رواية نصيبي في الحب الفصل العشرون 20 - بقلم توتة

نور: أنا متقدم لي عريس. ندي: بتهزري؟ إيمان: مش مصدقة. سارة: كذابة. نور: إيه يا جماعة قلبتوا إكس لارج كده ليه؟ أنا بقول متقدم لي عريس، أنا قلت إيه. ملك: سيبك منهم وقولي لي قابلتيه فين؟ نور: بصراحة هو المعيد بتاعي في الجامعة. ندي: كمان؟ يارب أوعدني بقى، ولا أنا شكلي هعنس؟ نور: إنتي عندك كام سنة أصلاً عشان تقولي هعنس؟ ندي: يا بنتي أنا دفعتي كلها مخطوبة. ملك: وإنتي بتحبيه يا نور؟

نور: أنا بصراحة كده مش عارفة والله، أنا أصلاً بصة إن أنا لسه صغيرة، وبصراحة خايفة عشان أول علاقة ليا كانت فاشلة. داليا: أنا قلت لك وافقي يا نور، ده لقطة. نور: هي شقة عشان تقولي لقطة يا داليا. داليا: لا بس اللي عمله معاكي انهارده ده أي بنت تتمناه. نور: معلش، مهو مش أي حد وخلاص. ملك: طيب عملتي استخارة؟ نور: لسه... بس أنا أصلاً مترددة جداً.

ملك: بصي يا نور، لو إنتي مرتاحة كده ليه اختاريه، لكن لو إنتي مش مرتاحة له خلاص ارفضيه. نور: مهو إنتي بقى مش عارفة أنا مرتاحة له ولا لأ. ندي: طيب اسمه إيه؟ نور: اسمه مروان. ندي: الله الاسم ده حلو أوي، تدلعيه تقولي له يـ مارو بقى، آه وبحبك زي ما مروان بيحب ليلي في كانه امبارح، ياااه... بقولك إيه يا نور مترفضيه وشوفيني أنا اتجوزه أنا، ده أنا مفيش كلب راضي يعبرني. نور بضحك: معلش اصبري شوية، ده إنتي لسه في تالتة.

ندي: مش قادرة والله، نفسي كده في واحد يجبلي بوكس كبير فيه شوكولاتة كتير ويجبلي آيفون أحدث إصدار ويخليني أسافر شهر العسل في جزر المالديف، ياااه. إيمان: طب بس يا ندي بدل مفكرك بمحمود. ندي: إيه بس السيرة الزفت دي، خلاص مش عايزة. إيمان بضحك: أيوه كده اتظبطي. ندي: بتفوقيني ليه بس من أحلامي؟

سيبيني أحلم والنبي لحد ما ألاقي واحد يصبح عليا بعلقة محترمة ويمسيني بعلقة محترمة، ياااه، لا وفي الآخر ييجي يصالحني ويجبلي دبدوب من أبو 500 ده. نور بضحك: لا أحلامك واسعة أوي، مش كان من شوية آيفون أحدث إصدار وبوكس كبير فيه شوكولاتة؟ ندي: لا دي أحلام الأميرة النايمة، أنا بتكلم بقى على أحلام أي بيت مصري تاني. نور: ماشي يا ندي، ربنا يوعدك. ملك: بقولكم إيه. ندي: قولي. ملك: مين اللي هيروح الجامعة بتاعته بكرة؟

ندي: كلنا زي كل يوم عادي. ملك: أصل طنط ماجدة هتيجي بكرة. ندي: ليه؟ بكرة بكرة؟ ملك: آه. داليا: هي مين طنط ماجدة دي؟ إيمان: دي تبقى أخت نهال جاية تزورها عادي، بتيجي كده كل فترة. نور: شكلها مش محبوب خالص. ندي: اسكتي دي عقربة ولا بناتها الاتنين عقارب زيها، واحدة اسمها شاهيناز والتانية اسمها أروى. نور: امممممم. ملك: مقولتوش هتروحوا ولا لأ؟ ندي: الحمد لله إنك قولتي لي، هروح بكرة بقى وأبات في الجامعة كمان.

