رواية نصيبي في الحب الفصل الثالث والعشرون 23 - بقلم توتة

دخلت نور الڤيلا لقت الكل في الڤيلا تقريبًا. يوسف: هو انتي م... اوباااا. نور: م إيه؟ يوسف: م إيه؟ هو أنا قولت إيه؟ نور: معرفش. يوسف استعاد وعيه تاني: اه... كنت بقول إن البيت ده ليه قواعد ولازم تتنفذ. نور: وهو أنا عملت إيه؟ يوسف: انتي خارجة لوحدك وراجعة متأخر كمان. نهال: خلاص يا يوسف هيا متعرفش. يوسف: يبقى تعرف. نور: أنا معملتش حاجة غلط، على فكرة... فيها إيه خرجت؟

علفكرة أنا لما خرجت خرجت ومكانش في حد في البيت أصلًا واستأذنت من نهال. يوسف: وإنتي جاية دلوقتي شوفتي حد بره؟ الكل بييجي من جامعته على البيت ولو خرجوا بيرجعوا قبل المغرب، ولو اتأخروا بيكونوا معاهم راجل. نور: طيب كل اللي حضرتك قلته ده أنا أصلًا عملته. يوسف: عملتي إيه بالظبط؟ نور: عشان اتأخرت خرجت مع راجل. يوسف: نعم... نور: أيوة، خرجت مع خطيبي ونهال عارفة إني هتخطب... والكل تقريبًا عارف... يعني أنا مبعملش حاجة غلط.

يوسف: إنتي وافقتي؟ نور: إيه ده؟ هو انت كنت عارف؟ يوسف: أنا مفيش حاجة في البيت ده معرفهاش... أنا بعرف كل حاجة. نور: ماشي... دي حاجة متخصنيش أصلًا... وأنا مش جايه هنا عشان أبقى مقيدة... أنا حرة وملكة لنفسي ومتحكمة عن أي لنفسي وعمري أبدًا ما هجيب أي عار لنفسي ولا لأي حد بسببي... أنا دلوقتي هكون واحدة مخطوبة يعني مسؤولة من شخص تاني هو اللي يسألني انتي رايحة فين وجاية منين. نهال: إنتي وافقتي يا نور؟

نور: أيوة يا نهال وافقت وانهارده هو كان عازمني على الغدا انهارده. نهال: ألف مبروك يا نور، والله أنا فرحانالك أوي. ملك: أخيرًا وافقتي. ندي: مش كنتي قولتيلي عشان أديكي نصايح. إيمان: نصايح مين؟ ده لو هتاخد من واحدة معنسة ولا تاخد منك. ندي: اسكتي يا بت انتي، إيه فهمك في الحاجات دي؟ إيمان: طب بس يا ندي. ندي: اسكت ليه؟ عشان مش عارفة تردي. إيمان: ل... قاطعتهم نهال: خلاص إنتوا هتتخانقوا؟ نور: طيب عن إذنكوا...

وشكراً يا أستاذ يوسف على إرشاداتك وقواعدك. قالت نور كلامها وطلعت على أوضتها. نهال: الحمد لله يا رب إنك رزقها باللي بيحبها. يوسف: أنا خارج. نهال: ليه؟ وراك شغل؟ يوسف: آه... أيوه ورايا شغل كتير وممكن مجيش انهارده. شاهيناز: يا جو انت... نهال قاطعتها: اسكتي يا شاهي. شاهي: ليه؟ نهال: مش فايقلك، اسكتي عشان ميروحش في داهية بيكي. شاهي: لا أنا هخرج وراه. نهال: امنعيها يا ماجدة. ماجدة: خلاص يا شاهي اقعدي.

