رواية نصيبي في الحب الفصل الحادي والعشرون 21 - بقلم توتة

وصلنا الڤيلا ونزلنا. دخلنا ولقينا حاجة مكنتش أتوقعها، لقينا ملك بتتخانق مع واحدة أنا أول مرة أشوفها، ونهال وواحدة كده برضو أول مرة أشوفها بيحوشوهم عن بعض. ملك: وسعي ي نهال عشان دي مش أول مرة، ده أنا هوريها. البنت: مقلتش مش قصدي. ملك: وسعي كدا بقا ي نهال عشان تحرم تعملها تاني. الست: كده ي ملك، يعني إحنا جايين نقعد معاكوا يومين تعملي كده؟

ملك: ما انتي شايفة ي خالته عملت إيه، وياريت أول مرة تعمل كده، دي كل لما تيجي تعمل كده. نهال: خلاص ي ملك بقا، قالتلك غصب عنها. آدم لنور وداليا: خناقة كل مرة. نور: هيا البنت دي عملت إيه؟ آدم: شايفة اللوحة اللي في البرواز دي؟ نور: اللي واقعة دي؟ آدم: أيوه هيا دي. نور: مالها؟ آدم: دي أروى بنت طنط ماجدة، كل لما تيجي توقع اللوحة اللي بتبقى متعلقة دايماً، ولازم الخناقة دي تحصل كده كل مرة. نور: امممممم.

أروى: اهو دومي جه ي مامي، هروح اشتكيله من أخته عشان زهقت منها. آدم بصوت واطي لنور: ابتدينا القرف بقا. نور بضحك: شكلكوا مش طايقينهم فعلاً. أروى: ي دومي ينفع كده، ملك مضايقة عشان برواز اللوحة بتاعتها انكسر. آدم: لو سمحتي ي أروى، أنا قولتلك كذا مرة قبل كده متناديش عليا بالاسم ده تاني، وبعدين أنا مالي أصلاً. أروى بمياعة: اخص عليك ي دومي، هتسيبني كده عشان تزعقلي تاني. تجاهلها آدم وقال لنهال: نهال، أنا خارج دلوقتي.

نهال: ماشي ي حبيبتي. أروى مسكت إيديه: إيه ي دومي هتمشي ليه؟ آدم بغضب: أروى، لو سمحتي سيبي إيدي عشان مكسرهاش. خافت أروى شوية وآدم مشي. ملك: نهال... أنا طالعة أوضتي. نهال: ماشي ي ملك. ماجدة: أنا آسفة والله ي نهال ي أختي على اللي البت أروى دي عملته. نهال: خلاص ي ماجدة، ولا يهمك. ماجدة: وهو ده العشم برضو يختي. نهال: تعالي ي نور انتي وداليا. نور: ازيك ي طنط. ماجدة: ازيك ي حبيبتي... إلا مين ي نهال؟

نهال: دي نور بنت اخت محمد ي ماجدة، بنت شيرين. ماجدة: ما شاء الله زي القمر ي حبيبتي. نور: شكراً ي طنط. شاهيناز: ي نهال هو أنا مش قولت 100 مرة محدش يدخل عليا أوضتي ويصحيني. كان يوسف نازل على السلم. نهال: معلش ي يوسف، أنا معرفش أن هيا طلعت. يوسف: يعني مش هعرف أنام ساعتين على بعض ي نهال، أنا طول الليل والنهار في الشغل. نهال: خلاص ي يوسف، حقك عليا يبني.

يوسف: لو سمحتي ي طنط ماجدة، ده طلب بطلبه منك، مش كل لما تيجوا ألاقيها عندي في أوضتي بتصحيني. ماجدة: خلاص ي يوسف، حصل خير، البت مغلطتش يعني لكل ده. يوسف بغضب: والله العظيم لو اتكررت تاني ي شاهيناز، أنا مش مسؤول عن اللي هيحصل وهنسى إنك بنت.... أنا قلت اللي عندي..... عن إذنكم.

خرج يوسف وكان في قمة نرفزته. ساعتها عرفت محدش بيطيقهم ليه، تقريباً كده عشان حاشرين نفسهم في اللي ملهمش فيه، فقررت أن أنا أتجنب معاملتهم عشان المشاكل. شاهيناز: علفكرة ي نهال أنا مش قصدي، بس يوسف قفوش أوي. نهال: ما انتي كل مرة تعملي كده وهو يتعصب عليكي، دي تالت مرة تعملي كده وهو موجود، وبعدين أنا معرفش ممكن يعمل معاكي إيه، لما بيتعصب بيبقى حد تاني غير اللي انتي تعرفيه. ماجدة: إيه ي نهال، فيها إيه يعني صحته من النوم.

نهال: الواد طول النهار في الشغل وتعبان. ماجدة: خلاص بقا ي نهال، مش موضوع، هو بت ي شاهيناز انتي وأروى انتوا مش صغيرين. شاهيناز: علفكرة ي ماما أنا معملتش حاجة غلط يعني. نهال: خلاص بقا. نور: طيب عن إذنكوا... أنا طالعة أوضتي ي نهال. نهال: ماشي ي نور. داليا: استني ي نور أنا أجي معاكي. ماجدة: إلا مين ي نهال البت اللي طلعت في الآخر دي؟ نهال: صاحبة نور ي ماجدة. ماجدة: آه... صاحبتها. *** مروان في شركة باباه الدمنهوري.

