رواية نور و الأسد الفصل الرابع 4 - بقلم نور عصام

اسد. اول ما شاف بطاقتها انصدم وقال: معقول؟ معقول! مش ممكن، مستحيل. ياربي انا هتجنن. الموظف. خير يا فندم؟ اسد. ولا حاجة. وطلع فونه وصور بطاقة نور ورقمها القومي، وبعدين قال: اتفضل. ومشي. طلع فوق يشوف صاحبه وكمان يشوف نور. نور. واقفة برا غرفة الأشعة مستنية ميرنا. الدكتور. بعد شوية خرج وقالها: محتاجة عملية زايدة. نور. بخوف قالت: إيه؟ الدكتور. لازم يا آنسة لأنها تعبانة. نور. بدموع قالت: تمام، اتفضل شوف اللي لازم. وبعدين

راحت على ميرنا وقالت لها: متخافيش يا قلبي، أنا معاكي ومش هسيبك وهتصل بمامتك دلوقتي. ميرنا. بتعب: خايفة أوي يا نور. نور. بتحاول تخفف عنها قالت: تخافي يابت وأنا معاكي؟ تخافي وإنتي معاكي واحدة من أكبر عائلات البلد؟ دا انتي اتجننتي على الآخر. وأنا ليا حساب معاكي بعدين. ميرنا. بتعب: الله يخربيت أم الأسطوانة اللي لحست دماغك دي. نور. بكرة تندم يا جميلة. اسد. كان واقف بعيد وسامع كلامها. الدكتور.

بصها وقال: لازم ناخد المريضة وندخلها العمليات. نور. مسكت إيدها وقالت: متخافيش، ربنا معاكي. وبعدين قالت لها: هتصل على مامتك وأخوكي يجوا. وباستها من خدها. ميرنا. دخلت. وبعدين نور اتصلت على مامت ميرنا وقالت لها. وبعدين راحت قعدت قدام غرفة العمليات تستناها. اسد. راح عليها وقال: السلام عليكم. نور. التفتت وبعدين قالت: انتَ؟ اسد. إيه؟ انتَ مين؟ نور. أنبي يا باشا أنا مش في حالك. قالك سيبني في حالي.

اسد. الحق عليا اللي شوفتك هنا قولت أعمل بأصلي وأتطمن عليكي ولو محتاجة حاجة أعملهالك. نور. وكان فين أصلك دا وأنت مجرجرني زي المجرمين؟ اسد. خلاص بقى قلبك أبيض. نور. بصتله وسكتت. اسد. طيب أنتي مسألتيش نفسك أنا مرضتش أمشيكي ليه؟ نور. بتريقة: ليه يا عينيا؟ اسد. هتتريقي؟ هلهفك قلم على وشك أعدلك. نور. طب متديني بونية أحسن. اسد. هههه، أنتي لسه فاكرة.

وبعدين قالها: والله أنا خوفت عليكي إنك ترجعي بيتك في وقت متأخر. وطبعًا كنت عاوز أعرض عليكي إني أوصلك، بس من خلال معرفتي بيكي من كلامك عرفت إنك عمرك ما هتوافقي. فمكتش قدامي غير إني أبيتك في القسم. وبمرح قالها: شفتي أنا طيب إزاي؟ نور. طيب قوي قوي. اسد. والله العظيم حطيتك في مكان أخويا وخوفت عليكي. وكمان حسيت إني أعرفك. واعتقد إن دا كان إحساسك وقتها. وكمان قولتيلي فاكرة. نور. لا مش فاكراها. اسد. بخبث: ليه بس كدا؟

