رواية و العلة هي العشق الفصل العاشر 10 - بقلم سوليية نصار

عينيه اتوسعت بصدمة. كان حاسس وكأن حد ضربه في مقـتل. "انت بتقول ايه؟! صرخ قاسم بعنف وهو بيبص للينا اللي بتبصله ببرود. "اللي سمعته يا قاسم." قالها جده بنبرة قاسية وهو بيحذره أنه يحاول يبوظ أي حاجة. حس وقتها قاسم بأن نار جواه. كان عايز يروح للي اتجرأ يبص لحبيبته ويضربه لحد ما يقتله نهائي. فضل يتنفس بعنف. فقعد جده وقال: "اتفضل يا قصي." "أنا جاي اطلب ايد لينا يا جدي." ابتسم جابر وقال:

"وأنا موافق يا بني. بس هناخد رأي العروسة." بص جابر للينا اللي كانت قاعدة بتبص لقصي وهي متجاهلة قاسم اللي كان حاسس انه هيموت من القهر. وقالت: "وأنا موافقة يا جدي." "حلو اووي. يبقى نقرا الفاتحة." "آه!!! صرخ قاسم وهو حاسس انه هيموت. كان بيكسر في كل حاجة قدامه وهو حاسس بالقهر. حبيبته راحت لغيره. حبيبته هو هتبقى ملك لواحد تاني. كان حاسس ان جواه نار. اتمنى يروح ويقتل قصي. ازاي يتجرأ يبص لحبيبته ازاي.

"لا. لا لينا ملكي. ملكي أنا وبس." قالها ودموعه بتنفجر من عينيه. كان حاسس بخنقة وهو شغال يعيط. "هي ضاعت من ايدي. ضاعت." قالها وهو بيصرخ جامد. "كانت ملكي وانا ضيعتها. كانت ملكي." فصل ضرب على الترابيزة اللي قدامه بعنف لحد ما ايديه اتعورت. ورغم كده مكانش حاسس بالألم. الألم اللي في قلبه كان أكبر. نار الغيرة كانت بتكويه. فضل يمسح وشه وهو حاسس انه مخنوق.

"لا لا. لينا ملكي. ملكي أنا. مش هخليه يتجوزها. هخطفها. هقتلها بس لينا مش هتكون لحد تاني." كانت واقفة قدام المرايا وهي بتسرح شعرها الأشقر. عينيها بتلمع وهي بتفتكر القهر في عينيه. مكانتش ناوية تشمت فيه. بس قهره وحزنه شفوا غليلها. حست أن جرح قلبها بيطيب لما شافت معاناته. اخيرا عانى زي ما هي عانت. هي كانت بتموت لما اتجوز غيرها. حست أن العالم ضيق. اتمنت في الوقت ده انها تموت وترتاح. بس قررت تقف على رجليها.

عشان هي لينا السيوفي مستحيل يكسرها راجل حتى لو كان حب حياتها. هي اتعودت تدفن مشاعرها جواها. زي ما كان قلبها بيتلقاسم كان هو المالك ليه بس هيكون القبر ليه كمان. هتدفن حب قاسم عشان تبدأ حياة جديدة مع قصي. حياة من غير قاسم. "لينا حبيبتي." قالتها والدتها. كانت دخلت الاوضة بس لينا محستش بيها. سابت لينا المشط وبصت لوالدتها وابتسمت ليها وهي بتقول: "أؤمريني يا ست الكل." بصتلها والدتها وهي بتتنهد وقالت:

"متاكدة من قرارك انك تتجوزي قصي. انتي عارفة اني ووالدك احترمنا قرارك عشان بنحبك بس احنا خايفين عليكي. عايزين انك تتخطي قاسم الاول." اتنهدت لينا وهي بتبصلها وقالت: "اعتبريني اني خلاص اتجاوزت قاسم. قاسم صفحة واتقطعت من حياتي. يعني هو انتهى خلاص. ربنا يوفقه مع مراته الجديدة بس خلاص كل حاجة بيننا انتهت وزي ما هو بدأ حياته. أنا هبدأ حياتي كمان." بعدين كملت تسريح شعرها وعينيها فيها تصميم.

كانت قاعدة على الأرض وهي حاطة ايديها على ودنها بخوف وهو بيكسر في الحاجة برة. كانت مرعوبة أنه يؤذيها بسبب غضبه. من اول ما عرف أن لينا هتتجوز اخوها وهو في الحالة دي. فجأة صرخت وهو بيخبط على الباب بجنون وبيزعق: "افتحي الباب. افتحي! فضلت ترتعش وفكرت أنها متفتحش الباب بس مكانش عندها الجراءة أنها متفتحهوش فقامت بسرعة وفتحت الباب. صرخت فجأة وهو بيزقها جامد. وفجأة مسكها من شعرها جامد وهو بيصرخ فيها:

"هي دي خطتكم صح. عايزين تبعدوا حبيبتي عني. كنتي عارفة أن اخوكي هيتقدم للينا!!! كان بيتهامها. هزت رأسها جامد وقالت: "لا والله ابدا. مكنتش اعرف. والله ما كنت اعرف." "كدابة. عايزين تاخدوا حبيبتي مني عشان افضل معاكي صح. عايزين افضل معاكي واشيل شيلة اخويا صح." هزت رأسها وهي بتعيط وهي بتقول: "والله ابدا. والله ما اعرف. والله." كانت بتهز رأسها وهي بتعيط. وشها الابيض اتحول للون الاحمر.

"اطلعي برا. روحي لبيت أهلك. أنا مش هشيل شيلة حد." وبعدين جـرها وراه وهو بيفتح الباب وبيرميها برا!!!