رواية نور و الأسد الفصل الخامس 5 - بقلم نور عصام

دخل أوده انصدم لما شاف نور واقفة ولابسة بيرمودا قصيرة جداً وبادي حمالات وشعرها الأسود الناعم الطويل على ضهرها وخصلات منه على وشها. غمض عيونه وفتحها. نور اتخضت وقالت: "انت إيه اللي دخلك عليا كده من غير استئذان يا حمار انت! أسد بعصبية قالها: "أنا حمار؟ نور: "ومين غيرك هنا؟ أسد: "قرب منها ومسكها من شعرها وقال: أنا حمار! نور: "خلاص بقى، هو انت مش عارف نفسك ولا إيه؟

أسد لف شعرها على إيده بقوة ومسك إيدها بإيده التانية وبيزقها علشان يرميها برا الأوضة. نور بتحاول تضربه برجليها. أسد ضربها برجله، اتكعبلت وقعت على الأرض وهو فوقها. نور بتصرخ وتقول: "الحقوووووني يا نااااااس ياااااهووووووليلي وياسمين واميرة وجدها والكل! طلعوا يجرو وبس فتحوا الباب لقوا أسد فوق نور وبيحاول يخنقها ونور ماسكاه من شعره وبتشد فيه. الجد: "إيه اللي انتو بتعملوه ده؟ انتو اتجننتوا؟

حمزة: "هههههه، طب والله مشهد عاوز يتصور." خالد: "هههههه، وبعدين قاله تعالي نطلع لأنه بس يفوق هيموتنا لو شافنا هنا." حمزة: "ليه يعني؟ خالد: "انت مش شايف نور لابسة إيه؟ حمزة: "والله ما خدت بالي." وخرجوا. نور بصوت عالي قالت: "حد يشيل التور اللي عامل فيها هوجا ده! ليلي راحت عليه وقالت: "ابعد يا بني عنها، ميصحش كده." أسد: "محدش يدخل بينا، أنا لازم أجيب أجلها." الجد راح لعندهم وبصلها. أسد فهم نظرة جده وقال: "متفهمنيش غلط."

الحد: "وافهمك إنها حجة، صح يا باشا؟ ياسمين وأمها شدوا أسد من عليها وقوموها. نور بغباء قالت: "يخربيتك، حيطة فوقي." أسد برقلها وبعدين بص لها من فوق لتحت. نور بصت لنفسها وشهقت. الجد: "إيه مش ناوين تعقلوا بقى؟ نور: "هو اللي... أسد بص لها وقاله: "اخرصي أحسن لك." ياسمين مسكتها من إيدها وقالت: "تعالي يا نور معايا علشان تغيري." واتحركت بيها. أسد جري عليها وقالها: "رايحة فين كده؟ ياسمين: "هاخدها تغير، مينفعش كده."

أسد بتسرع: "لا خليها هنا وروحي هاتيلها هدوم." نور بصتلها. أسد ضربها على دماغها وقالها: "اكيد هخرج يعني." الجد: "طيب يلا ننزل." وبس خرجوا من الأوضة قال لـ أسد: "لما انت هتموت عليها بالشكل ده، بتعاملها كده ليه؟ أسد: "أنا أغير على ديليلي؟ ليلي: "هو انت غيران بس، دا انت ميت من الحب كمان يا عين أمك." وضحكت هي وجدها. أسد احرج وقالهم: "آه، انتوا فاضيين بقى." ليلي: "ليه مش حب العمر اللي رافض تتجوز بسببها؟

وكل ما نفتح معاك موضوع الجواز تقول بعدين، لسه ملقتش حبيبتي، أما ألاقيها هتجوز على طول." نور عصام. الجد: "رد وقال: وأهو لقاها." أسد: "على فكرة أنا مكنتش أقصد الشعنونه دي." الجد: "اممم، ماهو واضح يا ابن مختار." جدتهم: "قالت تعالي هنا يا واد يا أسد." ومسكته من ودانه وقالت: "انت إزاي تزعل القمر بتاعنا؟ أسد: "أنا أزعلها؟ دي تزعل بلد! نور نزلت وراحت على جدتها وباستها وقالت: "صباح الفل." جدتها: "صباح الجمال." أسد بص لها.