هو أنا أطول أبقى الشخص اللي كان في بالك وقته؟ نور. لا طبعًا مطولش، انت اتجننت ولا إيه؟ اسد. دا يظهر كدا إنوا غالي قوي عليكِ. نور. رجعت وسندت ضهرها عالحيطة وقالت: أغلى مما تتخيلي. تقريبًا كدا محبتش حد في حياتي قده، ولا اتعلقت بحد قده، ولا خوفت على حد قده. تقريبًا كدا كان هو اللي مالي قلبي وعقلي ومعنديش غيره. واتنهدت. اسد. بمكر: دا حب بقى. نور. سكتت ومردتش. اسد. طيب ليه مش بتتجوزي لما أنتو بتحبوا بعض قوي كدا؟

نور. نتجوز؟ اسد. مش دا الطبيعي؟ نور. اتنهدت وسكتت. اسد. إيه؟ أنتو زعلانين ولا إيه مع بعض؟ نور. ياريتها تيجي على شوية زعل. اسد. تعملي إيه لو شوفتيه دلوقتي؟ نور. بتسرع: هضربه وأطلع عين أهله معاها. اسد. ياساتر! إيه يابنتي دا بدل ما تتصالحوا. نور. للأسف مش حاجة تتحل بتصالح. اسد. بمرح: لازم ضرب يعني؟ نور. ابتسمت وقالت: يعني. وبعدين قالتله: إنتَ هنا ليها؟ اسد. واحد صاحبي تعبان وجيت أشوفه. نور. اممم، سلامتها.

اسد. الله يسلمك. نور. بصتله وقالت: ممكن أسألك سؤال بس تجاوبني بصراحة. اسد. دا على حسب السؤال يعني. نور. أنا بتكلم بجد. اسد. اتفضل. نور. إنت كلمتني في الفون قبل كدا؟ اسد. بصلها. نور. جاوب بصراحة، لإن لو إجابتك فيها كدب تصرفي مش هيعجبك صدقني. اسد. طيب لو إجابتي صادقة، ياترى إيه هو تصرفك؟ نور. بعدين تعرف. اسد. بصلها قوي وبعدين مسك إيدها وباسها وقام وقف ووقفها معاه وحضنها بقوة. نور. مصدومة من تصرفه،

وبعدين زقته وقالت: إنت اتجننت ولا إيه؟ أوعى تكون فاكرني سهلة ولا طرية، لا يا باشا دا أنا أوديك البحر وأرجعك عطشان، دا أنا أشقك نصين، دا أنا أسويك بالأسفلت، ولا يهمني. اسد. بصلها ومشي. نور. استغربت تصرفه وقالت: إيه المجنون ابن الجزمة دا؟ اسد. في نفسه وهو ماشي: سامحيني يا قلبي، لو مكنتش عملت كدا كنت هتتجنن، كان هيجرالي حاجة. واتصل بالفون.

نور. قاعدة تفكر باللي حصل. وفجأة دخل عليها مامت ميرنا وأخوها وراحوا عليها واتطمنوا منها على ميرنا. وبعد بعض الوقت. ميرنا. خرجت. نور. أول ما شافتها اغمى عليها. تامر (أخو ميرنا) . راح عليها علشان يشيلها، لقي إيد بتمسكها. اسد. ابعد إيدك عنها. تامر. إنت مالك؟ أنتَ مين؟ اسد. بحده: أنا خطيبها. ومال عليها وشالها وراح على عربيته وركبها. وعلى أقصى سرعة ساق. وبس وصل بيتهم. جدها والكل واقفين ومتوترين. اسد.

شالها ودخل وقال: حد يطلب دكتور. ليلى. يا حبيبتي يا بنتي. اسد. طلع بيها فوق في أوضته ونيمها عالسرير. وبعد دقائق الدكتور وصل وكشف عليها وقال: هي بخير بس مرهقة شوية، لكن كل شيء تمام، متقلقوش. الكل دخل عندها. نور. فتحت عيونها لقت اسد واقف جنبها. بصتله وقالت بصوت هامس: أنا بحلم ولا إيه؟ إيه اللي جاب الواد الموز دا هنا؟ وغمضت عيونها تاني. اسد. سمعها وابتسم. نور. فتحت تاني وقالت: دا كمان بيضحك، لا دا أنا...

