رواية و لو بعد حين الفصل الثالث عشر 13 - بقلم خلود احمد

دخلت وقفلت الباب وراها وفضلت تعيط شويه. محفظة يوسف كانت على الترابيزه هى والفون. كانت قايمه تدخل الحمام وخبطت في الترابيزه، الحاجه وقعت والمحفظه انفتحت. "ليال.. اووف الحاجه وقعت منها" شالت الفلوس والكروت وهى بتحطها لقت ورقه متطبقه فيها. وهى بتفتح الورقه انصدمت، كانت الورقه اللي هى سابتها عندهم لما سابت البيت ومشيت. "معقول كل السنين دي ومحتفظ بيها؟ طب جابها منين وهو كان مسافر وقتها؟

فضلت تقرأها وتدمع وهى بتفتكر الماضي. سمعت صوت برا، طبقت الورقه بسرعه وسابتها مكانها ودخلت الحمام. يوسف دخل ملقهاش، عرف انها فى الحمام. غير هدومه وقعد على السرير. هى خرجت بعد شويه. "يوسف.. كلمتى مامتك؟ "ليال.. ايوه" يوسف قام راح عندها. "مالك في حاجه؟ "ليال.. لا مفيش" يوسف بص في عينها. "امال معيطه ليه؟ "ليال.. ماما وحشتني بس" "يوسف.. خلاص نروح لها بكرا متزعليش" ليال ابتسمت علي حنيته اللي متغيرتش من وهو صغير.

وخرجت البلكونه قعدت. هو خرج بعدها وراح نام على رجلها. هى اتفاجأت. "يوسف.. انا مخنوق اوى" "ليال.. من ايه؟ "يوسف.. من الماضي، كل ما افتكر ملك بزعل اوى وبحس ان انا السبب في كل ده، نفسي كانت تفضل معايا وجمبى العمر كله" "ليال بحزن.. وانت مشيت ليه وسبتها؟ "يوسف.. كنت مضطر عشان دراستى بس ندمت بعدها انى مشيت" "ليال.. محاولتش تدور عليها لما رجعت؟

"يوسف.. حاولت كتير بس مفيش فايده، ولسه لغاية دلوقتي بحلم باليوم اللي هشوفها فيه تاني. انا قلبى بيوجعني اوى وهى وحشتني بشكل متتخليهوش" ليال نفسها تحضنه وتقوله انا هى ملك بس مقدرتش. "ليال عينيها رغرغت بالدموع.. كنت بتحبها؟ "يوسف فى دمعه نزلت من عينه.. ايوا، ومش عارف امتى وازاى بس لما كان حد بيكلمها كنت بتضايق ولما اروح المدرسه كانت بتوحشنى. انا كبرت وهى كبرت معايا فى احلامي حتى وهى مش موجوده"

ليال حطت ايدها علي وشه ومسحت دموعه. هو حس بشعور غريب بس في نفس الوقت دموعها نزلت. يوسف قام من علي رجلها. "انتى بتعيطي ليه؟ "ليال.. تخيلت نفسي مكانك وانى حبيت حد واختفي من حياتي" "يوسف.. شعور صعب اوى، مش عارف انا ازاى حكيتلك حاجه زى دى كانت ممكن تضايقك" "ليال مسحت دموعها.. ههه لا عادي، كده كده انا مش بحبك ولا انت بتحبني، صحاب وخلاص بس مي ايه نظامنا؟ "يوسف.. يعني صحاب برضو؟ ارتباطنا فتره كده وبعدين قولنا خلينا صحاب"

"ليال.. اممم ماشى" "يوسف.. متأكده انك مش بتحبيني 😉" "ليال.. هاها دمك خفيف، هحبك على ايه يعني ☹️" "يوسف.. يمكن عشان وسيم مثلا؟ "ليال.. ربنا يشفيك" "يوسف.. طب ايه؟ "ليال.. ايه؟ "يوسف.. السرير ده هتفضلى تنامى عليه لوحدك كتير؟ مش احنا متجوزين وكده يعني" "ليال.. خلاص نام عليه انت وانا على الكنبه" وقامت دخلت. "يوسف.. قفوشه اوى" ………………………. تاني يوم "اميره.. آه والله الخطوبه بعد 3 ايام"