نور راحت عليه وعملت كأن مفيش حاجة وقالت: "صباحووو كابتن باشا." أسد: "كابتن باشا؟ نور: "حقا عليا اللي بديك اتنين في واحد." جدتها: "ههههه، والله عسل يا بت يا نور." نور قعدت جنب أسد ومسكته من خده وقالت: "ياخلاثي قموص قوي يا باشا." أسد بعد إيدها وقالها: "قموص؟ نور: "لا وحمش." جدتها: "ههههه." ليلي: "تعالوا يلا افطروا." نور: "معلش أنا مستعجلة وكمان لازم أروح الشقة أجيب كتبي وحاجتي علشان الجامعة."

أسد: "اقعدي افطري وأنا هوصلك." نور: "هتأخر." أسد: "قولت هوصلك." نور قعدت جنبه. أسد: "كلي براحتك، لسه بدري." جدتهم: "قال لهم بتتهامسوا إيه كده؟ نور: "قالت بيقولي عاوز أقعد معاكي على انفجار، يرضيك كده يا كبير؟ الجد والكل: "هههههههه، هههههههه." أسد باحراج قالها: "أنا قولت كده." نور: "أكدب يعني؟ أسد: "ودي تيجي؟ أميرة بمرح قالت: "هما غيروها ولا إيه يا نور؟ نور: "هي إيه دي يا بت؟

أميرة: "كلمة انفجار، أصل طول عمري أعرف إنها انفراد." نور: "قالت ما هو أسد يا بت اللي قال، فطبيعي تطلع مختلفة، هو أي حد ولا إيه؟ الكل ضحك. أسد: "ماشي يا نور." نور: "أسد، انت اللي مختار ديكور أوضتك؟ أسد: "أيوا، حلوة صح؟ نور: "بعند قالت: بالعكس، زي الزفت." أسد قام وقالها: "يلا." ومسكها من إيدها. جدتهم بمناغشة قالت: "أنا هاجي معاكم." نور: "اقعدي يا تيتا، اقعدي يا حبيبتي، شوفي جدو بينادي عليكي." وجريت قبل ترد.

أسد في العربية قال لـ نور: "مش ناوية تعقلي بقى؟ نور: "على فكرة أنا عاقلة ومفيش مني اتنين." أسد: "الحمد لله." نور: "ليه يا خويا؟ أسد: "دا خوت يخوتك." نور حسّت بغيرته قالت: "الا قولي يا باشا، هو لو أنا يعني مني اتنين، تفتكر تختار مين فينا وتتجوزها؟ أسد بعند قال: "ولا واحدة." نور بغضب: "ليه إن شاء الله؟ دا أنا لقطة، دا أنا فرصة متعوضش." أسد: "بس مش ليا."

نور: "دا على أساس إني أنا باعبرك اصلا، دا أنا مش بطيقك، دا لو انت آخر راجل في الدنيا مش هبوصلك." أسد لسه هيرد، تليفونه رن، فتح وقال: "ألو." حمزة: "أسد، تعالي المصنع شوية عاوزينك." أسد: "أنا تعبان، هوصل نور وأنام شوية وأرجع القسم." حمزة: "تعبان إيه؟ انت عجّزت ولا إيه يا باشا؟ دا حتى محتاجين صحتك الفترة اللي جاية دي." أسد: "فهمه وبعدين رد وقال: عجّزتم كلكم يا بعيد، هو انتوا إيه مش ناوين ترحموني؟ امتى هاخد إجازة؟

لما أموت يعني؟ حمزة: "معلش بجد محتاجينك." نور عصام. أسد: "تمام، بس أوصل نور وأجي." وقفل. وبعد شوية وصلها الشقة، جابت حاجتها وهي نازلة قابلت هاني، بصلها بغيظ. أسد قالها: "يلا." ومشوا. وصلها الجامعة. نور بعد ما خلصت جامعة راحت كالعادة الشركة اللي بتدرب فيها، وبس خلصت راحت عالمطعم. في بيت معتز الجوهري. الجد: "هي نور اتأخرت كده ليه؟ ليلي: "والله يا بابا أنا بتصل عليها، فونها مغلق." جدتها: "بس اتأخرت زيادة عن اللزوم."