شاهي: ماشي يا ماما، هو أصلًا مشي. نهال: متطلعوا لنور يا ملك إنتي وأخواتك. ملك: حاضر. أروى: هنطلع معاكوا أنا وشاهي. ندي في سرها: يلهواااااي. إيمان: شكلها ليلة فل. ملك: ماشي يا أروى، تعالوا. أروى: يلا يا شاهيناز. شاهيناز: يلاه. هبه: مبيصدقوا. سارة: معلش بقا أهم ضيوف. ملك: يلا اطلعوا. *** يوسف كان سايق العربية بسرعة كبيييرة جدًا لدرجة إنه كان هيعمل حادثات كتير مش حادثة واحدة، بس كان متعصب لدرجة كبيرة أوييي.

رن على تيمور. تيمور: إيه يا يوسف، انت رحت فين؟ يوسف بغضب: مروان الدمنهوري. تيمور: ماله؟ يوسف: يموووووووووت حالااااااااا. تيمور: اهدي يا يوسف وقولي انت فين. يوسف: تيموووووووور اللي قولته يتنفذ. تيمور: طب قولي انت فين. يوسف: أنا طالع على فيلا المعادي. تيمور: طيب مسافة السكة هكون عندك... الووو. تيمور بعد ما يوسف قفل: الليلة طين انهارده أنا عارف، مش فيها فيلا المعادي...

عملت إيه يا مروان، ده انت مش هيطلع عليك شمس ربنا يسترها... يختاااااي. *** مروان: لا خلاص كبر دماغك وخلي الراجل يمشي، أنا مبسوط أوي انهارده ومش عايز مشاكل تاني. أحمد: أخيرًا! أنا عمال أقولك من زمان فكك منه بقا وانت حاطه في دماغك. مروان: أصلًا أنا شكل كده وقعت وهروح أخطب ومش عايز مشاكل. أحمد: يا سيدي يا سيدي هتخطب يعم أخيرًا... ومين بقا اللي أمها داعية عليها دي اللي قدرت توقع قلب مروان الدمنهوري؟ هههههههه.

مروان: شكلك كده عايز تتربي تاني، صح؟ أحمد: ليه يعم أنا قولت حاجة غلط؟ مروان: أما أتكلم عليك ابقي أتكلم عليا. أحمد: أتكلم عليك أنا دلوقتي وانت تتكلم عليا بعدين. مروان: لا يعم لا تتكلم عليا ولا أتكلم عليك. أحمد: ماشي... شكلك وقعت فعلاً. مروان: أيوة وقعت ومحدش سمى عليا كمان. أحمد: أوعدني بقا. مروان: إنشاء الله ربنا يرزقك ببنت الحلال اللي تملي عينيك. أحمد: يارب يا صاحبي. *** طلعوا خبطوا على نور. نور

بصوت عالي من جوه الأوضة: ثانية واحدة بغير هدومي. ملك: ماشي براحتك يا نور. إيمان: استنوا بقا على ما تخلص. ندي: ماشي. شاهي: هيا هنا من إمتي؟ هبه: حاجة تخصك. شاهي: عادي يا بكبوظة، أنا بسأل بس. هبه بغضب: هو أنا مش قولتلك قبل كده متناديش عليا الزفت الاسم ده تاني؟ شاهي: عادي يعني يا بكبوظة. هبه: ملك: لو اتكلمتي عليها تاني كده يا شاهيناز هتكلم عليكي أوحش من كده. أروى: هو في إيه؟ أحن... قطع كلامها فتح نور باب أوضتها.

نور: تعالوا أنا خلاص خلصت. ملك: عاملة إيه دلوقتي؟ نور: الحمد لله. شاهي: علفكرة إحنا لسه متعرفناش عليكي. نور: اتشرف بمعرفتكم طبعًا يا قمر. أروى: أنا اسمي أروى وهيا اسمها شاهيناز. نور: أساميكوا حلوة أوي. شاهي: شكراً. ملك: وافقتي يعني؟ نور: الصراحة، عملي مفاجأة حلوة أوي، بينلي قد إيه هو بيحبني. ملك: أيوة يا عم محدش قدك. ندي: عملك مفاجأة إيه بقا؟ نور رفعت إيديها. ندي صرخت: وااااااااااااااو... ده حلو أوي.

