رواية نصف جناني الاخر الفصل الخامس 5 - بقلم ايزيس

في أوضة أسر وهنا. أسر رماها على السرير وربط إيديها ورجليها. فصرخت مرة تانية وقالت: "انت مجنون؟ بتعمل كده ليه؟ انت أكيد مريض نفسي." أسر بصلها بغضب ومسك شريط لاصق وحطه على بقها وقال: "شوفي بقا هتروحي التواليت إزاي. أنا خارج عشان أنسى الـ*رف اللي انتي عملتيه في الفرح." وخرج وقفل الباب بالمفتاح ونزل. شادي كان خارج من أوضته بالصدفة لمحه، قام رايحله. شادي: "أسر رايح فين؟ التفت له أسر: "خارج." شادي: "أجي معاك؟ أسر وهو

بيتحرك ناحية الباب قاله: "مش هتفرق." وطلعوا برا الفيلا وركبوا عربية أسر وانطلقوا. &&&&&&&& هنا كانت بتعيط وهي مش فاهمة هو ليه اتحول فجأة كده. كان طبيعي وكيوت طول الفترة اللي فاتت. بس قالت في نفسها: "هو أكيد زعل لما رقصت كتير. شكله واد حمش ومش بيحب مراته ترقص قدام الناس. طب مقاليش ليه؟

ابن الـ*عيطة بدل الجنان اللي هو عمله ده. يا ربيييي بيهددني بالتواليت ابن الـ*ينة ده. ماشي يا أسر بس أفك شوية وأتعود عليك وشوية الكسوف دول يروحوا، اللي ما وريتك النجوم في عز الضهر." وبعد شوية كانت جعانة أوي وعايزة تروح التواليت. حاولت تفك نفسها بس ما قدرتش. عيطت شوية وبعدها نامت. &&&&&&&&

أسر وشادي كانوا ماشيين بالعربية. وأسر وقف عند سوبر ماركت اشتري كرتونة فيها حاجات. وطلع ع مكان هادي في مكان واسع وفاضي ومافيهوش أي حد والإضاءة فيه تكاد تكون منعدمة. شادي بخوف: "ايه المكان المخيف ده يابن عمي؟ انت جايبنا هنا ليه؟ يلا نمشي." أسر بإحباط مد لشادي مفاتيح العربية وقاله: "امشي انت." شادي حس إنه أسر محتاجه وإنه مضايق أوي. قاله: "يلا نقعد وأمرنا لله." قعدوا وأسر طلع كانز كتير من الكرتونة وفضل يشرب فيهم.

شادي: "مالك يا أسر؟ مضايق أوي كده ليه؟ أسر بيتكلم زي السكرانين: "أبدا مافيش حاجة خالص بس شوية مشاكل بسيطة. صفقة عمري اللي بحلم بيها وبخططلها من سنة وتقريبا كنت ضامنها في جيبي ضاعت مني في لمح البصر. والبنت اللي كانت السبب في ضياعها، بدال ما أعقبها اتـ*ـدبست واتجوزتها. وأنا كان نفسي أعيش قصة حب يا شادي. كان نفسي أحب مراتي قبل ما أتـ*ـوزها." شادي: "ياااااه يا أسر للدرجة دي انت مضايق وحزين؟ دي أول مرة أشوفك فيها سكران."

أسر بص له وضحك واتكلم طبيعي جدا وقاله: "مين قالك إني سكران؟ شادي: "اومال إيه اللي انت بتشتريه ده وليه بتتكلم زي السكرانين؟ أسر: "دي (كان كولا زيرو شوجر) عادي جدا. وأنا لما ببقى مضايق بحب أجيبها وأشربها وأعمل إني سكران." شادي بمفاجأة: "ياااااه. وده بيخفف إحساس الضيق اللي عندك؟ أسر: "جدااا. عايز أقولك إني ببقى بعدها طبيعي أوي." شادي: "طب ناولني أنا كمان أسكر من الكولا 😂." بعد شوية. أسر وشادي بيطوحوا زي السكرانين

وبيغنوا أغنية أحمد مظهر: "هات الإزازة واقعد لاعبني دي المزة طازة والحال عاجبني." وفضلوا يضحكوا ويعملوا حركات هبلة. بعد أذان الفجر ركبوا العربية ورجعوا الفيلا. دخلوا يتسحبوا عشان ما حدش يشوفهم لأنه أسر مش عايز صافي تعرف حوار جوازه من هنا. طلع أسر الأوضة. لقى هنا نايمة وفيه دمعة على خدها. كانت جميلة جدا ولسة بفستانها وشبه الأطفال وهي نايمة. بصلها بغيظ لأنها نايمة وهو مش جايله نوم. قعد

