رواية نياط القلب الفصل الثاني 2 - بقلم حور طه

البقاء لله. انت بتغطي وشه ليه؟ ما حصلش حاجة! هو عايش، ما حصلوش حاجة؟ جواد، أنا هنا، بص لي. ما تصدقهمش. وتين، حبيبتك هنا. جواد، فوق وبص لي. أنا آسفة، مش هروح أي مكان تاني. أنا ما أعرفوش، بس ارجوك افتح عينيك. أنا هسمع كلامك وهركز في دروسي. أنا آسفة، بس افتح عينيك.

طيب اسمعني، أنا عايزة أشوف ضحكتك اللي بتطمني. ارجوك ابتسم لي مرة واحدة. أنا بوعدك إني هعمل كل اللي تقول لي عليه. زعق فيا وهزقني واضربني، وفر كل غضبك فيا، بس ارجوك افتح عينيك مرة واحدة، ارجوك. كان الدكتور والممرضين واقفين ولا يعرفوا يسيطروا عليها ويوقفوها عن اللي بتعمله، وأن هو خلاص مات. لقد توقف قلبه ولا يعد موجود بهذه الحياة، ولكن كانت تصر على أنه مازال حي ولا يموت. وتين ببكاء وانهيار تحضنه بقوة:

ارجوك ما تسيبنيش لوحدي، أنا ما ليش غيرك، ارجوك افتح عينيك جواد، ارجوك ما تسيبنيش. جوااااااااااااد. وهنا تبدأ مؤشرات نبضات القلب أن تظهر على الجهاز مرة أخرى، والدكتور والممرضين في حالة من الذهول وهم يروا مؤشرات نبضات القلب تنتظم على الجهاز ويرجع جواد إلى الحياة من تاني. وتين كانت ما زالت تحضنه بقوة وتبكي، لوقت ما شعرت بأنفاسه. ترجعه تاني على المخدة ببطء وتقوم وتمسح دموعها، وابتسامة تختلط بالدموع:

دكتور، هو عايش، حسيت بأنفاسه. ارجوك شوفه تاني. الدكتور يفحصه مرة تانية ومصدوم تمامًا من اللي حصل ولا يفهم ماذا حصل. يرجع يبص لوتين بتعجب: النبض رجع تاني، هو عايش. وتين بضحكة كلها دموع: قلت لكم بس أنتم ما صدقتونيش. جواد ما يسيبنيش! قلت لكم إنه عايش. الدكتور بابتسامة: عايش ومش هيسيبك. انت معجزته. وبعد قليل توصل نور وبيسان وفريال إلى المستشفى. نور: وتين، إيه اللي حصل؟ جواد فين؟ وتين تحضنها: عاااااايش! جواد عااااايش.

نور تبعدها قليلاً: إيه اللي حصل؟ احكي لي يا وتين. الدكتور: الأستاذ جواد جالنا مصاب برصاصة، وإحنا خرجنا له الرصاصة، لكن حالته ساءت بعد العملية وقلبه توقف. وبعدين يبص لوتين ويبتسم: بس هي أنقذته ورجعته للحياة من تاني. كلهم بصوا لوتين باستغراب، إزاي هي أنقذته؟

فحكى لهم الدكتور عن إصرارها في أنه عايش وما ماتش، وعن اللي عملته في غرفة العناية، وعن الحضن اللي عاد نبضات قلبه تنبض للحياة من جديد بفضل ربنا ثم هيكلها. كانوا متعجبين من الدكتور بيقولوا؟!!!! فريال أم وتين تقترب منها وتتفحصها: حبيبتي، انت كويسة صح؟ ما حصلكيش حاجة. وتين بتعب تهز رأسها: يعني كويسة. ولا تستطيع الكلام. نور: دكتور، أنا ممكن أشوفه وأطمن عليه، ارجوك. الدكتور: حضرتك تقربي إيه للمريض؟ بيسان:

أنا أخته، ونور مراته. رجوك خلينا نطمن عليه. الدكتور بصدمة: حضرتك تبقي مراته؟ بس وتين مش مرات الأستاذ جواد؟ نور: لأ يا دكتور، أنا مراته. وتين بنت عمته. لو سمحت يا دكتور اسمح لي أشوفه بس خمس دقائق. الدكتور باستجابة: تمام، حضرتك تقدري تدخلي خمس دقائق وتخرجي. نور تدخل غرفة العناية علشان تشوف جواد، وفريال وبيسان وتين استنوها بره. 🕳🕳🕳🕳🕳 في بيت جابر أبو وتين 🕳🕳🕳🕳 جابر: اسمعيني تاني كده، قلتي إيه؟ فريال:

اهدأ يا جابر، خلينا نسمع البنت. جابر بعصبية: نسمع إيه؟ ما سمعتش المحروسة بنتك بتقول إيه. يحاول يمسكها، ولكن فريال تقف بينهم وتمنعه، ويكمل بنفس العصبية: اسمعي أمك، انت قلتي إيه؟ شكلها ما سمعتش. ابعدي يا فريال من وشي. نادين: يا بابا، أنا لو هتموتني مش هرجع للبني آدم ده تاني، أنا هتطلق منك. جابر يبعد فريال ويمسكها من شعرها:

