رواية نظرة امل الفصل الثاني 2 - بقلم هيام ختعن

وفي الوقت دا رن جرس الباب وراحت منال فتحت وكان ياسين. واول ما دخل الليفنج شاف ندي قاعده ع الكرسي المتحرك ونظرت لي بعيون عاشقه وعلي وجهها ابتسامه. واتفاجا ياسين بنرمين اول ما التفتت. نرمين: عامل اي ي ياسين؟ ياسين: الحمد لله كويس. ووجه نظره لندي اللي قاعده ع الكرسي المتحرك وقرب منها ونظر ليها. ياسين: عامله اي ندي؟

ندي: بابتسامه الحمد لله. شوفت ي ياسين ماما ونرمين خرجوني من الاوضه جابوني الليفنج. كنت معترضه بس هما صمموا وانا استسلمت ووافقت. ياسين: كويس ي روحي احسن من قاعده السرير والدكتور قال انك لازم تقعدي لأن نومت السرير مش كويسه ع طول. منال: طيب تعالي ي نرمين نعمل قهوه لياسين. نرمين: حاضر. وخرجت منال ونرمين من اوضه الليفنج وراحوا المطبخ.

أما ياسين كانت عنيه مليانه غضب لوجود نرمين عند ندي لأن عارف ان نرمين فاهمه تصرفاته وبتحذر ندي ديما منه. ياسين: اي اللي جاب البت دي هنا؟ ندي: هي كلمتني وكانت قلقانه عليا فخلتها تيجي. انا مش عارفه انت لي مش بتحبها كده. ياسين: مش فكره اني مش بحبها البنت دي بحسها مش سالكه كده. ندي: بالعكس نرمين شخصيه كويسه جدا وطيبه. ياسين: وانا قولت بلاش تعرفي البنت دي تاني ودلوقتي يا انا ي هي.

ندي: بدأت دموعها تنزل. اهدي طيب عشان خاطري بلاش تقول كده انا بحبك ي ياسين. ياسين: قرب منها ومسح دموعها. معلش اتعصبت عليكي بس كل الحكايه اني مش بحبها وبخاف عليكي وانا ديما بحس بالناس اللي مش كويسه عشان كده يحذرك منه. ندي: طيب حاضر بس ماتزعلش خلاص. وفي الوقت دا جات منال ونرمين. منال: القهوه. ياسين: مد ايديه واخد القهوه. تسلم ايدكم. منال: نظرت لندي لاقيت عنيها مدمعه. مالك؟ ندي: ماليش حاجه دخلت في عيني.

طبعا منال ماكنتش مصدقه كلام ندي بأن ياسين كان باين عليه علامات الغضب وقالت لنفسها انا لازم اعمل الخطه اللي انا فكرت فيها لاني مستحيل اسمح لي أنه يستغل تعب بنتي وياخد فلوسها يصرفها علي غيرها. سامحيني ي بنتي انا عارفه انك بتحبيه بس مش دا الشخص اللي يستاهل حبك هتتعبي شويه بس هتنسي وتعيشي. وقطع تفكيرها صوت ندي. ندي: ممكن ي نرمين تدخلي اوضتي ونتكلم شويه. نرمين: طبعاً. ياسين: ندي ماما ونهي اختي جاين يشوفوكي. ندي: ماشي.

وفعلاً نرمين دخلت ندي اوضتها. ندي: نرمين انتي عارفه اني بحبك صح. نرمين: مستغربه من كلامها. ايوه وانا كمان بحبك وانتي اختي وصحبتي. ندي: بحزن. ياسين مدايق من أننا صحاب وخيرني بينك وبينه وانا محطوته في وضع صعب. نرمين: ماتكمليش انا فهماكي بس صدقيني ي ندي ياسين شخص مش كويس وانا حذرتك منه اكتر من مره ولسه برضو يحذرك.

ندي: انا مش عارفه انتوا الاتنين بتكرهوا بعض كده لي هو يقولي انك مش كويسه وانتي تقوليلي كده انتوا في بينكم حاجه. نرمين: اتصدمت من طريقه ندي. انتي معقول بتشكي فيا انا مستحيل اعمل كده اصلا وعيب اووي اللي انتي بتقوليه دا وانا مش هزعل منك لانك اختي ومافيش اخت بتزعل من اختها وهيجي يوم وهتعرفي اني كنت صح وانا همشي ولو احتاجتيني في اي وقت هتلاقيني. وخرجت نرمين من الأوضه عند ندي وكانت مدايقه جدا واول ما منال شافتها قامت لها.

منال: في ايه؟ نرمين: ياسين مخير ندي بيني وبينه ولما قولت لها أنه شخص مش كويس شكت أن في بينا حاجه وانا والله ي طنط خايفه عليها بس انا همشي ومش هزعل منها وهي مسيرها تشوف الحقيقه اللي الحب عاميها عنها ولو احتاجتيني في اي وقت هتلاقيني. منال: حقك عليا انا هي ندي عصبيه الفتره دي عشان اللي حصل. نرمين: انا عارفه ومقدره ده. منال: طيب ي حبيبتي. نرمين: اديني رقم حضرتك عشان اطمن عليها وماتعرفهاش ولو احتاجتيني

كلميني هتلاقيني عندكمنال: بدأت تمليها الرقم. حاضر. ومشت نرمين وكانت منال مدايقه من اللي ندي عملته بس زي ما بيقولوا مرايه الحب عاميه بتخليك ماتشوفش عيوب الشخص اللي بتحبه. منال: كنت عايزه اتكلم معاكي. ياسين: اتفضلي. منال: انت عارف ان عمليه ندي وقاعدتها في المستشفي صرفت كتير. ياسين: ايوه.

منال: بتمثل أنها حزينه. انا وقتها اخدت قرض عشان اصرف عليها ودلوقتي البنك بيطالبني بالفلوس وانا مضطره اني ابيع شقه ندي اللي هتتجوزوا فيها والعربيه عشان ادفع القرض وطبعا مش عارفه اقول لندي حاجه فثولت اقولك انت تساعدني اني اقولها دي.

ياسين: اتصدم من الكلام وبيقول لنفسه كل مخططي باظ انا كنت ناوي اتجوزها واخد منها الشقه والعربيه واسيبها عشان اتجوز سلمي كده كل حاجه راحت انا اي اللي هيجبرني اني اتجوز واحده عاجزه دي هتبقي عبء عليا. وفاق من تفكيره ع صوت منال. منال: ياسين انت معايا. ياسين: ايوه معاكي كنت بفكر ازاي نقول لندي دي هتزعل اوي. منال: هتزعل في الأول بس انت معاها وانا ماعنديش مانع انكم تتجوزوا معايا هنا.

ياسين: لا احنا حابين يبقي لينا حياتنا الخاصه بس المشكله ان ظروفي مش هتسمح اني اجيب شقه. منال: ما انت ممكن تاجر شقه. ياسين: اه طبعا ممكن لي لا انتي هتتكلمي معاها دلوقتي. منال: ايوه. ياسين: خليها بكره. منال: طيب. ياسين: انا همشي عشان عندي شغل وطلع مفاتيح العربيه ادي دي لندي وسلميلي عليها لاني مستعجل وقوللها أن ماما ونهي جاين. منال: ينوروا طيب خلي معاك المفاتيح. ياسين: لا خليها عشان لو حد جاه يتفرج عليها. منال: طيب.

ونزل ياسين ودخلت منال لندي ولاقيتها بتعيط جريت منال عليها. منال: مالك؟ ندي: بانهيار. انا خسرت نرمين بس والله غصب عني انا بحبها اوي وفي نفس الوقت بحب ياسين. منال: حضنتها. طيب اهدي وكل حاجه هتبقي احسن وروقي كده مامت ياسين واخته جاين هيشوفوكي وانتي بتعيطي كده. ندي: هو ياسين فين. منال: نزل قال عنده شغل. ندي: نزل من غير ما يسلم عليا. منال: هو كان مستعجل يلا تعالي نقعد بره.

اخدت منال ندي وطلعتها لاوضه الليفنج ورن جرس الباب وكانت نهي وماما ياسين. منال: اهلا وسهلا اتفضلوا. نشوي: اهلا ي حبيبتي اي ندي صاحيه ولا نايمه. نهى: اكيد نايمه ماهي ي حبيبتي مافيش حاجه تعملها غير النوم. منال: كانت مدايقه من كلام نهي نظرت لها نظره غاضبه. لا ندي صاحيه وقاعده في اوضه الليفنج. وشاورت منال ليهم ع الأوضه ودخلت نشوي ونهى. نشوي: عامله اي ي ندي. ندي: الحمد لله تمام. نهى: عامله اي دلوقتي. ندي: الحمد لله.

نهى: مش حاسه بأي تحسن. وضحكت ضحكه سخريه. سوري نسيت أن حالتك هتفضل كده. منال: بصوت كله غضب. تشربوا ايه. نشوي: لا ي حبيبتي ماتتعبيش نفسك انا قولت اجي اشوف ندي وهمشي ع طول عشان نسيبها ترتاح. نهى: نظرت لندي نظرات شفقه. لو احتاجتي حاجه كلميني وانا اجيبلك ربنا يعين ياسين بقي ع الوضع ده. نزلت كلمات نهى كالصاعقه ع اذان ندي وكأنها جابت سهم وضعته في قلبها بكلامها ونظرتها القاتله وبدأت ندي دموعها تنزل غصب عنها.

ندي: بصوت باكي. ادخليني اوضتي ي ماما. نهى: سوري ي ندي ماكنش قصدي ادايقك. منال: نظرت لها بغضب. الحمد لله ع كل حال كل حاجه ربنا بيديها للإنسان خير لي مش شر اهم حاجه الرضا والواحد قاعد يعالم ممكن يحصل لي ايه. نشوي: طيب ي حبيبتي نستأذن احنا بقي. ونزلت نشوي ونهى وكانت ندي منهاره من كلام نهى الجارح ليها ونظرتها. منال: ولا تخطي كلامها في بالك دي مريضه.

ندي: اكيد ياسين قايل حاجه ليهم أنه مش متقبل وضعي عشان كده هي بتتكلم بالاسلوب ده. منال: الله اعلم انتي احسن من غيرك احمدي ربنا اكيد هيعوضك خير. ندي: ي رب اقف معايا وقويني انا تعبانه. حضنتها منال وكان قلبها وجعها ع حاله بنتها وان مش بايديها حاجه تعملها غير أنها تدعي ربنا أنه يقويها ويجعل في قلبها الرضا بحالها وانها ترضي بالأمر الواقع وتتقبل فكره انها مش هتمشي تاني وتتاقلم ع الوضع وتعيش حياتها.

وطلبت ندي من مامتها انها تدخل اوضتها وحاولت منال أنها تنقلها السرير وكان الوضع صعب لوحدها بس ما استسلمتش وعافرت وربنا اعطاها القوه ونقلتها السرير وقررت انها هتجيب واحده تقيم معاهم عشان تساعدها في رعايه ندي. ندي: اعمليلي حاجه اشربها. منال: حاضر. طلعت منال راحت المطبخ تعمل لندي حاجه تشربها وندي مسكت هاتفها ورنت ع ياسين. ياسين: الو. ندي: بصوت باكي. انا محتاجه ليك اووي.

ياسين: طيب ي روحي انا في شغل واول ما هخلص هكلمك واحكي لي مالك. ندي: طيب. وانهت ندي المكالمه معاه وكانت حزينه أنها احتاجت ليه ومالاقتهوش جنبها وصعبت عليها نفسها. منال: العصير ي روحتي. ندي: شكرا ي ماما. منال: الجميل مكشر ليه. ندي: كلمت ياسين وقولت له اني محتاجه اتكلم معاه قالي أنه في شغل ومش فاضي هو ماكنش كده معايا الأول كان بيسيب اي حاجه ويكلمني ويسمعني هو معقول زهق من وضعي ده.

منال: ندي انا عارفه أن وضعك اختلف بس اللي بيحب حد بجد بيفضل معاه مهما حصل وانتي اللي حصل للك دا حاجه بتاعت ربنا ماحدش لي دخل فيه فبلاش طول الوقت تفكري كده ممكن نعمل حاجه حلوه تسلينا ممكن نقرأ قران وممكن نقرأ كتب وكمان ما انتي بتعملي تصاميم الفساتين تحفه ماتشوفي حد واشتغلي معاه. ندي: لا مش عايزه اعمل اي حاجه خالص. منال: انتي اللي في ايدك تساعدي نفسك وتخرجي من اللي انتي فيه.

ندي: انا مش متقبله وضعي ومش عارفه اتقبله افهميني وحسي بيا انا كنت طول اليوم مش بقعد ويخرج وبسافر وبعمل كل حاجه بحبها انا دلوقتي قاعده في السرير مابعملش حاجه لازم انتي تشيليني تقعديني ع الكرسي المتحرك الموضوع صعب علي. منال: ودا قضاء ربنا رضيتي أو مارضتيش مافيش حاجه هتتغير بس لما تكوني راضيه هتعرفي تعيشي وتعملي الحاجات اللي تخليك مبسوطه وفي امكانياتك. ندي: سيبني انام.

خرجت منال وسابتها واتوضت وراحت تصلي وتدعي ربنا أنه يقويها ويديها الصبر وأنه يهون ع بنتها ويجعل قلبها راضي باللي هو عطاه ليه. من اجمل الحاجات أن يكون عندك سلام نفسي انك تكون راضي من جواك بكل حاجه بتحصل لك ولسه هتحصل لك. منال مسكت هاتفها ورنت ع بسمه اخته. منال: عامله ايه. بسمه: الحمد لله ندي عامله ايه. منال: بحزن. الحمد لله بس حالتها النفسيه وحشه اووي ولسه. بسمه: ي حبيبتي معلش دا طبيعي اللي حصل لها مش سهل عليه.

منال: عارفه ي بسمه بس دا قضاء ربنا واحنا مش بأيدينا حاجه نعملها لازم ترضي عشان تعرف تعيش. بسمه: براحه عليها انا هاجي واتكلم معاها انا انشغلت اليومين اللي فاتوا عشان مازن كان تعبان وكنت قلقانه عليه وانتي عارفه أنه في غربه لوحده. منال: ربنا يجيبه بالسلامه هو هيجي امتى. بسمه: كمان شهرين. منال: يجي بالسلامه طيب انا هقفل اشوف ندي. بسمه: ماشي سلميلي عليها لحد ما اجي لها.

وانهت منال المكالمه مع بسمه وقعدت تفكر ي ترى ياسين هتيجي وتكمل مع بنتي وتكدب احساسي وماتكسرش قلبها ولا هيطلع احساسي صح وهعمل ايه معاكي ي ندي لو طلع احساسي صح هتتقبلي الموضوع ازاي. وغلبها النوم وفاقت ع صوت هاتفها وكان ياسين. منال: الو. ياسين: عامله ايه. منال: الحمد لله تمام انت عامل ايه.

ياسين: بخير انا بجد محرج منك بس انا مش هقدر اكمل مع ندي عشان وضعها وانا مش عارف اقول لها ازاي فقولت اكلم حضرتك وانتي اتكلمي معاها وفهميها انا حاولت اتقبل الوضع بس مش عارف صعب علي. منال: انا كنت عارفه انك هتقول كده ماشي ماتشغلش بالك بندي انا هعرف اقف جنب بنتي واخرجها من اللي هي فيه.

وانهت منال المكالمه معاه ودخلت لاقت ندي نائمه قعدت جنبها ع السرير وحطت ايديها ع رأسها وبتقول لنفسها طلع ما يستاهلكيش ي بنتي احساسي كان صح هو كان عايزك عشان فلوسك طلع قليل الأصل واتخلى عنك في أكتر وقت انتي محتاجه فيه بس ربنا كبير وهيعوضك وهيراضيك وهيهون ع قلبك اللي انكسر بسببه. وفي الوقت دا فتحت ندي عينيها. ندي: ماما. منال: نعم ي روحي. ندي: هاتي موبايلي من جنبك اكلم ياسين.

منال: بتحاول تمنعها وبابتسامه. طيب قولي صباح الخير. ندي: بابتسامه. معلش حقك عليا صباح الخير. منال: بابتسامه. صباح النور والجمال ع احلى بنوته في الدنيا كلها. ندي: طيب هاتي الموبايل. منال: طيب. وجابت منال الموبايل من جنبها وعطته لندي ورنت ندي ع ياسين وهو ماردش عليها وكانت مدايقه جدا. ندي: مش بيرد وقالي أنه هيكلمني وماكلمنيش. منال: خلاص ما تدايقيش انا هقوم اعمل لك الفطار اللي بتحبيه. ندي: لا مش جعانه.