ياسمين: "هي قالت إنها بتخلص جامعة وتروح شركة بتدرب فيها، جايز ده اللي أخرها." أسد دخل وقال: "السلام عليكم." الكل رد السلام. أسد: "إيه مالكم، ف إيه؟ ليلي: "نور مرجعتش لحد دلوقتي." أسد: "إيييييه؟! جدته: "أيوا يا بني واحنا قلقانين عليها قوي." أسد: "ليلته سودا لو اللي في دماغي صح." والتفت ليخرج. نور دخلت وقالت: "مساء الخير." أسد راح عليها وكله شر وقالها: "كنتي فين لحد دلوقتي؟ نور: "وانت مالك انته؟

جدتها: "يا بنتي قلقتنا عليكي." ليلي: "يا حبيبتي خوفنا عليكي وكمان فونك مغلق." نور: "فصل شحن." أسد بصوت عالي قالها: "كنتي فييييين؟ نور خافت من صوته العالي وبعدين قالت: "كنت الشغل." ليلي: "شغل؟ نور: "أيوا يا طنط، أنا بعد ما خلصت محاضراتي روحت الشركة اللي بتدرب فيها وبعدها روحت المطعم اللي بشتغل فيه وبعدين جيت أهو." أسد مسكها من إيدها وسحبها وراه عالسلّم. الجد: "أسد! أسد: "لو سمحت يا جدو بعدين نتكلم."

خالد: "أسد جن على الآخر." حمزة: "الحب بقى." الجد: "اخرص انت وهو." حمزة: "أها، ماهو انت كده يا حاج، متجيش إلا علينا." الجد: "بتقول حاجة يا حمزة؟ حمزة: "بقول وحشتني يا جدو، مشوفتكش طول النهار." ياسمين: "هههههه، جبانة." حمزة: "ههههه، بس يابت يا قمر انتي، دا الكبير فاهمها." أسد دخلها الأوضة ورماها عالسرير. نور: "براحة شوية مش كده! أسد: "إيه اللي وداكي الشغل الزفت ده تاني؟ نور: "عادي، ده شغلي وأنا متعودة عليه وبحبه."

أسد: "بتحبيه؟ نور: "أيوا." أسد وخلاص جن منها قالها: "انتي مش عارفة انتي مين؟ إزاي تعملي كده؟ وانتي تقدري تشتري المطعم باللي فيه! نور: "محدش له حاجة عندي." أسد: "طيب مفكرتيش في وضعنا كلنا؟ نور بزعل قالت: "أولاً محدش يعرفني." أسد بغضب: "محدش يعرفك؟ نور: "ياسيدي لو مش عاجبك وبتستعر مني، ارجع بيتي." أسد: "نوووووور! نور: "أنا قولت اللي عندي."

أسد مسكها من إيدها وقالها: "هما كلمتين، مفيش غيرهم، من الجامعة للشركة ومنها للبيت، فااااهمة؟ نور: "وانت مين علشان تتحكم فيا؟ أسد بص لها وقال: "ع الله كلامي ميتنفذش." وكان حاد في كلامه. نور: "أنا محدش يتحكم فيا وخصوصاً انت." أسد بيحاول قدر الإمكان يتحكم في أعصابه علشان ميتفورش ويضربها. بص لها وقال: "غوري على أوضتك." نور مشيت وهي بتبرطم. ياسمين شافتها راحت عليها ودخلت معاها أوضتها. نور: "زعلانة؟

ياسمين: "نور حبيبتي، أسد والكل معاهم حق في إنه... نور قاطعتها وقالت: "أنا اتعودت على كده." ياسمين: "بس انتي دلوقتي مش محتاجة للشغل، ف ليه؟ نور: "ياسمين، أنا لحد دلوقتي مش مستوعبة اللي أنا فيه، أنا حياتي اتغيرت واتقلبت 180 درجة بين يوم وليلة." ياسمين: "بس اتغيرت للأحسن، ولقيتي عيلتك اللي بتحبك وبتخاف عليكي، وتتمني بس تشاوي وتقولي عاوزة حاجة." نور: "أنا عارفة كل ده، بس أنا متعودة أعتمد على نفسي."