وبصت لقت كل العيلة واقفة حول السرير. اتخصت. وبعدين مدت إيدها وشدت اسد من دراعها. اسد. مال عليها. نور. قالت: إيه اللي وقعني في مسلسل العيلة دا؟ الكل سمعها وضحك. نور. اتعدلت وبصتلهم كلهم وركزت أكتر مع جدها وهمست وقالت: جدو. وبعدين بصت لـ اسد وفتحت عيونها وف نفسها قالت: اسد؟ مستحيل. اسد. فهم تفكيرها. مال عليها وابتسم وقال: حمدلله على سلامتك يا قمر الجوهرين. نور. مش مستوعبة اللي

بيحصل وبتقول في نفسها: ياترى أنا بحلم ولا صاحية ولا إيه؟ جدها. راح عليها وباسها من جبينها وقالها: حمدلله على سلامتك يا قلب جدك. جدتها. راحت عليها من الناحية التانية وحضنتها وقالت: سلامتك يا بنت قلبي. ودي كانت الكلمة اللي بتقولها لها وهي صغيرة. وضمتها أكتر لحضنها. والكل سلم عليها. ليلى. قعدت جنبها وقالت: حبيبتي وبنتي ونور عيني. وقالت: والله قلبي ما برد ولا هدى إلا اليوم لما شفتك. نور. عيطت.

وبعدين قامت وقالت: إنتوا مين؟ جدها والكل قالوا: مالك يا نور؟ إنتي مش عارفه؟ نور. ببرود قالت: معلش، مش واخده بالي. جدها. إحنا عيلتك يا حبيبتي. نور. بس أنا معنديش عيلة. اسد. إزاي بقا؟ أومال العيلة الكبيرة اللي إنتي منها فين؟ نور. ما إنت عارف ياباشا، ماتوا غرقانين. جدها. ليه بتقولي كدا يا حبيبتي؟ إحنا عيلتك. نور. قامت من على السرير ونزلت وقالت: أنا يتيمه وعيلتي كلها ماتت غرقانة.

وبصتلهم بقوة وقالت: أو أنا موتهم بالنسبالي. وخرجت من الأوضة علشان تمشي. والكل وراها. اسد. نوور، اهدي واسمعيني. نور. نزلت وقفت وقالت: أنا مش عاوزة أسمع حاجة. وياريت تنسوني زي ما طول عمركم نسيتوني. والتفتت تمشي. اسد. بصوت عالي قالها: مش هتخرجي من هنا. أعتقد دلوقتي إنتي عرفتي إحنا مين. نور عصام. نور. متعليش صوتك عليا، وإلا قسمًا عظيمًا أديكِ على وشك. واعتقد بردو إنت عارف نور كويس، ياااا يا باشا. اسد.

مسك دراعها وقالها: ورب... جدها. بعده عنها وقاله: إنت اتجننت؟ إياك تزعله. نور. ببرود قالت: متشكره أوي يا حاج. أنا أعرف أدافع عن نفسي. وهو أول واحد عارف كدا. وبصتله وقالت: أنا تربية حواري يا باشا. والدنيا علمتني إزاي أتعامل مع الأشكال اللي زيك لو غلطت فيا. جدتها. راحت عندها وقالت: قلب تيتا، خليكي واسمعينا الأول. والله يا بنتي قلبنا عليكي، البلد كلهان. نور. والله يا حجة أنا ما خرجت منها. وياريتني قدرت.

