رواية نور الاسر الفصل الثامن عشر 18 - بقلم نوران جمال

في اليوم التالي استيقظت نوران فزعة بسبب تلك الرسائل، فهي لم تنم جيدًا وكانت تحلم بالكوابيس. عندما استيقظت، كانت تنظر حولها، فهي كانت تريد أن ترى أسر ولكنها لم تره. نوران بإستغراب: هو مش هنا.. فظهر أسر فجأة من الشرفة. أسر بمكر: كنتي بتدوري عليا.. نوران بتوتر: لا، وأنا أدور عليك ليه.. أسر بخبث أكبر: يمكن كنتي خايفة.. نظرت له نوران وسرعان ما فهمت أنه يريد تذكيرها بما حدث أمس، لأنها قامت باحتضانه عندما كانت خائفة. نوران

احمرت خدودها وبتوتر شديد: ها أنا أنا لا أنا كنت.. ضحك أسر: خلاص خلاص، انتي مش عارفة تجمعي الكلام.. ثم تحول وجهه إلى وجه هادئ. أسر بهدوء: حد اتصل بيكي تاني.. نوران: لا، مفيش حد اتصل.. أسر: تمام.. ثم خرج من الغرفة. نوران بغيظ: هو في إيه، بيدخل فجأة ويخرج فجأة.. أما أسر في الخارج. أسر بتفكير: كان عندي حق، مفيش حد هيتصل يهدد من نفس الرقم.. أما خارج القصر. نظر يوسف إلى ملك فوجدها تنظر إلى البحر بشرود.

يوسف بتساؤل: ملك بتفكري في إيه.. نظرت له ملك. ملك بهدوء: خايفة على نوران، إحنا جينا هنا عشان ننسى اللي حصل وننسى موت هيثم، وكلنا فعلاً بقينا أفضل، بس أنا قلقانة جدًا على نوران، أنا دايما موجودة معاها وعمري ما لقيت مشكلة ما بينها وبين حد، ده هي كانت محبوبة جدًا وبتبعد عن المشاكل.. يوسف: أنا كمان مستغرب، بس إحنا واخدين بالنا منها وهي كويسة.. ثم احتضن يوسف ملك حتى تطمئن. أمام البحر أيضًا ولكن بعيدًا عن ملك ويوسف.

فهد: لؤلؤتي مالك.. الاء: مفيش، بس قلقانة شوية.. فهد: قلقانة ليه وإحنا معاكي.. ابتسمت له ثم قالت بحزن: قلقانة على نوران وأسر، ده غير موضوع سرين وموت هيثم، مش قادرة أنسى.. فهد ابتسم لها. فهد: نوران، إحنا كلنا واخدين بالنا منها، وخاصة أسر، وإنتي عارفة أسر هيقدر يحميها. أما سرين وهيثم، إحنا هنفضل ندعيلهم ومش هننساهم، ده قدرهم يا الاء وهما دلوقتي يمكن مرتاحين عن ما كانوا عايشين. كل حاجة وليها حكمة إحنا بنعرفها في وقتها..

هدأت الاء من كلام فهد، فهي فعلاً عارفة أسر، خاصة أنه القناص. "هنعرف موضوع القناص ده كمان شوية" أما في الداخل، كان عمر وحنين يتحدثون في أمور عديدة. فرغم قلق عمر الشديد على نوران، إلا أنه يثق في أسر، كما أنه يريد أن يخفف عن حنين لأنها كانت مصدومة من خبر موت سرين بتلك الطريقة وقتل هيثم أمام عينيها. وعند سيف ومليكة في المطبخ. سيف: مليكتي.. مليكة: نعم.. سيف: بحبك.. مليكة: وأنا أكتر.. فدخل مراد الجارح.

مراد بغيره على ابنته: طب كفاية كلام وخلصوا عشان الكل بره مستني.. احمرت خدود مليكة من الكسوف، أما سيف نظر لمراد بغضب. خرج مراد وهو يضحك عليهم، فهو كان يعلم بحبهم لبعض منذ الطفولة وتمنى لهم وللآخرين السعادة. نزلت نوران وجلست معهم. ريم بمرح: إيه رأيكم نخرج النهارده وناخد صور في أماكن مختلفة.. حنين: فكرة حلوة.. الاء: تمام، حتى تبقي صور للذكري..

بعد تناول الطعام، خرج جميع الشباب وذهبوا إلى أماكن مختلفة وأخذوا العديد من الصور، وكانت أجملهم لأسر ونوران. الاء: الصور كلها حلوة، خاصة صور أسر ونوران.. ريم: فعلاً لايقين على بعض جدًا، بس هي مشكلة الطول اللي ما بينهم دي.. فضحك الجميع. نوران وهي تنظر لهم ثم نظرت لأسر: أنا مش قصيرة أوي على فكرة، هو اللي طويل جدًا.. حنين: فعلاً أسر أطول واحد في الشباب، بس إنتي يا نور أقصر واحدة فينا..