ياسمين: "يعني هو أنا علشان مش بشتغل أبقى ضعيفة ومش قد المسؤلية؟ لأ يا نور." نور قاطعتها وقالت: "أنا فاهماكي، بس بصراحة متعودتش أقول لحد عاوزة حاجة ولا أقول أنا عاوزة فلوس." ياسمين: "مش عيب يا حبيبتي، وكمان انتي عندك فلوس كتير باسمك زي ما سمعت، ده غير إن جدو وأسد وحمزة وخالد كل سنة بيحطولك مبلغ كبير قوي في البنك من إيراد المصنع." نور: "عارفة، بس أنا...

ياسمين قاطعتها وقالت: "بلاش مكابرة يا نور، وبصي لشكلِك ومركزِك، ومتفهمنيش غلط، الشغل مش عيب، بس اشتغلي شغل يليق بالباشمهندسة نور الجوهري." نور بصت لها وسكتت. ياسمين حضنتها وقالت: "متزعليش مني، أنا أختك وأكيد عاوزة مصلحتك." وابتسمت وقالت: "سيبي عندك مع أسد في الموضوع ده، وياستي عندّي في حاجة تانية." نور رفعت حاجبها. ياسمين: "بخربيت تفكيرك اللي في ثانية يتحول ويفكر في المصايب." وباستها من خدها. نور: "إيه ده يا بت؟

ياسمين: "إيه؟ ببوسك." نور زقتها عنها بأرف وقالت: "متلمسنيش، انتي طلعتي منهم! ياسمين: "يخربيت تفكيرك المهبب." وضربتها بهزار على كتفها. أميرة خبطت ودخلت وقالت: "ها، خلصتوا؟ ياسمين: "في حاجة؟ أميرة: "ماما بتقولكم تعالوا علشان تتعشوا يلا." ياسمين: "يلا يا نور." رواية نور والأسد بقلمي نور عصام. نور: "لأ معلش، مليش نفس." ياسمين: "كده أسد هيكون انتصر عليكي." نور: "ده مين ده اللي يفوز عليا؟ لحظة بس أغير وأنزل."

ياسمين: "طيب، احنا هننزل نساعد ماما على ما تغيري." ونزلوا. نور وهي نازلة قابلت خالد عالسلّم. خالد: "أهلاً بالقمر." نور شافت أسد قاعد عالسفرة حبت تعانده، مسكت خالد من إيده وقالت: "والله وحشني يااد يا خالود." خالد: "اممم، ده انتي ناوية تخربيها على دماغي أنا بقى." نور: "اخرس انت." خالد: "يابنتي والله أنا أكبر منكم." نور: "بسنتين، مش كتير يعني."

خالد: "طيب احترميني شوية، وياريت تبعدي عني علشان الأسد عينه علينا وأنا حاسس إنه عاوز يجيب أجلي." نور: "بس يا جبان." خالد: "جبان قدام الأسد، مليكيش دعوة." نور: "باخبتك." وكأنهم وصلوا. أسد بص لأيدها اللي ماسكة خالد. الجد: "اقعدي يلا يا نور." نور: "حاضر يا جدو." وبعدين قالت: "تعالي يا خالد يا حبيبي اقعد جنبي، أصل مشوفتكش طول النهار وبجد وحشتني قوي." خالد: "الله يخربيتك، حاسس إن أجلي خلص." نور: "لأ، لسه فيه يومين."

خالد: "هههههه." وبعد انتهاء العشا. الجد: "قال تعالي يا نور عاوزك في المكتب شوية." أسد: "قال لحظة يا جدي لو سمحت." الجد: "خير يا أسد؟ أسد: "بدون مقدمات قال: أنا عاوز أتجوز نور." الجد والكل اتفاجئوا من الطريقة، هما كان متوقعين وعرفين إن ده هيحصل، بس مش كده ولا بالسرعة دي. أسد: "قولت إيه يا جدي؟ نور: "قبل جدها يرد قالت: أنا مش موافقة." أسد من غير ما يبصلها قال: "قولت إيه يا جدي؟

