رواية نصيبي في الحب الفصل التاسع عشر 19 - بقلم توتة

نور: اتفضل ي أستاذ مروان مروان: تتجوزيني ي نور نور بصدمه: ايه؟ مروان: تتجوزيني ي نور؟ داليا بصوت واطي: وافقي ي نور مروان: أنا مش هضغط عليكي ومش عايز أسمع ردك دلوقتي، بس اللي عايز أعرفهولك إني حبيتك من أول يوم شوفتك فيه، ولما شوفتك مع آدم كانت مجرد غيرة مني عشان كده كنت عايز أبعدك عنه بأي طريقة نور بعدم استيعاب: ممكن بس أروح دلوقتي مروان: أه ممكن خرجت نور من المحاضرة، وهيا لسه خارجه سمعت صوت بيناديها نور: مين؟

التفتت نور للصوت وكان مروان مروان: أنا عارف إن ممكن أكون أحرجتك قدام زمايلك اللي معاكي في المحاضرة، بس أنا فعلاً حبيتك من أول مرة شوفتك فيها، واللي عملته معاكي ده كان عناد مني عشان متعلقش بيكي وأحاول أنساكي، بس اكتشفت إن حبي ليكي بيزيد كل يوم عن اليوم اللي قبله نور: أنا حالياً مش عارفة أفكر في حاجة ي دكتور مروان مروان: قوليلي مروان بس ي نور، زي ما أنا بقولك نور بس نور باحراج: طيب، بس أنا دلوقتي مش مستوعبة أي حاجة

مروان: مش هضغط عليكي يا نور، فكري براحتك نور: طيب، عن إذنك نهال: على فكرة ماجدة هتيجي بكرة ي محمد خالو (محمد) : تنور يا نهال، بس مش هيا كانت هتيجي يوم الجمعة اللي فات ده؟ أنا نسيت عشان أمي وأبويا نهال: معرفتش تيجي الجمعة عشان كان عندها ظروف، فهتيجي بكرة خالو: طيب، أنا أمشي عشان الشغل نهال: هتتأخر؟ خالو: مش عارف لسه يا نهال نهال: ماشي نور رجعت من الجامعة للفيلا، بس لما روحت ملقتش حد في الفيلا

دورت على نهال كتير وملقتهاش، يأست نور من التدوير على نهال نور قالت في سرها: يا ربي، يعني ده وقت أروح فيه وأنا بخاف أقعد لوحدي، الله يسامحك يا مروان اللي حرجتني وخلتني أمشي، ولا تيتا وجدو اللي جايين يسافروا يعملوا عمرة دلوقتي، حتى نهال مش موجودة والكل أكيد في جامعته نور: بتعملي إيه يا هبلة نور لفت وراها، لقيته يوسف نور: هو حد قالك قبل كده إن أنا عايزة أقطع الخلف ولا حاجة؟ يوسف بضحك: محدش قالك تسرحي كده، مكنتش

جيت وراكي وقلتلك بخ نور: لأ، مهو ده اللي ناقص عشان أتلبس يوسف: إنتي إيه اللي مرجعك بدري؟ نور بتوتر: ك... كنت... آه نسيت حاجة وكنت جاية أجيبها يوسف: بتكدبي نور: ليه بتقول كده؟ يوسف: إنتي واقفة قدامي وبتكدبي يا نور، وأنا أصلاً بعرف اللي بيكدب من عينيه نور: هو إنت ملبوس صح؟ ولا تكون مخاوي؟ يوسف بضحك: والله ملهاش علاقة نور: أومال عرفت منين؟ مهو أكيد إنك تعرف من العين ده، موضوع فاكس

يوسف: لأ مش فاكس ولا حاجة، يعني الواحد لما بيكدب بؤبؤ العين بيضيق كده، وكمان بيبان عليكي إنك متوترة زي دلوقتي نور: صح، ممكن كده يكون كلامك صح يوسف: إنتي هتمشي تاني ولا إيه؟ نور: لأ مش هروح تاني يوسف: عرفتي بقا إنك منسيتيش حاجة زي م بتقولي نور: لأ، بس موضوع تاني يوسف: ماشي ي نور نور: هو إنت هتمشي إنت كمان؟ يوسف: أيوه نمشي، أنا كنت ناسي اللابتوب بتاعي بس نور بضحك: استني كده أما أشوف بؤبؤ عينك

