رواية نصف جناني الاخر الفصل السادس عشر 16 - بقلم ايزيس

بص يا زياد مهمتك بقي إنك تبعد أسر حتى لو يومين عن مصر كلها. أسر لازم يسافر. معتز بحماس: واحنا هنعمل كل حاجة وأنت بعدها هتبقى الهيرو ههههههه. زياد بحماس أكبر: موافق بس الخطة إيه بقى؟ صافي: الخطة؟ زياد بضيق: أوك. معتز بحماسة: موافق. *** تاني يوم. خالد قاعد بيشتغل في مكتبه. زياد خبط ودخل. خالد: اتفضل يا زياد يا ابني، عامل إيه؟ زياد: أنا كويس يا خالد باشا.

خالد: أنا قلتلك قبل كده، على الرغم من إن علاقتي بوالدك الله يرحمه كانت سطحية، إلا إني متعاطف جداً مع وضعك وهاقف جنبك. يا ريت تقولي يا أونكل. زياد ابتسم: أوك يا أونكل، حضرتك كده سهلت عليا الموضوع اللي كنت جاي عشانه. خالد: قول، أنا سامعك.

زياد: بصراحة فرع شركتنا في دبي فيه مشكلة هناك، وأنا طبعاً معنديش أي خبرة في شغل الشركات وكمان داخل على امتحانات وعايز أركز في محاضراتي. فقلت ياريت لو حضرتك تكلم أسر يسافر بدالي يحل المشكلة دي. هو طبعاً شاطر في شغله وهيعرف يتصرف ويحل المشكلة. خالد: ما تقلقش، أنا هاكلمه وهو مش بيرفضلي طلب. زياد بفرحة: شكراً بجد يا أونكل. خالد أنا بجد مش عارف أشكرك إزاي. خالد اكتفى بهز رأسه وابتسم.

زياد خرج وخالد طلب أسر وقاله على حوار السفر وأسر اضطر إنه يوافق عشان والده. *** شادي كان خارج من أوضته وياسمين رايحة تطمن عليه. خبطوا في بعض. شادي: إنتي كويسة؟ ياسمين: امم، جيت أطمن عليك عشان امبارح. شادي باحراج: بقيت كويس. ياسمين، إنتي هتكوني فاضية بعد المغرب؟ ياسمين: آه، ليه؟ شادي ابتسم: هعرفك على حبيبتي. وسابها ومشي قبل ما يسمع ردها وكان مبتسم. وياسمين حست إن قلبها بيدق جامد. *** بالليل.

أسر رجع من شغله وطلب من هنا تلبس عشان هيتعشوا برا البيت وقالها إنه هيسافر أسبوع شغل. هنا بزعل: أنا مخصماك عشان هتسافر وتسبني. أسر باس إيديها: يا روحي، أنا مسافر في شغل يعني هكون مشغول وأنت هتزهقي من القعدة لوحدك. أوعدك بعد ما تخلصي امتحانات هاخدك ونسافر باريس. يلا بقى فين الضحكة الحلوة؟ هنا ابتسمت. أسر: قمر. بصي عشر دقايق بالظبط وتكوني جاهزة وإلا هاخرج لوحدي. هنا: دقيقة بالظبط وهكون جاهزة. اخرج أنت بقى بسرعة.

بعد نص ساعة. أسر: خلصتي؟ هنا: دقيقة بالظبط وهكون جاهزة. بعد خمس دقايق. أسر: خلصتي؟ هنا خرجت وكانت جميلة جداً بفستان نبيتي طويل وحجاب أوف وايت وهيلز أوف وايت. أسر: واو! لا ليكي حق تتأخري. وقوس دراعه وهي حطت إيدها في دراعه وخرجوا وراحوا مطعم مشهور. وفي نفس الوقت كان شادي واخد ياسمين نفس المطعم. *** في المطعم. ياسمين: هي فين حبيبتك دي يا شادي؟

شادي مسك ياسمين من إيدها وكان فيه مرايا كبيرة في الفندق كنوع من الديكور. أخدها شادي ووقفها قدام المرايا. شادي بحب: هي دي حبيبتي. ياسمين بفرحة لفت لشادي وحضنته. تزامناً مع دخول أسر وهنا. أسر شاف المشهد ده واتحول لشخص تاني. ساي إيد هنا بعنف وجري على شادي شده من قميصه وضربه بوكس. شادي: أسر، افهمني الأول. ياسمين خافت وعيطت وهنا حضنتها. أسر: أفهم إيه؟ أنت ابن عمها، المفروض تخاف عليها تعمل كده يا سافل يا وسخ.

شادي: أسر، أنت عارف أنا قد إيه بحب ياسمين وبخاف عليها وعمري ما أذيها. بس وكنت هاكملك في موضوع ارتباطنا بس مش من حقي أعيش لحظة رومانسية معاها لما أعترف لها إني بحبها. حرام عليك يا أخي. ولا أنت نسيت يوم اعترافك بحبك لـ هنا عملت إيه؟ هنا مسكت إيد أسر وهمست: أسر، اهدى. ما حصلش حاجة. شايف ياسمين خايفة إزاي.

