقوا جميعًا إلى الساحل. في الطريق. اسلام وريم: ريم بفرح: البنات كويسين أوي، وأنا حبيبتهم جدا. اسلام: أنا قولتلك إنك هتحبيهم وهما كمان حبوكي. ريم بإستغراب: اسلام، هي مين فيهم اللي في خطر؟ ده مفيش واحدة فيهم ليها في المشاكل. اسلام بهدوء: نوران هي اللي في خطر. ريم بقلق على نوران: لازم ناخد بالنا. فهد والاء:

الاء بابتسامة: شوفت اسر ونوران انهارده، لايقين على بعض جدا. هما بس لو يعترفوا بحبهم. فهد: مصيرهم يعترفوا. المهم دلوقتي نخلي عينينا على نوران، مش عايزين أي حاجة تحصلها. الاء: عندك حق. نوران واسر: اسر بسخرية: انتي مش لبستي كعب عالي ليه؟ نظرت له نوران بإستغراب: ليه؟ إحنا رايحين رحلة مش حفلة. اسر بسخرية: أصل إنتي طلعتي قصيرة أوي. أنا أخاف مش أشوفك الصراحة. نوران بغيظ: كنت بتتريق على الفستان، دلوقتي مسكت في طولي والكوتشي.

وفي تلك اللحظة ظهرت سيارة كبيرة لا نعرف من أين أتت في الاتجاه المقابل لسيارة اسر. نوران عندما شاهدت السيارة تقترب منهم بسرعة كبيرة صرخت واحتضنت اسر وبكت. أما اسر، فبخبرته في القيادة استطاع أن يبتعد عن تلك السيارة والنجاة بحياتهم. ثم توقف بالسيارة. نظر اسر لنوران وجدها تبكي وهي تحتضنه وجسدها يرتعش، فقلق عليها. اسر بقلق: نوران، انتي كويسة؟ ردي. نوران نظرت له ولم تتخيل أنهما على قيد الحياة. نوران ببكاء: إحنا... إحنا...

اسر بهدوء: أيوه، لسه، مش متنا. ممكن تهدأي بقي. أومأت له نوران بمعنى نعم، ولكنها لاحظت أنها ما زالت تحتضنه، فابتعدت عنه بسرعة واحمرت خدودها ولا تسمع سوى دقات قلبها. أما اسر، فلم يكن يريدها أن تبتعد، ولكنه عندما رآها وهي تكاد تموت من الخجل، ضحك في سره. وفي تلك اللحظة وجد اسلام وعمر يخبطون على باب السيارة، ففتح لهم. اسلام بقلق: اسر، انت كويس؟ عمر بقلق شديد: نوران، انتي كويسة؟ نوران: أنا كويسة يا عمر، اهدأ.

ثم خرج الجميع من سياراتهم. محمود: إيه اللي حصل؟ ليه وقفتوا؟ اسر حكى لهم ما حدث، فقلق الجميع، لكن نوران قامت بتهدئتهم رغم أنها تكاد تموت من الرعب. بعد ساعة. وصل الجميع إلى المكان المحدد ونزلوا جميعهم من السيارات ووقفوا مندهشين من جمال المكان، فقد كان المكان رائعًا جدًا. ولم يكن أحد يعرف بذلك المكان سوى اسر، لذلك هو كان الوحيد غير المنبهر بالمكان، ولكنه كان فرحانًا لرؤيتهم سعداء، وخاصة نوران.

كان المكان عبارة عن شيء مثل فيلا تنظر على البحر، ومن الداخل تشبه الفندق، فقد كان لكل واحد غرفته الخاصة. ذهب كل واحد منهم ليرتاح ثم ليخرجوا. بعد ثلاثة ساعات. نزل الجميع وقاموا بإعداد الطعام في جو مرح وجميل، ثم خرجوا لينزلوا البحر.

نزل الجميع إلى البحر، وكان في شاطئ مخصص لعائلة الجارحي. وبعد قليل سمع الجميع صوت صراخ نوران لأنها كانت تغرق، فقد جاءها شد عضلي، كما أن الموج كان مرتفعًا. فقفز اسر مسرعًا وقلبه يكاد يتوقف، وقام بإخراجها من الماء ووضعها على الشاطئ. اسر بقلق شديد: نور، نور، قومي.

ثم يضغط على قفصها الصدري لكي تتنفس، ثم جاء ليفعل لها تنفسًا صناعيًا، ولكنها فاقت في تلك اللحظة. فقام اسر بحركة لا إرادية منه، حيث أنه قام باحتضانها بتملك، وكل ذلك تحت أنظار الجميع، حيث أنهم الآن تأكدوا من حب اسر، بل من عشقه لنوران، فهو يكاد يتوقف قلبه من القلق. أما نوران، فكانت مصدومة من احتضان اسر لها. جمال بغيره على ابنته فقال لأسر: ابعد كده عنها.

ثم قام باحتضان نوران تحت نظرات اسر الغاضبة ونظرات الجميع الضاحكة على ما يحدث. ذهب الجميع إلى داخل تلك الفيلا، أو من الأفضل ذلك القصر. جاء المساء. خرج اسر من القصر فوجد نوران تجلس أمام البحر، فذهب وجلس بجانبها وقال بصوته الرجولي الذي تعشقه نوران. اسر بهدوء: بتحبي البحر؟ نوران بتنهيدة: مش عارفة أكرهه. فنظرت له اسر بإستغراب. نوران

وهي تنظر للبحر بشرود: البحر مخيف، رغم أنه بيهديني وقت عصبيتي. البحر غير متوقع، زي النهارده. كان هادي وفجأة الموج ارتفع وكنت هغرق. البحر الغامض، كفاية إنك مش بتشوف اللي جواه، بس هو بيشوفك. تعرف يا اسر، أنا وأنا صغيرة كنت هغرق وأتخبط في الصخور واتجرحت، بس بعدها على طول نزلت تاني. رغم خوفي، إلا أن حبي كان أكبر. في ناس بتسمي ده غباء، وفي ناس بتسميه تهور. بس للأسف، مش عارفة أكرهه. زي بعض الناس، تبقي بتحاول تكرههم وتبعد عنهم، بس القدر يشدك ليهم أكتر ويعلقك بيهم أكتر. والفهكرة كلها إنك مش بتعرف تكرههم، زي البحر بالظبط.

في تلك اللحظة خرج فهد. فهد بهدوء: يلا ادخلوا عشان الوقت اتأخر والجو بدأ يبرد ويسقع. فوقف اسر وذهب وهو يفكر في كلام نوران، فهو اعترف لنفسه أنه يحبها، كما أنه شعر أن كلامها كان موجه له، فهو يعرف أنها تحبه. أما نوران، بعد ما ذهب اسر، أكملت بهيام وتفكير وهمس: وانت يا اسر، زي البحر، بحاول أكرهك، بس للأسف بحبك أكتر. ثم ذهبت ودخلت إلى القصر ونام الجميع.

أما في مكان قريب منهم، كان إيهاب يخطط لتنفيذ خطة جديدة بدل تلك السيارة التي لم تنفع واستطاع اسر ونوران النجاة منها، حتى جاءت في باله فكرة. إيهاب بشر: واضح إن الانتقام من بعيد مش بينفع، يبقى لازم أنتقم من قريب وأبقى وجه لوجه مع نوران. بس مفيش مشكلة. ثم ضحك تلك الضحكة الشريرة.