رواية نصيبي في الحب الفصل الخامس عشر 15 - بقلم توتة

يوسف بغضب وعيناه تحولت للون الأسود: إيه ده! نسرين برعب: مروان باشا الدمنهوري استغل إن حضرتك مش في الشركة اليومين دول. يوسف قاطعها بغضب شديد: يعني إيه؟ إزاي يعرف إن أنا مش في الشركة؟ هو أنا مشغل شوية بقر معايا؟ نسرين: والله يـ... يوسف: فين الزفت تيمور؟ نسرين بخوف: في مكتبه. يوسف: ناديه لي حالا. نسرين برعب: حـ... حاضر. *** نور كانت في أوضتها بتكتب مذاكرتها كالعادة بدموع شديدة. وهي في أوضتها باب أوضتها خبط.

فتحت نور، ولقيتها داليا. نور: عايزة إيه؟ داليا: ممكن أتكلم معاكي شوية. نور: لأ مش ممكن. ولو سمحت لو شوفتيني في أي حتة تانية يا ريت تنسي إني أعرفك في يوم من الأيام. داليا بدموع: نور ونبي اسمعيني. نور قفلت الباب في وشها. دخلت، مسكت فونها واتصلت برقم، ليرد الطرف الآخر. _الو. نور: الو، ازيك يا فاطمة؟ وحشتيني أوي. فاطمة: مين؟ نور: معقول تنسيني في الوقت القصير ده؟ فاطمة: نور! نور: أيوه نور. فاطمة: عاملة إيه يا كلبة؟

وحشتيني. نور: وأنتي كمان، انتي مش عارفة أنا من غيرك عاملة إيه دلوقتي. بس معرفتش أكلمك اليومين اللي فاتوا دول عشان الظروف اللي أنا كنت فيها. فاطمة: مالك يا حبيبتي؟ في إيه؟ نور: انتي رجعتي؟ فاطمة: لأ لسه، بس فيه إيه؟ نور: أنا عايزة أشوفك يا فاطمة. فاطمة: ماشي يا حبيبتي، أما أنزل القاهرة هكلمك. نور: لأ، أنا مش في القاهرة. فاطمة باستغراب: أومال فين؟ نور: في إسكندرية. فاطمة بفرح: نقلتي؟ نور: فترة مؤقتة.

فاطمة: هو انتي مع عمك؟ نور: لأ، أنا عند قرايبي. فاطمة: ومشيتي من القاهرة ليه؟ نور: بصي، أنا هحكيلك كل حاجة من ساعة آخر مرة شوفتك فيها. فاطمة: احكي. *** نهال: آه صحيح يا محمد، يوم الجمعة ماجدة هتيجي. خالو: هتيجي؟ نهال: أيوه، بس أنا نسيت أقول عشان الظروف اللي حصلت دي. خالو: هي كلمتك؟ نهال: آه كلمتني وقالت لي إنها هتيجي ومعاها عيالها. خالو: ماشي. *** نسرين خبطت على باب مكتب تيمور. تيمور: ادخل.

نسرين: أستاذ يوسف عايز حضرتك في المكتب يا أستاذ تيمور. تيمور بحب: آه. نسرين: عايزك دلوقتي حالا. تيمور بانتباه: متعرفيش عايزني في إيه يا آنسة نسرين؟ نسرين: آه أعرف... عشان شركة الدمنهوري كسبت صفقة M.M. تيمور بانتفاض من مكانه: إيه؟ نسرين بكتم الضحك على شكله: وأنت متعصب جامد. تيمور وهو بيبلع ريقه: الله يرحمني طيب. اتفضلي أنتِ يا آنسة نسرين. نسرين: حاضر. تيمور قام راح له ودخل بعد ما أذن له بالدخول.

