رواية نسيم العشق الفصل الثالث عشر 13 - بقلم يارا عبد العزيز

نور بصوت عالٍ وبكاء: -يا جدو يا جدو الحقني، حد يلحقني يا ناس. سدّ يدها على فمها ليمنع صوتها، فجأة خرج كل اللي في القصر من أوضهم على صوت نور. اتجهوا كلهم ناحية الأوضة. كامل بغضب وهو بيخبط على الباب: -افتح يمصطفى بقولك افتح الباب ده. مصطفى: -دي مراتي ومحدش ليه دعوة، امشوا كلكم ومتدخلوش. كامل: -بقولك افتح، متأذيش مراتك، متعملش حاجة تندم عليها. مصطفى تجاهله وقرب من نور، دَفَن رأسه في عنقها بحب. مصطفى:

-قوليلهم يمشوا يا نور، أنا جوزك ودي حقوقي. نور ببكاء: -ابعد عني بقى حرام عليك، كفاية تحسسني إني قليلة أوي كده، ابعد عني يمصطفى أرجوك. مصطفى: -والله ما قادر، والله حاولت كتير ومش قادر. أكمل وهو بيقرب منها أكتر: -محدش هيقدر يمنعني عنك يا نور، محدش هيقدر. كامل بغضب: -كريمة. كريمة: -أيوا يا أبويا. كامل: -هاتي نسخ مفاتيح الأوضة من أوضتي بسرعة. كريمة: -حاضر. دخلت الأوضة، بصت على المفاتيح بخبث، خدتهم ووقعتهم ورا السرير.

كريمة بشر: -خليها تتربى شوية بنت الأجانب، فرحان فيها فرح، اللي عامللي فيها الطيبة وهي حتى مش عايزة تدي لجوزها أبسط حقوقه، وأهو مصطفى يعملها ويقعوا كلهم في بعض. لا حول ولا قوة إلا بالله العلي العظيم. كامل: -هي كريمة اتأخرت أوي كده ليه؟ افتح يمصطفى. راح قعد جنبها وقبّل عنقها، حاولت تفك نفسها منه بس معرفتش بسبب إنه كان ماسكها بكل قوته. مصطفى:

-اتعاملي معايا بقلبك وبس يا نور، أنا عارف إن جدي مش هيسكت إلا لما يفتح الباب، اخرجي قوليله أنا عايزة جوزي. نور بأنهيار: -أنا آه عايزك بس مش بالطريقة دي، متحسسنيش الإحساس ده أرجوك، متسبهاش ذكرى بشعة في حياتي، مش عايزة تقرب مني لأنك ضعفت، افهمني بقى وابعد عني، على الأقل اعتبريني زي حنين وجنة، ترضى إن حد يعمل معاهم كده؟ أرجوك ابعد عني. مصطفى: -مش هبعد، قولتلك أعلى ما في خيالكم كلكم اركبوه، جوازي منك هيكمل النهاردة.

كريمة: -مش لاقية المفاتيح يا أبويا. كامل بصوت عالٍ: -يا عوض أنت يا زفت. عوض: -أيوا يا كبير. كامل: -تعال اكسر الباب ده بسرعة. طلع وكسر الباب بكل قوته، دخل كامل وكريمة وصفاء وحنين الأوضة، كامل شد مصطفى بقوة وبعده عن نور اللي كانت بتنتفض من خوفها الشديد من مصطفى. كامل شده بقوة ووقعه على الأرض: -ابعد عنها. مصطفى بدموع: -أنا عايزها يا جدي، دي مراتي. كامل بغضب:

-أنت متستاهلش ضفرها حتى، أتفو على تربيتك، أنا اللي عملت كده، أنا اللي وصلتك للمرحلة دي، بس مكنتش اتخيل إنها توصل بيك إنك تقرب من مراتك غصب عنها. حنين راحت عند نور وخدتها في حضنها وبدأت تملس على شعرها، أما كريمة بصتلها بضحكة شماتة على حالتها، وصفاء راحت قعدت جنب ابنها. مصطفى بعصبية ودموع: -أنت ليه بتبعدني عن مراتي، دي مراتي، روح اسأل شيخ كدا هيقولك إني معملتش حاجة غلط. كامل: -أروح أسأل شيخ أنا؟

