رواية نصيبي في الحب الفصل الثالث عشر 13 - بقلم توتة

قعدنا مع بعض واحنا قاعدين لقينا باب الأوضة فتح ويوسف دخل. يوسف: ممكن تسيبوني مع هبة شوية؟ الكل: ماشي. خرجنا وسيبناهم.

يوسف: بصي، أظن انتي عارفة أنا بحبك انتي وسارة قد إيه، لأنكوا أخواتي اللي بحبهم وأخاف عليهم. وعمري ما هقف في وش أي حد فيكوا، عشان كده قررت إنك هتكملي مسابقتك عادي ومش هعاقبك عقاب زي ده يدمرك، لأني عمري ما هوافق إن حد منكوا يتأذي بسببي أو بسبب أي حد. عشان كده اللي فكر بس يأذيكي خد عقابه ومش هتشوفيه تاني. ولوحتك معايا، ابقي تعالي خديها. بس أنا مش عايز أشوف وشك في مكان أنا فيه، ولا لسانك يخاطب لساني لحد ما أمشي من هنا.

هبة بدموع: يعني أنا مش هشوفه تاني؟ وبعدين أنت ليه عمرك ما فكرت إننا عايشين مع قرايبنا مش بابا وماما، ومعنديش اللي ممكن يفضالي. يعني سارة في كليتها صاحبت برضه، بس طلع اللي مصاحباه بيحبها بجد لحد ما خطبها، بس ده حظها وحظي إن أنا أعرف واحد بتاع مصلحته وبس. يوسف بجمود وغضب: أنتي عندك عيلة بتحبك، ونهال عمرها ما فرقت بين أي حد في البيت ده، بتعاملكم كلكم زي بعض. وانسيه عشان خلاص مبقاش موجود في مصر.

هبة: مهما عشت مع مين، عمر ما حد هيعوض حنان الأم والأب. وبعدين أنا أصلاً نسيته من زمان. يوسف: خلاص، روحي لهم وشوفي هم هيعاملوكي إزاي، وأظن أنا قلت اللي عندي. وكويس إنك نسيتيه. هبة: طيب، ممكن تديني فرصة ومش هغلط تاني أبداً والله. يوسف: .................. هبة: أرجوك يا يوسف ومش هغلط تاني، اديني فرصة، هيا فرصة. يوسف ساب الأوضة وخرج من غير ما يكلمها. دخلنا تاني. ملك: إيه يا هبة مالك؟ هبة بدموع: جاب اللوحة.

ملك: بجد، الحمد لله إن تعبنا ما راحش على الفاضي. بس انتي بتعيطي ليه؟ هو قالك مش هتروحي المسابقة ولا غير رأيه؟ هبة: هروح المسابقة يا ملك. ملك: اومال مالك؟ هبة: مش عايز يكلمني تاني. ملك: طيب، إن شاء الله هتعرفي تصالحيه، أهم حاجة إنه وافق إنك تروحي المسابقة. نور: معلش يا هبة، إن شاء الله هيصالحك، هو طيب. هبة: يارب. سارة: طيب، يلا ننام عشان الكلية الصبح. إيمان وندي: يلا.

كل واحد راح على أوضته. وأنا بفكر في إيه اللي ممكن يحصل في حياتي تاني، ويا ترى القدر مخبي إيه. جه الصبح على الكل. وصحيت نور على خبط الباب. نور فتحت الباب. سارة: يلا يا نور، الفطار جاهز. نور: حاضر. نزلت نور لقت الكل تقريباً قاعد. قعدوا فطروا، منهم كان بيفطر ومنهم كان سرحان. نور: عن إذنكم. نهال: كملي أكلك يا نور. نور: الحمد لله، أنا طالعة أغير هدومي عشان الجامعة. نهال: ماشي يا حبيبتي. ملك: يلا يا هبة عشان أتأخرنا.