إيمان: الله يخربيتك خرمتيلي ودني. سارة: إيه يا ندي... أول مرة تشوفي خاتم؟ ندي: اسكتوا بقا... الخاتم ده شكله حلو أووووووووويييييييييي. نور: ميرسي. ندي: وقعتي عليه فين ده؟ يمكن ألاقي واحد زيه. نور: الحظ والقدر بقاااا. شاهيناز لـ أروى: عقبالنا كده ربنا يناولنا اللي في بالنا. أروى: يارب يختي... حد يكره؟ نور: مش ده بس علفكرة. ندي: بيجااااد؟ نور: والله. ندي: في إيه تاني؟ نور: عربية جييب لونها أحمر وفون كمان.

ندي: لاااااااااااااااأ احلفي كده عربية جيب؟ ملك: الله يخربيتك، قريتي على البت. نور: مصدومة يعيني. ندي: ده أنا نفسي في عربية ڤيرنا وأبويا مش موافق. نور: معلش، لما تتخطبي هيجيلك الأحسن. ندي: يارب يختي يوعدنا كلنا أنا وكل السناجل اللي زيك. نور: هههههههه والله إنتي هبلة. ندي: كلهم بيقولولي كده. ملك: خلاص يا ندي، ده إنتي فصيلة. ندي: إنتي مالك إنتي؟ أنا كنت كلمتك؟ ملك: احترمي نفسك يا ندي.

إيمان: أيوة ملك معاها حق، اسكتي بقا يا ندي. ندي: بس إنتي كمان مش ناقصاكوا. إيمان: المفروض تحترميني عشان أنا أكبر منك. ندي: يا نوغة أكبر مني... ده إنتي أكبر مني بـ ٣ دقايق بس. إيمان: برضه. نور: خلاص إنتوا هتتخانقوااا؟ ندي: م هما اللي مستفزين. إيمان: خلاص اسكتي. ندي: مليكيش دعوة إنتي، أنا بكلم نور. نور: ياربي أنا لو بكلم أطفال مش هيعملوا كده. ملك: معلش يا نور. نور: أي حد توأم لازم يتخانق... نفسي أشوف توأم مبيتخانقش.

ملك: معاكي حق. سارة: طيب هرد على التلفون أنا بقااا. ندي بخبث: هتكلمي حبيب القلب طبعًا. سارة: ندي اتلمي. ندي: حاضر... استني شوية وهجبلكوا اتنين لمون. سارة: بس يبت انتي. ندي: طب روحي يختي خلصيلوا الباقة يلا. سارة: أووووف... أنا عارفة إني مش هخلص. ملك: يلا يا سارة قبل ما يفصل. ندي: أيوة روحي قبل ما يفصل. سارة: ماشي يا ملك. ملك: احكيلي بقا يا ستي اللي حصل انهارده.

نور: ماشي يا ستي هقولك اللي حصل معايا انهارده وهقول ليكوا كلكوا كمان. ندي: اشجينى. *** تيمور: غلطان يا يوسف، مش عشان خايف عليها تعمل كده. يوسف: أعمل أي حاجة عشان أرجعها. تيمور: إنت بتحبها يا يوسف؟ يوسف: زي أختي، بحبها زي أختي يا تيموووور. تيمور: مش باين، أنا أعرفك أكتر من نفسك. يوسف: مش وقته دلوقتي... المهم أنا عايز أشوف جثته قدام عيني كمان ساعة. تيمور: مش ده الحل يا يوسف، إنت كده هتودي نفسك في ٦٠ داهية.

يوسف: لا هعمل كده، بس مش هشوفها بتتخطب له خالص وأنا عايش. تيمور: لو إنت بتحبها فعلًا هتسمع كلامي. يوسف: إزاي؟ تيمور: هنكرهها فيه. يوسف: إزاي برضه؟ تيمور: عيب عليك، ده أنا صاحبك. يوسف...