نور بغضب قالت: "أنا قولت مش موافقة، وأعتقد بكده خلص الموضوع، ولا إيه يا باشا؟ أسد: "يوم الخميس هنعمل خطوبة." وسابهم وطلع أوضته. نور بتغلي من الغضب وقالت: "شوفت قلة أدبه يا جدو؟ الجد: "اهدي بس كده وتعالي اقعدي." نور: "أهدي إيه بس يا جدو بعد كلام الزفت ده؟ الجد: "خطرت فكرة في باله قالها: لو مش موافقة خلاص براحتك، وهو يتجوز علا بنت خالته، أهي هتموت عليه وأمها نفسها تجوزهالها، وتبقى انتصرت عليكي وكسبت المعركة."

وبقلمي نور عصام. "وأخدته منك، أنا طول عمري أقول أسد مش هيتجوز إلا بنت عمه، نور أهي لو موفقتيش للأسف هيتجوزها وتبقى حتة عيلة مشت كلامها عليا." نور رفعت حاجبها وبعدين قالت: "لأ يا جدو، أنا ميرضنيش حتة بت زي دي تعاندك وتمشي كلامها عليك، أبداً، ده أنا اقتلها." الجد: "يعني موافقة؟ نور: "أيوا يا جدو، وهطلع عينها وعينها." الجد حضنها وقالها: "حبيبة جدها اللي مترضاش تزعله أبداً."

جدتها باركتلها وباقي العيلة، وطبعاً علا دي بنت خالة أسد فعلاً، بس متجوزة وعندها عيال ومسافرة برا. الجد: "طيب يلا، كله على أوضته ينام." وبص لباقي العيلة، الكل فهم إنه محدش يقول حاجة لـ نور عن علا. نور طلعت أوضتها وقالت: "ماشي يا علا الكلب، إن ما وريتك." أسد نايم على سريره وبيفكر في الشعنونه اللي قلبه وعقله مجننين بيها، وابتسم لما كانو بيتخانقو وهو فوقها، ونام. أشرقت الشمس بنور ربها. نور جهزت ونازلة رايحة الجامعة.

حمزة: "يا صباحووو." نور بابتسامة قالت: "فل." وبصت لقت أسد خارج من أوضته قالت: "ياااه، على صباحك يااد يا حمزة، ورد وفل وياسمين، ياااه، يا ريت منه كل يوم." حمزة شاف أسد قالها: "أها، علشان كده صباحي عجبك؟ طب غوري بقى من وشي، أنا مش مستغني عن عمري." نور: "جبان وواطي." وكانت وصلت جدتها قالت: "صباحو مانجة." جدتها بابتسامة: "صباح الفراولة." أسد: "إيه مش هنخلص من سوق الفاكهة اللي نزلتوا فيه ده؟ نور قالت لـ

جدتها: "شكله غيران ولا إيه؟ أما أروح أنرفزه شوية." وراحت عليه وقالت: "صباح الجمال على عيونك العسلي دول يا أسودي." أسد عوّج بؤه وقالها: "أسودي؟ نور: "طبعاً يا حبيبي، مش خلاص اتراضينا وبقينا أخوات زي الناس الطبيعية وهناخد هدنة؟ أسد: "أخوااات؟ نور: "إيه يا باشا، مش عاجبك أخوات؟ خلاص نخليها أم وابنها." ليلي والكل: "هههههه، ههههههه." نور: "أهو، اشهدوا عليه، بصالحه وهو راكب دماغه، طب أعمل إيه؟

أقطع نفسي يعني ولا أموته وأخلص منه أحسن؟ أسد بص لها برعب. نور: "جريت على جدها وقالت: والله عيب في حقك اللي بيحصل ليا في وجودك يا حاج." نور عصام. الجد: "أنا راضي علشان تستاهلي." نور: "يا عيني عليكي يا نور، انتوا بتعملوا فيا كده ليه؟ علشان مليش قريب ولا حبيب ولا غريب؟ أهئ أهئ أهئ." حمزة: "إن شاء الله حتى تتفحمي، محدش هيدافع عنك." نور: "واطين يعني، ألم الدور." خالد: "أيون."

