رواية نصيبي في الحب الفصل السابع عشر 17 - بقلم توتة

راحت نور ناحية عربيتها وركبتها عشان تروح بيتها لتخبطها عربية. نور: ينهار ابيض دي العربية لسه جديدة. نزلت من العربية. نور: انت! _مش تفتحي. نور: مين اللي يفتح؟ انت عارف انت عملت إيه. _هو أنا مش هخلص منك في الجامعة وفي الطريق كمان. نور: انت أصلاً اللي خبطتني، لو مبتعرفش تسوق متركبش عربيات أصلاً. _بت اتلمي شوية واعرفي انتي بتكلمي مين. نور: أنا عارفة إن اليوم نحس من أوله، العربية لسه جديدة وسيادتك كسرت الفانوس.

_كل ده عشان فانوس؟ شوفي حقه كام وأنا أدفعُه، بس متعليش صوتك عليا ومتنسيش إني المعيد بتاعك. نور: شكراً، مبنقبلش العوض يا سيادة المعيد. ركبت عربيتها وروحت البيت. *** يوسف في الاجتماع. يوسف: موافق، ولكن لابد من تحقيق شروطي أيضاً. _تحت أمرك سيدي، ولكن هذه الشروط المطلوبة ستؤدي إلى فقدان شركتنا أهم الإحداثيات الجديدة. يوسف: لا تقلق، فهذا عملي وهذه الطريقة ستجعل شركتكم وشركتنا أيضاً تمتلك الأحدث.

_إذن نحن أيضاً موافقون على شروطك سيدي، ولشركتنا الشرف في عقد هذه الصفقة. يوسف: أكيد. خلصوا الاجتماع. يوسف: تيمور، في أي اجتماعات تانية؟ تيمور: لا، بس في بكرة. يوسف: كويس... بس أجل صفقة بكرة دي عشان عندي صفقة أهم. تيمور: ناوي على إيه يا يوسف باشا؟ يوسف: ناوي أدمر اللي تحداني. تيمور: ربنا يستر. يوسف: طيب، أنا همشي دلوقتي وهرجع بليل، مش عايز غلطة في الشغل، ولو حصل أي حاجة كلمني، فاهم؟ تيمور: حاضر. *** نور: مساء الخير.

نهال: مساء النور. نور: هو لسه محدش جه ولا إيه؟ نهال: آه، بس زمانهم جايين. نور: ماشي، طب أنا هطلع أوضتي بقا. نهال: ماشي يا نور، بس لما أبعتلك حد عشان الغدا انزلي، متعمليش زي الفطار. نور: معلش والله يا نهال، بس مش هقدر. نهال: يا بنتي، انتي مأكلتيش حاجة من الصبح. نور: لو جعت هنزل. نهال: ماشي يا نور. نور وهيا طالعة أوضتها. داليا: نور. نور بغضب: هو أنا مش قوللتلك لو شوفتيني في حتة تانية، انسي إنك تعرفيني في يوم من الأيام.

داليا: يا نور اسمعيني، وبعدين اعملي اللي انتي عايزاه. نور: مش عايزة أسمعك، مفيش أي مبرر يقدر يخليني أسمعك أو أقتنع بأي كلام هتقوليه. داليا: نور والله أنا اتضحك عليا. نور: انتي اللي ضحكتي على نفسك. داليا: أنا كنت فاهماه بيحبني زي ما قالي والله، بس والنبي يا نور سامحيني واديني فرصة. نور: فرصة؟ أنا اديتك زمان فرص كتير وبرضو مبتتعلميش من أخطائك. داليا: أنا همشي ومش هتشوفي وشي تاني، بس كل اللي طالباه، سامحيني قبل ما أمشي.

نور: أسامحك؟ حاضر، هحاول أسامح اللي حطيت معاها حياتي وخانتني وغدرت بيا. داليا: ده واحد شيطان دخل بينا وفرقنا يا نور. نور: وإنتي ساعدتيه من الأول. داليا: عشان غبية. نور: طيب، أنا هسألك سؤال... مصعبتش عليكي؟ مصعبتش عليكي ساعة أما كنت بحكيلك كل حاجة وألاقيها عنده؟ ولا ساعة أما كنت خايفة ومرعوبة؟ داليا: أنا كنت ساعتها تحت تأثير منه يا نور. نور: حبيتيِهِ رغم كل اللي عمله قبل كده؟

ده انتي كنتي أكتر واحدة عارفة حقيقته، وكل اللي سمعناه عنه كان شيطان متنكر على هيئة إنسان. داليا: طيب يا نور، أنا مستعدة أعمل أي حاجة انتي عايزاها مني، بس سامحيني ونبدأ صفحة جديدة، أنا بجد عرفت قيمتك يا نور. نور: مش بالسهولة أرجع معاكي زي الأول تاني، بس على العموم، هعتبرك صديقة جديدة عليا. داليا: وأنا موافقة، وصدقيني هحافظ على صداقتك الجديدة دي. نور: ماشي. *** يوسف وصل البيت. نهال: حمد الله على السلامة يا يوسف.