إيمان: حصل، هنبات هناك، وأول ما يمشوا قولي لي. سارة: أنا كمان هروح. ندي: أكيد عشان إسلام. سارة: اسكتي بقى يا ندي، كل شوية إسلام إسلام إسلام. ندي: طب اعتبر دي غيرة بقى ولا إيه؟ سارة: ندي اسكتي. ندي: حاضر. نور: على فكرة أنا بكلمكم في الموضوع وإنتوا طنشوا خالص، وأنا أصلاً مش عارفة أعمل إيه ومحروجة أروح الجامعة بكرة. ملك: هو إنتي قولتي لمين؟ نور: قلت لنهال. ملك: وقالت لك إيه؟

نور: زي ما إنتي قولتي، اعملي استخارة وشوفي إنتي مرتاحة له ولا لأ. ملك: طيب وهو ده الحل؟ نور: طيب، هفكر في الموضوع. ملك: بصي، متتسرعيش، يعني خليكي على راحتك. نور: ماشي. يوسف: حلو أوي، هنلعب على خطيبته. تيمور: لسه موافقتش يا يوسف. يوسف: مسيرها هتوافق، لازم أنتقم عشان بس أوريه هو اتحدى مين، مش هخليه يشوف يوم حلو في حياته. تيمور: ماشي. يوسف: بس برضه خليك مراقبه بكل تحركاته. تيمور: اللي تشوفه... عن إذنك.

يوسف: استنى يا تيمور. تيمور: نعم. يوسف: مالك بقالك فترة مش عاجبني. تيمور: عادي، متشلش هم. يوسف: تيمور، بعيد عن الشغل أنا صاحبك، يعني احكي لي اللي مزعلك، يمكن أقدر أساعدك. تيمور: مش عايز أشيلك همي يا يوسف. يوسف بهدوء: تيمور، إنت مش بتعتبرني أخوك ولا إيه؟ تيمور: إنت عارف يا يوسف غلاوتك عندي عاملة إيه. يوسف: خلاص احكي لي اللي مزعلك. تيمور: بحاول أنساها ومش عارف يا يوسف. يوسف: هي مين دي؟

تيمور: أكتر واحدة حبيتها في حياتي سابتني ومشيت. يوسف: إنت قصدك على نسرين! تيمور: آه، نسرين اتخطبت لحد غيري. يوسف: ياما قولت لك قبل كده اعترفلها بحبك قبل ما تضيع. تيمور: مكنتش عايزاني يا يوسف. يوسف: ومين اللي قال لك؟ تيمور: دايماً بتعاملني كزميل ليها في الشغل مش أكتر. يوسف: من الآخر يا تيمور، إنت اللي غلطان. تيمور: مبقتش فارقة. يوسف: إن شاء الله تلاقي الأحسن منها. تيمور: لا خلاص، هي هتفضل الحب الأول والأخير ليا.

يوسف: هيجيلك وقت متقلقش. تيمور: ماشي، عايز حاجة تاني؟ يوسف: لا يا تيمور، اتفضل إنت على شغلك. نور صحيت الصبح وبتفكر في كلام مروان إذا كانت توافق أو لأ، خايفة تجرب تاني عشان يمكن يكون زي معتز، بس لسه مقررتش قرارها، وفي الأول والآخر القرار قرارها، وأكيد للقدر كلمة بينهم. صحت نور وأخدت شاور ونزلت فطرت وراحت جامعتها. مشت مع آدم وداليا. آدم: استأذن أنا بقى عشان محاضرتي. نور: ماشي، هنستناك أنا وداليا بعد المحاضرة.

آدم: تمام. آدم مشي. داليا: عملتي إيه يا نور؟ نور: عملت إيه في إيه؟ داليا: في موضوع جوازك ده. نور: والله مش عارفة، لسه يا داليا. داليا: أنا الصراحة شايفه إنها فرصة حلوة أوي، حتى يعوضك عن الحقير اللي اسمه معتز ده، ده كفاية يا بنتي الطريقة اللي طلبك بيها دي. نور: لما أفكر يا داليا. داليا: طيب أسيبك إنت بقى مع المز. نور بصت وراها لقيته مروان. نور بهدوء وخجل: نعم. مروان: عاملة إيه؟ نور: الحمد لله تمام.

مروان: لآخر مرة يا نور هقولك، فكري كويس قبل أي رد، سواء كان موافقة أو رفضها. نور: حاضر، والله لما أفكر الرد هيوصلك. مروان: ماشي يا نور. نور: عن إذنك. سابته ومشيت. مروان في سره: يارب تبقي ليا يا نور. خالو: هما العيال كلهم راحوا جامعتهم؟ نهال: آه. خالو: مش ماجدة جاية انهارده؟ نهال: أيوه. خالو: أومال مشيوا ليه؟ ما المفروض يستقبلوها. نهال: قالوا عندهم محاضرات مهمة. خالو: آه...

فهمت ليه راحوا الجامعة بتاعتهم انهارده. طيب يا نهال هروح أنا ع الشغل. نهال: ماشي، بس متتأخرش بقى انهارده. خالو: هحاول يا نهال. خلصت المحاضرة وروحت أنا وداليا وآدم. وصلنا الفيلا ونزلنا دخلنا ولقينا حاجة مكنتش أتوقعها، لقينا...