وبعدين قالت: محدش له دعوة بيا، أنا هرجع بيتي وحتتي ودنيتي اللي أنا منها وعشتها أنا وأمي الله يرحمها. ليلى. بخضة: إيه؟ نور. أيوا أمي اللي ماتت بحسرتها منكم وحرقة قلبها باللي عملتوه فيها ووجعها وقلقها عليا سنين. جدها. ليه يا بنتي بتقولي كدا؟ إحنا أصلًا مش عارفين هي مشيت ليه. ودورنا عليها كتير وزعلنا منها علشان مشيت. نور. لا والله. وبصت لمرات عمها وقالت: يعني مش عارفين هي مشيت ليه؟

مش عارفين إنها هربت منكم علشان كنتوا عاوزين تموتوني يا أما تتنازلوا لكم عن وصايتي وكل حاجة؟ جدها والكل قالوا: إيييييه؟ مين قال كدا؟ نور. بصت لقت مرات عمها بتستخبي ورا جوزها. جدها. لا يا بنتي محصلش. وليه نعمل كدا؟

إحنا عارفين ربنا كويس. وعرفين إن المصنع أبوكي اللي عمله بتعبه وغربته سنين بره. والبيت هو اللي هده وبناه من تاني. وعرفين إنوا كاتب المصنع باسمك. دا حقه، هو حر. وكمان نص البيت وأنا راضي. دا تعبه يا بنتي. وأعمامك عرفين. نور. لا حصل ولا إيه يا مرات عمي؟ الكل بص على ليلى وأمل ومش عارفين نور تقصد مين فيهم وتقصد إيه بكلامها. أمل. أنا معملتش حاجة ولا قولت أي حاجة. نور. ومين قال إني أقصدك إنتي يا مرات عمي؟

جدها. إيه اللي بتقوليه دا يا نور؟ نور. بقول الحقيقة يا حاج، بقول إن المحروسة مرات ابنك هي جت لأمي وهي مقهورة وبتعيط على بابا وقالتلها إنك إنت وعمامي بتتفقوا إنكم تمضوها على إنها تتنازل عن الوصاية والفلوس اللي في البنك، وإلا هتموتوني. وبكدا كل حاجة ترجع لكم إنتو. واعتقد إني وقتها كان عندي سبع سنين. يعني مكنتش صغيرة. والكلام دا حصل قدامي.

وأمي قالتلي: أنا مش عاوزة فلوس ولا أي حاجة، أنا عاوزاكي إنتي يا قلبي. بقلمي نور عصام. ومن خوفها عليا هربت بيا. وللأسف ماتت من تلت سنين. وأنا عايشة لوحدي بلطش في الدنيا لوحدي. برغم إني عندي عيلة كبيرة وعندي اللي يعيشني ملكة. لأن المصنع مش أي مصنع، دا مصنع حديد الجوهري. واعتقد له اسمه وسمعته. بس اخترت البعد عنكم وعن حقدكم وأرفكم. جدها. راح على مرات عمها وقالها: إنتي سمعتينا بنقول كدا؟ أمل. كانت بتموت من الخوف والرعب.

الجد. بصوت عالي قالها: انطقي. أمل. برعب قالت: لا يا عمي محصلش. الجد. بص لابنه وقاله: طلقها. اللي دي ملهاش مكان في بيتي. عم نور. بص لمراته وقالها: إنتي طالق. الجد. قالها: عارفة ليه؟ إطلقتي علشان حرمتينا من بنتنا. وحرمتيها منا. وكرهتيها فينا. وعيشتيها بقهر على نفسها وعلى أمها لوحدها. حسبي الله ونعم الوكيل فيكي. خالد وحمزة.

راحوا عند أمهم وقالوا لها: للأسف مش قادرين ندافع عنك بسبب غلطتك. وزعلوا منها وعليها. ولكن ما باليد حيلة. وخصوصًا في الوقت دا. أمل. خرجت من البيت والكل زعلان منها بسبب عملتها. نور. التفتت تمشي. ليلى. رايحة فين يا حبيبتي؟ نور. راجعة بيتي. اسد. وقف قدامها وقالها: مفيش خروج منها، سامعة؟ نور. قالت: إنت بالذات لو عليت صوتك عليا تاني ولا اتعرضتلي هندمك. اسد. هتعملي إيه؟ هتشقيني نصين ولا تساويني بالأسفلت؟ نور.

