رواية نصيبي في الحب الفصل الثاني عشر 12 - بقلم توتة

نور: الو. معتز: كنت متأكد إنك هتتصلي. نور: أنت عايز مني إيه؟ معتز: كل خير. نور: وإيه بقى الخير اللي عايزني فيه؟ معتز: ترجعيلي تاني. نور كانت هتنفعل بس يوسف شاورلها. نور: ط... طيب سيبني أفكر. معتز: أظن أنا سبتك تفكري يومين بس عشان تعرفي إني لسه بحبك. هسيبك 24 ساعة. نور: ماشي. بس أكيد اللي وصلك كل المعلومات اللي أنت عارفها عني وصلك إني سبت القاهرة. معتز: وماله، هترجعي القاهرة تاني.

نور: بس أنا مش عايزة أرجع القاهرة. وبعدين أنت هتستفيد إيه لما أرجعلك؟ معتز: هستفيد إيه؟ أنا لسه بحبك يا نور وعايز أرجعلك تاني. نور: وهو لما حد بيحب حد بيهدده بحاجة هو ما عملهاش؟ معتز: اللي بيحب حد بيعمل عشانه أي حاجة. نور: آه... هكلمك بكرة في نفس المعاد وهوصلك ردي. معتز: ماشي يا روحي... باي. *** أيوه يا معلم، العب على الهادي بقى. عرفت توصلها تاني. معتز: عيب عليك يا ابني، ده أنا معتز الفقي اللي محدش يتحداه.

_بالك بقى لو نور عرفت إن داليا هي اللي بتبعتلك أخبارها. معتز: متعرفش، بس قبل ما تعرف هعمل اللي أنا عايزه. _وهتعمل إيه مع داليا؟ معتز: وأنا مالي بداليا، أنا اللي عايز نور وبس. _يعني أنت مبتحبش داليا زي ما أنت مفهمها؟ معتز: هههههههه داليا مين دي اللي أحبها. _ونور بقى يا برنس. معتز: وأنت تعرف عن صاحبك إنه بيحب بنات؟ _لا سمح الله، حد قال كده. معتز بخبث: ده أنا لسه بسخن بس. _وافرض إن داليا بتبعتلك معلومات غلط.

معتز: متخافش، عامل اللي عليا ومراقب تليفونها. _داليا ولا نور؟ معتز: داليا ما هي طول الوقت مع نور. _طيب متوصل لنور أسهل. معتز: يا غبي، أنا لو قلت لداليا توصلها جهاز التنصت ده في التليفون ممكن تكتشف إني براقبها، وزي ما أنت قولت ممكن تكون متفقة معاها. _لا ناصح. *** يوسف: كويس إنك منفعلتيش. نور بدموع: أنا خلاص على آخري، نفسي أعيش حياة عادية ومش عارفة هما عايزين مني إيه. يعني بعد لما عملت معاها كل ده تغدر بيا في الآخر؟

وحقيقي أنا عايزة أعرف هو عايزني أرجعله تاني ليه؟ يوسف: اهدي يا نور، مفيش حاجة هتتحل بالعياط. لازم تفكري وتشغلي عقلك عشان تعرفي تفكري. نور: مش قادرة، الحياة جايه عليا أوي. اللي كنت بحبه بإخلاص في يوم من الأيام طلع بيتسلى، واللي اعتبرتها أختي وأكتر من اختي وكنت بخاف عليها أكتر من نفسي وعملت معاها حاجات كتير أوي عشان أفرحها وكنت مستعدة أديها عمري لو طلبته طلعت بتخوني.

يوسف: طيب خلاص، اهدي. كل اللي أنت بتعمليه ده مش هيجيب نتيجة. فكري أنتِ عايزة إيه وحياتك هتمشي إزاي. نور: أنا بجد متشكرة، مكنتش عارفة أتصرف إزاي لولا مساعدتك. يوسف: أي حد مكاني كان هيعمل كده يا نور. لسه قدامنا وقت نفكر هنعمل إيه. نور: تمام. يوسف: هتروحي دلوقتي ليها، بس بلاش تتغيري من ناحيتها عشان متحسش بحاجة. نور: هحاول. يوسف: تمام. نور: طيب واللي بعد كده؟ يوسف: تروحي لها بس الأول عشان تفهمي إنك بتحكيلها على كل حاجة.

نور: طيب، هوصلها إيه؟ يوسف: وصليلها كل اللي حصل. ولما تسألك ناوية على إيه، قولي لها إنك هتكلميه عشان أنتِ خايفة وطمنيها خالص. نور: ماشي. يوسف: يلا روحي. *** خبطت على داليا. داليا: في حاجة حصلت؟ نور بتمثيل: كلمته. داليا تمثل الصدمة: إيه؟ نور: خوفت لما بعتلي رسالة تانية. داليا: اممم. بس هو عرف منين بقى إنك كلمتي عمك؟ نور: هو أنا قلتلك إنه بعتلي رسالة تانية؟ داليا بتوتر: ا... ل... لا... مقولتيش. بس...