"ليال.. بجد فرحت اوي، الف مبروك ياقلبي" "اميره.. الله يبارك فيكي ياحبيبتي، متتاخريش هاا" "ليال.. ان شاءلله، يلا بوسات امووواه😘" يوسف دخل وهى بتبوس الفون. "يوسف.. يابخته 🤤" ليال بصتله بقرف. "ليال.. رخمه" "يوسف.. يعني بتبوسي الفون ومستخسره فيا بوسه 🥺" "ليال.. انا جاهزه يلا عشان نروح لماما" يوسف سكت شويه وابتسم. "يوسف.. ماهو عشان نروح لماما هتدينى بوسه" "ليال.. يوووه بطل رخامه يا يوسف يلا بقي" يوسف قعد على الكرسي.

"يوسف.. مش بكرر كلامي" "ليال.. هروح لوحدي" "يوسف.. ابقي قابلينى لو جدو وافق" ليال رمت الشنطه على السرير. "ليال.. خلاص مش عايزة اروح" "يوسف.. براحتك 🤷‍♀️ انا خارج انا عايزة حاجه من بره" ليال دبدبت في الارض بعصبيه وراحت جرى نطت فوقه وخنقته. "ليال.. هتودينى ولا لأ؟ "يوسف.. هتخنقي يابنت المجانين ابعدى اااه" "ليال.. هااا" يوسف زقها من فوقه، وقعت على الارض. "ليال.. ااي ظهرى" يوسف نزل على الارض وقرب منها.

"يوسف.. سلامة ظهرك ياقلبي" ليال خبطته في صدره. "ليال.. ابعد يا غبي" "يوسف.. هاتى بقي عشان اخرجك بسرعه هاا" "ليال.. بعينك يلا امشي مش هخرج انا" يوسف ضحك عليها. "يوسف.. بكرا بيقي بمزاجك بس ماشى، سلام بقا عشان متأخرش على ميووش😌" "ليال.. متخلف وغبي ورخم وو" …………………………….. "مى.. اتأخرت ليه الاكل بردي" "يوسف.. الطريق كان زحمه" مى ابتسمت وحضنته. "مى.. ولا يهمك ياحبيبي يلا اقعد" اكلوا سوا وفضلوا يتكلموا. "مى.. تيجي نشوف فيلم؟

"يوسف.. اشطا" "مى.. هجيب حاجه نشربها" قعدوا شافوا الفيلم وكانوا بيهزروا ويضحكوا. "يوسف.. انا شايف كل حاجه صفرا ههه" "مى.. احلى مسا عليكي يا صفراا" "يوسف.. هههه احنا تقلنا في الشرب ولا ايه" الوقت اتأخر وهو مرجعش وليال كانت لسه صاحيه. الباب خبط، فكرت هو قامت تفتح. "فايزه.. مساء الخير ياحبيبتي اسفه على الازعاج" "ليال.. مساء النور ياماما، ازعاج ايه بس اتفضلى" "فايزه.. يوسف رجع، اصل كان خارج وانا تحت وقلت مش عارفه انام"

"ليال.. ها ااه اه رجع من شويه، هى بياخد دش نامى انتى متقلقيش عليه" "فايزه.. طيب الحمدلله تصبحي على خير" "ليال.. وانتى من اهله" دخلت وقفلت الباب. "ليال.. اووف وبعدين معاك كل ده فين؟ فضلت مستنيه مجاش برضو. رنت مره مردش. "مى.. سيبك من الفون دلوقتي اللقطه دى جامده" "يوسف.. آه عارف، لما هتنزل من الشباك وهو هيشوفه" ليال فضلت ترن وقلقت عليهم. مى خدت الفون. "مى.. هرد انا" يوسف كان سكران ومش فايق. "مى.. تمام تمام 😴"

"ليال.. الوو يوسف انت فين؟ سمعت صوت بنت بترد عليها.