تيمور: نعم يا يوسف باشا؟ يوسف بغضب: إيه اللي أنا سمعته ده؟ تيمور ببعض الخوف: والله العظيم الشركة دي اللي سيف كلمك عليها وقال لك إنها مهمة، وأنت قلت له سيبها دلوقتي. يوسف بغضب شديد: وأنت يازفت كنت فين؟ تيمور: م... م... هو أنا قلت لسيف يديني الملف بتاعها، وهو قالي إنك طنشت الصفقة. يوسف بغضب: ومكلمتنيش ليه؟ تيمور: كلمتك والله، بس تليفونك مقفول. يوسف بشر: ماشي، يبقى هما اللي بدأوا. إن ندمتهم على وقفتهم قصادي مبقاش أنا.

تيمور: هتعمل إيه؟ يوسف: وأنا من إمتى بقول اللي هعمله؟ تيمور: يبقى شكلك هتمحيها من الوجود. يوسف: وأقسم بالله لو مـ... ركزت في الشغل اليومين دول لأدفنك. تيمور: لسه هترفد صاحبك يا جو؟ يوسف بغضب: تيموووووووور! تيمور: طيب استأذن أنا بقى، أصل مامي بتنادي لي. تيمور خرج بسرعة وهو بيضحك وخايف منه في نفس الوقت. يوسف في المكتب. يوسف في سره: ماشي يا دمنهوري، والله لندمك على اليوم اللي فكرت فيه تتحداني. يوسف بنداء لهيام:

هيام: نعم يا يوسف باشا. يوسف: هاتي لي ملف صفقة شركة M.M. هيام: بس الشركة دي سابتنا وعقدت صفقتها مع شركة الدمنهوري. يوسف بغضب: أظن إنتي هنا سكرتيرة مش أكتر، يعني الكلام اللي أقوله يتنفذ بالحرف الواحد، مفهوم؟ هيام بخوف: م... مفهوم... مفهوم. يوسف: وأي جدال تاني اعتبري نفسك مرفودة. هيام بخوف: لا خلاص والله هجيب الملف بسرعة. يوسف: إنتي لسه قدامي. هيام خرجت بسرعة من المكتب. *** نسرين: مالك يا هيام بتجري كده ليه؟

هيام: يوسف باشا متعصب أوي وعايز ملف شركة M.M. نسرين: أيوه، من ساعة أما وصل الشركة وهو متعصب أوي. هيام: وإيه الجديد يعني؟ نسرين: صح. هيام: هو إنتي حطيتيه فين؟ نسرين: في أوضة الأرشيف. هيام: ماشي، شكراً. *** فاطمة: إيه القذارة دي؟ أنا أصلاً مصدقت نسيته. وداليا صاحبة عمرك تعمل كده عشان واحد زي ده؟

نور: معلش إني فكرتك بيه، خصوصاً عشان اللي عمله معاكي. بس إنتي الوحيدة اللي عايزة أتكلم معاها. أي نعم قابلتك في وقت قصير جداً، إلا إن حبيتك جداً. فاطمة: معلش يا نور. بصي، لما أرجع لينا قاعدة مع بعض. نور: أكيد طبعاً. فاطمة: بس برحمة أبويا اللي مات بسببه، لـ... مهسيب حقي وهخده منه. نور: أنا بقولك أصلاً أول ما يوسف ابن خالتي قال له على اسمه، كان منظره مش عايزة أقولك عامل إزاي.

فاطمة: امممممم، ده أكيد شركة كبيرة بقى على كده. نور: بيقول إن شركاته اسمها الكينج. فاطمة: احلفي! نور: والله، هو إنتي تعرفيها؟ فاطمة: إيه اللي أعرفها؟ دي أكبر شركات في العالم. نور: أومال أنا معرفهاش ليه؟ فاطمة: عشان إنتي دايماً قاعدة لوحدك ومش مهتمة بحاجات كتير أوي. هتهتمي بشركات؟ ده إنتي مكنتيش تعرفي عمك شغال في شركات إيه غير من قريب. نور: صح، يمكن عشان كده معرفهاش.