نظرت نوران لهم ببعض من الغضب والمرح ثم ضحكت. فوجدت أسر ينظر لها. أسر بضحك: لازم كده، مش قولتلك أول ما جينا البسي كعب، قولتي لا.. ثم قام بتقليدها. أنت كنت بتتريق على الفستان دلوقتي على الطول.. فضحك الجميع ومن بينهم نوران. تاه أسر في ضحكتها، فنوران لديها ضحكة مختلفة. لاحظ الجميع ما عدا نوران أن أسر كان ينظر لها بحب واضح، كما أنهم لاحظوا التغير المفاجئ لشخصيته، فهو لم يكن يضحك كثيرًا، أما الآن فهو أصبح دائمًا يضحك.

في تلك اللحظة، أتى شخص لهم. فهد: مستر إدوارد، عامل إيه.. ادوارد: كويس.. نوران: إيه ده، إنت بتتكلم عربي.. ادوارد بضحك: آه، بتكلم عربي كويس جدًا، أنا والدتي كانت مصرية، بس في الشغل بتكلم بالإنجليزي عشان ده شغل.. نوران أومأت بتفهم. سيف بهدوء: بس إحنا كنا فاكرين أنك هتسافر بعد الاجتماع.. ادوارد: حبيت أفضل في مصر شوية، وبما أني هنا، أنا عامل حفلة صغيرة كده في الفيلا بتاعتي، وأحب أنكم تكونوا موجودين..

كان أسر سيرفض، ولكنه رأى أن الجميع يريد الذهاب، فجميعهم يحبون الحفلات باستثناء أسر. أسر بهدوء: تمام، النهارده بليل هنيجي الحفلة.. ادوارد بفرح: وأنا مستنيكم..

عاد الجميع ليرتاحوا قبل الذهاب إلى الحفلة. وكانوا يشاهدون الصور التي التقطوها اليوم. كانت نوران ترى الصور وقلبها يدق، حيث كانت تتذكر اقتراب أسر منها لالتقاط الصور. أما أسر فكان يتمنى أن تطول فترة التقاط الصور لكي لا تبتعد عنه. أما باقي الموجودين، كانوا ينظرون لهذا الثنائي العنيد وهم يتمنون لهم السعادة. جاء الليل وتجهزت جميع الفتيات كما فعل أبطالنا، وكانوا رائعين وذهبوا إلى الحفلة.

دخل جميع أبطالنا، وكانت أنظار كل من في الحفل عليهم، خاصة على ذلك أسر، فكانت نظراتهم بين الحقد والحسد والفرح. فكانت نوران غاضبة من نظرات الفتيات لأسر، أما أسر كان غاضبًا من نظرات الرجال لنوران. كانوا جميعًا مستمتعين بتلك الحفلة. في مكان قريب من الحفلة. إيهاب بشر: هما موجودين، أنا هنفذ الخطة دلوقتي.. الشخص: مينفعش دلوقتي، إنت عايز تقتلهم.. إيهاب بشر: أيوه، مش ده اللي اتفقنا عليه..

الشخص بمكر وشر: آه، بس بعد ما أشوف نظرة الانكسار في عيون أسر في عيون القناص.. إيهاب بإستغراب: قناص مين.. الشخص خاف أن يقول لإيهاب أن أسر يكون قناص الداخلية، فيخاف ولا يكمل معه الخطة: عشان هو قناص الاقتصاد، صح.. إيهاب: صح كده، هنفذ بكرة.. الشخص: تمام.. في الحفلة. كانت نوران تقف مع ملك وريم، وفجأة تقدم شاب منهم. نوران: أفندم، في حاجة.. الشاب بإبتسامة: ممكن ترقصي معايا.. نوران بهدوء: آسفة، مش برقص..

الشاب مسك ذراع نوران بحده: إنتي عارفة إنتي بتكلمي مين.. نوران بحده: أبعد عني.. وفجأة، كان الشاب على الأرض وأسر فوقه يقوم بضربه لدرجة أن ذلك الشاب فقد الوعي. فجاء إدوارد. ادوارد بتساؤل: أسر، في إيه.. أسر بحده: مين الزفت ده.. ادوارد: ده حسام القدري.. أسر قام برفع صوته وبحده: لو أي حد من الموجودين اتعاقد مع شركات القدري، هيتمحي من السوق، فاهمين..

لم ينطق أحد، حيث أنهم كانوا خائفين منه. أخذ والد حسام حسام إلى المستشفى ثم إلى المطار، فهو لن يظل لحظة واحدة هنا، فلا أحد يريد أن يتعرض لغضب القناص. أما أسر، قام بسحب نوران من يدها وركبوا السيارة، وكان يقود بسرعة كبيرة، ثم توقف أمام القصر ونزل هو ونوران. أسر بصراخ: إيه اللي حصل هناك ده، ها.. نوران بخوف: والله كان عايزني أرقص معاه وأنا رفضت.. أسر بحده: إنت إزاي مش تناديني في موقف زي ده..

