رواية و العلة هي العشق الفصل السادس عشر 16 - بقلم سوليية نصار

أنا... أنا هفهمك! قالتها برعب وهي شايفة الغضب في عينيه. قام من على السرير وقال: "البسي وحصليني على الصالة... وبعدين سابها وطلع. لطمت على وشها وهي بتعيط. أكيد هيموتها لما يعرف الحقيقة. أكيد! كان قاعد في الصالة بيشرب سجاير زي المجنون وهو مش مصدق أنه اتضحك عليه بالشكل ده. واحدة زيها قدرت تخدعهم. دي كانت فضيحة بالنسباله. مش قادر يصدق أنه وقع في الفخ وخسر حبيبته. مش قادر يصدق.

رفع عينيه فجأة وهو شايفها لابسة عباية واسعة جسمها بيترعش وهي بتبصله بخوف. كانت مرعوبة. حاسة أن نهايتها هتكون النهاردة. طفا سيجارته في الطفاية وقام وهو بيقرب منها. رجعت لورا. "قاسم اهدي... قالتها برعب بس هو كان بيقرب منها. "قاسم... "آه! قالتها بصدمة وقلبها بينزل على وشها لدرجة أنها داق طعم الدم في بوقها. "قاسم أنا... قالتها برعب بس هو مسك شعرها وهو بيصرخ: "بتخدعينا يا رخيصة! بتلعبي بيننا! أنا هربيكي كويس!

"قاسم ابوس إيديك متضربنيش." ابتسم بشر وقال: "لا أنا مش هضربك أنا هخلي فضيحتك بجلاجل." "قاسم... قالتها برعب وهو بتعيط بس هو مش رحمها وهو بيشدها وراه وبيطلعوا من البيت. "جدي... جدي! كان قاسم بيزعق وهو ماسك دلال من شعرها. هو بالفعل خدها من شعرها وركبها العربية وبعد ما وصل لبيت جده خرجها وهو ماسك شعرها. عاملها بطريقة مهينة جدا وهي مكانتش بتعمل حاجة غير أنها بتعيط. بتعيط وبس. "قاسم!

قالها جابر وهو بينزل السلم وبعدها نزلت لينا ووراها قصي اللي شاف أخته بتتعامل بالطريقة دي. "يا ابن الكلب انت بتعمل ايه في اختي؟! قالها قصي وهو بيزعق وقرب منه وهو بيضربه بالبوكس. وكأن ده ادي فرصة لقاسم أنه ينفجر بالغضب. فمسك قصي وبدأ يتخانقوا. حاول قاسم أنه يضرب قصي بس قصي كان أقوى منه بكتير. قرب جابر وقال: "بس يا ولد انت وهو والا وديني أقتلكم! الاتنين بعدوا وهما بينهتوا. بص جابر لقاسم اللي كان وجهه عليه كدمة فقال:

"ايه اللي بيحصل يا ولد وليه عامل في مراتك كده." ضحك قاسم وقال: "دي أقل حاجة أعملها أني أقتلها يا جدي. مراتي المحترمة خدعتنا كلنا. وانت أول واحد اتخدعت يا جابر بيه." "قاسم احترم نفسك وانطق قولي عملت إيه؟ "حفيدة صاحبك المحترمة طلعت لسه بنت. يعني أخويا طاهر ملمسهاش أصلا! بصلها جدي بصدمة وقال: "إيه الكلام ده؟ قالت وهي بتعيط: "الكلام ده صحيح. طاهر ملمسنيش. أنا هقولكم الحقيقة كلها بس والله أمي السبب في ده كله!