أسر: هنا، أنا أكتر حاجة بكرها في حياتي الخيانة. بكرهها. فما بالك لما تكون من أقرب الناس. الزفت ده زي أخويا وأكتر كمان. شادي حضنه: وأنت كمان يا مجنون. عارف إنك أخويا. يلا، ده أنا يتيم وقلت هاخدك ولي أمري قدام عمي. أسر حضنه أكتر: ولي أمرك على أساس إني قد أبوك يعني. ده أنا أصغر منك بسنة. شادي: أفهم من كده إنك مش زعلان؟

أسر: ما بقدرش أزعل منك، بس من النهاردة تاخد بعضك وتروح تنام في شقتك. مافيش قعدة في الفيلا إلا بعد ما تكتبوا الكتاب. أنت فاهم؟ شادي: فاهم يا عم. ما تزقش. شايفة أخوكي بيطردني بالذوق. ياسمين ضحكت وكملوا سهرتهم سوا وبعدها رجعوا البيت. *** تاني يوم. أسر حاضن هنا: هتوحشيني. خلي بالك على نفسك. هنا بدموع: أنت كمان هتوحشني. أوعى عينك تزوغ كده ولا كده وتبص للستات هناك. أسر ضحك: وهو فيه حد يكون معاه القمر ده ويبص برا؟

هنا ضحكت: طب امشي يلا، لأنك لو قعدت دقيقة واحدة هعيط ومش هخليك تروح أي حتة. أسر ابتسم وباس راسها وخرج. وهي بصت لطيفه وقالت: مش عارفة ليه قلبي مقبوض ومش مطمنة للسفرية دي. يا رب احفظ لي أسر ورجعه بالسلامة. وبعد وقت هنا لبست وراحت جامعتها.

قصت يوم روتيني جداً واستمرت على الوضع ده تلات أيام وأسر لسه مسافر. وفي يوم هنا خارجة هي وصاحباتها من الجامعة وفجأة تقع ويغمى عليها. وأحمد أخوها كان جاي ياخد خطيبته ندي شافها لما وقعت. جري عليها وشالها وحطها في العربية وأخدها على المستشفى. بعد فترة. الدكتورة فحصت هنا وقالت لهم إنها حامل في الشهر الأول. هنا وصاحبتها كانوا هيتجننوا من الفرحة ومش مصدقين إن فيه حاجة صغيرة بتنمو جوا هنا. *** هنا روحت فرحانة جداً.

صافي كانت مستعدة إنها تنفذ خطتها عشان شادي وخالد مش في البيت. صافي: تعالي يا هنا اشربي قهوة. هنا: ما بثقش في القهوة إلا اللي بعملها بإيدي يا خالتي سوفاچ😜. وطلعت لسانها لصافي وطلعت أوضتها قفلت على نفسها الباب كويس. وأخدت شاور وكلمت أسر. هنا: وحشتني يا اسورتي. أسر: إنتي ما وحشتنيش أصلاً. كل ما أمشي في مكان بتخيلك جنبي. ده حتى شفت مليكان محجبة افتكرتها إنتِ. هنا فرحت جداً: محضرالك مفاجأة. استاهل عليها عقاب زين الجارحي.

أسر ضحك: لاااا، عقاب زين الجارحي اتلغى دلوقتي. فيه عقاب أسر المسيري. فاكراه؟ وبعدين أنا كمان عندي ليكي مفاجأة. هنا ضحكت: أوك. هنشوف مفاجأة مين فيهم الأجمد. يلا بقى تصبح على خير عشان تعبانة وهنام. أسر: تصبحي على خير يا روحي. *** تاني يوم. هنا صحيت بتعب وكسل وعملت روتينها اليومي وراحت الجامعة. بعد ما خلصت محاضرات كانت خارجة هي وصاحبتها كالعادة وأحمد كان مستنيهم عشان يوصلهم.

هنا: أحمد، خد ندي وصلها وأنا هاروح المعمل بتاعي في الشركة هاعمل هدية لأسر بمناسبة البيبي وهاروح في عربيتي. أحمد: أوك. وغمز لندي ومشيوا. شيري: أوعدنا يا رب 🤲🤲😌. *** هنا راحت الشركة وعملت تركيبة برفيوم جميلة جداً سمتها "بيبي" وكانت مبسوطة أوي. وفجأة يدخل العامل متوتر. ..... : العصير بتاعك يا مدام. هنا: شكراً يا عمو. وشربت العصير كله.

وفجأة تفقد وعيها ويدخل معتز بعد ما اتأكد إن كل الموظفين مشيوا وشال هنا ونزل بيها بسرعة. بعد فترة في شقة معتز. هنا على السرير ومعتز بص لصافي بابتسامة قذرة. صافي بضحكة انتصار: يلا ننفذ.