نور: "احم، طيب يا جماعة، أنا هروح المطبخ عند ليلي." وراحت. وبس دخلت قالت: "بتعملوا إيه؟ عمها مختار وليلي: "اتخضوا." نور: "ها، قرو واعترفوا، بدل ما أخلي فضحتكم بجلالة، وأقول دخلت لقيت مختار بيتحرش بـ ليلي." ليلي: "محرجهم." مختار: "اخرصي يابت، الله يخربيتك." نور راحت عليه وحطت إيدها على كتفه وقالت: "مش عيب عليك يا مختار تتحرش بمراتك؟ ليلي راحت عليها وقالت: "هقتلك على إيدي النهارده."

نور جريت على برا وقالت: "عاااااااا، الحقني يا جدووو، الحقووووني كلكم، عااااااااا." الجد والكل قاموا من عالسفرة وقالوا: "مالك يابنتي، ف إيه؟ نور قالت: "ليلي المفترية دخلت علشان أساعدها في الفطار." ليلي: "واقفة روحها هتطلع." نور بصت لها وقالت: "قولت أساعد طنط حبيبتي، وبس دخلت عندها، لقيتها قالتلي: غوري يابت من وشي، قولتله: ليه كده يا طنط، دا أنا بحبك، راحت مسخنة السكينة عالنار ولسعاني في دراعي وجابت الساطور

وحطيته على رقبتي وقالتلي: إياك توافقي على جوازك من ابني." "وراحت على أسد وقالت: شوفت يا حبيبي، أمك، وأنا اللي قولت خلاص أخيراً الدنيا ضحكتلي وهتجوز ابن عمي حبيبي اللي هيريحني من الدنيا وأرفها ويخاف عليا ويهنيني، أهئ أهئ أهئ." أسد مسكها من قفاها وقالها: "أمي عملت كل ده؟ نور: "أيوا يا حبيبي، أنا هكدب يعني؟ أسد: "لأ طبعاً، بس أمي غلطانة إنها ملسعتك على لسانك بالسكينة، بس ملحوقة، أنا اللي هعمل." وشدها.

نور: "هتعمل إيه يا باشا؟ مش كفاية أمك... آآآه، يا نور، يا صغيرة عالموت، يا اختييييييييييييييييييييييييي." روايات بقلم نور عصام. مختار وليلي: "تستاهلي." الجد وباقي العيلة بيضحكوا بصوت عالي. نور: "بتضحكوا يا غجر؟ ليا حق لما قولت عليكم غرقانين." أسد بيكتم ضحكته وقالها: "اخرصي." نور وهي عاملة زي الكتكوت المبلول قالت: "هروح فين يا باشا؟ أنا عندي محاضرة مهمة وأنت ميراضكش أسقط." أسد وصل للباب،

التفت وقال: "جدو، أنا كنت بقول يوم الخميس الخطوبة، لأ خليها بكرة، جهزوا نفسكم على كده، وأنا هعزم صحابي على بكرة بإذن الله." وقفل الباب قبل حد يعترض. وقالها: "يلا عالعربية." نور: "يا عيني عليكي يا نور، روحتِ بلاش." أسد: "قال تخلصي جامعة وعالبيت وتجهزي نفسك على بكرة." نور: "بس أنا... أسد بحدة بصلها وقال: "ولا حرف، ومش عاوز أسمع صوتك." وبعد شوية وصلوا الجامعة. قالها: "اتفضلي يا انزلي يا عروسة."

نور نزلت وحضرت محاضرتها، وبعد ما خلصت راحت الشركة، وبس طلعت قالت تروح المطعم علشان تقولهم إنها مش هتروح تاني، وفعلاً حصل، وقعدت شوية مع زملائها بالمطعم، وبعدين روحت. دخلت وقالت: "السلام عليكم." الكل رد. ليلي: "تعالي يا حبيبتي، عاوزاكي." نور: "حاضر يا طنط." وفونها رن، فتحت ولسه هترد، سمعت. أسد بصوت عالي قالها: "نووووووور! نور رمت الفون من إيدها. ليلي: "إيه يا بنتي مالك؟

نور: "الأسد منتحل شخصية التور الهايج، وشكله كده ناوي على موتي." "آآآه يا نور، آآآه." .....