هبة: يلا. سارة: يلا إحنا كمان. ندي: يلا. نهال: شوفوا العيال. إيمان: معلش عشان منطردش من المحاضرة زي كل مرة... ندي: أيوه هنتأخر، يلا يا إيمان. نهال: ماشي، يلا ربنا يوفقكوا. *** سارة: إيه يا إيمان، كنتي هتوقعي بلسانك. ندي: الحمد لله إني وقفتها، كان زمننا خدنا موشح. إيمان: ما أخدتش بالي خالص. ندي: طيب، يلا عشان شكلنا هنتطرد. سارة: يلا. *** نور كانت بتغير هدومها وجالها رسالة. (لا مش من معتز، متخافوش 😂) فتحت الرسالة

وكانت من يوسف مضمونها: "ممكن بعد ما تخلصي تنزلي الجنينة؟ ردت نور وكان ردها: ماشي. خلصت لبس ونزلت تشوف يوسف، بس خافت من داليا لأنها ممكن لو شافتها مع يوسف تقول لمعتز. نزلت بحرص عشان داليا ما تشوفنيش. _نور. نور: في إيه يا داليا؟ داليا: انتي نازلة من غير ما تخبطي عليا، يعني؟ نور: شايفاني يعني؟ مشيت. أنا نازلة أشوف يوسف وطالعة. داليا: إيه؟ ليه؟ نور نسيت إنها غدرت بيها وكلمتها بصفو نية. نور بتوتر: ع...

عشان أنا قولتلها عايزاه هو وهبة. داليا: أه، عشان تصالحيهم. نور: بالظبط كده. داليا: ربنا يوفقك يا حبيبتي. نور: ماشي، يلا روحي جهزي نفسك. داليا: ماشي يا روحي. نور في سرها: الحمد لله إني عرفت أكدب عليها. نزلت نور ليوسف اللي مستنيها. نور: نعم يا يوسف، في حاجة حصلت؟ يوسف: لا، متقلقيش. في حد شافك وانتي نازلة. نور: أه، داليا. يوسف: قولتلها إيه؟ نور: إني بصالحك على هبة. يوسف: طب كويس. نور: كنت عايزني في إيه؟

يوسف: في معلومات عن معتز ده، عشان أعرف أوقعه. نور: ... أه...... زي إيه؟ يوسف: اسمه بالكامل... شغال في إيه... كليته... عنده كام سنة. نور: أه... ماشي. اسمه معتز سامح الفقي وعنده ٢٥ سنة، في كلية إعلام، وباباه عنده شركات استيراد وتصدير. يوسف: هو باباه سامح الفقي صاحب شركات الفقي للاستيراد والتصدير! نور: أيوه. يوسف: أنا كده خلاص، مش عايز أي معلومات تانية. خلاص أنا مسكته من إيده اللي بتوجعه. نور: هو أنت تعرف باباه؟

يوسف: إيه اللي أعرفه ده؟ أنا أعرفه عز المعرفة. يعتبر من منافسيني، بس مش أكتر. نور: والله. طيب هو ممكن يأذيك مثلاً؟ يوسف بضحك: هههههههههه، دي نكتة. كل أما أفتكرها هضحك. يا نور، أنا بـ تليفون واحد بس أقدر أمحيه من الوجود. بس للأسف من شهرين حصل صلح، فتجنبني خالص. نور: لا، أنا معرفش حاجة خالص. بس اللي أعرفه إنه منافس برضه لشركات عمي. يوسف: وارتبط إزاي بمعتز الفقي وهما منافسين؟

نور: لا، مهم أصلاً أصدقاء، بس حصل خلافات بينهم، والخلافات دي بسبب فسخ الخطوبة. يوسف بشر: حلو أوي المعلومات دي. نور: هتعمل إيه؟ يوسف: هتعرفي كل حاجة، بس سيبيني أخلص شوية شغل مهم أوي. وعلفكرة، أنا اللي المفروض أشكرك، مش أنتي. نور: ليه؟ يوسف: إنك هتخليني أوقع شركات الفقي تاني. نور: مش أنت بتقول إنك عملت معاهم عقد تصالحي؟ يوسف: أه، بس أنا هلعب من على بعيد. نور: طيب، وأنا مهمتي إيه؟ يوسف: هقولك بليل. نور: ماشي. ***

كل واحد راح يشوف حاله. وعدى الوقت من غير ذكر أسباب مهمة تحدث. جه الليل وكل واحد روح بيته. *** ملك: جهزي نفسك يا هبة بقا عشان المسابقة فاضلها يومين بالظبط. هبة: أه، واليوم النهاردة أصلاً كان متعب أوي. ملك: طيب، كنا عايزين نغير شوية حاجات في اللوحة. هبة: ماشي يا ملك. ونختم برضه اللوحة الأخيرة. ملك: أيوه، معاكي حق. *** ندي: الحمد لله مطردناش النهاردة. إيمان: كنا على وشك.

