رواية نصيبي في الحب الفصل الرابع والعشرون 24 - بقلم توتة

ملك: ده كله حصل إمبارح يا نور. ندي: بس الواد مروان ده طلع محنك أوي. نور: لا، مهو وقت الجد جد وقت الهزار هزار. ندي: والله... بس برضه تلاقي مش قد كده. نور: يا سلام، مش إنتي كنتي عايزة واحد زيه دلوقتي؟ غيرتي رأيك دلوقتي ليه؟ ندي: بصبر نفسي... بصبر نفسي عشان منفرقعش وأترش منك ومن كلامك. نور: ههههههه... معلش، كل واحد وليه نصيبه. ندي: امتي يا رب بس... أي عريس أوافق. إيمان: أي عريس؟ ندي: آه، أي عريس سُكّر كده.

إيمان: إيه رأيك في عننننننننن؟ ندي: إنتي قصدك أحمد بطة؟ إيمان: أيوه هو. ندي: أريد المرحاض لكي أتقيأ. إيمان: هههه، دلوقتي تتقيأي؟ مش كان من شوية أي عريس؟ ندي: حرام عليكي يا شيخة، تقومي جايبالي بطة. نور: مين بطة ده؟ ملك: إنتي مش بتقعدي على تيك توك؟ نور: لا. ملك: يبقى مش هتعرفيه يا نور. نور: هو وحش يعني ولا إيه؟ ندي: تحبي أوريكي شكله؟ نور: أيوه. ندي: ثواني هجيبه من على التيك توك. نور: هو مشهور؟ ندي: مشهور سيكا.

نور: طيب يلا، عايزة أشوف عريسك هههههه. ندي: يا ربي، قلبتوا عليا دلوقتي يعني. شاهي: مهو عريس حلو يا ندي. ندي: متكلمتكيش أنا، أفكره. روان: هيا عملتلك حاجة؟ إنتي بتكلميها كده ليه؟ ندي: ردي إنتي يا ملك عشان أنا لو رديت هزعل ناس ملهاش ذنب. ملك: خلاص يا ندي، مترديش. روان: يعني إيه يعني؟ يعني هتعتبرونا هوا مثلاً؟ ندي: أيوه، ما إنتوا فعلاً هوا وحاشفين نفسكم ديماً على أي حاجة، سواء تخصكم أو متخصكمش.

روان: متتكلميش عدل، إحنا جايين نشحت منك. ندي: هيا مين دي اللي تتكلم عدل؟ ده إنتي متسويش بصلة في سوق الخضار. روان: إنتي بتشتميني؟ ندي: وأشتم اللي يتشتتلك كمان. نور: بس إيه، إنتوا هتتخانقوا؟ ندي: دي حاجة تحرق الدم يا شيخة، إيه ده. نور: بس مش لدرجة تتخانقوا. ندي: أنا أصلاً مكنتش عايزة أرد، بس هيا اللي مستفزة. نور: معلش يا ندي، ومعلش يا روان، خلاص بقى متتخانقوش، إنتوا مش أطفال. ندي: ماشي، فكك. نور: مورتنيش بطة يا ندي.

ندي بضحك: أيوه، ثانية. نور: الثواني بتاعتك كترت. ندي: خدي يستي، أهو أستاذ عننننن. نور: هاتي. ندي: خدي. نور: هههههه، إيه ده؟ مسخرة خالص. ملك: معاكي حق. ندي: شوفتي بقا، ينفع ده يبقى عريسي يا نور؟ ده حتى متجوز ومخلف. نور: ماله، مهو عسول خالص أهو، لايق عليكي يا ندوش. ندي: والله. نور: أيوه صح يا ملك. ملك: صح خالص. إيمان: شوفتوا بقا إني أنا عندي حق. نور: أيوه عندك حق يا إيمان. سارة: أنا جيت. ندي: كل ده بتكلمي عريس الغفلة؟

سارة: ده إنتي ليكي رؤية معايا، بس اصبري. ندي: الله، وأنا مالي يا لمبي. سارة: مالك؟ حاضر، تتخطبي بس وأنا هطفش عريسك منك يا ندي. ندي: هاتيه يا أختي... هاتيه، وأوعدك إنه هيطفش لوحده. سارة: هههههه، مش هتبطلي إنتي خالص؟ نفسي مرة تتكلمي جد... سيبي مساحة للجد في حياتك. ندي: عايزها كام جيجا؟ نينينينينيني. سارة: برضو. نور: ما إحنا اخترنالها عريس حلو دلوقتي. ملك: بجد؟ مين؟ نور: بطة اللي هو بيقول عنننن. ملك: بتهزري. نور: والله.

ملك: أحسن يا ندي هههههههه. ندي: خلاص خلصتوا تريقة. سارة: يا بنتي، أنا لو أطول أتريق عليكي طول اليوم، هتريق من اللي بشوفه منك. ندي: أنا يا ملك بتقوليلي كده؟ ملك: لا، بقول لخيالك. ندي: وكمان بتتريقي؟ ملك: طبعاً، أتريق براحتي. ندي: ماشي يستي، كنتي بتكلمي إسلام بقا تقولي له إيه؟ سارة: وإنتي مالك يا باردة. ندي: عشان أتعلم منك يا صاحبي. ملك: آه، لو بس تقوليلي بتجيبي الكلام ده منين. ندي: من عند بتاع الكلام. ملك: ظريفة أوي.