بغضب قالت: الاتنين يا عنيا. اسد. مسكها من كتافها وكأنه ماسك حرامي. ولسه هيتكلم. جدها. راح عليهم وقالها: سيبها. اسد. يا جدو. الجد. قولت سيبها. اسد. سابها وبيتوعد لها. نور. قالت: أنا ماشية وممنوع حد يكلمني. ومشيت. جدها. بص لـ اسد اللي عاوز يجيبها من قفاها وقاله: سيبها تمشي وترتاح شوية. اسد. زعل وخرج راح على شغله. العيلة كلها في حالة توتر وزعل. نور. روحت شقتها واتصلت على ميرنا اتطمنت عليها. وبعدين قعدت تعيط.

وف وسط حزنها وزعلها قالت: ياترى يا اسد كنت عارف إني نور ولا لأ؟ عقلها رد عليها وقال: أكيد لأ، لإن فعلاً اتعامل معايا عادي أول ما شافني. بس اللي متأكده منه إنوا كان عرفني لما حضني في المستشفى. ابن الجوهري. وفونها رن. فتحت وقالت: بقولك إيه؟ إنت التاني أنا مش ناقصاك. غور ومتتصلش بيا تاني. حاجة تأرف. وقفلت. وبعدين شهقت وقالت: معقول؟ معقول يكون اسد اللي كان بيكلمني؟

امم، دا أكيد. وراحت فاتحة الواتس وفكة الحظر. وبعتت له صورة اسد وجنبه صورة لـ اسد أنثى ومعاها سيف. وقفلت. اسد. أول ما شاف الصورة ضحك وقال: ماشي يا قلب الأسد. هنشوف مين فينا اللي هيقتل التاني. وبعد مرورو ثلاث أيام. نور. كانت راجعة من المطعم. هاني. حمدلله على السلامة يا جميل. نور. بصتله بأرف ومشيت. هاني. وقف قدامها وقالها: أنا عازمك على فرحي الأسبوع الجاي يا قمر. نور. ابتسمت وقالت: أخيرًا، ألف مبروك.

هاني. يا قلبي، كنت عارف إنك هتفرحي وتطيري من الفرحة كمان. نور. استغربت كلامه. هاني. طبعًا يا حبي، ما إنتي العروسة. وأنا عزمت الحتة كله. نور. بغيظ قالت: غور يالا. ومشت. هاني. ادلعي براحتك يا جميل. كلها أسبوع. نور. دخلت شقتها وقالت: كان ناقصني هم. تك الارف. وباب الشقة خبط. قالت: قسما بالله يا هاني لو كنت إنت هطلع عين أمك. وفتحت لقت اسد وجدها وعمامها وحمزة وخالد. اسد. من يوم ما عرفتك وإنتي زي القطر.

وحط إيده على خدها وقالها: اهدي يا ماما شوية. جدها. بابتسامة قالها: ازيك يا قلب جدك؟ حمزة. ازيك يا نور؟ اسد. بمشاغبة: فيها قال نور؟ إيه الاسم اللي يأرف دا؟ نور. ردت وقالت: يعني اسد اللي حلو قوي؟ تك الارف. خالد. وقف جنبها وحط إيده على كتفها وقال: عاملة إيه يا قمر؟ علية الجوهري. اسد. بعند فيها قال: إحنا هنغلط بقا؟ أومال أنا روحت فين؟ حمزة. بهزار قال: أعوذ بالله، هي دي أشكال بني آدمين أصلاً. اسد. ماله شكلي يا خويا.

وبصلها وقال: دا حتى كل البنات بتحبني وبتموت فيا. وبعند أكتر فيها قال: حتى من وأنا صغير. نور. بصتلهم كلهم وقالت: ممكن أفهم حضراتكم هنا ليه؟ وبعدت نظرها عن جدها لأنها كانت تحبه كتير ومش حابة مهما كان تغلط فيه. عمها مختار. راح عليها وقال: إحنا جاين ناخدك يا نور. مينفعش تعيشي لوحدك تاني. نور. طول عمري عايشة لوحدي ومرتاحة. اسد. لقي العند ماليها وراكب دماغها. وقف قدامها وقالها: دا آخر كلام عندك؟ نور. بعند أكتر قالت: أيوا.