نوران بحده مثله: مش خدت بالي، أنا كنت فاكراه هيمشي.. ثم قالت بصوت مرتفع: وأنت إيه اللي مضايقك، ها.. أسر: إنتي مراتي.. نوران بحده: وهنطلق بعد ما أبقى في أمان والموضوع ده يخلص.. امسك أسر ذراعها: مفيش طلاق، فاهمة، إنتي ملكي.. نوران بغضب كبير: أبعد عني، إنت بتعمل كل ده ليه، ها، ليه كل شوية تزعقلي وأنا مش ليا علاقة باللي حصل، ليه كل شوية تقولي إنتي ملكي، ها..

أسر بغضب أكبر وصوت مرتفع: عشان بحبك، لا عشان بعشقك، عشان مش بقدر أنساكي، وكل ما أحاول أنساكي، ألاقيكي قدامي. إنتي مسألتش نفسك أنا ليه دايما بضايقك أو أحرجك، ببقى عايز أتكلم معاكي، إنتي عارفة إنتي ليه بتصحي تلاقيني قدامك؟ عشان بتبقي واحشاني وببقى عايز أشوفك، عشان إنتي الوحيدة اللي قلبي دق ليها..

نظرت له نوران وهي مصدومة. هي كانت تعلم تأثير الغيرة وأنه سيعترف عندما يغار، لكنها لم تتوقع أن يقول كل ذلك. فلم تشعر بنفسها غير وهي تجري وتدخل القصر، ثم تدخل غرفتها وتغلق الباب وتجلس على الأرض. نوران وقلبها يكاد يتوقف من سرعة دقاته: اعترف أخيرًا، قالها، قال أن هو بيحبني.. ثم ضحكت وهي تقفز.. أخيرًا، أخيرًا، بس أنا ليه جريت، غبية، أووف، خلاص أنا هعترفله بكرة.. ثم نامت وهي تبتسم. أما عند أسر.

أسر بصدمة: مجنونة، هي إزاي جريت من قدامي كده.. ثم ابتسم وأكمل.. بس عارف أنها بتحبني وهخليها تعترف في أقرب وقت.. ثم ذهب إلى غرفته ونام وهو يبتسم. وصل باقي أبطالنا إلى القصر بعد أسر ونوران، وسمعوا اعتراف أسر. فهد بصدمة: إيه ده، ده اعترف.. الاء بفخر: ما أنا قولتلك هيعترف.. حنين: أنا كنت فاكرة أن نوران هي اللي هتعترف الأول.. عمر: نوران ذكية وقدرت أنها تخلي أسر يعترف، ده غير أنها عمرها ما كانت هتعترف الأول..

ملك بإبتسامة: المهم أن حد اعترف أخيرًا، ده أنا كنت هفقد الأمل.. ضحك الجميع، ثم ذهبوا إلى غرفهم وناموا وهم فرحانين بما حدث. ذهب اسلام إلى أسر. اسلام بتساؤل: أسر، إنت نمت.. أسر بسخرية: ذكي أوي السؤال ده، فرحتوا باللي حصل صح.. توتر اسلام ثم قال: إيه ده، إنت كنت عارف.. أسر: ما أنا عارف أن إنتوا اللي متفقين مع حسام ده، غير أنكم سمعتوا كل حاجة.. اسلام بتوتر: كانت فكرة ريم والاء والله..

أسر بسخرية: عارف، الأفكار دي مش بتيجي غير من الاء.. اسلام بجدية: أسر، أنا كنت محتاجك في مهمة.. اعتدل أسر ثم جلس على السرير. أسر بجدية: إيه هي.. اسلام: تهريب مخدرات، ولازم نقبض عليهم، ومفيش غيرك يا قناص اللي يساعدني.. أسر: تمام، بكرة الصبح نشوف الموضوع ده.. اسلام: تمام، بس هتوافق، إنت الوحيد اللي هتقدر تحل المشكلة دي وتقبض عليهم، ده غير أن اللواء عايزك إنت مخصوص.. أسر: ماشي، أنا هريح شوية وبكرة الصبح نروح للواء..

اسلام: تمام.. وخرج اسلام. أسر بإبتسامة: هنرجع تاني للقناص.. ثم وقف وأخرج مسدسه من تحت المخدة وجهزه، ثم نام. نام جميع أبطالنا وهم لا يعرفون ما ينتظرهم غدًا. فيا ترى ماذا سيحدث، وهل ستستمر السعادة بينهم، ومن ذلك الشخص الذي يساعد إيهاب، كل ده هنعرفه البارت الجاي، انتظروا.