ندي: ميرسي. نور: هو فين آدم؟ ملك: معرفش، من ساعة أما خرج مرجعش. نور: أصل بيختفي كتير أوي. ملك: بيسهر مع أصحابه وبيذاكر معاهم يعني وكده. نور: آه... مالك يا هبة؟ من ساعة ما دخلتي متكلمتيش. هبة: مفيش حاجة. نور: طيب شاركينا. هبة: حاضر. ملك: طيب، هو إنتي مكلمتيهوش؟ نور: هو مين؟ ملك: مروان. نور: لا لسه... ليه؟ ملك: بسأل عادي. نور: آه. ملك: هو إنتي بتحبيه يا نور؟

نور: بصراحة كده، مش حاسة بأي مشاعر ناحيته، بس قلت مثلاً لما أتخطب له أحبه يعني وكده. ملك: يعني إنتي أصلاً مبتحبهوش؟ نور: مش حاسة والله بأي مشاعر، بس بقول إنه كويس. ملك: عادي، بتحصل كتير. نور: أيوه فعلاً. ندي: ده أنا بس ييجي العريس وأنا أعشقه هو وأمه. نور: ههههه، على فكرة إنتي بتفصليني. ندي: معلش بقى، أنا فصيلة... إيه ده؟ تليفوني بيرن، يارب يكون عريس معجب بيا... ياااه. ملك: إنتي بترودي على أرقام غريبة؟

ندي: أيوه، فيها إيه؟ ملك: ماشي يا ندي، روحي ردي. إيمان: أنا هروح أكلم صاحبتي. نور: ماشي. هبة: وأنا هروح أنام. ملك: بدري كده؟ هبة: أيوه، فصلت خلاص، مش قادرة. ملك: ماشي. نور: رسيت علينا. ملك: روحي كلمي خطيبك يا نور، وإحنا هننزل. نور: لا عادي، إنتوا أصلاً مفرفشيني. شاهيناز: أروى... ماما بتنادي. أروى: طيب تعالي نشوفها عايزة إيه. شاهيناز: يلا. ملك: كنت عايزة أقولك حاجة بس كنت مستنية أهله ينزلوا. نور: في إيه؟ ***

تيمور: هااااا، إيه رأيك بقى. يوسف: يا ابن الصايعة، يا تيمور! إيه الدماغ دي؟ تيمور: عيب عليك. يوسف: إنت جايب العبقرية دي منين؟ يخرب بيتك، زي ما بتخرب بيت الناس... أنا فعلاً مكنتش غلطان لما عينتك مكاني في الشركة وأنا غايب... إحنا نبدأ ننفذ خطتك دي. تيمور: ماشي يا جو، بس كنت عايز أسألك سؤال وتجاوب عليه بصراحة. يوسف: اسأل. تيمور: هو إنت بتعمل كده ليه مع نور؟ يوسف: عشان بنت خالتي يا تيمور.

تيمور: مش حاسس إنها عشان بنت خالتك بس. يوسف: أمال حاسس إيه؟ جيب من الآخر يا تيمور. تيمور: هو إنت بتحب نور يا يوسف؟ *** نور: إيه اللي إنتي بتقوليه ده يا ملك؟ ملك: اهااا، بجد، على فكرة مش بهزر. نور: إنتي واعية للي بتقوليه ده؟ ملك: أيوه، واعية جداً كمان. نور: إنتي أكيد بتهزري، أنا مش مصدقة كلمة واحدة من اللي إنتي قولتيها دي. ملك: إنتي اللي مش واخدة بالك يا نور، وأنا عشان كده سألتك إذا كان بتحبي مروان ولا لا.

نور: لا لا لا، مستحيل طبعاً، أنا خلاص بحب مروان وهتجوزه وهحبه مع الوقت. ملك: وليه تتجوزي واحد مبتحبهوش وتسيبي اللي بيحبك وبتحبيه؟ نور: مروان كمان بيحبني يا ملك. ملك: بس إنتي مبتحبيش مروان وبتح... نور: لا، متكمليش يا ملك، مستحيل اللي بتقوليه ده. ملك: صدقيني يا نور، واضح أوي عليكي. نور: واضح على مين؟ لا، هو بالنسبالي ابن خالتي وقريبي مش أكتر. ملك: بس إنتي بالنسباله مش كده يا نور. نور: وإنتي عرفتي منين؟

ملك: أنا أكتر واحدة في البيت ده أعرفه يا نور، ودايماً بيحكيلي على كل حاجة. نور: ليه؟ هو قالك حاجة؟ ملك: لا، مقالش حاجة، بس أنا أعرفه وأعرف هو بيفكر في إيه. نور: ممكن يكون بيتهيألك مش أكتر. ملك: لا يا نور، وهو مش هيسيب حاجة ملكه حد تاني ياخدها. نور: أنا مش ملك حد، أنا ملك نفسي لوحدي. ملك: بس إنتي أكيد... نور: إيه الصوت ده؟ ملك: مش عارفة... تعالي نشوف فيه إيه. نزلت نور وملك وكانوا سامعين صوت حد بيصرخ وبيصوت، ولقوا...

يتبع