لو رحت سألت شيخ عن كل اللي عملته في مراتك وقلتله على سبب جوازك منها هيقولك طلقها، ربنا خلق حواء عشان تكون ونس لسيدنا آدم في الجنة، هم موجودين عشان كده، الرسول صلى الله عليه وسلم قال: "استوصوا بالنساء خيرا"، كانوا من وصايا الرسول صلى الله عليه وسلم، ربنا سبحانه وتعالى ذكرهم في القرآن الكريم، تقوم تيجي أنت يا اللي مش حاجة وتعامل مراتك كده. مصطفى راح عندها ومسك ايديها:

-تعالي معايا، أنا مش هقدر ابعد عنك، يلا هنروح أوضتي. جنة كانت بتنتفض في حضن حنين. كامل بعد مصطفى: -أنت شكلك وحشك عقاب جدك وأنت صغير. مصطفى بص له بخوف. عيسى كان نايم وواخد جنة في حضنه، صحي على صوت تليفونه، بص في الساعة لقاها تلاتة. عيسى: -الو يا عوض، كل اللي عندك كويسين؟ عوض: -الحق يعيسى بيه، الكبير هيتخانق مع الدكتور مصطفى. عيسى قام بسرعة وهو بيعدل جنة على المخدة: -إيه؟ طب اقفل، اقفل دلوقتي.

كامل كان لسه هيرفع عصايته على مصطفى، بس صفاء وقفت قدامه واتكلمت بخوف وبكاء على ابنها. صفاء ببكاء وخوف: -خلاص يا أبويا، حقك عليا، هو مش هيعمل كده تاني. كامل بغضب: -صفاء ابعدي، ابنك لازم يتربى. بص لكريمة اللي جت بعدت صفاء، كان لسه بيرفع العصاية. نور وقفت بسرعة قدام مصطفى. نور بخوف: -خلاص يا جدو، أنا اللي غلطانة إني بعدت جوزي عني، مصطفى معاه حق. كامل:

-حتى أنتِ مش هتقدري تمنعيني إني أربيه، أنا كنت المفروض أعمل كده من ساعة ما جيت من السفر، من ساعة ما كنت هتحط راسنا في الطين وتضيع العمودية من أخوك لما طلقْت بنت عمك، بس خلاص أنا فاض بيا. مصطفى بصوت عالٍ وهو بيقف قدامه: -عيسى، عيسى، عيسى، كلنا هنا بنعمل ألف حساب لعيسى، لو كنت بس اعتبرتني زيه ومفضلتوش عليا مكنتش هوصل للي وصلتله بتعامله وكأن معندكش أحفاد غيره. كامل:

-أنا مفرقتش ما بينكم، بس عيسى هو اللي اختار إنه يكون جنبي سواء كان في المصنع أو في الأرض، إنما أنت اللي اخترت تكون بعيد، ربنا وحده اللي يعلم إني مفرقتش ما بينكم في التربية. عيسى: -رد، رد بقى يا جدي، محدش فيهم بيرد ليه؟ أنا، أنا عارف على الأرضي. جنة صحيت على صوته بصت له واتكلمت بنوم: -فيه حاجة يا عيسى؟ عيسى: -هاا، لا مفيش، نامي أنتِ. جنة: -إيه اللي صاحاك؟ عيسى بعصبية: -قولتلك نامي يا جنة، مش ناقصك والله.

قال كلامه وسابها ونزل الجنينة. صفاء: -عيسى بيه على التليفون وعايزاك يا كبير. كامل في نفسه: -أكيد حد قاله، لو مردتش على عيسى احتمال يسيب القاهرة ويجي. مسك مصطفى وخرجه من الأوضة: -أوعى تيجي هنا تاني، لما مراتك تبقى تقبلك ابقى خد منها حقوقك، غير كده متقربش منها. حنين: -أيوا يا جدي. كامل: -نامي مع نور انهاردة، متسيبيهاش. حنين: -حاضر. كامل: -اتقي شري وادخل أوضتك دلوقتي يا مصطفى. مسح على وشه بضيق، بص لنور بحب ودخل أوضته.