فاطمة: ده أنا هاخدك واسطة عشان أشتغل في الشركة دي بقى. نور: نينينينينيني، ليه ده حي الله ابن خالتي بس. فاطمة: هو إنتي تطولي؟ نور: والله! فاطمة: آه والله، ده يا بنتي شركاته يعني حاجة قمر كده، مابالك بقى بيته. نور: مش عارفة، بس هو أصلاً دايماً في إيطاليا. فاطمة: أيوه، ما أنا عارفة، بس الشركة الأم لشركاته في مصر. نور: ماشي يا ستي، والله مكالمتك دي فرقت معايا دلوقتي.

فاطمة: هبقى أرن عليكي عشان أرزل عليكي، بس عايزة أقولك حاجة. نور: قولي. فاطمة: ادي لداليا فرصة تانية. نور: إنتي بتقولي إيه؟ أنا كان ممكن أضيع بسببها. فاطمة: هي برضه معذورة يا نور. نور: يعني بعد كل اللي عملته ده ومعذورة؟ فاطمة: اللي شافته مش قليل برضه. نور: إنشاء الله يا فاطمة، هشوف لسه هعمل إيه. فاطمة: ماشي يا نور، يلا سلام. نور: سلام. نور قفلت معاها ونزلت تتمشى في الجنينة شوية. ***

يوسف: اللي أنا قلته يتنفذ. لما نشوف بقى إزاي شركة زي دي تتحدى شركة الكينج. ...................... يوسف: حالا، مش عايز أضيع وقت. *** سيف: أنا مش داخل طبعاً. هيام: عشان خاطري يا سيف، ده متعصب أوي. سيف: وأنا مالي؟ ده لسه طاردني من مكتبه. هيام: طيب روحي إنتي يا نسرين. نسرين: نسرين مين؟ لا طبعاً. _إنتوا التلاتة مرفودين. بصوا التلاتة للصوت، ولقوه يوسف. سيف: والله يا يوسف باشا، كنا لسه بنجيب الملف. يوسف: إنتوا هتتعازموا؟

مين اللي هيدخل الملف؟ أنا مش فاضي للعب العيال ده ومش عايز أضيع وقت. هيام: والله مش قصدنا يا يوسف باشا، وأول وآخر مرة. يوسف: وأنا من إمتى برجع في كلمة قلتها. نسرين: طي... يوسف: أنا قلت اللي عندي. خد الملف وسابهم ومشي. نسرين: عاجبكم كده؟ سيف: يعني إحنا نتفضل كده نمشي بكرامتنا أحسن ما نمشي من غيرها. هيام: لأ، إحنا لازم نتصرف. نسرين: إزاي؟ هيام: إحنا ممكن نقول لتيمور وهو هيتصرف.

نسرين: وإنتي بقى إيه اللي مخليكي واثقة إنه هيقنعه؟ هيام: نحاول وخلاص. نسرين: ماشي، بس مين هيقوله؟ هيام: إنتي. *** يوسف: الشركة دي تعلن إفلاسها بكرة.. فاهم؟ تيمور: فاهم. يوسف: أما بقى شركة الدمنهوري، فـ... لسه أيامها جاية سواد. تيمور: ربنا يستر. يوسف: إنت لسه واقف؟ تيمور: ومين قال كده؟ أنا أصلاً خرجت من نص ساعة. يوسف: خمس ثواني لو مخرجتش، أنا مش مسؤول عن اللي هيحصل. تيمور جري بره قبل ما يوسف يتعصب عليه.

تيمور: إيه اللي موقفكم كده؟ نسرين: ا... اصل... تيمور: اصل إيه؟ نسرين: اتطردنا من الشركة. تيمور: إيه؟ سيف: ومش عارفين نعمل إيه. تيمور: هو إنت التلاتة اتطردوا؟ هيام: آه. تيمور: طيب، أنا هحاول أقوله، بس مش دلوقتي عشان لو دخلت له تاني هطلع من عنده لابس عباية. *** يوسف خرج من المكتب وروح بيته. وهو داخل نور شافته. نور: يوسف. يوسف: نعم. نور: أنا آسفة بالنيابة عن اللي داليا عملته. يوسف: وإنتي مالك أصلاً؟ نور: إيه؟!

يوسف: اللي سمعتيه. وبعد كده لما تشوفيني متكلمنيش. كفاية اللي حصلي بسببك. نور...