بس أنا كنت هقولك كلمتيه ليه. نور: إزاي عرفتي إنه بعتلي رسالة فيها إنه عرف إني كلمت عمي؟ داليا بتوتر: ل... لا... م... هو... أصله... آه أنا توقعت لأنه بعتلك رسالة الصبح إنه عرف إنك كلمتي مازن وروان، فأكيد هيعرف إنك كلمتي عمك. نور: آه... طيب أنا خلاص هكلمه بكرة وهقوله إني موافقة أرجعله عشان متفضحنيش. داليا: ليه يا نور هتعملي كده؟ نور: مش عارفة، اهو اللي حصل بقى. داليا: طيب هتقولي إيه لعيلتك؟ نور: هفكر لسه وهشوف.

داليا بخبث: ماشي يا نور، بس فكري تاني. نور: طفح الكيل من كتر التفكير. داليا: طيب وجامعتك؟ نور: هتصرف. بس كل اللي أنا بفكر فيه أنتِ. داليا: هتشيلي همك ولا همي يا نور. نور: طيب خليكي أنتِ هنا في الفيلا وأنا هحاول أتصرف. داليا بتوتر وكذب: لا يا نور يا حبيبتي مش هينفع أتقل أكتر من كده. نور: لازم أطمن عليكي برضه، ده أنتِ أختي. داليا: لا يا حبيبتي متشيليش هم. نور: أخلص بس من اللي أنا فيه ده وأطمن عليكي إن شاء الله.

داليا: ماشي يا حبيبتي. *** يوسف: عملتي إيه؟ ...................... يوسف: كويس أوي كده، مش عايز أشوفه في مصر كلها مش في إسكندرية بس. ...................... يوسف: أنا جاي حالا آخدها، بس مش عايز حد يعرف باللي حصل. ...................... يوسف: لا طبعًا، بكرة الفلوس هتكون في حسابه في البنك. .................. يوسف: زي ما اتفقنا. ................... يوسف: خلاص ماشي. ........................

يوسف: عشان أي حد هيفكر يقرب من حاجة تخصني، همحيه من الدنيا. ......................... يوسف: سلام دلوقتي. *** آدم: مين دي؟ هي اتجننت ولا إيه؟ _هي اللي قالتلي بنفسها يا برنس. آدم: وأنا هبص لواحدة زيها على إيه؟ _معرفش بقى يا عم. آدم: لو كلمتك تاني عرفها إني أصلاً مبفكرش فيها. _خلاص يا عم، متقفش كده. آدم: طيب أنا همشي دلوقتي عشان اللي في البيت. _هتيجي تاني ولا خلاص فككتها؟ آدم: لا هاجي طبعاً. *** نهال: رايح فين يا يوسف؟

يوسف: مشوار مهم. نهال: هتتأخر؟ يوسف: لا راجع على طول. نهال: ماشي يا حبيبي. يوسف: أومال فين البنات؟ نهال: مع هبة في أوضتها. يوسف: ماشي. نهال: يوسف خلي هبة تكمل في المسابقة. يوسف: لما أرجع يا نهال هقرر. نهال: ماشي يا يوسف. *** ملك: خلاص يا هبة، مكنتش أعرف إن كل ده هيحصل. ندي: هبة يعني أنتوا ملكوش غير بعض. هبة: خلاص ماشي. ملك: بجد ولا بتقولي كده وخلاص؟ هبة: لا بجد، في الأول وفي الآخر أنا اللي غلطانة مش أنتِ.

ملك: وأنا كمان غلطانة عشان قلت ليوسف. سارة: خلاص بقى، مش عايزين نتكلم في الماضي، كل واحد يروح كليته من بكرة. هبة: هو يوسف وافق إني أروح المسابقة؟ سارة: للأسف لا. هبة بحزن: ماشي. سارة: بس إن شاء الله هيوافق. ندي: هي إيمان لسه بتتكلم في التليفون؟ ملك: آه. إيمان دخلت عليهم وقالت: تعالي يا سارة، عايز اكي. سارة: حاضر جاية. ***

سبت داليا وروحت أوضتي بصدمة منها اللي كانت صاحبة عمري. بفكر في حياتي وإيه اللي ممكن يحصل. نفسي يبقى معايا حاجة واحدة بس وهي راحة البال. *** إيمان: كنت عايزة أكلمك بخصوص إسلام. سارة: ماله إسلام؟ إيمان: بيقول إنه بيكلمك وإنتي مش بتردي. سارة: ومش هرد عليه لحد ما يعرف قيمتي. إيمان: عرفيها يا سارة. سارة: لا لسه شوية. إيمان: بصراحة هو صعب عليا. سارة: وأنا مصعبتش عليه. إيمان: معلش يا سارة، خلي قلبك أبيض.

سارة: طيب سيبيني أفكر. إيمان: طيب فكري براحتك، بس افتكري إنه هو بيحبك وعمل إيه عشان يخطبك. *** شوية ونزلت أشوفهم تحت. نور: إيه يا قمر قاعدة لوحدك ليه؟ نهال: أصل خالك عنده شوية شغل والبنات مع بعضها في أوضة هبة وجدك وجدتك نايمين. نور: امممممم. نهال: اطلعي معاهم. نور: ماشي. طلعت ناديت لداليا عشان متحسش إني متغيره معاها. ورحنا عند هبة. نور: حمد الله على السلامة يا هوبا. هبة: الله يسلمك يا حبيبتي.

داليا: حمد الله على السلامة يا هبة. هبة: الله يسلمك. نور: جايين نقعد معاكوا شوية. هبة: تعالي. قعدنا مع بعض. واحنا قاعدين لقينا باب الأوضة فتح و...