منال: لا في علاج ولازم نفطر. وقامت منال وسابت ندي وكانت بتحاول ترن ع ياسين وماكنش بيرد برضو وبعتت له رساله ع الواتساب شافها وماردش عليها بدأت دموعها تنزل غصب عنها وطلعت رقم نرمين. نرمين: الو. ندي: بصوت باكي. نرمين تعالي انا محتاجاك. نرمين: بقلق. طيب اهدي هجيلك انتي كويسه. ندي: لا. نرمين: طيب اهدي انا هلبس واجي. وانهت نرمين المكالمه وكانت قلقانه اووي ع ندي واستأذنت والدتها ولبست وراحت لندي.

أما ياسين ماكنش فارق معاه حاجه كان بيحاول يقرب اكتر من سلمي لانه شخص مادي عاشق الفلوس بيقرب من اي بنت معاها فلوس عشان يستغلها وكانت سلمي الفريسه الجديده له. ياسين: سلمي انتي عارفه اني بحبك صح. سلمي: ايوه. ياسين: انا للاسف بعت العربيه والشقه اللي هنتجوز فيها عشان امي كانت تعبانه جامد وعملت عمليه من فترة وكنت اخدت قرض وطبعا ظروف الشغل مش احسن حاجه فبعتهم ومش عارف لما اجي لباباكي ويسألني عندك شقه اقول له ايه.

سلمي: ولا يهمك حاجه ي روحي انا بحبك ولو ع الشقه احنا اصل هنقعد مع بابي في البيت زي اخواتي البنات دا شرط بابي اصلا. ياسين: بجد طيب الحمد لله انا هحدد معاد مع باباكي واجيب اهلي واجي. سلمي: بفرحه. بجد ي ياسين. ياسين: بجد ي روح ياسين. ووصلت نرمين عند ندي وفتحت منال لها الباب. نرمين: عامله ايه وندي مالها كلمتني وكانت بتعيط. منال: الحمد لله ياسين مش بيرد عليها وكلمني وقالي أنه مش هيكمل معاها وانا مش عارفه اقول لها ازاي.

نرمين: يالهووي دي هتبقي صدمه ليها. منال: ايوه مش عارفه اعمل ايه. نرمين: ماتقوللهاش حاجه وهي هتتعود ع عدم رده. منال: تفتكري. نرمين: ايوه انا هستأذن من ماما واقعد معاكم كام يوم ونحاول نخرجها من اللي هي فيه دي. منال: ي ريت ي نرمين. ودخلت نرمين لندي الاوضه ولاقتها بتعيط. نرمين: اي ي روحي مالك. ندي: بصوت باكي. ياسين مش بيرد عليا هو زهق مني خلاص. نرمين: انتي مايتزهقش منك ابدا سبيه وماترنيش عليه تاني وشوفي هو هيعمل ايه.

ندي: تفتكري هيكلمني. نرمين: ممكن. ندي: ازاي يعني. نرمين: ممكن يكلمك وممكن لا لازم نحط للاحتمالين. ندي: لو بعد عني هموت. نرمين: بعد الشر. بصي ي ندي احنا لازم نحط احتمالات للناس اللي في حياتنا ومانديش لحد ثقه كبيره عشان لو حصل عكس توقعاتنا مانتصدمش. ندي: بس انا بحبه. نرمين: حتى لو بتحبيه مافيش حد مضمون. ودخلت منال بطبق فيه فشار. منال: ماتشغلي مسلسل ولا فيلم نسمعه ونقعد مع بعض كده.

نرمين: يلا ي ريت واخدت التليفون من ندي. هاتي بقي التليفون دا واقعدي معانا. ندي: استني بس هرن تاني عليه. نرمين: لا فكك بقي. وشغلت نرمين التليفزيون ع فيلم كوميدي وقعدوا جنب ندي في السرير وكانوا مبسوطين لحد ما جاه تليفون لندي دمر القعده الحلوه. يتبع…..