ع الأرض بالقرب منها وقال: "خلينا نشوف يا ست هنا وراكي إيه. وإيه المقابل اللي أخدتيه عشان تتـ*ـأمري مع كمال السعدني ضدي." فجأة هنا فتحت عينيها تلاقي أسر قريب منها أوي. حاولت تصرخ بس ما قدرتش. فضلت تهمهم وتشاور بعينيها ع الشريط اللاصق. أسر فهم وشاله منها بسرعة. هنا صرخت: "فكنييييييي يا ابن المجانين! عايز أروح التواليت! الله يخرب بيتك لاعملها على سريرك وربنا." أسر بصدمة (هو في الأساس بيعشق النضافة) : "اييييييه؟

استنى يا مجنونة هـ*ـفكك." أسر فكها وهي ما صدقت جريت ع التواليت. وبعد شوية خرجت مكسوفة وقالت: "ممكن تساعدني أقلع الفستان عشان أصلي الفجر؟ أسر: "مسك سحاب الفستان فتحهولها وكان بيبص الناحية التانية." وبعدها دخلت. هنا توضت وغيرت وليست إسدال صلت. ولسة هتقوله قوم صلي لقيته ممدد ع السرير ونايم ببدلة الفرح. بعدها قعدت ع السرير تفكر هو ليه عمل كده. وبعدها قررت تنزل تحت عشان تاكل. &&&&&&&&

نزلت هنا لأنها كانت جعانة جدا. دخلت المطبخ وفتحت التلاجة وفضلت واقفة فيها وبتاكل. وفجأة... "مين القطة اللي فاتحة التلاجة وبتاكل؟ دا كان صوت ياسمين. هنا بصت بخضة وكسوف وقالت: "احم أنا بصراحةةةة." ياسمين: "لا لا متتكسفيش مانا جاية هنا لنفس السبب." بصت هنا وابتسمت لأنه أخيرا فيه حد شبهها في أم الفيلا دي. ياسمين: "تعالي اقعدي ناكل سوا." وجابوا أكل كتير من التلاجة وفضلوا ياكلوا. ياسمين: "عايز أعرف كل حاجة."

هنا: "حاجة إيه؟ ياسمين: "عايزة أعرف أسر حبك امتى وإزاي. هو طول عمره بيهتم بنفسه ونضافته وبس وشايف الناس كلها معفنة." هنا ضحكت: "بجد؟ ياسمين: "بجد وربنا. أخويا وعارفاه. يلا بقى احكي." هنا: "عندي فكرة. خلي أسر هو اللي يحكي عشان هو مش راضي بجد يقولي حبني امتى." ياسمين بإحباط: "بجد؟ &&&&&&&& هنا طلعت الأوضة. لقيت أسر لسة نايم. قعدت في البلكونة تفكر: "إيه الملل ده؟

أنا كنت في بيتنا بلاقي حاجات كتير أعملها. الله يرحم أيام الطماطم والبيض. اااااه واحشتني أوي يا سيكا. أنا مش عارفة أعمل مقالب هنا." بصت لقيت أسر صحي وبيـ*ـبصلها. كان شكله يجنن وشعره مش مرتب بس كان وسيم جدا. هنا قربت عنده ربعت إيديها وقالت: "ممكن أعرف إيه اللي انت عملته امبارح؟ أسر طنشها ودخل أخد شاور ولبس هدوم خروج. ونزل.

هنا كانت هتطق من تجاهله بس مش عارفة تعمل إيه ولا قادرة تفهم حاجة. نزلت هي كمان. لقيت أسر وخالد وشادي وصافي وياسمين بيفطروا. هنا: "صباح الخير." ردوا كلهم إلا صافي: "صباح النور." أسر بص لها بابتسامة وقال: "تعالي يا حبيبتي اقعدي جمبي." هنا بصتله بدهشة وراحت قعدت جمبه. خالد فطر ولسة هـ*ـيقوم يروح الشغل. أسر: "بابا أنا جي معاك." خالد: "أسر انت عريس مافيش داعي تروح الشغل."

أسر: "لا هاروح عندي حاجات مهمة ماحدش هيعرف يخلصها غيري." وبعدين بص لهنا وابتسم ومسك إيدها وبـ*ـاسها وقال: "حبيبتي هنا طبعاً متفهمة ومش هتـ*ـزعل صح يا هنايا؟ هنا بتوهان: "ها؟ أه صح يا هنايا." ضحك هو ضحكة صفرة وساب إيدها وخرج. صافي بصت لهنا بقرف وقالت: "سـ*ـوفاچ." هنا بصت لها. وغريزة الطماطم والبيض بدأت تتحرك عندها وعايزة تنتقم. بس الأول تفهم تصرفات المجنون جوزها وبعدين تفكر ف باقي الناس.

هنا كانت قاعدة وفجأة صحباتها ندي وشيري يجوا عندها عشان يباركولها. هنا استقبلتهم واتفرجوا ع الفيلا. كانت قمة في الروعة. وأخيرا أخدتهم أوضتها عشان يكونوا على راحتهم. ندي وشيري قالوا في صوت واحد: "احكي لنا كل اللي حصل بالتفصيل." هنا: