رواية نظرة امل الفصل الثالث 3 - بقلم هيام ختعن

وشغلت نرمين التليفزيون ع فيلم كوميدي وقعدو جنب ندى في السرير وكانوا مبسوطين لحد ما جاه تليفون لندي دمر القعده الحلوة. نرمين: ميار بترن ندي: طيب هاتي ارد عليه ميار: نودي عامله ايه ندي: الحمد لله تمام أنتي عامله ايه ميار: الحمد لله تمام زعلت خالص لما عرفت بالحادثه قابلت ياسين صدفه وقالي وزعلت اكتر لما عرفت انكم سيبتوا بعض ندي: بصدمه هو قالك كده ميار: ايوه انا شوفته مع بنت في كافيه واستغربت ولما سألته عنك قالي كده.

لمت ندي الموبايل وكانت منهاره جدا من العياط. أخدت نرمين الموبايل وكلمت ميار عشان تفهم أي اللي هي قالته ليه. نرمين: الو انتي قولتلها ايه ميار: أن ياسين كان مع بنت في كافيه وقالي أنه ساب ندي نرمين: طيب سلام. وقفلت نرمين المكالمه مع ميار. نرمين: اهدي ي ندي دا مايستاهلش والله ندي: بصت لمامتها ونرمين. انتوا كنتوا عارفين صح منال: كلمني النهارده وقالي أنه مش عايز يكمل وانا ماعرفتش أقولك

ندي: كل دا عشان انا عاجزه صح لو ماكنش حصل ليا الحادثه كان زمانه معايا منال: لا هو مايستاهلش احمدي ربنا أنه بين ليكي الحقيقه لو كنتي اتجوزتي وحصلك حاجه كان هيسيبك اللي زي دا مايتزعلش عليه ندي: كل دي مسكنات بتقوليها منال: لا دي الحقيقه هو مايستاهلش. أخدت ندي تليفونها وطلعت رقم ياسين ورنت عليه بس نرمين سحبت منها الفون وانهت المكالمه.

ندي: بصوت باكي هاتي التليفون اشوفه لي عمل فيا كده انا والله بحبه انا عملت كل حاجه عشان ارضيه ويفضل معايا يبقي دا جزائي نرمين: حضنتها لا دا مش جزائك انتي تستاهلي حد احسن هو مايستاهلش ندي: انا مش عايزه حد تاني غيره ي نرمين اعملوا حاجه والنبي انا قلبي واجعني نرمين: احنا جنبك وهتعدي وهتبقي احسن ندي: بعدت عنها اطلعوا بره وسبوني لوحدي نرمين: لا احنا معاكي ندي: بانفعال اطلعوا بره. منال: حاضر يلا ي نرمين تعالي نسيبها تهدأ.

وطلعت منال ونرمين وسابوا ندي وكانت منهاره. أخدت صوره باباها ونظرت للصوره وهي تبكي وكانت بتتكلم مع الصوره. ندي: لي سيبتني لوحدي انا بجد محتاجه لك اووي شوفت حصل فيا اي انا بقيت عاجزه وفي السرير مبقاش ليا اي لازمه في الحياه حتي الإنسان الوحيد اللي حبيته واختارته وعملت كل حاجه عشانه وقولت أنه هيبقي ليا ضهر وسند كسرني وسابني في اكتر وقت انا محتاجه لي انا نفسي اجيلك بقي لاني تعبت من الحياه دي انا قلبي وجعني اووي.

حطت ندي الصورة وكان جنبها كوبايه كسرتها وجرحت ايديها. دخلت منال ونرمين ع صوت كسر الكوبايه بس للاسف كانت ندي جرحت شريان ايديها. منال: بصوت صريخ بينتي اتصلي بالاسعاف بسرعه يا نرمين نرمين: كانت شبه المجنونه ماسكه تليفونها ويتكلم الإسعاف وكانت هتموت من الخوف ع ندي. جات الإسعاف ونقلت ندي للمستشفي. منال: الحقيقي ي بسمه بينتي بتموت بسمه: بخضه بعد الشر ماتقوليش كده اهدي وقولي اي اللي حصل منال: ندي حاولت تنتحر

واحنا في المستشفي بسمه: انتي في مستشفي ايه. وقالت منال لبسمه اسم المستشفي وقفلت بسمه معاها ورنت ع بنتها فيروز. بسمه: انتي فين فيروز: انا جاي في الطريق في حاجه بسمه: ندي حاولت تنتحر ونقلوها المستشفي انا نازله تعالي ع هناك فيروز: طيب حاضر. وكانت منال هتموت من القلق ع بنتها وخرج الدكتور وطمنها أن الحمد لله الجرح كان سطحي وان ماتقلقش بس للاسف حالتها النفسيه وحشه ومحتاجه انها تفضل في المستشفي.

وراحت منال ونرمين الاوضه لندي. منال: لي ي حبيبتي عملتي في نفسك كده ندي: كانت بتبص لهم ورافضة الكلام حتي الدموع كانت رافضه تنزل من عينيها. وكانت دي صدمه بمنال أنها شايفه بنتها كده. قربت نرمين منها وبدأت تكلمها. نرمين: ندي حبيبتي انتي مش بتردي لي ردي عليا طمنيني عليكي منال: بصوت باكي بنتي بتروح مني ي نرمين منك لله ي ياسين زي ماعملت في بنتي كده ي رب هون عليا نرمين: اهدي ي طنط هتبقي كويسه.

وجات بسمه وفيروز وكانوا زعلانين ع حاله ندي اللي كانت طول الوقت بتضحك وتهزر دا بقي حاله ادبدلت بقت شخص تاني. ساعات الصدمات اللي بتحصل للك في حياتك بتبقي اقوي من أن عقلك يستوعبها وخصوصا لما بتكون من أشخاص بنحبهم. مر كام يوم والوضع زي ماهو ومع شروق شمس يوم جديد دخلت الممرضه ونقلت ندي ع الكرسي المتحرك ووقتها قدام شباك الاوضة. نظرت ندي من النافذة وكانت تري اطفال يجلسون ع كراسي متحركه وكانت في طفله تبتسم لهم.

فضلت ندي تنظر ع الطفله التي كانت جالسه وبيدها دفتر وكانت تراقبها من النافذة وماكنتش عارفه لي الطفله تبتسم رغم وضعها. جات الممرضه لندي وحركت الكرسي بيها لخارج الغرفه. وكانت ندي مستغربة وبتقول لنفسها هي هتوديني فين لحد ما لاقيتها تتحرك اتجاه حديقة المستشفي. الممرضة: انا هسيبك شويه وارجع لك تاني. وتركت الممرضة ندي وكانت ندي تتأمل المكان من حولها لحد ما وقعت عيناها ع تللك الطفلة التي تبتسم وتحمل بيديها دفتر.

فضلت ندي تراقبها ومره واحده رفعت الطفلة عيناها عن الدفتر واتقابلت عيناهم في نظرة وابتسمت تللك الطفلة لندي التي كانت جالسه حزينة. وبدأت الطفلة تحرك الكرسي اتجاه ندي. الطفلة بابتسامه: انتي اسمك ايه ندي: نظرت لها وفضلت صامته. الطفلة: بنفس الابتسامه انا امل انتي مش بتتكلمي؟ ندي: فضلت تنظر لها وصامته. امل: مسكت الدفتر بتاعها وطلعت صورة رسمتها لنفسها بصي انا رسمة نفسي.

نظرت ندي للصورة وكانت مستغربة أن طفلة زي دي تكون رسمة نفسها بالطريقة الجميلة دي وكانت بتقول لنفسها أن الطفلة دي موهوبة بجد وكانت منبهره بالرسم. ورفعت عيناها لامل وكانت اول مرة من يوم ما دخلت المستشفي تبتسم. امل: ايه رأيك؟ ندي: لاقت نفسها بترد عليها حلوة اووي انتي عندك كام سنة امل: بصوتها الطفولي اخيرا رديتي عندي 11 انتي اسمك ايه بقيندي. ندي: انا اسمي ندي. امل: انتي اسمك حلو عندك كام سنة ندي: 25.

أمل: بصوتها الطفولي ياه انتي اكبر مني بكتير اووي بس مش مهم ممكن نكون صحاب. ندي: ابتسمت لها ممكن. وسكتت ندي وكانت مستغربة أن الطفلة مبسوطة رغم ظروفها وكانت بتنظر لطفل اخر نفس وضعهم و كان حزين بس امل رغم انها صغيرة بس كانت ذكيه جدا كانت بتراقب نظرات ندي. امل: بتشاور ع الطفل دا اسمه سيف بس طول الوقت ساكت حاولت اروح العب معاه بس مش بيرضى. ندي: بصت لها باستغراب وكانت بتفكر هيلعبوا ازاي في وضعهم ده. ندي: هتلعبوا ايه

امل: ممكن نلعب كوتشينه مثلا او نو أو سلم وثعبان وفي حاجات تانيه كتير عارفه ي ندي انا اول ما حصل لي الحادثه كنت حزينه زيكم كده بس مامي قالتلي اني بنت جميله ومميزة وان ربنا اختارني من وسط الاطفال كلها عشان اكون انا احسن منهم وكمان انا اشطر واحدة بترسم مش كل الاطفال بتعرف ترسم زي وانا اقتنعت بكلام مامي وكمان الصراحة ساعات بدايق بس لما بحس اني مدايقه مامي قالتلي اقرى القران اللي انتي حفظاه ومش هتكوني مدايقه بس كده.

ندي كانت بتسمع كلام امل وكانت مستغربة معقول طفلة صغيرة بتقول الكلام دا وتكون راضية اووي كده ومبسوطة رغم أنها بتشوف الاطفال اللي في سنها بتمشي وتلعب وتتنطط وفعلا البنت موهوبة في الرسم في ناس اكبر منها وماعندهمش نفس الموهبة دي. الرضا بقضاء الله من اجمل الحاجات اللي بتخلي الإنسان عنده سلام نفسي وتقبل للوضع مهما كان مش شرط الأشخاص الكبار يكونوا هما بس اللي راضين ممكن طفل صغير يبقي عنده رضا وتقبل لوضعه. امل:

انتي بتعرفي ترسمي ندي: ايوه. امل: مدت ايديها بدفتر الرسم طيب ارسمي. ندي: مدت ايديها لامل واخدت منها الدفتر وبدأت ندي ترسم وتخيلت ياسين ورسمته وبدأت عينيها تدمع. وكانت امل واخده بالها من ندي. امل: بتمسح لندي دموعها انتي بتعيطي ليه ندي: بصوت باكي افتكرت حاجه دايقتني. امل: نظرت للصورة اللي ندي رسمتها هو دا اللي دايقك ندي: هزت راسها ليها ايوه. امل: ماتزعليش انا هكون صحبتك. ندي: بابتسامه وانا موافقه.

وجات الممرضة اخدت ندي ورجعتها لاوضتها تاني عشان منال ونرمين. منال: قربت منها وحضنتها عامله ايه ندي: الحمد لله. منال: بفرحه أن ندي بترد عليها ديما بخير ي حبيبتي. نرمين: حضنتها عامله اي ي روحي. ندي: الحمد لله. نرمين: طلعت دفتر رسم واقلام والوان بصي جبت لك ايه انا عارفه انك بتحبي ترسمي وانك بتعملي تصاميم فساتين تحفه فهترسمي عشان نشوف حد ينفذ التصاميم وتبقي اشهر مصممه ازياء في العالم. ندي: بصت لها تفتكري.

نرمين: ايوه انتي موهوبه بجد. ندي: ماشي ماما فين موبايلي. منال: الدكتور مانع عنك الموبايل نستحمل شويه. ندي: لا هاتي انا زهقت وعاوزه اروح. منال: انتي لسه في فتره العلاج نستحمل الفتره دي واشغلي وقتك بالرسم. ندي: انتوا مخبين عني حاجه صح عشان كده رافضين تدوني الموبايل. نرمين: لا مش مخبين الدكتور هو اللي مانع. ندي: طيب هاتي دلوقت هو مش معانا وخدي تاني.

وفضلت ندي تزن ع منال عشان تاخد الموبايل ومنال استسلمت من زنها وعطت ليها الموبايل وفتحت ندي الفيس بوك وكانت الصدمة ليها خطوبة ياسين من سلمي. بدأت دموعها تنزل وقفلت الموبايل وعطيته لمامتها.

ندي: بصوت باكي للدرجه دي انا ماكنتش حاجه بالنسبه له دا مزعلش عليا دا ماصدق وراح خطب مافرقش معاه وجع قلبي وأنه كسرني انا والله حبيته اوي وكنت بعمل اي حاجه عشان يبقي مبسوط وكنت بتنازل عن حاجات كتير وفي الاخر يعمل معايا كده انا استاهل كل ده. نرمين: لا ي حبيبتي انتي ماتستاهليش كل دا هو شخص مش سوي وانتي ماتزعليش انتي ربنا بيحبك أنه بعد الشخص دا عنك لانه مؤذي. ندي: الحمد لله. الممرضة: الزيارة خلصت.

ودعت منال ونرمين ندي ومشيوا وقعدت ندي تفكر مع نفسها في اللي ياسين عمله للدرجه دي حبي لي كان عاميني عن أني اشوف أنه ماحبنيش بس لا تصرفاته كلها كانت عكس اللي بيحصل طيب ماهو لو كان بيحبيني ماكنش سابني ماهو غصب عنه هيكمل ازاي مع واحده عاجزه زي انا محتاجه اللي يساعدني انا مش هعرف اعمل اي حاجه هو معاه حق بس انا بحبه اووي وقلبي موجوع ومش متخيله أنه يكون مع غيري. وفضلت ندي في صراع بين عقلها وقلبها وكان في تناقض بينهم.

وفاقت ع صوت الممرضة. الممرضة: يلا عشان انقلك ع السرير عشان تنامي. ندي: ماشي. وفعلا نقلت الممرضة ندي السرير وفضلت ندي تفكر في امل وكلامها ونظرت لدفتر الرسم وقالت لنفسها انا هبدا اغير من حياتي وهتخطا كل حاجه صعبه وهنساك ي ياسين. بلاش تتنازل عن حقك عشان خاطر حد لأن في الاخر ماحدش هيقدر انك عملت دا عشانه. وانتي يوم جديد مشرق ملئ بالأمل والتفاؤل.

وفاقت ندي من نومه وجات الممرضه بالقطار وطلبت ندي من الممرضه أنها تنقلها ع الكرسي المتحرك وفعلا نقلت الممرضة ندي ع الكرسي المتحرك ومسكت ندي دفتر الرسم وبدأت ترسم وكانت مبدعة. وسابت دفتر الرسم وبدأت تحرك الكرسي اتجاه الشباك وكانت عينيها بدور ع امل في وسط الاطفال اللي في حديقة المستشفي. وجات الممرضة وخرجتها للحديقة. ندي: بقولك هي فين البنوتة اللي كانت هنا امبارح. الممرضة: متسألة انهي واحدة.

ندي: امل اللي كانت قاعدة معايا. الممرضة: اها دي بتيجي تعمل جلسات علاج طبيعي 3 ايام في الاسبوع بس هي النهارده مش هتيجي بس هتيجي بكره إن شاء الله. ندي: ماشي. وسابت الممرضة ندي ومشيت وكانت ندي تنظر لسيف اللي طول الوقت قاعد حزين وافتكرت كلام امل عنه فبدات تحرك الكرسي اتجاه سيف. ندي: عامل ايه ي سيف. نظر لها سيف وكان مستغرب أنها تعرف اسمه وكان ساكت ورافض الكلام نهائين.

ندي: انا اسمي ندي انا زيك برضو قاعده ع الكرسي دا وكنت بخرج ويسافر وبتحرك بس دلوقت لا بس الحمد لله انت كمان قول الحمد لله. سيف: بصوت باكي انا بحب العب كوره بس دلوقت مش هعرف خلاص. ندي: وانت ممكن تلعب بلايستيشن. سيف: بحزن مش عندي واحد. ندي: بابتسامه انا هجيب لك واحد. سيف: ماما وبابا مش هيوافقوا اني اخده منك. ندي: انا هكلمهم واقولهم انت موافق تكون صاحبي انا وامل. سيف: موافق. ندي: انت بتحب ايه غير الكوره.

سيف: انا بحب اعزف بيانو وكنت بتدرب بس من يوم ما عملت الحادثه مش عاوز اروح اي مكان. ندي: لا هتروح وانا كمان هاجي اتفرج عليك. سيف: مش هروح الناس هتتريق عليا. ندي: لا ماحدش هيتريق احنا احسن من غيرنا احنا لازم نشجع بعض. سيف: ماشي انتي هتكوني معايا. ندي: ايوه. وجات الممرضه تاخد ندي للاوضه عشان منال وودعت ندي سيف.

وفي الوقت دا كانت ندي مستغربة نفسها هي قالت لسيف أنها هتروح تتفرج عليه وبتشجعه وهي رافضه اصلا تخرج طيب هتعمل كده ازاي. منال: حبيبت ماما عامله ايه. ندي: الحمد لله تمام. منال: جبت لك الشكولاته اللي بتحبيها. ندي: شكرا ي حبيبتي. ومشت ندي بالكرسي المتحرك لوحدها وجابت دفتر الرسم عشان تفرج منال وكانت منال مبسوطه أن ندي بدأت تبقي احسن. ندي: بصي الرسومات بتاعتي. منال: مشاء الله حلوين اووي. ندي: عارفه مين اللي شجعني.

منال: مين. ندي: امل بنت عندها ١١ سنه بتعرف ترسم رسمها حلو اووي موهوبه بجد رغم ظروفها بس عندها تفاؤل كلامها اثر فيا اووي خلاني افوق لنفسي. منال: الحمد لله ي حبيبتي عيشي حياتك وانا معاكي في اي حاجه. ندي: ماشي اومال نرمين فين. منال: عندها مشوار مع مامتها وماعرفتش تيجي بس قالت لي اكلها فديو عشان تشوفك. وطلعت منال الموبايل واتصلت بنرمين وفتحت فديو وكلمت ندي نرمين وقعدوا يهزروا مع بعض وكانت ندي مبسوطه جدا.

لما تكون راضي من جواك بالحاجه اللي ربنا عطاهالك هتعرف تعيش وتكمل لأن ربنا بيعوض. قديما كون راضي و عندك يقين أن ربنا هيعوضك.