رواية نصيبي في الحب الفصل الحادي عشر 11 - بقلم توتة

يوسف: وأنا عندي الحل عشان أثبتلك إذا كانت وفية أو خاينة. نور: لعبة إيه؟ يوسف: بس يكون بينا اتفاق الأول. نور: اتفاق إيه؟ يوسف: اللي أنا هقولك عليه تعمليه. نور: ماشي. يوسف: هسألك سؤال. نور: اتفضل. يوسف: هو عرف رقمك منين؟ نور: مش عارفة، وده اللي هيجنني. يوسف: وعرف منين إنك هتكلمي مازن وروان؟ نور: برضه معرفش. يوسف: طيب مين الوحيد اللي يعرف عنك المعلومات دي؟ نور: داليا.

يوسف: وحد تاني غير داليا يعرف إنك هتستعيني بمازن وروان؟ نور: لا، أنا قلت لها هي بس. يوسف: طيب أنا هعمل نفسي إني شاكك فيها، بس اللعبة اللي هنلعبها دي هي اللي هتبين لنا وفاءها أو خيانتها. نور: بس أنا اللي حاسة إني بخونها لو عملت فيها كده ولعبت عليها من وراها. يوسف: بصي، انتي عايزة مساعدة من حد واتفقنا إنك تسمعي كلامي، وأنتي بتتأكدي، مش أكتر. نور: طيب والعمل؟

يوسف: مش هو قال لك لو مكلمتينيش اعتبري صورة جوازك العرفي في كل فونات مصر؟ نور: حصل. يوسف: خلاص كلميه، بس قبل ما تكلميه روحي قولي لداليا إنه بعت لك الرسالة دي وإنك اتصرفتي وكلمتي عمك. نور: بس ليه؟ يوسف: عشان لو كلمك أو بعت لك رسالة تانية فيها إنه عرف إنك كلمتي عمك، ساعتها بس هشك بنسبة 50% إنها هي اللي بتوصله الرسائل دي. نور: طيب ولو العكس؟ يوسف: هشك برضه بنسبة 50% إنها وفية ومبتخونكيش. نور: ونتأكد إزاي؟

يوسف: نفذي الخطوة دي الأول وملكيش دعوة بالباقي، يعني انتي النص الأول في اللعبة وأنا النص التاني. نور: متأكد؟ يوسف: عيب عليكي. *** طلعت خبطت على داليا. نور: الحقيني يا داليا. داليا: في إيه؟ نور: أنا تعبت. داليا: حصل إيه؟ نور: عرف إن أنا هستعين بروان ومازن. داليا: إيه ده إزاي؟ نور: مش عارفة، أنا هتجنن. داليا: طيب اهدي يا نور. نور فتحت الرسالة ووريتها لها. داليا: إيه ده؟

نور: بعتهالي يا داليا وبيهددني، بس أنا كلمت عمي وهو قالي هيتصرف، بس أنا خايفة برضه. داليا: كلمتي عمك! طيب أكيد خير يا حبيبتي، اهدى. نور: بس أنا خايفة برضه. داليا: لا يا نور متخافيش وروحي أوضتك ارتاحي فيها. نور: مش قادرة يا داليا، أنا مرعوبة. داليا: طيب اهدي، بصي روحي ريحي شوية واهدي كده عشان تشوفي هتفكري إزاي. نور: انتي شايفة كده؟ داليا: أيوه يا حبيبتي. نور: ماشي، أنا هروح أوضتي أفكر في اللي انتي فيه.

داليا: ماشي يا حبيبتي. *** روحت أوضتي قعدت فيها وأنا خايفة، بس مش من معتز، خايفة صاحبتي تطلع بتخوني، عشان دي مش مجرد صاحبتي، دي اختي وعمري. فضلت قاعدة والثواني بتعدي ساعات وقلبي بيدق جامد. وأنا قاعدة لقيت باب الأوضة خبط. قلبي دق جامد أوي. يوسف: في رسالة جت لك؟ نور: لسه. يوسف: انت عرفت حاجة؟ نور: اعرفي انتي لوحدك. يوسف: بس مفيش أي رسائل وصلت. نور: اصبري. يوسف: أنا خايف.... سمعنا صوت رسالة وصلت. يوسف: في رسالة وصلت!

نور وهي بتفتح موبايلها بخوف كبير: آه. يوسف: منه؟ نور بخوف أكبر: آه. يوسف: افتحيها. نور: ماشي. فتحت الرسالة وقرأتها أنا ويوسف وكان مضمونها: "بدأنا في العد التنازلي وخلاص كلها ساعتين تن تن تن تن. وصدقيني لو كلمتي وزير الرؤساء نفسه مش عمك بس أو حتى مازن وروان، هجيبك يعني هجيبك. ولو الساعة جت 10 وما كلمتنيش، صدقيني الساعة 10:1 هتكون الصورة على كل فونات مصر والناس كلها هتعرف، سواء كبار أو صغيرين. سلام يا قمر 😎"

يوسف: أنا كده اتأكدت. نور: من إيه؟ يوسف: عارف إنها صدمة وكبيرة كمان، بس ده الواقع. نور: لا، ممكن يكون في حد بيراقبني زي ما داليا قالت. يوسف: بصي، أنا متأكد إن هي اللي وصلتلته الكلام ده. نور: مش انت قلت هتشك لو بعت رسالة إنه عرف إن أنا كلمت عمي؟ يوسف: واتأكدت. نور: إزاي؟ يوسف فتح فونه وورّاها فيديو لداليا وهي بتكلم معتز ومضمون الفيديو كالتالي: داليا: أيوه يا ميزو. داليا: لا ي روحي والله.

داليا: آه طبعاً في جديد، أومال أنا بتصل ليه. داليا: لا طبعاً يا قلبي، وحشتني. داليا: طبعاً يا قلبي هشوفك بس لما أخلص من البلوة دي. داليا: الجديد بقى يا سيدي إن هي جت لي الأوضة وورتني رسالتك اللي أنت بعتها وكانت مرعوبة. داليا: بس هي كلمت عمها يساعدها. داليا: ماشي وأنا أي حاجة جديدة جت لي تاني هعرفهالك. داليا: سلام. نور: إزاي؟ أنا مش مصدقة نفسي والله. يوسف: عارف إنها صدمة، بس اسمعي اللي هقولك عليه.

نور: وإيه هو اللي هتقول عليه؟ يوسف: اكنك متعرفيش إن داليا صاحبتك بتكلم معتز وبتوصله رسائلك. نور: آه... وبعدين؟ يوسف: على ما نعرف آخره هو وهي بس. نور: وأنا هعمل إيه دلوقتي؟ يوسف: هتكلميه. نور: ماشي، بس هقوله إيه؟ يوسف: رني عليه دلوقتي وأنا معاكي وافتحي الاسبيكر. نور: دلوقتي! يوسف: آه، متضيعيش وقت. نور: حاضر، هطلبه. جبت فوني ورنيت عليه. نور: الوو...