يوسف: الله يسلمك. نهال: انت رايح شغلك تاني؟ يوسف: آه، بس بالليل. نهال: ماشي. يوسف: أومال فين الباقي؟ نهال: كل واحد في جامعته. يوسف: مفيش حد جه لسه؟ نهال: لا، نور بس اللي جت. يوسف: آه صحيح، نور. نهال: إيه يا يوسف، مالها نور؟ يوسف: لا مفيش، بس هي في أوضتها. نهال: آه، في أوضتها. يوسف: ماشي، أنا طالع أوضتي. نهال: ماشي يا حبيبي. *** ادم: ماشي يا عم، هبقى أشوفك بالليل. _ماشي، بس متتأخرش.

ادم: ماشي، يلا أنا همشي دلوقتي عشان اتأخرت. _ماشي يا برنس، هشوفك بالليل. ادم: ماشي، يلا سلام. _سلام. *** تيمور: أهم حاجة تركزوا في الشغل، إحنا لو غلطنا غلطة هنتسوح. سيف: ماشي، بس مفيش صفقات تاني انهارده. تيمور: ركزوا في شغلكم وملكوش دعوة بالصفقات، عشان صفقات انهارده أو بكرة خلاص اتأجلت. نسرين: وبالنسبة لصفقة انهارده؟ تيمور: زي ما قولت، محدش ليه دعوة بأي صفقات. *** مروان: يعني أنا أسيب شغلي يا بابا؟

وبعدين أنا أصلاً مليش في شغل الشركات ده. الدمنهوري: يا ابني، انت متعرفوش، أنا من ساعة خبر الإفلاس ده وأنا خايف. مروان: متقلقش يا بابا، محدش هيقدر يعملك حاجة طول ما أنا عايش. الدمنهوري: هتعمل إيه يا مروان؟ مروان: هروحله شركته. الدمنهوري: أوعى تعمل كده، هيكبرها في دماغه أكتر. مروان: وأنا مش خايف يا بابا، ولا عمري هخاف منه. *** يوسف طلع وخبط على نور الأوضة. نور فتحت الباب. يوسف: ازيك يا نور؟

نور: الحمد لله يا أستاذ يوسف، خير؟ في حاجة؟ يوسف: أستاذ! نور: آه، إيه؟ يوسف: لا مفيش، أنا بس كنت عايز أعتذرلك عن آخر مرة كلمتك فيها. نور: لا عادي خالص، انت عندك حق فعلاً، أنا مليش دعوة بيك، بس أنا كنت بعتذر بس عن اللي داليا عملته. يوسف: أنا مكنش قصدي، بس أنا كنت ساعتها لسه راجع من الشغل وفي مشاكل، فكنت مضايق بس. نور: عادي، حصل خير. يوسف: يعني مش متضايقة؟ نور: لا، هتضايق من إيه؟ يوسف: يعني صافي؟ نور بضحك: حليب. ***

جه الصبح على الكل طبعاً. والكل راح جامعته كالعادة. نور دخلت الجامعة ومعاها داليا اللي ادتها فرصة أخيرة. وصلت هيا وداليا وآدم. دخلت داليا ونور المحاضرة بتاعتهم، بعد طبعاً لما راحوا بدري. بعد شوية دخل المعيد. نور في سرها: يا ربي، هو إيه ده بقا؟ هو كل شوية أقع فيه؟ أكيد هيستقصدني دلوقتي. قعدت نور في المحاضرة وهيا بتدعي ربنا إنه ميشوفهاش. بس للأسف تليفونها رن. المعيد: مين اللي تليفونه رن ده؟

نور قامت وقفت وقالت: أنا آسفة والله، مش هتتكرر تاني. المعيد: ده كده عدم احترام للدكتور اللي بيديكي المحاضرة يا آنسة. نور: ما أنا قولت آسفة، ولا هو سيادتك مبتقبلش الأسف؟ المعيد: انتي أصلاً واحدة مش محترمة، لما تردي على المعيد بتاعك. نور: لو سمحت، مسمحلكش إنك تهينني أكتر من كده. المعيد: اتفضلي بره، ومتحضرليش محاضرات تاني. نور: أنا أصلاً كنت خارجة، يعني هخرج من الجنة أوي. خرجت نور من المحاضرة وردت على الفون، كانت فاطمة.