اسد. قال: يبقي إنتي اللي اخترتي يا نور. الاسد. ومال عليها وشالها وكأنها شوال بطاطا. نور. بصراخ قالت: نزلني يا مجنون يا متخلف! أنتَ مين؟ اسد. ضربها على مؤخرتها وقالها: اخرصي، مسمعش نفس. نور. احرجت وقالت: إنت بتعمل إيه يا متخلف؟ أنتَ مين؟ اسد. ضربها مرة أخرى. نور. شهقت وسكتت. اسد. أيوا كدا شطورة. حمزة وخالد. بيضحكوا عليهم. جدها وعمامها قفلوا باب الشقة ونزلوا وراه. اسد. رايح على عربيته. هاني.

راح عليهم وبصلها وقال: دي أحلوة قوي يا قمر. هي حصلت تيجي رجالة البيت؟ اسد. اخرص يالا وغور من وشي. هاني. قاله: نزلها وإلا أدّفنك مكانك. اسد. بص لـ خالد وحمزة. خالد مسك هاني من ياقته وحمزة لوى دراعه وراه وقاله: ورينا هتدفنه إزاي وإحنا أخواته وهو ظابط، ودول عيلته. هاني. ابعد عني، نور دي بتاعتي. حمزة. ضربه بالبوكس في وشه وقال: تؤتؤتؤ، اسم نور دا ميجيش على لسانك تاني. عارف ليه؟

شاور على اسد وقال: علشان دا جوزها. وإحنا أخواتها ودول عيلتها. وضربه بوكس تاني وقعه في الأرض ومشيوا. هاني. مش هسيبك يانور، مش هسيبك. صاحبه قومه وقاله: سيبك منها بقا، إنت مش شايف أهلها عاملين إزاي؟ دول ناس شكلهم جامد وإحنا مش قدّهم يا صاحبي. نور. في عربية اسد قالت: إنت بني آدم رخيم ومغرور ومتكبر، وأنا مش بطيقك. وبعدين بصت لحمزة وقالت: وإنت يازفت، إنت كمان إزاي تقول عني إني متجوزة الشئ دا؟ حمزة.

بمرح قالها: اتنيلي، إنتي طولي الموز أبو عيون حلوة دا. نور. أطول أحسن منه مليون مرة كمان. اسد. بصلها وقال: هو أصلاً أرضي أعبرك يا بايرة. نور. أنا بايرة يا متخلف. اسد. التفت لها ومد إيده علشان يضربها. حمزة. خلي بالك من الطريق، أبوس إيدك. وإنتي اهدي شوية. نور. إنت مش شايف المتخلف عاوز يضربني؟ اسد. لف لها تاني وبيمسكها من إيدها بعنف والعربية بتتحرك شمال ويمين.

حمزة. هنموت ياختي، يا صغير على الموت يا حمزة، يا شبابك اللي هيروح هدر يا حمزة، مكنش يومك يا حمممممزة. نور. انفجرت من الضحك على كلام حمزة. اسد. ابتسم وقاله: على الله نبطل نواح بقا. وكمل سواقة. وبعد وقت وصلوا البيت. والكل نزل. نور. بغضب راحت على جدها ولسه هتتكلم. جدها. مسكها من إيدها وقالها: تعالي بس ندخل جوا وقولي اللي إنتي عايزاه. ودخلوا. أميرة وياسمين. جريوا عليها وحضنوها. ليلى. طبطبت عليها وباستها.