مروان: إيه الأخبار ي أحمد؟ أحمد: بقولك كده... مروان: إيه...... أحمد: الرجل اللي إحنا بعتناه يشتغل عند يوسف الزهار في شركات الكينج. مروان: ماله؟ جاب معلومات ولا إيه؟ أحمد: بيقول إنه أجل كل الصفقات اللي عنده للأسبوع اللي جاي. مروان: آه... وبعدين؟ أحمد: يعني هو حالياً موقف جميع صفقاته لسبب مجهول. مروان: والعامل ده مقالش السبب؟ أحمد: لا للأسف. مروان: طيب تمام، أي معلومات جديدة كلمني. أحمد: ماشي ي مروان.

مروان: طيب امشي انت، وأنا هكمل أنا النهارده. أحمد: ماشي، أنا أصلاً عايز أشوف فارس عشان بقالي يومين مبكلمهوش. مروان: ابقى سلملي عليه بقا. أحمد: ماشي، يلا عايز حاجة؟ مروان: لا، امشي انت. أحمد: ماشي، يلا سلام. *** يوسف: بتقول إيه؟ تيمور: إيه ي يوسف مستغرب ليه؟ يوسف باستغراب: قول الاسم تاني. تيمور: نور عز الدين الدسوقي. يوسف: متأكد؟ تيمور: أيوه، فيه إيه؟ يوسف: طيب كمل المعلومات.

تيمور: طالبة في جامعة الهندسة المعمارية في سنة أولى، 19 سنة. يوسف: هيا... تيمور: هيا مين، انت تعرفها؟ يوسف: متعرفش عنوانها؟ تيمور: عنوانها 4 شار......... إيه ده؟ هو مش ده عنوان فيلا الخرسيتي اللي انت وعيلتك ساكنين فيها؟ يوسف: يبقى هيا....... تيمور، اوعى تكون جبت بيانات غلط ومش هيا دي. تيمور: لا، متأكد من المعلومات. يوسف: طب إزاي؟ تيمور: أنا مش فاهم حاجة. يوسف: تيمور.... دي بنت خالتي نور اللي جت من القاهرة.

تيمور: لا والله، طب إزاي؟ يوسف: مش عارف. تيمور: هو ممكن يكون بينتقم منك فيها؟ يوسف: مش عارف، بس مظنش. تيمور: طيب هتعمل إيه دلوقتي؟ يوسف: مش عارف، سيبني لوحدي كده ي تيمور، أما أفكر هعمل إيه، عشان لو كان انتقام والله لأخليه يتمنى الموت وميطلوش، أما بقا لو ميقصدش فهيبقى في تصرف تاني خالص. تيمور: ماشي، عايز حاجة تاني؟ يوسف: بقولك حاول كده تعرف إذا كان فعلاً عايز يخطبها ولا بينتقم. تيمور: ماشي، أي حاجة تانية؟

يوسف: لا، امشي انت دلوقتي. تيمور: ماشي، عن إذنك. يوسف: اتفضل. *** سارة: أنا مش عايزة أروح. ندي: ولا أنا. إيمان: معاكوا حق. سارة: طيب متيجوا نخربها النهارده. ندي: أنا موافقة جداً، بس لازم نقول لنهال. إيمان: أيوه يلا. سارة: أنا هرن أنا على نهال. ندي: ماشي.... بس يارب توافق. إيمان: أكيد هتوافق.... أراهنك أصلاً إذا كان في حد في البيت. سارة: معاكي حق والله ي إيمان، الله يكون في عون نهال أصلاً.

ندي: هههههه، طب يلا، ده إحنا هناخد شوية سيئات فله. واتصلت سارة ب نهال عشان تعرفها أن هما مش هيروحوا دلوقتي، ونهال وافقت. *** هبة: ده اليوم النهارده كان متعب أوي، كنتي جيتي معايا. ملك: أجي معاكي إيه ده؟ أنا بنهج لما بنزل السلم. هبة: انتي رفيعة ي ملك، أما أنا قلظة خالص وعايزة أخس شوية عشان أخلص من التنمر اللي أنا فيه ده. ملك: علفكرة ي هبة، خليكي مؤمنة إن ربنا خلق الإنسان في أحسن صورة.

هبة: ونعم بالله ي ملك، بس أنا تعبت من التنمر بجد. ملك: معلش ي هبة، استحملي، أدي كيكي روحتي الجيم أهو. هبة: طيب تعالي معايا ي ملك، ونسيني أنا كل حاجة بعملها معاكي انتي. ملك: طيب... هبقى أشوف ي هبة.... بس سيبيني دلوقتي عشان أنا متضايقة من الزفتة اللي اسمها أروى ديه. هبة: أوعي تقولي.... اللوحة انكسرت زي كل مرة. ملك: آه. هبة: يلهواااااي... لوحتي. ملك: معلش بقا، لازم كده تكسرلنا لوحة زي كل مرة.

هبة: ده إيه الحقد والغل ده يا ربي. ملك: بقولك إيه، متيجي نخرج، أصلاً مفيش حد في البيت غير نور وداليا. هبة: ليهم حق. ملك: طيب تعالي نروح عند سجي. هبة: ي بنتي، إحنا كنا معاها الصبح. ملك: فيها إيه يعني. هبة: طيب يلا، بس هنتمشى على البحر عشان نشم هوا الصيف والبحر، كفاية خانقة في البيت. ملك: والله، طب متاخدي معاكي عوامة وروحي صيفي بقا بالمرة وانزلي البحر. هبة: ياريت.

ملك: طب يلا ي هبلة عشان نشم هوا الصيف والبحر، وابقي البسي المايوه بقا...... هاااا. هبة بضحك: حاضر، وهجيبلك مايوه معايا كمان. ملك: طب يلا ي رايقة، روحي غيري هدومك. هبة: يلا. *** نور كانت قاعدة في أوضتها، جتلها رسالة من رقم مجهول، وكانت الرسالة...