هتطلقي عشان تيجي تقعدي في وشي هنا انت وابنك. الكلمة دي أنا مش عايز أسمعها تاني منك. تاخدي ابنك وترجعي على بيتك، انتي فاهمة؟ نادين ببكاء: قلت لك بيضربني بيهني كل يوم وكل ساعة، العيشة معاه بقت موت. جابر بيضربها بالقلم: مش هو ده حبيب القلب اللي أصرتي إنك تتجوزيه؟ دلوقتي الحياة معاه بقت موت. نادين ببكاء: يا بابا اسمعني، ده عايزني؟ جابر يقاطعها:

مش عايز أسمع صوتك، وتاخدي ابنك وترجعي على بيت جوزك. كفاية عليا مصاريف أمك وأختك اللي لسه بتتعلم. وتين تخرج من أوضتها: حرام عليك بقى، على طول زعق. جرب مرة واحدة توفر غضبك ده وتسمع مشاكلنا وتكون أب لمرة واحدة في عمرك. جابر بزعيق: انت لسه دورك جاي، ما تستعجليش؟ إيه اللي وداك المكان الوسخ ده يا واطية؟ وتين: أنا رحت المكان ده علشان أخرج من السجن اللي انت حاططني فيه. جابر بعصبية يضرب فريال: شفتي تربيتك يا هانم؟

واحدة عايزة تطلق، والتانية بتسهر في ديسكوهات. هي دي التربية اللي ربيتها لهم. وتين تبعده عن أمها: كفاية بقى، ابعد عنها. أنا مش هسمح لك إنك تضربها تاني. جابر يمسك إيدها ويجرها على أوضتها ويقفل عليها: الحيوانة دي ما تخرجش من الأوضة لحد ما تتربى. حتى الأكل ما تدقهوش لحد ما عقلها يرجع لراسها وتعرف إزاي تروح الأماكن الوسخة دي من ورايا. ويرجع يمسك نادين:

وانتي ترجعي لبيت جوزك، وكلمة طلاق دي لو سمعتها تاني هقطع لك لسانك، انتي فاهمة؟ فريال تاخدها في حضنها: طيب خليها تبات معانا هي وابنها الليلة بس، وتمشي بكرة. جابر بزعيق: لو ما مشيتش بكرة على بيت جوزها هيبقى ليا معاكم تصرف تاني، انتوا فاهمين؟ ينهي كلامه ويخرج من البيت، وتفضل فريال مع بناتها ولا تعرف ماذا تفعل لهم. 🕳🕳🕳🕳🕳🕳 في فيلة نديم 🕳🕳🕳🕳🕳 نديم: عايز تضيع كل اللي أنا بنيته يا كلب. ماجد: يا بابا أنا ما عملتش حاجة.

نديم يضربه بالقلم: ما عملتش حاجة؟ وفر كدبك ده. لما يتقبض عليك. ماجد: يا بابا هو اللي جه واتخانق معايا وكان عايز ياخد البنت اللي كانت واقفة معايا. نديم يمسكه ويضربه: بتضيع مستقبلك علشان بنت وتضيعني معاك يا تافه. نوال: خلاص يا بابا سيبه؟ الشاب اللي ضرب عليه نار لسه عايش، ما ماتش في المستشفى. نديم بعصبية: هتفرق إيه إذا كان عاش ولا مات؟ كده كده هيتهموا البيه بمحاولة قتله. نوال:

إحنا هنحاول نتكلم معاه لما يفوق ونلم الموضوع. نديم: وهو هيوافق يلم الموضوع بعد ما البيه أخوكي حاول يقتله؟ ده لو عنده ذرة عقل واحدة أول ما هيفتح عينيه هيتتهم. نوال: بس إحنا عندنا فرصة إننا نقنعه إنه ما يقدمش بلاغ ونلم الموضوع. اللي ماجد حاول يقتله يا بابا يبقى الباشمهندس جواد عبد الظاهر. نديم: الباشمهندس جواد عبد الظاهر اللي لسه متعين في شركتنا ما بقالوش شهر. نوال:

أيوه يا بابا، هو عشان كده بقول لك عندنا فرصة إننا نلم الموضوع. يدخل ضابط الشرطة ومعه العساكر إلى فيلة نديم. الضابط: معانا أمر بالقبض على ماجد نديم عمران. ماجد بخوف: أنا ما عملتش حاجة. الضابط يشاور للعساكر ياخذوه: تقدر تقول كل اللي أنت عايزه قدام وكيل النيابة. نديم: معاك إذن من النيابة؟ الضابط يخرج ورقة من جيبه: اتفضل، ده إذن النيابة. خذوه. ماجد: بابا الحقني، انت هتسيبهم ياخدوني؟ نوال اعملي حاجة. نوال:

روح معاهم يا ماجد وأنا هكلم المحامي وأحصلك على طول، ما تخافش. الضابط ياخذ ماجد ويخرج. ونديم يمشي وراهم يوجه كلامه لنوال: كلمي المحامي بسرعة وخليه يحصلنا على النيابة. نوال: حاضر يا بابا، هكلمه ونحصلكم على طول.