رواية و العلة هي العشق الفصل الرابع عشر 14 - بقلم سوليية نصار

بصتله بصدمة وهي بتفتكر اللي حصل. خرجت من الكلية وراحت عشان تركب تاكسي. وبعدين حد رش حاجة عليها عشان كده هي اغمي عليها ومش فاكرة حاجة. بصت لقاسم ببرود وقالت: اللي بتعمله ده مش هيساعدك يا قاسم. انت بتضر نفسك. -محدش هيقدر يعملي حاجة. ابتسمت بسخرية عليه. حط إيديه في جيبه وهو بيبصلها بانتصار. -عرفتي بقا اني ممكن أعمل أي حاجة عشان تكوني ليا يا لينا. عرفتي أنك في الآخر بتاعتي ومحدش تاني هيلمسك طول ما أنا عايش.

اهو أنا خطفتك قبل فرحك بيوم وريني بقا هتعملي ايه. قالها قاسم وهو باصص ليها بانتصار وهي قاعدة على الكرسي إيديها مربوطة ورا ضهرها. بصتله بسخرية وقالت: -انت مسكين يا قاسم. مثير للشفقة بجد. انت فاكر أنك كده بتمنعني عن الجواز. أنا هتجوز قصي يا قاسم. لا انت ولا عشرة زيك هيمنعوني. قرب منها بغضب ومسك فكها وهو بيعصره وصرخ: -انتِ بتتحديني. انتِ عارفة أنا ممكن أعمل إيه. أنا ممكن أنسى القرابة اللي بيننا وأخليكي ملكي دلوقتي.

بصتله بسخرية فبعد عنها بصدمة وهو مش قادر يصدق أنها مش خايفة منه. -انتِ بجد مش خايفة. ضحكت بسخرية على كلامه وقالت: -لا يا قاسم. مش هخاف منك. انت واحد جبان. فلا انت ولا عشرة زيك يخوفوا لينا السيوفي. وانا هطلع من هنا بس مستنياك تجيب آخرك. يالا قول كل اللي في بالك. كلامك بصراحة مسليني. قرب منها وهو بيطحن أسنانه بغضب وبعدين مسك فكها تاني وقال: -انتي بتاعتي يا لينا متفكريش انك هتتجوزيه. هقتلك وهقتله.

لمعت عينيها وقالت بتحدي: -هتجوزه يا قاسم. هتجوزه. وهحرق قلبك زي ما حرقت قلبي لما روحت اتجوزت واحدة تاني. جوازي من قصي هيكون كامل. هخليه يلمسني. هخلف منه. آه. قالتها بصدمة وهو بيزقها فوقعت بالكرسي على الأرض. بصتله بغضب فقال وهو بيقلع قميصه: -أنا مش هستنى المأذون. أنتِ هتكوني ملكي دلوقتي عشان تحرمي تتكلمي عن راجل تاني بالشكل ده. وبعدين قرب عشان يهجم عليها.

حاولت هي تقاوم بس كانت مكتفة مش قادرة تتحرك بس رأسها هي اللي بتتحرك عشان متخليهوش يقرب منها. -هتندم لو عملتها يا قاسم. أنا هقتلك. ابعد عني اياك تلمسني. ضحك بشر وهو بيشد البلوزة بتاعتها عشان يقطعها وقال: -والله ما هتقدر تعملي حاجة. انتِ دلوقتي تحت رحمتي. وبعدين عينيه اتملت بالغيرة والتملك وهو بيقول: -انسي أن راجل غيري يلمسك. أنا دلوقتي هخليكي ملكي عشان مفيش أي راجل يفكر يلمسك حتى.

غمضت عينيها ودموعها بتنزل لما سمعت صوت بلوزتها بتتقطع. بس فجأة الباب اتكسر ودخل جابر ورجالته. -سيبها يا ولد. قالها جابر السيوفي. وبعدين رجـالته قربوا من قاسم المصدوم ومسكوه وبعدوه عنها. قرب جابر وهو بيفك لينا اللي كانت بتبكي ويغطيها وهو بيحضنها. كان بيبص لقاسم بغضب. صرخ قاسم وهو يحاول يحرر نفسه من إيدين رجالة جابر وقال: -انسي انك تاخدها مني يا جدي. أنا اللي هتجوز لينا. -اخرس يا واد بدل ما أد.فنك مكانك.

بتستبيح شرف بنت عمك. عايز تعتدي عليها يا كلب وانت اللي كان مفروض تحميها. الحمدلله اني كنت حاطط رجـالتي قدام الكلية بتاعتها كنت عارف انك هتعمل عملة مجنونة زيك. -أنت السبب. أنت السبب. صرخ قاسم وكمل: -أنت دمرت حياتنا. انت خلتني اتجوز بنت ****واستر عليها. رفع الجد رأسه وقال: -أنا مضربتكش على ايديك يا حبيبي أنا عرضت وانت وافقت عشان الفلوس. وده أحسن بكتير لينا هتتجوز اللي أحسن منك.

الحمدلله شافت بعنيها قد إيه انت أوطى من الموس على الأرض. أنا قادر أقتلك النهاردة ودلوقتي حالا بس للأسف انت حفيدي. للأسف الشديد ومتختلفش عن أخوك العرة في حاجة. أنا هنقذ لينا منك واخليها تتجوز اللي يستحقها. ابتسمت لينا بألم وهي بتفكر أن حتى جدها وحش زي قاسم. محدش فيهم كويس. أخذ جابر لينا وسط قاسم اللي كان بيصرخ بقهر. في عربية جابر بعد ما أخدها لقصره وخلاها تغير هدومها.

هي فهمت أنه مش عايز يورط قاسم وهي كمان مش عايزة تسببله مشاكل. بص جابر للينا وقال بتعب: -أنا ظلمتك كتير وأنتِ استحملتي كتير. بس أنا بقولك لو عايزة إننا نوقف كل حاجة ومتتجوزيش قصي أنا هوقفها دلوقتي حالا مش هجبرك تتجوزيه. بصتله لينا ببرود وقالت: -لا أنا هتجوز قصي يا جدي.