نور: آلو. فاطمة: إيه يا بنتي، مردتيش بسرعة ليه؟ نور: معلش، كنت في المحاضرة. فاطمة: آه... والله نسيت إنك في المحاضرة دلوقتي. نور: لا عادي، أنا أصلاً مبقبلش المعيد اللي بيديني ده. فاطمة: ليه يا بنتي؟ هتسقطي في مادته؟ نور: يتفلق، مش فارقة معايا. ... طيب، اقفلي دلوقتي يا فاطمة، هكلمك بعدين. فاطمة: ماشي، يلا باي. ادم: إيه، اتطردتي تاني؟ نور: أيوه، ومن نفس المعيد الزفت ده. ادم: كمان؟ يلا، أنا أصلاً كل يوم أتطرد.

نور بضحك: معلش، كلنا واحد. خرج المعيد من المحاضرة بعد ما خلص، شاف نور مع آدم بيهزروا عادي، بس ساعتها اتضايق واتوعدلها. داليا خرجت وراحتلهم. داليا: إيه ده، هو انت كمان اتطردت يا آدم؟ ادم ببرود: أيوه. داليا: طيب. نور: إيه هتعملوا إيه؟ داليا: هنستنى المحاضرة التانية. *** يوسف: طيب، حلو أوي المعلومات دي. تيمور: هتعمل إيه تاني؟ يوسف: أنا عايز أندم الدمنهوري نفسه الأول، وبعد كده ابنه.

تيمور: ماشي يا عم، بس خد بالك بقا، يعني ابنه مش بيخاف خالص ومش فارق معاه حاجة. يوسف: ماشي، نخوفه. *** سارة: لا يا ندي، مش دلوقتي. ندي: حرام عليكي يا شيخة، ده حاقد وراكي. سارة: معلش، أنا مش لعبة في إيديه. إيمان: جاي أهو، يلا يا ندي. ندي: يلا. سارة: لا استنوا. إسلام: للدرجة دي يا سارة، مش قادرة تسامحيني؟ سارة: لو سمحت يا إسلام، انساني، أنا مش هرجعلك تاني. إسلام: ليه يا سارة؟ انتي عارفة أنا بحبك قد إيه.

سارة: اللي بيحب حد مبيجرحهوش يا إسلام، بس انت جرحتني. إسلام: طيب، اديني فرصة. سارة: للأسف، فرصك خلصت عندي. إسلام: مش هسيبك يا سارة، أنا لسه بحبك. سارة: عن إذنك يا إسلام باشا. إسلام: يعني أنا اعتذرتلك قدام كل زمايلك وبرضو مسامحتنيش، ومبتحضرليش أي محاضرة. سارة: معلش، اديني وقت أسامحك فيه يا إسلام. إسلام: يعني هي مسألة وقت؟ سارة: إن شاء الله. إسلام: هستنى ردك. سارة: ماشي. ***

نور وداليا دخلوا المحاضرة التانية، بس لما دخل نفس المعيد اللي دخل الصبح، نور اتفاجئت. المعيد: أنا استأذنت من المعيد اللي عليكم دلوقتي عشان بس أقول لكم حاجة. اللي أنا عايزة أقوله للآنسة نور، إن دي جامعة، يعني مش عشان اتطردت من المحاضرة، تطلع تقضي وقتها مع حبيب القلب، لأن ده مكان محترم، الكلام ده يحصل في حتة تانية غير الجامعة. نور: انت بتقول إيه؟ المعيد: بقول الحقيقة يا آنسة نور. نور بعياط وصوت متقطع: انت...

انت إزاي بتتكلم عليا بالطريقة دي؟ المعيد: أنا بتكلم بالمنطق، يعني إزاي تسيبي محاضرتك وتطلعي تهزري وتضحكي مع واحد؟ دي مش أصول أبداً. نور بعياط: لا، انت شكلك عقلك فوت خالص، بس أنا مش هسكت على الكلام ده وهشتكيك يا أستاذ يا محترم. المعيد: يعني مش كفاية اللي عملتيه، لا وبتبجحي كمان. نور: انت واحد مش محترم. نور قالت جملتها وخرجت من المحاضرة بتعيط. خرج المعيد من المحاضرة وشافها بتعيط. المعيد: مش من حقك تعيطي خالص.

نور بعياط: انت إنسان قذر، وأنا هشتكيك، لأن مش من حقك إنك تتكلم عليا كده. المعيد: أنا معملتش حاجة غلط، انتي اللي غلطانة لما وقفتي مع واحد في الجامعة تهزري معاه. نور: وانت مالك أصلاً؟ لو حتى عملت ده، تتدخل بصفتك إيه؟ المعيد: بصفتي المعيد بتاعك. مروان الدمنهوري.