يوسف: على فكرة أنا أصلاً مش كداب وصريح جداً، يعني لما بكون مش عايز أقول لحد حاجة بقول في وشه إنت إيه اللي دخلك أو مش عايز أعرفك نور: إيه ي عم الإحراج ده، أنا بهزر أصلاً يوسف: عارف إنك بتهزري، والله أنا مفيش حاجة بتخفى عليا أصلاً نور: وإيه الثقة الزايدة دي؟ يعني عادي يعني م أي حد ممكن يقولك عارف عارف عارف، فيها إيه يعني؟

يوسف: مش الكل يعني، زي م قولتلك قبل كده أنا سافرت كتير وعارف الدنيا كلها وقابلت ناس كتير واتعاملت مع ناس أكتر تليفون يوسف رن يوسف: طيب هرد على الفون نور: تمام مروان: بصي ي أمي أنا مش هتجوز أي واحدة من البنات اللي إنتي جايباهم دول أولفت (مامته) بغضب: يعني إيه ي مروان الكلام ده؟ مروان: يعني هتجوز البنت اللي أنا هختارها أولفت: أيوه، يعني اخترتها ولا لسه؟ مروان: أيوه أولفت بفرح: ومستني إيه؟ مروان: موافقتها ي أمي

أولفت: يا رب توافق ي ابني، عايزة أفرح بيك قبل ما أموت مروان: بعد الشر عليكي ي ماما، إن شاء الله هتوافق، وأول ما توافق هاخد رقم بابها أو مامتها عشان أتكلم معاهم أولفت: ربنا يوفقك ي حبيبي نور قعدت في الجنينة بتاعة الفيلا بعد ساعة تقريباً جت نهال نور: نهال، أنا قاعدة هنا نهال: إيه ده، إنتي إيه اللي رجعك بدري ي نور؟ نور: أصل كانت آخر محاضرة بتاعت المعيد البارد ده، ف أنا روحت عشان مش عايزة أحضر له أي محاضرة

نهال: ماشي ي نور، بس عملتي إيه؟ نور: هو اعتذر لي قدام الكل هناك نهال: طب كويس نور: بس طلب مني حاجة أنا مترددة أوي فيها نهال: في إيه ي نور؟ نور: طلب مني الجواز نهال: هو مين؟ نور: المعيد بتاعي نهال: إزاي؟ نور: مش عارفة والله، وطلب مني كده قدام الكل برضو نهال: بصي ي نور، لو إنتي حاسة إنك ممكن تحبيه أو إنك متعلقة بيه، وافقي، بس اعملي استخارة الأول، أما بقي لو إنتي مش مرتاحة للموضوع من الأول كده، فارفضي عادي

نور: مش عارفة، بس كانت يعني مفاجأة نهال: خلاص اعملي استخارة بقا، مش إنتي عارفة تصلي؟ نور بإيماء: أيوه طبعاً، أنا أصلاً بصلي الفرد بوقته نهال: ما شاء الله، أنا بحسبك مبتصليش نور: مش شرط عشان أكون مش لابسة حجاب يبقى مبصليش نهال: ماشي، اعملي استخارة الأول، لو ارتاحتيله وافقي نور: أنا بس متوترة شوية، مش متوقعة الصراحة الموضوع أصلاً نهال: مش هو سابك تفكري؟ نور: أه، قالي فكري براحتك نهال: خلاص فكري براحتك نور: ماشي