جدتها. عيونها دمعت. نور راحت وقفت قدام جدتها. جدتها شدتها عليها وحضنتها. وبعد لحظات نور وقفت وقالت: اسمع بقا يا جدو، أنا مش عاوزة أعيش في البيت دا. جدها. قالها: ليه يا بنتي كدا؟ نور. أنا مستحيل أعيش في البيت دا دقيقة واحدة. وده آخر كلام عندي. اسد. دخل ومعه حمزة وخالد. حمزة. براحة عليها شوية. خالد: بلاش أسلوبك دا، إنت مش في القسم. اسد. وديني لربيها الشعنونة دي. نور. سمعته وخطرت فكرة في بالها إنها تعانده.

وبعدين قالت: خلاص يا جدو، أنا هعيش هنا. جدها. ابتسم لأنه شافها وهي بتبص لـ اسد. وبعدين قال: إيه؟ حبيتي البيت دلوقتي؟ نور. قالت: دا أنا حبيبت البيت واللي في البيت واسود البيت. ليلى. ضحكت. جدها. ابتسم واتأكد إنها ناوية على عناد معاه. وف نفسه قال: إن شاء الله العناد دا هيوصلنا لحاجة حلوة في الآخر. وبعدين قال: خلاص يا قلب جدك، نورتي بيتك. نور.

بعند في اسد قالت: بس أنا مش عاوزة حد يتدخل في حياتي ولا يقولي رايحة فين وجاية منين. أنا أخرج زي ما أنا عاوزة وأرجع بردو براحتي. اسد. وحياة خالتك. نور. وإنت مالك إنتَ؟ اسد. مسكها بقوة من دراعها ولواه وراها وقالها: إحنا هنا بيت محترم وفيه قوانين. وعايشين مع بعض. ولازم الكل يعرف رايحة فين وهتيجي امتى. فاااهم؟ نور. زقته عنها ووقفت قدام جدها وقالت: أنا اتضربت واتهانت في بيتك يا جدي من حتة عيل بعضلات ميسواش فردة جزمها.

اسد. فتح عيونه وقالها: أنا تقوليلي كدا؟ أنا اسد الجوهري يتقالي الكلام دا؟ نور. أيوا إنتَ. اسد. راح عليها والشر بيتطاير من عيونه. نور. رجعت خطوة لورا وقالت: هو الواد دا بيتحول ولا إيه؟ ماله كدا قلب على مصاص دماء. اسد. قرب منها وكله نار. نور. بخوف قالت: خطوة زيادة وهشقك. وجريت عالسلم. اسد. جري وراها. الجد وباقي العيلة: هههههههه ههههههههه. حمزة. بص لـ ياسمين وقالها: شكل كدا هيبقي فيه ثنائي تالت في البيت يا قمري.

ياسمين. اتكسفت ووشها احمر. نور. طلعت فوق ومش عارفة تعمل إيه ولا تدخل أي أوضة. فتحت الأوضة اللي قبلتها ودخلت. وطبعًا كانت أوضة اسد. دخلت لقت صوره. قالت: يا ختيييييي! على حظي المهبب. اسد. دخل وبيتوعد لها. نور. قالت: اثبت مكانك لتولع وإنت واقف. اسد. قرب منها وهي ترجع لورا. نور. خبطت بضهرها في الدولاب. اسد. وقف قدامها ومال عليها وهي روحها هتطلع وقال: بقا أنا عيل مسواش؟ أنا تقولي عنا كدا؟ لااااا! وكمان في وشي. نور.

بضربات قلب سريعة قالت: بتصرفك دا أيوا. اسد. بصلها ومرة واحدة اقتحم شفتيها بشفتيه. نور. بتقاومه لحد ما قدرت تبعده عنها. جدها. دخل وهي بتزقه وقال: اسدددد. اسد. بعد عنها شوية ووقف. نور. قالت: باسني في بوئي يا باشا. جدها. قالها: إيه؟ نور. أيوا باسني في بوئي. اسد. واقف روحه هتطلع. ومكنش متوقع ردها دا أبداً. جدها. بصلها. اسد. محصلش يا جدو، دي كدابة. نور. أنا كدابة يا حضرة الظابط؟