سارة: انتوا عارفين لو ما صحيتوش بدري هعمل فيكوا إيه؟ الامتحانات قربت ولسه بننطرد، خلينا كده مش عارفين حاجة في المادة دي لحد ما نشيلها. ندي: لا، إن شاء الله مش هنشيلها. أوبح، هيا بدأت تحبي. هههههههه. إيمان: وقت هزارك هوس. سارة: أهم حاجة نلم اللي فاتنا. ندي: ليه، هو مبعثر ولا إيه؟ تن ترارارا تن تن. سارة: ندي، أنا جبت آخري. ندي: جبتيه بكام؟ هههههههه. إيمان: انتي شاربة حاجة؟ متتعدلي شوية. ندي: شاربة ميه. هههههههه.

سارة: يلا يا إيمان نمشي ونسيبها لوحدها، ناقصة هي. ندي: آآآآآآآآه، استنوني يا دنانين. سارة: اتعدلي يا ندي. ندي: ماشي، والله. *** آدم: لا، أنا جاي اهو... آدم: معلش يا عم، خليها شوية كده على ما ترجع القاهرة تاني... آدم: وإيه هو الشغل المهم ده؟ آدم: ماشي يا م... طب سلام دلوقتي... نهال: يا آدم. آدم: نعم يا نهال. نهال: روح هاتلي الحاجات دي من السوبر ماركت. آدم: ماشي، أجيب إيه بقا؟ نهال: مكتوبة في الورقة دي.

آدم: ليه، هو أنا طفل صغير؟ نهال: ماهيا حاجات كتير. آدم: ماشي. *** نور كانت قاعدة في أوضتها وتليفونها رن، وكان يوسف. نور: الو. يوسف: بصي، أنا مش في البيت دلوقتي، بس اللي هقولك تعمليه تنفذيه من غير جدال. نور: أعمل إيه؟ يوسف: كلميه وقوليله إنك موافقة، وإنك هتقابليه في ********. نور: بس هو في القاهرة. يوسف: لا، هو هنا في إسكندرية. نور: وأنا هقوله إزاي إني عارفة إنه في إسكندرية؟

يوسف: هو اللي هيقولك لما يلاقيِك وافقتي ترجعيله. نور: هو أنا هروحله لوحدي؟ يوسف: متقلقيش، أنا هكون معاكي. نور: ماشي. يوسف: استني. نور: إيه؟ يوسف: اعملي مداخله تليفونيه. نور: حاضر. نور كلمته في مداخله تليفونيه زي ما يوسف قال. نور: الو. معتز: بنت حلال، كنت لسه هكلمك. نور: أنا موافقة. معتز: حلو ده. نور: طيب، وبعدين بقا؟ معتز: هتقابليني. نور: إزاي؟ مش أنت في القاهرة؟ معتز: لا، في إسكندرية.

نور: طيب، هحاول أخرج، بس هجيب داليا معايا. معتز: داليا مين دي اللي تيجي؟ انتي لوحدك اللي هتيجي. نور: لا، مش هينفع. معتز: خلاص، يبقى نفضها. نور: لا، خلاص. طيب، قابلني في ****. معتز: لا، هتقابليني في *****. نور: م... ماشي... ماشي. معتز: مستنيكي، نص ساعة وتكوني عندي. نور: ح...... حاضر....... حاضر. معتز: شاطرة، بحبك وإنتي بتسمعي الكلام. نور: ماشي، سلام. معتز: باي يا قمر. نور قفلت معاه.

يوسف: تمام، قومي غيري هدومك وقولي لنهال إنك طالعة ليوسف. نور: هيا نهال تعرف؟ يوسف: لا، بس عشان لو حد سألها تكون عارفة إنك معايا. نور: ماشي. يوسف: هتنزلي تلاقي عربية سوداء مستنياكي، اركبيها. نور: حاضر. يوسف: يلا، البسي بسرعة. غيرت هدومي وقولت لنهال إني خارجة أشتري شوية حاجات مع يوسف. خرجت وركبت العربية اللي وصفهالي. والعربية مشيت في مكان هادي خالص ومفيهوش حد. تليفوني رن وكان يوسف. نور: الو.

يوسف: انزلي وادخلي المكان ده، وأنا وراكي. نور: أنا خايفة. يوسف: متخافيش، ادخلي وهتلاقيه جوه مستنيكي، بس أنا معاكي. نور: طيب. نزلت ودخلت ويوسف كان في المكان اللي أنا فيه. يوسف في العربية. وسمع صوت ضرب نار. _نووووووووووور