كلية الطب بالإسكندرية ندي: إيه رأيك ي إيمان في اللي أنا قولتهولك؟ إيمان: فكرة حلوة والله عشان تحس على نفسها شوية ندي: أهي جاية، يلا إيمان: يلا ندي بصوت عالي: إيه رأيك بقا ي سارة في شيرين للدكتور إسلام؟ إيمان: الصراحة لايقين على بعض أوي، يا رب بقا يبقوا من نصيب بعض سارة: في إيه؟ بتتكلموا في إيه؟ ندي بخبث: كنت عايزة أتأكد من حاجة يا سارة منك سارة: إيه؟ ندي: مش إنتي خلاص سبتي إسلام؟ سارة: والله مش عارفة لسه، بس عايزاه

يعرف قيمتي الأول ندي بخبث: يعرف إيه بقا؟ م خلاص سارة باستغراب: خلاص إيه؟ ندي بخبث: أصل شيرين انهارده قالتلي أنا وإيمان إن خطوبتها يوم الخميس إيمان: حصل سارة باستغراب وتساؤل: وإيه علاقة شيرين بإسلام؟ ندي بخبث: أصلها خطوبة إسلام وشيرين سارة: إيه؟ ندي: وأنا هكدب ليه؟ سارة: والله العظيم م هسيبه يتهنا بيها ندي: هتعملي إيه؟ سارة: ماشي ي إسلام، ده أنا مش هخلي الصبح يطلع عليه، أنا بقا هوريه إن كيدهن عظيم

ندي بخبث: استني ي سارة، راحة فين؟ إيمان: خلاص ي ندي بقا، سيبيها ندي: بس إسلام ما يعرفش اللي إحنا عملناه إيمان: عشان يعرف إن هيا بتحبه بس بتكابر، ندي: ربنا يستر من سارة جه الليل عليهم في الفيلا، وكانوا قاعدين كلهم مع بعض، وهما ندي وإيمان وسارة ونور وداليا وملك وهبه ندي: بس محدش شاف المقلب اللي عملناه في سارة انهارده هبه: عملتوا إيه؟ إيمان: دي طلعت مبتحبش إسلام، بس دي بتموت في دباديبه ملك: ليه بتقولوا كده؟

ندي: انهارده قولنالها إن خطوبة إسلام على شيرين يوم الخميس ملك: والله؟ إيمان: لأ، كنا بنهزر معاها نور بضحك: وهيا عملت إيه؟ إيمان: جريت على مكتبه وراحت هناك قعدت تقوله إن هو مش بيحبها وإنه بيلعب بيها وإنه واحد خاين وكلام كده فظيع، لأ ده فوق الفظيع ندي: وهو يعني قاعد مش فاهم هيا بتعمل كده ليه؟ دي مسبتلوش فرصة يتكلم نور: طب ما ترجعي له ي سارة سارة: ما أنا رجعتله انهارده، لما ظلمته بسبب البهايم دي ندي: ده بدل ما تشكريني

إننا رجعناكي لإسلام سارة: بس إنتي عيلة خنزيرة نور: وإنتي إيه اللي خلاكي تخاصميه أصلاً؟ ندي: تخيلي عشان إيه؟ نور: إيه؟ ندي: عشان سلم على طالبة عنده نور: يا محنو سارة: لأ مش عشان كده، عشان قولتله إنت ليه بتسلم عليها؟ قالي عادي دي طالبة عندي، يرضيكي أكسفها يعني نور: إيه ي سارة الهبل ده، دي حاجة تافهة ندي: حتى قالتله إيه؟ اشبعوا ببعض نور: حرام عليكي ي شيخة سارة: خلاص بقا،

ملك: إحنا بس عشان اللوحة بتاعتنا دي الأستاذ مالك خدها وغير فيها شوية حاجات، كان زمانا طلعنا المركز الأول نور: معلش ي ملك، المركز الثاني برضو مش وحش هبه: هتمسكيهالي ي ملك كل شوية وتفكريني بيه ملك: أنا مضايقة بس عشان بعد التعب ده كله مخادناش المركز الأول نور: خلاص ي ملك، احمدي ربنا بقا ملك: الحمد لله نور: كنت عايزة أكلمكوا في موضوع كده ملك: إيه؟ نور: أنا متقدملي عريس