وقربت عليه وقالت: ومش عيب عليك تبقى كبير كدا وتكذب؟ اسد. بصلها وعاوز يموتها. نور. ومش بس كدا يا جدو، دا كمان كان عاوز يغتصبني. اسد. أناااا! نور. أيوا وإنت اللي لسه قايلى كدا. ونزلت جري على تحت. اسد. والله يا جدي محصل. ونزل وراها. جدها. هههههههه، اااه يا بنت الغالي، فينك من زمان. ونزل. نور. راحت وقفت قدامهم كلهم وقالت: حوشوا عني المتخلف دا. إنتوا مش عيلتي أصلاً؟ ليلى. بضحك خدتها في حضنها وقالت لها: متخافيش. اسد.

راح لعندها وقال: أوعي يا ماما، سيبها. دي لازم أجيب أجلها النهاردة. بقلمي نور عصام. ليلى. إياك تقربلها. اسد. شدها من أمه ودخلها أوضة المكتب وقفله. نور. إنت هتعمل إيه يا مجنون؟ أنتَ مين؟ اسد. بمكر ونظرات مرعبة قالها: هعمل اللي قولتي عليه علشان متطلعيش كدابة. وقرب منها. نور. بس قرب منها، ضربته ضاربة قاضية. اسد. اااه يا بنت الـ... نور. جريت على برا وراحت قعدت جنب جدها. اسد. خرج وراح عليها وقالها: قسمًا بالله منا عاتقك.

جدها. إياك تلمسها. اسد. يا جدو إنت متعرفش عملت إيه. وعلشان كدا لازم أربيها. جدها. قال: عملت إيه؟ اسد. سكت. نور. بصتله وطلعت لسانها. الجد. مال عليها وقالها: عملتيله إيه وخلتيه مجنون كدا؟ نور. ضربته. الجد. ضربتيه فين؟ نور. مقدرتش ترد. الجد. توقع من عدم ردها وسكوت اسد لما سأله. وبعدين قالها: يبقي تستاهلي اللي ناوي يعمله فيكي. نور. حضنته وقالت: ارحمني من الثور الهايج دا. جدها. هههههه، اسكتي بقا بدل ما يموتك.

وبعدين قال: استهدي بالله كدا يا اسد واقعد. اسد. بصلها وقال: مش قاعد. أنا رايح القسم. ومشي. الجد وكل العيلة قالوا لـ نور: نورتي بيتك. أميرة. نور إنتي هتنامي معايا النهاردة. ياسمين. ومتنامش معايا أنا ليه؟ دي حتة من سني. أميرة. لا معايا، أنا اللي قولت الأول. ليلى. هتنامي معايا أنا. جدتها. لا إنتي ولا هما، دي بنت قلبي وهتنام معايا أنا. نور. الحق انبسطت وفرحت بحبهم لها. الجد.

قال: لا إنتي ولا هما، هي هتنام النهاردة في أوضة اسد. هو كدا كدا هيبات في القسم، والصبح تنضفولها أوضتها لأنها مقفولة من زمان. نور. مش هتفرق أي مكان. بس بجد لازم أنام لإن عندي جامعة بكرة ومحاضرات بدري. ياسمين. إنتي لسه بتدرسي؟ نور. أيون. أميرة. بتدرسي إيه يا نونو؟ نور. هندسة. الجد والكل فرح بيها.

أميرة. تصدقي كان نفسي أدخل هندسة، بس للأسف ملحقتش. يلا متعوضة فيكي بقا. وضحكوا. وبعدين أخدوها البنات وطلعوا وجابوا لها لبس من عندهم علشان تعرف تنام. نور. معلش بقا يا بنات، الاسد جابني من غير ما أجيب هدوم. ياسمين. ههههه، معلش، بكرة نروح معاكي وتجبيهم، أو ننزل نشتري هدوم جديدة لينا إحنا التلاتة. أميرة. هو دا الكلام. وأشرقت الشمس لنور. اسد. رجع من الشغل. وبس فتح باب أوضة انصدم.