عيسى: -خلاص يا جدي اهدى، وأنا هبقى أتكلم معاه. كامل: -متحطش في دماغك، أنا هعرف أتعامل معاه. عيسى: -طب براحة يا جدي، أرجوك، والله مصطفى طيب جدا، بس فيه حاجات كتير هو مش فاهمها، افهمه براحة. كامل: -تمام، سلام. طلع عيسى لقى جنة واقفة في البلكونة، راح عندها وحضنها من ضهرها: -أنا آسف إني اتعصبت عليكِ. جنة: -فيه إيه؟ عيسى: -تعبت من مصطفى أوي، مبقتش عارف أعمل معاه إيه، المهم متزعليش مني.

جنة اتعدلت وبصت له، لفت ايديها حول رقبته، بص لها بحب وابتسم، حطت راسها على صدره وغمضت عينيها: -أنا قلقت لما لقيتك صاحي، آسفة لو أزعجتك. عيسى حاوط بإيده ضهرها: -بتعاقبيني بس بطريقة غير مباشرة يعني وبتتكلمي باحترام، لو زعلانة قولي يا جنة. جنة مسكت ايده وهي لسه حاطة راسها على صدره: -مينفعش أزعل يا عيسى، من واجبي إني امتص عصبيتك وغضبك، من واجبي إني لو شفتك مضايق من حاجة مزودهاش عليك. عيسى: -أنا محتاجك أوي. جنة:

-وأنا معاك. سحبته وراها وهو كان بيبصلها بحب كبير وماشي وراه. ناموا على السرير، حطت راسها على صدره ومسكت ايده، طبعت قبلة صغيرة على خده بخجل، ابتسم بحب. جنة: -يلا احكي. عيسى: -مش عايز، عايز بس تفضلي في حضني وماسكة ايدي، دا يكفيني، مش عايز غير كده وبس. جنة بخجل: -اممم. عيسى: -قولتلك يكفيني دا، وأنا مش مستعجل يا جنة، حتى لو هنفضل كده طول جوازنا، يكفي وجودك جانبي. كامل وهو بيغمزلها:

-بس اتعاملي مع جدك بقى، قالي أرجع بأخبار حلوة. جنة بخجل شديد: -تصبح على خير يا عيسى. ضحك على خجلها بحب كبير: -وأنتي من أهله. في الصباح صحيت جنة لاقت عيسى واقف قدام المرايا وبيحط البرفن بتاعه. جنة: -ممكن أجي معاك؟ عيسى: -أنا رايح الشركة، هتيجي معايا فين؟ قامت بسرعة ومسكت ايديها: -بالله عليك يا عيسى عايزة أجي معاك، أنا مش حابة أقعد هنا لوحدي. عيسى: -أنا هفضل طول الوقت بشتغل، وأنتي هتملي هناك. جنة: -ولا يهمك، وافق بقى.

عيسى: -زنّانة أوي، روحي البسي، هنفطر ونروح. جنة بفرحة: -فوريرة. لبست جنة وفطروا، وصلوا الشركة. دخل عيسى الشركة بهيبته ومسك ايد جنة، بص لهم كل اللي في الشركة باستغراب لأن محدش يعرف بموضوع جوازهم. عيسى وهو بيدخل مكتبه: -ملفات وتصاميم المشروع الجديد تكون على مكتبي كمان خمس دقايق، وقولي للمهندسين فيه اجتماع كمان نص ساعة. الموظف: -تمام يا فندم. دخلوا المكتب، قعد عيسى على كرسي مكتبه وجنة قعدت على الكنبة. عيسى:

-تعالي اقعدي هنا. جنة: -أنت جايب شخصيتك الجامدة أوي دي منين بجد؟ عيسى: -هههههه، من جدي طبعاً. جنة: -يا ريت أعرف أبقى ربعك بجد. فجأة دخلت بنت وراحت عند عيسى: -عيسى وحشتني أوي بجد، فرحت جدا إنك جيت.