رواية و العلة هي العشق الفصل التاسع عشر 19 - بقلم سوليية نصار

أنا ست متجوزة يا جدي ومحترمة كمان. أكيد مش هنفصل عن جوزي عشان أروح لحد تاني. دي مش أخلاقي أبدا وأنت عارفني. أنا اخترت قصي أعيش معاه على الحلوة والمرة. ولو حضرتك قررت تمشيه من الفيلا بسبب اللي عرفته عن أخته فأنا همشي معاه. بصلها قاسم بصدمة وقال: لينا بتعملي إيه؟ أنتِ بتدمري كل حاجة. خلاص دي فرصتنا يا لينا. هنبقى سوا للأبد. أنا أهو همسك إيديكي. ابتسمت هي ببرود وقالت: أنت سبت إيدي قبل كده وخسرت فرصتك يا قاسم.

بصت لجدها مرة تانية وقربت وهي بتمسك إيد قصي وقالت: أنا هبقى مع قصي. هو جوزي اللي اخترته. قلب قصي دق وهو بيشوفها. ابتدى هو يتكلم ويقول: أنا هخرج من هنا يا جدي مع أختي ومراتي. بعد ما تخلصوا كل حاجة وقاسم يطلق. أنا بعتذرلك بالنيابة عن اللي عملته الست اللي كنت بناديها أمي. (أم دلال وهي بتبص لإبنها اللي كرهها) فكمل هو: أنا فعلا عايز لينا وبحبها وأوعدك إني ههتم بيها.

أنا افتكرت إن خيار قاسم إنه يسيب لينا بس طلع أنت ضغطت عليه. أنت كسرت قلبها يا جابر بيه وغلطت. بس معذور اتخدعت بسبب أمي وأختي. ورغم إن تصرفاتك كانت غلط تماما وملهاش مبرر بس فيه حاجة حلوة عملتها وهي إني اتجوزت لينا بسبب ده كله. فشكرا ليك. "قصي ابني." قالتها أم دلال وهي بتعيط. فرد ببرود: أنا مش ابنك ولا أنتِ أمي. أنتِ بالنسبالي ميتة. أنا هاخد دلال وبابا ونبعد. عيشي أنتِ لوحدك. فضلت تبكي وهي حاسة بكل الندم.

بس محدش من اللي قاعد شافها. جه المأذون وتمت إجراءات الطلاق. دلال كانت شغالة تعيط. ولينا راحت تجهز هدومها عشان تروح مع جوزها الصبح. أما قاسم فكان منهار. لينا رافضة ترجعله. لينا اختارت قصي. وسابته هو. هو خسر حب حياته. وهو السبب. هو اللي اختار الفلوس. افتكر إن لينا هتسامح بس نسي قد إيه هي عندها كبرياء ومش بتسامح اللي بيجي عليها. مرت الأيام. كان قصي أجر بيت ليه.

وبالفلوس اللي أخدتها دلال من جابر واللي كانت حقوقها من قاسم اشترالها بيت صغير تعيش فيه هي وأبوها. وبعدوا خالص عن أم دلال وجابر السيوفي وقاسم. في يوم... رجعت لينا من الكلية بتاعتها. للمرة المليون جدها بيحاول يتواصل معاها. بيحاول يعوضها عن اللي حصل. بس هي كانت لسه شايلة منه. وقفت فجأة وهي بتشوف أرضية البيت مليانة ورد. وقصي قدامها ماسك باقة ورد. قصي؟